Chhurbura roh em em; Nahaia'n neihsak phet a tum!

Personal

Uisa kan hmeh

Ka zin kawngah ka thiante ka tlawh a, zanin zanriah atan uisa an lo buatsaih a; dul hmul khat phuar a kan ei chu ! 🙂

Advertisements

Tui hleuh

Tui cheng tih tur anih hmel. Mahse, tui ‘hleuh’ ka’n ti kher teh ang. Kan khuaah hian swimming pool pakhat chiah a awm a, outdoor anih avang hian  nipui tak tak lohvah chuan tui an dah ngai lo.

Tui hleuh hi nuam ka ti a, ka thiam em em chu ani hran lo. ( ui tui hleuh ang nilo) .Tui hleuh thiam leh diver ho pian hi ka pian nalh tih zawng tak mai anih avang hian tui hleuh hi nuam ka ti ve em em ringawt a ! 🙂 Insawizawina tha tak alo ni bawk nen. Kawng na, kawng kham te hian a ngeih ania aw!

Khua alum tawh bawk nen tunlai chu tui hleuh/chen anuam khawp mai! 😉

Pool

 


Kan tukverh atanga lang thei thenkhatte

Kan living room tukverh-ah ka din chuan hengte hi chiang takin ka hmu thei nghal !  Tawp mai a ! 🙂

Window

Kan thenawmte puan pho

Kan main gate lam

Kan thenawmte tukverh

Kan inchungte tui paihna dawt

Nau awm paha ka lak 🙂


Ka Pa leh Kei

Ka pa hi ka thian tha ber  pakhat ani. Tleirawl chhuah chhoh vel laiin engkim hrilh ngam nachang hrelo mahila, ka puitlin hnu chuan ka harsatna leh ka manganna ril ber te, nulat tlangval na kawnga ka thil tawnve te pawh ka hrilh vek ngam ani. Fate nen a inkawmngeih hi athil chak ber pakhat anih avangin, kan nel theih nan kan titi duhzawng leh kan tui zawngte min titi pui fo thin.

Ka pa min enkawl dana tha kan tih zual thenkhatte  :

1. Kan naupan lai atanga kan tleirawl chhuah thlengin, min inkhawmsan khat khawp mai.  Kan inkhawm pawn nu leh pate bulah lo chuan kan thu ngai lo. Chhungkuaiin kan inkawm dial mai thin.

2. Ka sual ve deuh laipawn, ka tan — karkhat  chaw nghei ten atawngtai thin. Rawngbawla ka chhuah hnu pawn, thingtlang lama kan zinchhuah dawn chuan chawnghei ten min lo tawngtai sak thin.

3.  Thla khatah vawikhat tal kan chhungkua a, luchunga kut innghat tawnin kan intawngtai thin.

4. Kan lehkha zir min mutsan ngai lo.

5. Kan tlangval ve hnuah pawh kan zan leng ho min lo nghak hram hram thin. A bik takin, kan sualve deuh lai khan; min nghak chhuak ngei ngei. A inthlahrunthlak thei hle.

6. Min thununna kawngah ka nu nen an tangrual thiam em em. Tlan tauhna, zualkona tur kan nei thei lo.

7. Kohhran, khawtlang aiin chhungkua ( keimahni ) a dah pawimawh. Kohhranah pawh, sunday sikul zirtirtu leh thusawitu anih bak thil dangah a inhman ka hre lo. Committee hran hranah, chhungkaw chhuahsan fo ai chuan tiin a tel duh ngai lo. Kan puitlin hnu chuan tlemin a inhmang ve ta deuh.

8. Mi ngaihthlak ataima. Hei vang hi aniang, chhungkua, nupa kar a harsatna neite hian an rawn kawm a, an ina leng turte pawh a an sawmve fo thin ni. Hengte pawh hi counselling lamte kan zirve deuh hnu hian alo pawimawh zia ka hrechhuakve ta zel. A thiante zu rui lo leng lut pawh hi, an harhfim thleng a titi pui peih.

9. Thlarau Nun lamah pawh, KA PA ( spiritual father ) ani zel bawk. Ka pianthar tirh a, ka’n tui over em em lai pawha dawhthei taka Pathian Thu hmanga min kaihruaitu leh min zilh tu ber ani. Ka pa aia Pathian thu sawipui nuam tih hi ka nei tlem khawp mai !

10. China misawonari a ka awm  kum khat leh achanve hnuah min chawmtuten min tawp san ta thut mai a, haw leh a, chawmtu han zawn that lehte pawh kan rilruk hman a. “Karkhat tawngtaiin Pathian aw i ngaichang phawt ang u” ati a. Kar khat hnua ka pa nena chuan kan inbe leh ta a. Ka pa chuan, ” Tunkar chhung zawngin kan chhungkuain itan kan tawngtai a, tukin zing kan chhungkaw inkhawma ka thu dawn chu hei hi ani : Daniala athiante kha Pathian chuan meipui a paih lut lo khan   achhanchhuak thei, mahse, a chhanchhuak lo—-meipui zingah ani a chhanchhuah ni. Nangpawh hi, meipuihel zawng nilovin, meipui kal tlang nunin Lalpan hruai zel che aduh niin kan hria “ I lo hawnna tur pawisa kan rawn thawn dawn e, tih hriat ka lo tum tehreng nen khan !

Ka pa hi pa famkim ani lo va, lehkhathiam pawh ani lo. Pawl 8 thleng chiah lehkha zir ani a, hnasang thawk pawh ani lo. Unau 5 an ni a, kum 8 anihin anu leh pa an inthen a; achhang chiah chu a awm seilen ani deuh ber . An rethei a, lehkha pawh aduh ang chin a zir thei lo. Tunah fate kan han neive ta a, ka pa min enkawl dan ah hian vuina tur hi ka hre lova, ka fate pawh hi ka pa  min enkawl dan ang bawka enkawlve theih ngei hi ka duh ani.

Pate Ni pualin ka blog rawn tlawh thintu; PA ni mekte —chhungkua leh fa enkawlna kawngah Pathian Thu in dah pawimawh hmasak ber zel theih nan duhsakna ka hlan ache u.

* He post hi ka zin dawn avangin hmahmawh deuh taka ka ziah ani a. Shedule post-ah ka dah nghe nghe.


Jenis L Bawitlung thlah nan

Vawiin June 2. 2011- hian kan rawngbawlpui thin leh thiannu Jenis L Bawitlung chuan Kohhran dan thianghlimin pasal anei dawn a. Inneihna lamah kan kalve thei silova, blog-ah hian amah thlah nan engengemaw rilru a awmte i’n lo sawi ve mai mai teh ang !

Tunge Jenis-i ? :

Mizoram kohhran lian MBK pawhhin, komunist kulhpui luh chhuaktura an thlan nalh kha ani a, a theuneu lovang tih lo ring sa la !

Nula fel leh zamtha, kawm nuam; tih takzeta thilti thin mi anihna te, a saptawng hman dik thute leh a lam nalh thute abula awm tamte chuan an hria. Ram hla tak a awm chung pawn, chhungte ngaipawimawh thiam mi, chhungte tana hahchawlhna, thlamuanna tlak ani.

Thiamna lamah pawh mi eitling tak, M.A ( Lingusitic ) anihna te pawh hi sawilovi la, a chanchin a kim lovang.

Kan rawngbawllna min rawn hmuhpui

Rawngbawlna lamah pawh mitui tak, thahnemngaia—-hun harsa leh hlauhawmna hmunah pawh Lalpa rawngbawl thulh tum ngai lo, Lalpa tana mi rinawm  ani. Ama Newsletter ( Sep.2009 ) ngei hi i lo chhiar nawn leh teh ang u :

Ringtu ani ve ta:
Ka class pakhat a Easter lesson a ngaihthlak atangin ka student Shelly chuan Isua chanchin a hriat chian duh thu min hrilh a. Buddhist ho lekhabu a chhiar mek a, a rilru a hneh thu a sawi a. Mahse khatia Easter lesson atang khan Isua chanchin hriat chian a duh kha alo ni a. Eng sakhua mah bia a ni lova, mahse a tuihal thu leh Pathian a zawn mek thu min hrilh a. Zawhna pawh a ngah hle. Tawngtai dan te in zirtirin, thla hnih dawn inkawmna kan hman hnuah a thiante atangin ‘In-kohhran’ a inkhawmna alo zawt chhuak a, tichuan a inkhawm ve thin thu min hrilh a. Chutah chuan ka in hruai tir ve nghe nghe ani. Tichuan, summer holiday thla hnih vel hmangin mahni in lamah students ho an haw sang sang a. August thla a University a alo let leh hnuin, ka bula chen ve min dil angin ka remti a. (Cheryl leh Shelly i ka awmpui ta anih chu). Tichuan, Isua ringtu anih tawh leh tawh loh ka zawh chuan, holiday laia a chunga thil thleng vangin Isua a Lal leh chhandamtu a pawm ve tak thu min hrilh ta ani. A hlimawm duh ngei mai.

A sawi dan chuan, a hawn chhung khan a nu leh pa inthen anlo tum a, a rilru a hah em em a. Tichuan, Pathian hnenah a tawngtai ta a. “Lalpa, i awm tak tak anih chuan, ka nu leh ka pa hi inthen tir suh ang che. Ka nu leh ka pa ka titi pui ve ve anga, keimah hmangin an thinlung thlak ang che” tiin. Isuan ka tawngtai a ngaithla a, ka nu leh ka pa an inthen loh phah a, a hnathawh liau liau ani a, Isua hnung zui turin ka nun ka hlan ta ani a ti. Pathian hnathawh dan hi a ropui thin ngawt mai.

‘In-kohhran’ te min cho na:

Newsletter hmasa lama ka sawi tak la hre velo tan ka sawi lan duh pakhat chu, ka thawhpui thin American pa Baha’i sakhaw be miin an sakhuana a ina a zirtir thin chu University hotuten hriain an khap hmiah mai a. Chuta tang chuan, ka ina Baibul thu ka zirtir ve thin pawh fimkhur avangin tihtawp a ngai ta a.

Engtinnge rawngbawlna lamah hma ka lak zel ang ka tih lai mek in, Shelly in kan Uni. bul lawk a ‘in-inkhawmna’ a hmuh thu ka hre chhawm chhova. Pathianin rawngbawl zel nan kawng thatak min hawn sakah ka ruat. Tuna ka rawngbawlna pawimawh tak ni a ka dah chu, he ‘in-inkhawmna’ ah hian a tam thei ang ber zirlai te hruai a, anmahni Chainis ringtu ho bawkin an bawhzui theih nan a ni.

‘In-kohhran’ ah chuan ka inkhawm ve thin a, zirlai engemaw zat ka hruai ve ta a. Zirtawp zan ah sarmon inkhawm niin, chawlhni zingah sunday sikul an nei thin a. Inkhawm ho hi ka thawhna zirlai vek niin kum 19-23 inkar anni hlawm. A tlangpuiin mi 15 atanga 25 an inkhawm thin. Chainis irawm chhuak hla nalh tak2 an sa a, sunday sikul pawh, ‘ka naupang em mai’ ti a chhuanlam awm miah lovin, group a inthenin an in zirtir ve nawk nawk hlawm a. Zirtawp zan inkhawm ah hian thla khatah vawi 3 Z- Province a kohhran hruaitute thusawi turin an rawn zin vang vang thin bawk.

Heng ringtu inhmukhawm ho min hnehna em em chu, ‘thlarau bo man’ hna thupui bera an neih hi a ni. Isua la hre ve lo tute hnena chanchin tha hrilh a, inkhawmna a hruai hi an thupui ber a. Inkhawmna ah hmel thar an hmuhin an lawm thiam em em bawk.

Tunah pawh semester kan tan a, inkhawm ho hmasak ber tum chuan meeting an nei a. Zirlai thar ho a tam thei ang ber he in khawmna a hruai turin an in fuih a ni. Shelly i pawh chuan hma a la ve nghal char char a. Mi panga (5) vel inkhawm duh tur a hmuh thu min hrilh a. Ringtu a nihna ala reilo, mahse midang a vei ve nghal em em hi a lawmawm lehzual na ani. A tlangpuiin Chaina a hetiang kohhran ruk member ho hian ringthar siam thu ah hma an la nasa in an vei tlang em em nghal zel hi chona tha tak a tling.

Mi Thil phal :

Thlatina chawmtu mumal pawh nei mang lova ka awm lai; ka retheiha ka harsat em em lai pawha min tanpui fo tu te zing ami chu Jenis i hi ani. Pathian thu a awihna rah hi ka van tel ngun tehlul em !

Friendship :

Province khatah rawngbawl ho lo mahila, kan intawngtai sak tawn thin a. Tum khat pawh thingtlanga kan rawngbawlna min rawn hmuhpui vang vang a. Khami tumte khan asin, bus a dar kar 5, van darkar 3 kan kal hnua kea darkar 5 kal leh kha kan ni a. Kan in ak rit in, khua a chhe bawk si, kawng a  diakin  a chhengchhe bawk sia; kan Malaysian tlangval ho chau lutuk kal tha thei tawh lo te chu a chhawm a, achangin an bag te a ah sak bawk a. Mizo hmeichhe chawimawitu ani.

Malaysian tlangval ho pawh a chhawm tha e! 🙂

Lijiang leh Shangri- La te pawh,Lzi Fanai te nen kan pathumin kan va tlawh ve tawh tak kha maw le !

Sawi sen ani lo. Engpawhnise, pasal tha tak a nei tur hi ka lawmpui a, nupa inhmangaih leh kawng engkima Lal Isua dah lal bertu an lo nih theih nan duhsakna sang ber ka hlan e!