Chhurbura roh em em; Nahaia'n neihsak phet a tum!

Mizo Sermon

A Thi Hlen lo!

Kristian chhungkaw pangngai apiang leh seilian tan chuan, Good Friday leh  Easter Sunday te hi thil thar ani lo. Khawthlang ram lamah chuan holiday pakhat pawimawh tak ani ta deuh ber mai a. Easter egg te, easter cake  tihte chuan  Easter kan hman chhan tak; Isua kan tan a thiha athawhlehna ni ani tih reng hre lo apui an tam ta a. Super market  te lahin, easter denchhenin inhralh nawm nan an thil zawrhte an ti tlawm rawk rawk a. Easter kan hman chhan ber Isua  aiin easter cake te a lar zawk ta.

Hetiang dinhmun hi kan ramah hian la thleng em lovin lang mahse; kan hlat lutuk tawh lovin alang. Krsitianna hi kan hnam culture pakhat a nih tawh tlat avangin, Isua thihna leh thawhlehna te pawn kan nun-ah thu a sawi ring tak tak thei ta lova;  serh leh sang pakhat ve mai ani tan ta deuh der mai!

Easter egg leh Lal Isuan kan tan a tawrhna leh min chhandamna hian in zawmna reng a nei lo.Khawvelin kan kristian hun hlu min tihhmelhem sakna hmanrua mai ani.

 

Kristian tan Isua thawhlehna hi pawimawh berte zinga ami ani. Tirhkoh Paula’n alo sawi ang in, ‘ Krista kha thlan atangin tho leh ta lo se, a thu kan hril leh kan rin hian engmah awmzia anei lovang’ (cf: 1 Korin 15 ) tiin. Pathian thi ring kan ni mai dawn tihna anih chu!

Isua kha a tho leh  lo ani, tia zirtirna theh darhtute an awm thin. Messiah anih pawm duh tlat lo tute, Jews ho ngei pawn an phah lo. Nimahsela, A zirtirte ruk bohvah an puh ta hram  zawk a nih kha. Isua thlan kha Rom sipai ten an veng tlat a, Isua zirtir mi dawih zep em em maite khan an ruk bo hi a rinawm lem lo.

A in lar :

 

1)      Jerusalem leh achhehvel-ah :

  @  Mary Makdalene hnenah :  Johana20:11-18

 @  Peter ahnenah :  Luka 24:34

Zirtir sawm-te hnenah :  Luka 24:36-43; Johana 20:19-25

Zirtir sawm leh pakhat leh Thom ate hnenah:  Johana 20: 26-29

Vana a lawn lai hmutute:  Luka 24:50-53; Thirhkohte Thiltih1:4-12

2)      Emau daia mi pahnih hnenah :  Luka 24: 13-35

3)      Galili –ah :  Matthaia28: 16-20; Johana 21:1-24

4)      Mipui 500 hnenah :  1 Korin 15:6

5)      Jakoba leh thuhriltute hmaah :  1 Korin 15:7

6)      Paula hnenah, Damascus-ah :   ThirhkohteThiltih9:1-6; 18,9,10,22:1-8,23:11,26:12-18,1Korin 15:8

 

Kan sualte ngaihdam anih theih nan Isua chu thlan atangin thihna hnehin a tho leh a, chu athawhlehna chu mi zawng zawng tan ani. Kan ringtu nun-ah hian tute pawn Lalpa thilmak ( miracle ) min tihsak kan beisei thin. Kan ngen a, kan dil tlut tlut thin a; kan beisei ang leh kan tum dana a lo thlen lohvin Pathian hnenah kan vui hial thin. Nimahsela, khawvel-ah hian Isuan min CHHANDAMNA  aia thilmak  ( miracle ) hi a awm lo.

Lal Isuan min chhandamna – a thihna leh thawhlehna piah lama thilmak-danglam bik leh thlarau danglam beiseina hian awmzia anei lo. Chu Chhandamna chu a ring apiangte tan ani a, thlei bik leh thliar bik anei lova.

Thawhlehna Nun tawmpui tawhte chu, Lal Isuaah mi thar, mithianghlim Krista-ah an lo ni tawh zawk  thin. An nunte chu an tana thi a tho leh atan an hlan tawh zawk a, Beisei-na nei tawh lo ten beiseina thar an lo neih phah ta thin.

Hlimna thar an char a, chung an hlimna leh lawmna te chu he khawvel a thil-ah te ni tawh lovin, Chatuana  Isua zara an nun thuhruk zawk ah chuan an lo nghat tawh zawk ani.

Nun thar an nei tawh avangin harsatna leh manganna ten a kiansan ta tihna ani lova. Harsatna leh manganna karah pawh, an nun chelhding tu Lal Isua an en tlat thin avangin, harsatna leh lungngaihna te chuan an nunah rorel tir lovin, chungte chu hmasawnna leh nun tam zawk neih nan an lo hmang ta thin zawk alo ni.

EASTER awmzia dik tak hian I nunah engnge awmzia  a neih le?

Lal Isua  I tana nuna hlanna hun angin nge I hriat a, kristian sakhaw tihdan phung a, serh leh sang pakhat ve mai?

Kan sualte avangin khenbeh ani a, thihna thlan khur thim tak chu dai tlangin, thihna hnehin a tho leh ta!

AMEN !

A nulat laia ka bialnu thin 🙂 Carrie Underwood in; Girls’ Night Out, zirtawpni kalta ( Ni 22 ) a, Country hla sa hmeichhe tana an concert an buatsaih a; Zaithiam tam tak hmaa asak a: “How Great Thou Earth ” a sak hi i ngaithla ho teh ang u. A aw thiang mawi em em mai hi ngaihthlak nin avan har thin tak em! A kar laka, Vince Gill in tingtang mawi tak mai a an zut dalh dalh mai te nen hian avan in rem leh zel em! 🙂



I Nunin Lalpa chawimawi rawh

Mahatma Gandhi chuan,” Kristian- te hian Baibula Isua zirtirna  hi zawmin nunpui se chuan; India ram hi Kristian ram ani tawh ang” tiin alo sawi tawh a.  Ngaihtuah ati thui khawp mai !

I sawi te Nun pui rawh :

Kristian lo tam tak ten Kristian nih an duhlohna chhan fo chu; Kristian Nun an en a, danglamna leh an nuna entawntlak an hmuh loh thin vang a ni. Thu tha tak tak kan sawite kan nunpui  thin loh  avang hian Kristian nihte, kohhrana in hman te an chak lo fo thin.

Mizo zingah pawh kan sawi fo thin, ” Kan thenawm kohhran upa hi vanram a kai chuan kei chu chhawng sarihnaah ka awm ang ” inkhawm ngai miah lo pawn ati bawng bawng ngam tlat. Kan biakin nun leh kan tualzal nun a danglam tlat thin !preachinghelp.org

Mihlim-nu pakhat, inkhawm leh lam peih em em mai chu, an pa zurui reng mai chuan,” Kan nu hi biakinah hian pem mai se atha ang. Biakinah hian a hlimin, alam reng thei a. In-ah erawh a phunin a ang reng mai a; thinrimna tur ringawt azawng a ” tiin.

Kristian tha / Ringtu tha nih hi, kan inkhawm tamah leh kan thawhlawm thawh tamah te a innghat ber lova. Kohhran committee peng hrang hranga kan tel tam-ah leh, sande sikul ka kai hnemah te a in nghat ber lo.

Keini ringtute hi kan nunin belhchian adawl tur ani a, belhchian ngam kan ni bawk tur ani.  Inkawm peih em em si, kohhran thiltih a a kulataia in hmang si te nunah hian miin engengmaw kawngtala danglamna leh ei tur an hmuh loh chuan kan Ringtu Nun hi kan fiah ngam tur ani ang.

Kan testamony hi, kan chenpui, kan hnathawhpui ten sawi rawh se!

 

Thlarau Hruai Ringtu :

Thlarau hruai han tih avang hian, lam bing bi let a, inlarna te hmu chuaih chuaih lam ani ngawt lova. Tawnghriatlohva tawng a, pulpit tlang atanga thu tha tak tak sawi ani ngawt lova.

Lal Isua nei tawh tak tak chu nitinin thlarau hruai ani nghal phawt a. Chuvang chuan a hnathawhnaah — ringlomite zingah pawh rinawm takin Krista Nun mawi alan chhuahtir tawh mai a. A rinawm a, a nelawm a, a insumthei a, a dawhthei a — Thlarau rah Galatia Bung 5 a kan hmuh kha a nunah Lapa tanpuinain alo lang chhuak mai thin. Kristian tak tak leh tak tak lo chu , ‘arah-ah‘ kan hre mai ani.

 

Nunin Hril Zawk se :

Scotish thusawitu ropui, Alexander Mc Laren chuan, ”  Bibul an chhiar ngun aiin kan nun hi an chhiar ngun zawk ” alo ti. Kan chetzia leh kan nitin nun te, ringtu nive loten min thilr reng avangin; kan nun kan ulukin kan fimkhur tur ani.Tirhkoh Peter-a pawh khan a ngaipawimawh hle a:

I Peter Bung 2:11- ah chuan, ” Jentailte,  ringlomite zinga in chetzia chu mawi tak ni rawh se, chutichuan thil tisualtute anga an sawichhiat che u kawngah chuan in thil tihthat an hmuhte avangin fanin an awm hunah chuan Pathian an chawimawi thei ang. [ italic added ]

Kan nitin nunah Krista Nun mawi kan lan chhuahtir chuan, ringlomite pawn Chhandamna hial pawh an lo chhang thei dawn ani.

Misawnari pakhat chu thingtlangah; hnam pakhat zingah misawnari tura tirh ani a. Kum 10 hnuah pawh an tawngin Pathian thu asawi thei lova. Tumah Kristianah a siam lo. Sum leh paia chhawmtu leh thawnchhuaktu pawl te chuan, Misawnari hlawhchham tiin an kokir a.

A aia lehkhathiam zawk an tir leh ta a. Ani chuan an tawngte pawh kum 2 chhungin a thiam thuai a. Zankhat chu, Isua film an khaw tual zawlah a chhuah a.  Khua ami zawng zawng chuan ngun takin an en a.

 

“He film-a in hmuh Isua hi, in PATHIAN, Lal leh CHHANDAMTU atana in actions-speak-louder-than-wordspawm duh anih chuan in thuthmunah khan lo ding chhuak ru ” tiin sawmna a siam ta a. An zavai chuan an ding ta vek mai a! Misawnari chuan awih har a ti kher mai. Misawnari awm hmasa zawk khan kum 10 chhung pawn Kristianah pakhat mah asiam thei lo kha ani si a.

 

Mipui lo pungkhawm hnenah chuan, ” Zanina in thutlukna siam hi apawimawh ania, ngun takin ngaihtuah rawh u khai. ” ati nawn leh a. Mipui ho chuan, ” Zanina LAL ISUA, film a kan hmuh hi, kum 10 chhung kan zingah alo chheng tawh thin alawm ” tiin an chhang a .

Misawnari hlawhchham ni a miten an ngaih thawhrah kha a seng ve chauh zawk alo ni !  An tawngin Isua chanchin hrilh thei lo mahse, a NUNIN Lal Isua chanchin Tha chu ril takin alo puang ani si a.

 

Hawh u, Keini ringtute hian; kan hnathawhna hmunahte, kan lehkha zirna hmunah te, sumdawnna hmunah te — Thu a Lal Isua hming kan sawi thei lo  anih pawhin; kan NUN in i chawmawi zel ang u.

I nunin Lalpa a chawimawi em le ?