[ Tawng letin ]

Kum 2006 khan China President Hu Jintao chuan India a tlawh a,hun rei tak ram hruaitute inthlawhpawh tawn tawh lo ram an ni a.Hetia China President in India a lo tlawh khan,inthianthatna tur atan a tangkai thil tam tak,thuthlung an ziak a,chung zinga mi chu,kum 5 chhung ram pahnih te,thalai in tlawhtawn hi a ni.

Hemi tihhlawhtlinna atan hian,India sorkar chuan kum 2006 kum tawp lam khan,state hrang hrang a thalai te lawrkhawm in,china ram tlawh in alo tir tawh a.Khami tuma khan ahruaitute zingah khan kan thianpa/unaupa Pu.Vawna IFS chu a tel ve nghen nghe a.Kan awmna KM pawh an lo kal ve avangin kan inhmu zuai a.Tin hemi tum hian Mizo tlangval pakhat pawh a tel ve a ni awm e.Hmun dangah an kal avangin a ni nen chuan kan in hmu hman ta lova.

Tichuan,China lam hian,nikum 2007 Nov thla tawp lam khan Thalai 100 rual vel an rawn tir ve ta a.Heng rawn kal te pawh hi,province hrang hrang a mite an ni hlawm.Ani hian India ram state pathum Hyderadad,N.Delhi & Mizoram.State dang tlawh tur tam tak zinga,Mizoram thlawh zinga kan tle ve hi thil lawmawm tak pakhat a ni ngei mai.

Pu.Vawna hmalakna pakhat te pawh ani mai awm e ka ti,ka la zawt chiah lo nangin!

Mizorama lokal te hi,Sports&Youth Services Dept.ten alo buaipui an tum a,anni hian hneh tak maiin an lo dawngsawng a,thawktute an fakawm hle mai.

Tin,kei leh ka China Mizo thiante,Nunui,Mahruaii & Remi te nen,Sport &Youth services,Director Pu.Zoliana sawmna avangin,an Tawngte lo lehsakin kan lo buaipui ve a.Kan tan pawh experiance tha tak a ni.Mahni ram ngei a,Chinese tawng Mizo tawng a han leh vel chu,thiam lo teh mahila nuam ve tak a ni.:) An lothlen hlim hian Lengpui Airport kawt zawl ah an mahni lo lawmna hun hmanga ni a,Art & Culture Dept.atangin lamthiam rual ten Khuallam nen thiam tak mai in khual an lo chhawn a,Chinese thalai ten hmuh nuam an tiin.

Ramdang a kal pawh kan ang lovin,kan mikhual lo,India ram a kal kan ang lo ,Yunnan Province vela kal kan ang an ti a,nuam an ti in an hlim hle a.

Zanlamah Chief Minister in Zanriah a buatsaih sak a,he hunah hian “Cultural Exchange Prog” a hun hman a ni a.Kan Mizo thalai lamin,induan,Cheraw,insuknawr etc..te an en tir a.Chinese lamin zai leh lam an entir bawk a.Kan hlim tlang hle!

Kan CM pawh thu a sawi a,a sawi rei deuh tih mai lo chu a sawi ngaihnawm viau ve!Kha hun atan a tangkai tak chu ani em phei chu ka hre lem law!A ngaihnawm e! An rammut lai atanga tanin,China ram an tlawh vel thu te,chutih lai chuan Chinese nula te hian,Mizo hla thenkhat chu an sak thiamthute, a sawi kim khawp mai! Kan PU nge nge ! :)Tin keini,Tawnglettu ho pawh kan phu lovin min dah VIP ve a,keiphei chu kan veng te a hlat deuh avangin Car pakhat min hman tir tawp a,nuam ve khawp mai :D)