Chhurbura roh em em; Nahaia'n neihsak phet a tum!

China

China a Miao khaw lian ber

Xijiang khua hi China a Miao ( Hmong – Thailand, Laos, Vietnam ) khaw lian ber ani a, in sangkhat vel a awm a; mihring 6000 bawr vel an cheng. Guizhou Province, Qiandong nan Miao and Dong prefecture a awm ani.

Kan khua atangin bus in 45 mins vel tlan ani. Heng kan khaw bul hnaia hmun hmingthang ang chite hi mikhual kan neih hi remchangah hmangin  kan tlawhpui thin a. Kar hmasa khan ka thianpa Jim Panmei alo zin hlauhva, zankhat riakin he khuaah hian kan va zin a. Khua atha lova, chhum a zing deuh chek reng a, ruah phingphisiau a sur deuh reng bawk nen—zan kan riah chhan ber pakhat;  ‘an khaw night scene’ paw’n duhthu asam chiah lo!

He khua tlawh man hi 100 RMB ani a, zirlai tan aman chanve ani a, tarte tan 60% -in atlawm bawk. Khaw chhungah hian Guest House  tam tak a awm a, khum pakhat 30-40 RMB ani tlangpui.

Xijiang Miao village

Xijiang Miao

Miao village

Xijiang MiaoA khaw hmun laili lai berah hian tualzawl an siam a. Tlawhtute tan an hnam lamte, an hnam music leh zaite an lo entir thin.

Xijiang miao

Tarte paw'n an hnam hla an rawn sa a

Xijiang Village

Ennawm entirna tualzawl

Xijiang Miao villageAn khua a light awm zawng  zawng hi, khaw thim hnuah an ti eng thin.

Xijiang King guest houseKan thlenna hi Xijiang khaw Lal   guest house ani. Khum pakhat hi 30 Rmb ani. Atlawm khawp mai. Miao traditional house; thing in ani a, a bang, a chhuat leh arel zawng zawng pawh thing vek ani.


Night Photography

Vawiin tlai ka ‘walk’ -na lama ka thlalak tlem kan tarlang a nge. Kan khaw tawn tirhah hian, park lian vak lo an siam thar a, a bul vela lei leh pavilion an sakte pawh an cheimawi khawp mai.

Kaili GuizhouKaili Guizhou

Kaili Guizhou

PavilionThlalak hi, post -na column a leng tawk turin a insawhmuk a; a fiah lutuk lo deuh mai thei. Thlalak hi clik la a fiah deuh vang.


Zan thlalak : Kunming

Nau neia Kunming kan cham chhung khan, tlai leh zingah helai park ah hian ka tlan thin a. Timthetthet bawr-ah hian, achhehvel hi a engmawi thei viau maia. Ka camera nen tlai khat chu ka thawkchhuak a, k ahmeh thiam ang angin ka hmet ve pawp pawp a. Kut hau ngawt a lak chuan a lo fiah tha duh lo angreng khawp mai.

Kunming

Kunming park

kunming park


Thingtlang naupang tuicheng

Ka zinna thin thingtlang khaw pakhat kiangah hian lui hi dam deuh hian a luang a. Nipui ah chuan naupang ten tui chen nan an hmang nasa thei hle !

Swimming

river

Kan naupan laia, Ram ri lui vel a kan tui chen thinlai te pawh min ngaihtir rum rum e !



English Newspaper Reading Competition

Zanin khan kan awmna khua a, Health And Nursing ( Wei Xiao ) College English Dept. chuan;  English Newspaper Reading Competition an buatsaih a. A hminga, forener niha saptawngte lo thiam ve sawih sawih takah chuan; judge tur hian min rawn sawm ve leh mial thin a. Wei Xiao- hian nikum lam khan kan nupain min rawn sawm tawh bawk. Tun tumah pawh min rawn sawm ve leh a;  zirlai 14 te he intihsiaknaah hian an tel.

College / University puitling ani lova, higher secondary kan tih ang te pawh ani mai ang chu. High school an zawh hua ‘ vocatioanal nursing ‘ —kum2 chhung zirtheih na ani a. Zirlai tam zawkte hi kan khaw hnaia thingtlang khaw te ve tak tak atanga rawn kalte an ni tlangpui.

Endiktute hi Wei Xiao a English zirtirtu pa 5 leh kei kan ni. Article tawi an chhiar atangin endikna hi teh ani. Kan tehfungte chu : Lam dik, nal leh zawhna judge-ten an zawh chhang thatah te ani.

Thupuangtute

Tihian an chhiar laiin judge te hmuh theih tura tihlan ani bawk

Pakhatna

Chinese hian English thiam pawimawhzia hi an hreve tial tiala, khawpuiah phei chuan naupang te an nih lai tangin an nu leh paten theih tawp an chhuahpui a, sikula an zir mai bakah; tution te hial la in an bei nasa tawh hle.

University leh College zirlai tam takah pawh thiam tumin an bei nasa hle a, crazy english tih te, english corner —saptawng a inkawmkhawmnate chu school leh University -ah chuan an nei deuh zel.

China TV Station lian ber CCTv International pawn kumtinin; ram pum huap: English Speaking Contest a buatsaih thin.

A hnuaia video hi mipa tel awmchhun, article chhiar lai ani. Ngaihthlak chik a ngai viau mai thei  🙂

Video pakhat dang, judge zawhna zawt lai upload mek ani  🙂

Judge-ten zawhna pahnih an zawt thei a.

Judge zawhna a hrethiam lo tlat mai.


Burning Fake Chinese Money

Chinese ho hian puithuna chi hrang hrang hrang an uar hle. Malsawmna leh hlawhtlinna duhin temple-ah te an kal fo thin. University zirlai zingah pawh an exam an tih that theih nan leh ngaihzawng tha tak an hmuh theih nan ten an kal fo thin. Chinese New Year lai phei hi chuan; kum thara malsawmna nasa zawk an dawn theih nan —- temple a kala inthawina hlan an uar hle. Incense leh Chinese pawisa lem : paper eng a siam an hal hluah hluah thin !

burning

temple


Khawvela Zin Vei Vak Tam Ber Lai !

Vawiin 3 Febuary hi, Lunar Calendar-ah chuan ; kum 2011 kumthar ni ani.

Chinese- hovin  kut ( festival ) hrang hrang an neih zinga an ngaih hlut ber leh ngaipawimawh ber chu ; CHUN JIE ( Spring Festival ) hi a ni. Chinese nilovina kan hriat lar  zawk dan chu CHINESE NEW YEAR tih hi ani mai awm e.

Hmun hrang hrang a hnathawk ten,  chhungkuaa he hun hi anmahni khua ngei a hman an duh thin. Hei vang hian January thlatawp leh Febuary thla tantir hi China ram chhunga zin vei vak tam ber hunlai ani. He hun hi , CHUN YUN : Spring Festival Rush tiin an sawi hial !

News thenkhatin a tarlan dan phei chuan; kum 2009 khan, ni 40 chhungin mi 2 billion chuang zin vei vak a sawi ani. Khawvela zin veivak tamlai ber ani ang an ti hial ! Atam zawkte hi mahni khaw lam pana hawngte an ni.

Train ticket hi ni 10 hmain a lei lawk theih a. Chuvang chuan,  ticket lei tur mi sang tam tak te chu train stations ah ticket chan loh hlauhvin an intlar nghek nghuk mai thin.

 

Chinese New Year

Guangzhou Rel Station a ticket leitur

Guangzhou train station

Ticket chhan loh hlauvin....

Chinese New Year

Mi pakhat chu mipui tawt lutuk boruak zo lovin a tlu a, chhuahna mai a awm silova...

Ticket chhan loh hlauh vangin thenkhat chuan an riah chilh

Thlalak lakna : http://news.163.com/photoview/3R710001/12816.html

Ka blog a lo leng lut thin zawng zawngte u : HAPPY CHINESE NEW YEAR !! 🙂