Chhurbura roh em em; Nahaia'n neihsak phet a tum!

Mizoram

Chhinlung Sichuan Province-ah a awm an ti maw ?

Mizote hian ziak a history upa tak chhui tur kan neih loh avangin kan lo chhuahna tak leh kan thlangtlak tan na tak hi kan chiang fak hleithei lo chu ani a. Kan hriat hlat theih ber ‘CHHINLUNG’ atanga lo chhuak kan ni tih hi ani mai awm e.

Hman atang tawhin he Chhinlung hi zawn a, ngaihven a; khawi ram lamah nge a awm tih a chhui ani deuh fo tawh a. Tu’n an la hmuchhuak lem lo ani ngei ang. Nge, tih tak takin kan chhui lo zawk ? Nge , Chhinlung hi a awm lo hrim hrim zawk ?

Tunhnaiah, Rev. Lalremliana chuan, ‘ Chhinlung khua chu China ram a, Sichuan Province-ah a awm a, mi 4000 vel an cheng. Tibet hnam an ni a, sakhuana lamah chuan Bhuddist an ni ‘ a ti a. Tin, kan hnam tihdan leh culture, tawnga thil inang kan neih te a sawi lang nual bawk a. Rev. Lalremliana hian a hmun ngeiah he khua hi a tlawh anih a rinawm a. Rev. ani bawk a, a thuhriatte a rintlak turah ngai ang.

Chhinlung khua chu Sichuan Province-a a awm thu, Rev. Lalremliana’n a sawi hi; The Aizawl Post, May 5. 2012 a chhuak kha, ka thiannun a copy  chu thla la in ka chhiar ve turin min rawn thawn a. Ka rilru a luah ta reng a.

Zawhna awm thei tam tak a awmin ka hria. Rev. Lalremliana hian engtinnge, Mizo history a; Chhinlung an tih kha, Sichuan Province ami hi ani ngei tih a finfiah theih. The Aizawl Post chanchinbu, May 5 . 2012- a chhuaka a sawi  danah hi chuan, kan tawng in an thute, tap a lungthu pathum an hman thute, khawkrawk tih tawngkam an hman ve thute leh di leh dap an hmanve thuute atarlang a. Heng hi  Mizo thlangthla bang an ni e, tih nana  thutlukna siam nan chuan a ho lam deuhvin a hriat. Achhan chu, Yunnan Province- ah ngei pawh hian hetianga kan inanna sawi tur leh chhui dawn tur hnam hi an tam em em. Chung zingah chuan, Hani hnam te, Jingpo hnamte hi kan ang lehzual a. Jingpo hnam nen phei hi chuan kan tawng pawh inang; lam rik dan inang leh sawi thuhmun a awm nual mai !  Han chhui dawn takah chuan, Yunnan Province, China vela tribal ( minorities ) awm te, Vietnam leh Thailand ramri bawr vela awm hi chu kan in anna lai sawi tur a tam khawp mai.

Rev. Lalremliana’n , ” Thlangtla an sawi thin. An thawnthuah pawh kan thlangtlak dante hi an la nei vek a, thurochhiahte pawh an nei. Keini ( Mizo ) te hi a upa zawkah min dah, “ tia a sawi hi chu, ngaihven zui tlak leh chhui chian chakawm tak ani . Mizo historian ho tana, chiang zawk leh chipchhiar zawk a chhui duhtu tan kawng a sat zau hle mai.

” Chhinlung khua kan pi leh pu te’n doral hlauva Yalong lui mawng lama an tlawh thlakna kawngte chu a la thlur thla ruih mai a…” tiin a sawi bawk a. A sawi lunglen thlak thiam khawp mai. Heng kawngte pawh hi kan pi leh pute kawng zawh ngei ani chek ang chu maw !

Chhinlung = Sinlung ? ! A hming hi kan buaina leh kan rilru min hnehtu ber chu ani  awm e. ‘Chhin’ tih lai tak hi rang vutin an lam a, thenkhat chuan Chinlung an ti bawk a. Map lamah erawh chuan Sinlung tia ziak te pawh ani tiin a sawi bawk. Rev. Lalremliana hian, Chhinlung tih thumal hi, Chinese tawng ( Mandarin ) nge anih a, Tibetan tawng anih a sawi lem lova. Mandarin anih chuan, Chhinlung tih a, ‘CHHIN’ tih lai tak hi, Mandarin thumal anih arinawm lem loh ! Tin lo ni ta pawh nise,  Chhinlung tih khaw hming  Sichuan province-ah hian map-ah hmuh tur re re a awm lo.

 Map lamah Sinlung anti a ti a. Map ka hmuh theih chin chin kan en hian , SINLUNG tia khaw hming pu a awm bawk si lova. Sinlung tih hian Mandarin a a awmzia ahnai theih deuh thova. Tihian lo siamrem ta ila : SINLUNG tih chu XIN LONG ani thei mai em?  A awmzia chu, Xin= Thar (new ), Long = Rulpui ( Dragon ) tihna lo i ta se, Tibetan culture leh Chinese ( Han ) culture a, Dragon an ngaih ropui zia nen a khaikhinin a awmang thei deuh. Hei pawh hi a thluk dan azirin a awmzia adang leh daih thova, tin hetia Chinese tawng; Roman Script- ‘ piyin’ a ziah hi a Chinese Script ( Han Zi ) a ziah dan hmuh tel loh chuan awmze hrang daih anei leh thei bawk. Tin, Chinese tawnga thumal awmzia dik tak hre tur chuan Han Zi ( Chinese script ) kan en ngei ngei tur ani ang.

Xin Long tih pawh chu lo ni tase; Tibetan hnam ho awmna anih avangin Xin Long tia an koh chu a rinawm lem loh bawk. Anmahni Tibetan tawngin ( Tibetan hnamah pawh eng hnam ber, Kham, Amdo etc. ) he khaw ‘original’ hming hi an nei em emin a rinawm. China a tribal hnam tamtakte, chenna khaw hming hi Chinese sorkarin a thlak sak, Mandarin a dah sak khaw chhiar sen loh a awm. Hetia, khaw hming pakhat kan tawng nen a rik dan a inzul avang mai a, ani ngei e tih tawp mai hi chu pawm a harsa deuh ani. A naka ka zen kher hma chuan !

A hming chungchang pawh hi, Rev. Lalremliana hian han sawifiah thui thei deuh ta se. Tin, CHHINLUNG / SINLUNG chu Sichuan Province a, eng county, eng prefecture chhungah nge a awm tihte han sawi lang thei se chuan, chutia kan pi leh pute ; China rama la chambang awmte chu hman lo chung chung pawn kan va tlawh chhuak ve hram tur ! Tibetan sakhuain a la phuarbeh tlat an nih phei chuan, keini an tu leh fate hian Lal Isua Chhandamna hrilh chu kan bat avan ni dawn rua em !

A hnuaia mi hi The Aizawl Post a mi chu ani a, chhiar ve duh in awm tak in.

Chhinlung chuak Mizote


If We Make It Through December

Krismas a lo hnai leh ta hle mai. Aizawl velah chuan bazarah mi an zi luih luih a nga, thawmhnaw zuar  te an thawmhnaw hralh hnem loh hlauhvin an hnamhlel ang. An tan chuan an buh luhchuh ve hun lai a ni miau a !

Chhungkaw tam tak tan erawh chuan he thla hi lungngaihthla ani ang. Fate thil awh lei sak thei lo, Masi thawhlawm takngial pawh thawh tur nei lo te tan chuan he hun hi hun hlimawm ani hran lo. He hun khawvela hun hlimawm ber ni hi ni tur hi nghahhlelh a hnekin ral thuai thuai se an ti ngawt ang le.

Tunlai chu hlanghlui Merle Haggard hla, If we Make it through Becember tih hi ka rilruah a riak reng tlat mai. He hla hi kum 1973 bawr a a phuah kha a ni a, lar pawh a lar hle. Mizoramah chauh pawh ni lo; khawvel ram changkang zawkah pawh hian he hun hi an hun pui anih avangin an lo lungngaihpui ve thin tho mai.

 

If we make it through December
Everythings gonna be all right I know
It’s the coldest time of winter
And I shivver when I see the fallin snow

If we make it through December
I got plans of bein in a warmer town come summer time
Maybe even California
If we make it through December we’ll be fine

I got laid off down at the factory
And there timings not the greatest in the world
Heaven knows I been workin’ hard
I wanted Christmas to be right for daddy’s girl
Now I don’t mean to hate December
It’s meant to be the happy time of year
And why my little girl don’t understand
Why daddy can’t afford no Christmas here

If we make it through December
Everythings gonna be alright I know
It’s the coldest time of winter
And I shivver when I see the fallin’ snow

If we make it through December
I got plans of bein’ in a warmer town come summer time
Maybe even California
If we make it through December we’ll be fin

A fanu in hlim taka Krismas a hman ve theih nan rim takin factory-ah, hahthikulin a thawk, mahse a sum hlawhchhuahte lah chu a bei tham nasa mai si  a. Krismas chu ral thuai thuai se a ti ngawi ngawih mai ani ! Hetiang nu leh pa hi kan ramah pawh hian an tam ve viau awm e !


Senior Citizen’s Day

UN General Assembly-in; December 14, 1990 a— International Day of Older Persons, Oct 1 a hman thin tur  alo puan hma Kum 1989 khan China sorkar chuan, Senior Citizen’s Day chu alo hmang tawh a. Hetia official a puan anih hma pawh hian kum tam tak chu, kum upa zawkte tan he hun hi hman alo ni tawh bawk thin. Rampumah, kum upa te pualin intihhlimna leh duhsakna hunte hman thin ani.

China-in he, ‘Kum Upa- te’  puala hun ahman chhan erawh tlemin adang deuh. Vawiin ni 16 October.2010- hi Lunar calendar-ah chuan; September ni 9 ani. He ni hi Chinese ho chuan  Han Dynasty ( AD 20 ) atang tawh khan an lo lawm thin a. Chongyang jie ( Chongyang Festival ) emaw , Double Ninth Festival tiin an sawi thin a. Hemi festival hi Senior Citizen’s Day-atan Kum 1989 khan China sorakr chuan apuang ta ani.

He festival hunlai hi chrysanthemum par vul vanglai ani a. Chrysanthemum wine te, chrysanthemum thingpui te an in bawk thin a.

WHO -in a tarlan dan chuan: Tunah hian khawvel -ah tar kum 60 chin chung lam mi 600 million awm niin a sawi a. Hei hi kum 2025 -ah chuan a letin apung dawn ani ati bawk. Kum 2050 ah chuan 2 billion a kai ngei an ring bawk. Kum upa ( Tar ) tam zawkte  hi developing country a chengte an ni.

United Nations (2009). World Population Prospects, 2008 Revision -in atarlan dan chuan: Kum 2010 hian kum 60 chin chunglam chu mi 760 million niin a sawi a, chung zinga a chanve vel 414 million-te chu Asia ram a awm an ni. 166 million China-ah an awm a, 92 million-te chu India rama chengte an ni.

Atlangpuiin mipa aiin hmeichhia an dam rei zawk tawh bawk a. Putar nupui nei lo aiin, pitar pasal nei lo an tam zawk bawk.

China-ah hian pitar leh putarte hian an hun  hi an hmang hlimawm phian hian alang. Park-ah te a huhovin an lam a, an zai a, mahjong te khelin an phak ang tawkin an hun hnuhnung  lam hi an chenve thin.

Tunhma khan Mizote hian tar leh naupang hi kan ngaihsak lutuk lemlo niin alang. Kan tawngkam hman thin, ” tar pho” tihte, ‘naupangchhia’, ‘ naupangchumchiap’ tihte atang ringawt pawh hian ahriat theih awm.

Tarte leh naupangte hi kan ngaihsakin kan ngaipawimawh thiam zel tur ani. Kan dam zel anih chuan,Tar kan la nivek dawn a, kan chunga kan tu leh faten an tiha kan duh tur ang zelin  pitar leh putarte hi kan enkawl thin apawimawh khawp mai.

 


Khum Theology: Ka Inpuanna

Khum hi inchhung bungruaah chuan thilpawimawh berte zing ami ani awm e. Tuhma phei kha chuan, khum hian kan culture leh society-ah pawh hmun pawimawh tak aluah atih theih awm e.

Aneitu te phalhna leh hriatpuina lova; inngaih nana an hman chuan—khumpui kai tiin an sawi thin. Chutianga khumpui kai te chu; hriatchhuah an nih chuan lei chawi tir theih an ni a—khumpui kai man an chawitir thin ani. Kan tawngkauchheh-ah pawh, khumlai-zawl te kan ti deuh kher chang a awm bawk thin hi maw !

Baibulah pawh khum chungchang sawi lana kan hmu nghe nghe a. Deuteronomy 3:11-ah chuan ti hian a inziak a: “11 Only Og king of Bashan was left of the remnant of the Rephaites. His bed  was made of iron and was more than thirteen feet long and six feet wide. It is still in Rabbah of the Ammonites. Khum lian pawl tak ani ngei ang. An Lal pawh hi pa lian tak chu anih arinawm.

Heti taka khum alo pawimawh  vang te pawh  aniang ; kei tribal kephah-hlai pawh hian Khum leh a chhehvelah hian —achhia leh atha ka  tawk ve ta nual  mai! Chuti lam chuan  chhunzawm ila —KA INPUANNA tiin i vuah ang 😀

Khum hnuai chhas :-

Ka’n tleirawl chhuak chho khan ngaihzawng nghetve deuh mai hi ka nei alawm le. A la naupang deuhva, inleng neih chu ala ngam zan lo deuh. Keilah hi, tih tawh lamah hi chuan mawl deuhva rilru pe deuh bur chi hi ka ni rohva.

Training neiin Sillong-ah thla 6 dawn lai ka  awm bo sana, chawlh hmanga ka hawn zawk lai chuan atam thei ang ber inhmuh kan duh ve sia— kan theih ang angin inhmuh theihna chance kan zawng a.

Ka nu leh ka pate, naktuk ( inrinni) hian huanah an kal dawn a, I lo leng dawn nia ati a. Ka’n phur mai mai khawp ah ! Ka leng ta ngei a. Inhnuailama a room ah kan inkawm a 😀  Rei vak lohvah chuan a nute chu an rawn hawng ta thut mai anih kha. Inhnuai lamah kawngka a awm bawk silo, tukverh lah chu bar vuah vek ani bawk si. Hawng tur chuan inchung a kawngkapui atanga chhuah angai si !

Ka thiannu chuan; ” Ti khan ka room ah khan lo awm la, zanah ka nu leh pate mut hunah i hawng mai dawn nia “ ati  a. Duhthlang thei kha ka ni tawh lo. Tin, amah lam ka vengthawng ve bawk si —a room ah chuan anu leh apate mut hun chu ka nghak ta ngawt mai anih kha!

Anu leh pate an mu chiah tih chuan arawn chhuk  a. WaiWai chhum hi min rawn ken sak a; ka ei mek lai chuan room kawngkhar chu a u mipa chuan a rawn kik ta .

” Tunge i awmpui ” ati a.

” Tu mah. Keimahin ka awm “

” Mipa aw ka hria alawm le! Hawng vat teh…” a u chuan ati ta !

Ka thiannu chuan khum hnuaiah hian lut mai rawh ati a —ka hreh kher mai ! Tlanchhiatna dang awm tawh hek lo le —-hreh deuh chung chuan khum hnuaiah chuan ka vak lut ta anih kha ! 😦

A u chu arawn lut a, ka chapal kan thuhruk hmaih chu arawn hmu a, khum hnuai arawn bih— ka keah arawn pawt a, keilah chu ka lo la tangve deuh tang a. Lo chhuak rawh ati a; ka chhuak ta hna hna a. Ka nu leh pate hmuh hma chein haw nal nal rawh ati a. Ka haw ta nal nal! 😛

Hawn kawngah chuan ka zak lutuk chuan lung tum te ka’n pet leh ngawt thin—awmzia awm der silo. Khuk chem chem a khuk ral daih mai kha ka duh a —ka zak ani ka zak ! Khami nia ka zah ang khan khawiah mah hian ka la zak leh lo !

Pitar kum 70 ka mutpui:

Ka tleirawl chhuak chho kha thawh-at tum hi ka nei zauh zauh thin pek a. Khawharin ka riahve hmasak ber tum ani. Val upa te kha an fel a, keinni naupang deuh ho kha khawhar chhungte khum bul hnaiah min mut tir a. Ka mutna bul chiah ah chuan an pi ber kum 70 lai tawh hi amu a. Zing dar 5 vel a ka’n thangharh chu, pi ber khumah chuan ka lo mu ve kak chu niin! 😛

Ka zak lutuk chu ka tho vat a; zingtho tumah an la awm lo hlauh. Pitarte chuan, ”  Zanlai vel khan i rawn insuan a “ ati sam et a. ” Ka pi ka tihpalh lutuk, ka hrelo re re ” tih bak chu sawi tur ka hre lo.

Kha pitar kha dawih deuh nita sela, khatia akhuma mut ka tum laite khan; amah zen tumah te pawh min puh let thei daih si a. Vannei hi ka inti hnuhnawh leh khawp mai. Zak hle mah ila. 😛


Kung Fu Shoe

Kan naupanlaia Kungfu ( Gongfu ) film lar thin em em pakhat chu; The 36th Chamber of Shaolin tih kha ani. A changtupa kha, Liu chai-fong-a [ Gordon Liu ] te kan tive mai mai thin. Kill Bill- film a arawn lan leh khan, kan naupan laia ka hmelhriat-pa; Liu-chai-fawng-a kha ani tih re re ka hre lo  🙂

Kan film enzo-te kha kong-fu thiamve ta tak takah khan kan ingai fo thin a– thian zinga upa zawkte khan, an kung-fu practice nan khan min hmanga; kick-bag ah kan tang fo mai!

Engpawhnise, khang kong fu film kan en thin vang kha nge; kongfu shoe kan tih  mai kha a rawn lar ta em em mai a. A nei hmasa te phei kha chu an va inchhuang thei tak!

kongfu shoe
Gongfu shoe:Buxie

Inkhelnah khan bun phal loh chang kan nei fo thin. A chhuat achan em avang khan a chhuih palh ana a; ngalchara min chhuihpalh kha chuan a vunchhia te kha a pilh hlawk thin. Inkhelhnaa bun kan duhna chhan pakhat chu; free-kick pet khan chip kante kha a nuamin, ba-na-na kual luh raih te kha anuam em bik atin ni ! 🙂

China -ah hian upa lam hian an la bun uar viau. Thangthar zawkte chuan bun enah an en lemlo. Khawpuiah aiin, thingtlang lamah bun hmuh tur an tam zawk. Chinese ho chuan, kong-fu shoe an tive lemlo. Buxie an ti. Bun anuam khawp mai a, hmeichhe bun chi pawh an siam.

Kan khua-ah chuan, bun khat hi 10 rmb ( Rs.60/-)  -in alei theih. Kua-lity hrang hrang pawh a awm ve. Tlema akuality kual tha deuh chu ato ve thei khawp mai. RMB 60 to 100 te hial ani.


Vawksa Rep : Taprep

Khawvel changkang zelah sa ei loh, sa ei tlem kan intih hmuh tial tial . PETA tih vel arawn lar hnu phei hi chuan — sapram kan tih ang hovah phei chuan sa ei  loh mai nilovin; a hmul atanga siam thuamhnaw engmah inbel duh lo tam tak an awm ta. Heti lam hi ka changkan lohna lam tak pawh aniang. Sa hmeh loh hi ka hrethiam mang tlat lo!

Chutihrual chuan , Mizo chawhmeh hi han ngaih a; ei chak ngawih ngawih hi ka nei lem lo. Ka MIZO lohna lam tak pawh aniang. Mahse, vawksarep ker hi chu ; hnamdang chawhmeh tui tak tak ai hian ka la thlang ber zel mai. Mizoram hawn ka chakna chhan ber pawh — ka nu vawksa rep ei  ani thin.

Kan in atanga chilchhak phak lekah-ah hian lui lian vak lo  aluang a. Chumi kamah chuan vawiin khan kg 3 kan va rep ta hram. Tlaiah zikhlum nen kan chhum a, dul hmul khat phuara ka ei chu ! 🙂 Hemi post ka type lai pawh hian; ka puar lutuk hi ka thutha hleithei lo 😀

smoked pork

Tula han siam maina tur a awm silova; tihian, BBQ-na atana an hman thin, ‘ thir-kaih-kual ‘   ( ahming pawh ka hre lo ) hian kan rep ta mai. A samkhai phian mai.

vawksa rep

Kunming ka awmlai khan vawksa rep theih hi ka chak thin khawp mai a. Mahse, khawpui lian-ah chuan dai-fem leh hmun fianrial han pan mai turin ahla em em . Vawiin chuan, tihian ; lui kam-ah kan duh lai laiah kan in-rep ve tawp mai! Mei chhem an phal lohte kan ring deuhva, mahse; tuman min rawn hau ta lo hlauh ! Kan va lawm em ! 😀

smoked pork

Tihichuan Mizoram vawksa rep pawh kan ngai tawh bik lawng ! Smoked bacon tivel aichuan tui tak ani. Tin, Aizawl-ah pawh vawksa rep tam tak hi  meihawl hmanga rep ani deuh fur ta. Mizopa-in, ‘ tap-rep’ ngei mai atih ang kha atluk phah ta meuh lo. Vawiin a kan rep hi chuan tap-rep atluk lohna ka hre lo!   🙂


Pornography leh Kristiante 

Nikum 2009 khan Aizawl veng pakhata ; Tleirawl Inkhawm za sawmnga vel zingah — Pornography en pawina emaw athat lohna emaw i hria em? tih leh, I en thin / tawh em ? tia ka zawhna siam chu ; thalai 150 zingah 136 chuan athatlohna ka hre lo tiin min chhang ! An hrelo tak tak anih pawh arinawm. Tleirawl leh rawltharte, naupang zawkte chauh kan ni lo; puitlingte pawh  hian apawina lam aiin fimthu deuhva lain; kan lawm ru zek. Mizo website lar lawrkhawm leh Mi(sual) a, hetiang lam topic alo awmchang a kan comment duh dan atangte pawh hian a hriat viau awm e! 🙂

Hman deuh khan zaithiam pakhat a bialpa nena an in fawp lai thlalak chu thehdarh ani a. Officer leh mipuitling tak tak, kohhran upa te, KTP hruaitu thenkhatte khan  an  xerox / photocopy sup sup nia maw le ! Eng atan ngemaw an tih ni ? Mizote hian mipat  hmeichhiatna leh sex kaihnawih hi in zirtirna kan thlachham khawp mai. Handset a, hmeichhe ruak deuh keng kung thlalakte, mi sex video neihte chu intihtheih nan kan hmang ta zawk zawmah emaw ni!

Kan changkang zela — VCD/DVD, computer, mobile phone te duhthala hman theih kan neih chinah phei chuan hetiang flim thalo leh milem-thalo hi kan kutzalah duhtawka kan en theih turin alo awm ta. Kan handset te, kan laptop computer leh hard drive-te chu  flim thalo tak takin a khat ta tuk mai.

Engpawhnise, khawvel changkanna hi kan dan theih ani lova, kan hmehmih theih ani lova; kan tum tur pawh ani hek lo. Hetih karah hian kan fate, kan naute — kan zirlaite hi engtiangin nge kan fuih a, kan zirtir le? Kan thalai tam tak hian hetiang film tha lo enpawina hi an hre lo a nih nghat phei chuan, a pawizia leh a that lohzia hrilh hriat hi kan tih makmawh ani. Nge, anmahni entawntlak leh zirtir thei miah lo hian keini an ute ; nu leh pate pawh hian  apawina leh athatlohna hi kan lo la hre lo zawk  ?

Tute nge Film thalo en thin ?
Heng film thalo en thinte hi kan ngaihdan maiah chuan mi-inthlahdah leh awmthaduhlo, misual nia kan sawite tihturah kan ngai mai thei. Chungmite chauh chu an lo ni lo. Mifel, mithianghlim, kohhran mite– mi piangthar tha tak tak nia kan ngaihte zingah pawh a hluar hle alo ni. Kum 2002 khan,  The Purpose Driven Life lehkhabu ziaktu — Rick Warren website ; pastor.com -in an survey atarlan dan chuan: Pastor 1351 zinga 54% chuan kum kalta chhung khan ‘ internet pornography ‘ an thlir a.  30% -te chuan, ni 30 kalta chhung khan an thlir. Pastorte pawh an bang chuang lo anih chu! Aizawl kohhran lian ho hian, rawngbawltu kan tih zingah survey han neive tase, kan statistic hi a chhuanawm lohviau mai lawng maw !?

Baibul in engtin nge a  sawi ? :
Keini Kristian-te chuan kan tehna hmasa ber tur chu Baibul-in engtinnge  asawi tih hi ani awm e. 1Korin 6:8 – ( KJV ) chuan, ” Flee from FORNICATION “ . Heta ‘ fornication ‘ hian sex hman khawlohna lam chi reng reng – uirena, mawngkhawhurna, ran hmanga sex hman, bestiality, incest  a huam vek .  Fornication hi  Greek tawng ‘ Proneia ‘ tih ani a, chu chu tuna Pornography thumal lochhuahna hi ani.  Baibul chuan —  ‘  pornography chu Tlansan rawh u’  ; hetiang lam reng rengah hian inhnamhnawih suh u ati ani. Tin, 1 Korin 6:9-ah chuan , Pathian ram lut lo tur asawi zingah  fornicators hi a tel bawk.

Kan Pathian hian, sex man khawlohna  hi a haw hle a; angai zam mai mai lo. 1Korin 10:8-ah chuan, “ Neither Let us commit fornication, as some of them committed, and fell in one day, twenty three thousand (conf: Num. 25:9 ) ” . Mi 23,000 -te chu  an nunna chawplehchilh-in a la nghal hmiah.


Morally Wrong :

Kristiante thlirna atang chauh lo pawhin, mihring chiat leh tha hriatna atanga ngaihtuah pawhin thil thalo leh dik lo ani tih chu hairual ani lo. China ram communist sorkar, Pathian awm pawh ringlo ram chuan–Kum 2008 atang khan : An ramite rilru leh ngaihtuahna alo hrisel zawk theihna tur ngaihpawimawhna avangin — pornography website  tihchiat lamah beihpui athlak a, website sang tam tak ati chhia a. An search engine ah pawh- ‘ porn ‘ ( Chinese word ) tih chu an block tawp mai ani.

English Corner a Chinese University zirlai lokal thinte zingah survey chi hrang hrang kan buatsaih thin a. Kum 2006 khan; zirlai 300 zingah  pornography chungchang ah survey kan nei a. Zirlai 250 te chuan, ” Pornography en hi atha lo” , tiin an chhang. Heng zirlaite hi kristian an nilova, sakhaw vawn nei lo vek an ni . Heng atang ringawt pawh hian  pornography  hi thil thalo leh diklo ani tih chu a chiang viau awm e.

Kristian nilo zawk leh Pathian awm pawh ring loten sual;  thilthalo leh dik lova an ngaih hi keini Kristiante phei chuan kan do bur zawk tur ani. Hetiang ah hian kan inthiarfihlim tur ani a. Inthiarfihlim turin  midangte pawh kan zirtir zawk tur ani ang.

Chhungkua leh Nupa kara harsatna thlentu :
America leh khawvelah pawha hriat lar;  Focus On Family : Dr. James Dobson a pawlte chuan, chhungkaw 47% -te chuan, pornography hi an inchhunga harsatna thlentu lian tak ani an ti a [ Focus on the Family , Pool, October 2003 ] Kum 2005 March thlaa, Christianity Today-in ” Kristiana leh Sex ” tih zirchhianna; pastor 680 leh midang 1,972 -te hnenah anei a. Chuta tanga alan dan chuan: Tun hnaia chhungkaw buaina tam ber 60 % chu  pornography/ internet pornography vang ani an ti.

Tunlaia nupa innghirngho-na lian tak pakhat chu, ‘ internet pornography ‘ hi ani. ( Heihi kan ramah ani ve em ka hre chiah lo ) Tam tak ten, fiamthu titak deuhvin ; ” Zei lo deuh nupa chuan puitling film en atha  ” an ti thin. Hei pawh hi ngaihtuah chian chuan thurawn atthlak tak ani . Thil tha tak ni se,  professional counsellor tam ber te hian an thurawn ah an telh ngei arinawm. Zei phah nan a hman aiin, in iaina  thlentu mai ani.

Christian Counselling Today in, nupa 500 a survey ah chuan; nupa 60 % te chuan — an khawpui ten pornography an hman thin avangin anmahni an inenhniam phah a. 70% te chuan, an kawppuiten pornography an hman / en thin avangin anmahni an in iai phah niin an sawi . [ Marriage Related Research, Mark A. Yarhouse, Psy.D.  Christian Counseling Today, 2004 Vol. 12 No. 1.  ]

I nupui emaw i pasal emaw khan, midang nang aia hmeltha  zawk kha thlir doh doh fo mai se engtinnge i ngaih ang ? Chung thlalak / milem te enchung chuan; a mah leh amah in hrikthlak nante hial hmang fo se engtinnge i ngaih ang le ? Nagmah aia tilawmtu dang a awm i phal em ?

Sex hi nupa karah chauh hlim taka hman tur ani. Kan nupa karah lust -in hmun a chan len zawk fo chuan kan nupa kar nun chu angaihtuahawm hle tihna ani. Chutiang bawkin, kan khawpuite aia midang kan thlakhlelh chinah tawh chuan, kan nupa kar a kak thuk hle tawh tihna ni ang.

Tlipna :
Pornography lam chi reng reng, megazine , VCD/DVD , internet, thlalak lakah hian keini Kristiante chu kan inthiarfihlim tur ani. Kan taksa hi ‘ Pathian In ‘ anih tawh avangin, chumi tibawlhhlawh thil reng reng chu kan phal tur ani lo.  Kan Baibul-in min ngen angin; Pornography lam leh sexual perversion lam reng chu kan tlansan ngam tur ani. Kan ramah pawh hetiang pornography hian bu a khuar thuk tawh hle. Nang leh kei hi kan fihlim em le ? I fihlim lo anih chuan Pathian duh loh zawng ti i ni : ngaihdam dila, sim ngei ang che.

In Hun ti thianghlim la, Lalpa pawl fo rawh !