Chhurbura roh em em; Nahaia'n neihsak phet a tum!

Travel

Chiangmai: Thailand -Part-2

Vawiin kan kal kual ve naa, nau pawm chhunga ka hmeh kual vel hi vawm bei leh ta phawt mai ila! 🙂

massage hi lar hle

performance an lo nei a

entu mipui

hetianga chuan/khalh hi har reuh viau in ka ring...mahse, a nawm hmel reuh bawk si

kawn lun lai

tuk tuk an ti a, auto rickshaw ang deuh ani. mahse, tuk tuk hi a chak zawk a, chuan pawh a nuam zawk :-)

Tuk- Tuk an ti a, auto rickshaw ang deuh ani. mahse, 'tuk tuk' hi a chak zawk a, chuan pawh a nuam zawk 🙂

2nd-hand lehkhabu zawrhna ka tlawh zuai, lei duh ka van ngah tak emmmm 🙂

kan thlenna guest house hi dah ve re re ang

 


Chiangmai : Thailand

Chiangmai hi Thailand khawpui lian pakhat ani. Tourist an tam hle. An street food a tui hle. Pherh an tam hle. Buddhist temple a tam hle. Motor cycle a tam hle. Nimin leh vawiin a kawng kal paha ka hmeh ho hi vawm kai leh mai mai ang ! 🙂

Kawng pui kam maiah 7th Day biakin

Bhuddhist temple hlui tawh tak pawh kawngpui kam maiah a awm

Kebab- arsa hem hmin

a hnawk ve tho mai

temple tam khawp mai

Hei hi a khua a har hmel e mai...tlangval hovin lo hnem teh u 🙂

 


Paihper leh Khuang : Vietnam

Hmanni khan Vietnam  ka va zinnaah paihper leh khuang bazara an lo zuar hi ka hmu a. Vietnam ho nen hian kan inang viau va, a Vietnamese tak nilo; tribal ho hi kan ang lehzual bawk.

Paihper

Paihper ni ngeiin ka hria

Khuang

Khuang

Khuang chi hrang hrang hi SE Asia-ah hian nei an tam hle a, mahse a kaih dan hi a dang teuh va.Hei erawh hi chu Mizo khuang te nen pawn a inhnaih ve viau hmel !


Mi te park

Kunming Yunnan Province, khaw pawn deuhvah hian, mi te ( dwarf ) park a awm a. Province hrang hrang a mi te; sawm 90 vel an cheng. Mi te ho eizawnna siam sakna chi khat atana siam ani a. He park tlawhtu te tan hian zai te, qigong, lam leh an thiam thil chi hrang hrangte an lo en tir thin. He park a luhman hi, 80 rmb ( Rs. 600 vel ) ani. He park a cheng leh thawk mi te te hian thlakhatah; 1000 Rmb (Rs.7000 vel ) an hlawh ani awm e.

He park an siam tirh khan, human rights lam atanga sawichhiatna atawk nasa viau. A dikna chen a awm mai thei. Tawng mawi lo ni suh se, mi piansualna, pianphunga an rualban tawk lohna tlir tura mi tam tak han punkhawm chu engngemaw zawng tak chuan thil nuam ani lo. Chutihrual erawh chuan, pianphung arual ban pangngai pawn, thlakhata 1000 rmb hlawh pha lo hi China-ah hian atam zawk an ni lawi si. Tih luihna a dah an ni lova, anmahni duhthlannaa awm an ni.


China a Miao khaw lian ber

Xijiang khua hi China a Miao ( Hmong – Thailand, Laos, Vietnam ) khaw lian ber ani a, in sangkhat vel a awm a; mihring 6000 bawr vel an cheng. Guizhou Province, Qiandong nan Miao and Dong prefecture a awm ani.

Kan khua atangin bus in 45 mins vel tlan ani. Heng kan khaw bul hnaia hmun hmingthang ang chite hi mikhual kan neih hi remchangah hmangin  kan tlawhpui thin a. Kar hmasa khan ka thianpa Jim Panmei alo zin hlauhva, zankhat riakin he khuaah hian kan va zin a. Khua atha lova, chhum a zing deuh chek reng a, ruah phingphisiau a sur deuh reng bawk nen—zan kan riah chhan ber pakhat;  ‘an khaw night scene’ paw’n duhthu asam chiah lo!

He khua tlawh man hi 100 RMB ani a, zirlai tan aman chanve ani a, tarte tan 60% -in atlawm bawk. Khaw chhungah hian Guest House  tam tak a awm a, khum pakhat 30-40 RMB ani tlangpui.

Xijiang Miao village

Xijiang Miao

Miao village

Xijiang MiaoA khaw hmun laili lai berah hian tualzawl an siam a. Tlawhtute tan an hnam lamte, an hnam music leh zaite an lo entir thin.

Xijiang miao

Tarte paw'n an hnam hla an rawn sa a

Xijiang Village

Ennawm entirna tualzawl

Xijiang Miao villageAn khua a light awm zawng  zawng hi, khaw thim hnuah an ti eng thin.

Xijiang King guest houseKan thlenna hi Xijiang khaw Lal   guest house ani. Khum pakhat hi 30 Rmb ani. Atlawm khawp mai. Miao traditional house; thing in ani a, a bang, a chhuat leh arel zawng zawng pawh thing vek ani.


Tlawh ngai loh khua tlawhin

Chanchin Tha-in ala thlen ngai lohna khua leh hnam zinga rawngbawl hi, Pathian rawngbawl tura ka inpek chhan ani a; he rama ka kal chhan  pawh  ani. Chutiang khua chu khaw sang tam tak ala awm. Rawngbawltute chu sawi loh, zin veivak tak ngial pawhin an tlawh loh khua hi ka awmna thin Yunnan province-ah pawh khan ala tam khawp mai.

 Khawpui lian emaw tourist hmun deuh anih loh phei chuan, forener awm phal lohna khua hi atam zawk an ni. Hengte avang hian, thingtlang lama rawngbawlna —la hre ngai miahlote ( unreached ) zinga rawngbawlna hi a sawt tur ang pawhin asawt thei lo fo.

Thingtlang lama rawngbawlna kalpuite pawn, khawpui atangin kan ralsai ani deuh ber mai. Rawngbawlna hmanrua atan pawn a remchang chang kan hman atul a.  Chung zingah chuan, thingtlang sikul-te thawhpui asiam a; an phal chuan saptawng zirtirna angte kan ti thei tawk a. Hetianga contact neitura — ‘an rin ngam forenner’ ni tura beih chhung pawh hi arei duh fu thin ! Khaw thenkhatah phei chuan, forener lam kaihhnawih thil anih vang hrim hrim a engahmah a min ngai duh lotute pawh an awm fo.

An in hawn deuh hnua a khaw mi tam zawkte nen a inlaichhina tha nei thei tura hmalak pawh kan kalphung ani thin. Hmanhmawh theih ani lo.

Kan khaw target pakhat hi, KM-atangin train darkar 3 kan kal hnuah, motorte chiin darkar hnih kan kal phawt a; chuta tang chuan kein kan kal thin a. Motor thlen tawp atangin kilometer 10 vel ani. Chu khua, America-a kohhran pakhat thalai ; outreach team te nena  kan kalna chu tlem ka’n tarlang a nge.

VillageMotor thlen tawp atangin, keiin kan kal tan a

VillageKawrte dai kai turte pawh akhat tawkin a awm

ThingtlangKan kal hma niin ruah a sur nasa a, kawng tum ho chu a nalin kal aharsa khawp mai.

Thingtlang kawng

Leilet te kan kal tlang bawk a. Kan thalai kapuite hi thingtlang pawh la kal ngai lote an ni nawk a, kan kal rei kher mai.

Kalkawng

Thingtlang sikul

He khuaah hian karkhat kan cham a,  sikulah Summer Camp tiin, saptawng, thawnthu awmze nei , art & craft leh infiamna te kan neihpui a. Zan lamah chhungkaw thenkhatte kan tlawh a kan inkawmkhawm a. An khaw chanchinte leh an hnam culture tam takte sawihona kan nei thei bawk.


Thingtlang naupang tuicheng

Ka zinna thin thingtlang khaw pakhat kiangah hian lui hi dam deuh hian a luang a. Nipui ah chuan naupang ten tui chen nan an hmang nasa thei hle !

Swimming

river

Kan naupan laia, Ram ri lui vel a kan tui chen thinlai te pawh min ngaihtir rum rum e !