Chhurbura roh em em; Nahaia'n neihsak phet a tum!

Food

Lemon cheesecake: Cream cheese tel lova siam dan

Cheesecake siam dawn a pawimawh ber pakhat chu cream cheese ani. Hmun thenkhatah cream cheese hmuh a har mai thei. Tun tumah hian cream cheese tel lova, lemon cheesecake siam dan kan tarlang ang.

Thil thlum hi ka ngaina em em lo, mahse, lemon cheesecake hi chu ka duh viau ! Black coffee in pah a hmeh atan duhthusam ani 🙂

A bawl hlo :

Yogurt, chini, biscuit, butter, condensed milk, lemon

A siam dan :

1.  Dhoi / Lasi / Yogurt chu puan sin hmangin i thilfim ang.  Puan sin takin thleng kum emaw kaih la, a chungah yogurt chu dah ang che. Darkar 2-3 velah, yogurt a tui awm zawng kha thlengah chuan alo tla thla ang. Puan a bang zawk chu cream cheese aiah i hmang ang.

2.Yogurt-cream cheese a i hman tur  leh condensed milk leh lemon tui chu chawhpawlh ang che

3.  Tichuan, biscuit hmehsawm ( Good day biscuit ang kha a tha khawp mai ) leh butter ( chhuan tui hma sak atha ) leh chini ( mahni thlum duh dan tawk a zirin tel mai tur ) chu chawhpawlh leh bawk tur ani.

I chawhpawlh hnuah, thlengah i dah anga, i nemmuk ang. Inchi chanve vela chhahin.

Thlenga i nemmuk chungah chuan, cream cheese / yogurt leh condensed milk i chawpawlh kha i chhung ang.

I thil chhun chu chawk rual la……oven ah minute 10-15 dah ang che. Oven chu 180 C a sa in dah bawk la.

 

Oven a minutes 10-15 i dah hnuah la chhuak la, a daih hnuah refrigerator ah minute 20-30 minute–a tih sakhat nan dah ang che.

Minute 20-30 refrigerator a i dah hnu chuan ei thei ani ta e ! 🙂

Hei hi cheesecake siam dan awlsam ber pawl ani hial ang.

Advertisements

Vawk nak ur-hmin

 Pu Caribou ate’n an ti mathlawnlovin,vawksa hi chu engtin pawn siam ila atui ani. Mahse, vawksa tha leh tha lo kar erawh ahla khawpin ka hria. Vawksa hi ka sa duh berte zing ami ani nangin ka duhtui phian a. Vawksa tha leh tha lo hi ka lei hian ahreve viau !

Hmanni khan vawksa tha deuh mai kan kawmthlangah hian an rawn zuar a, anak kg 4- ka lei a. Oven-ah ka ur hminin hetiang hian ka siam ta a. Olive oil-in ka chulh a, chi ka phul thet thet a; oven-ah minute 20 ( 200 C ) ka ur hnuah, hmarcha dip ka phul leh thet thet a, sawhthing zailep, purun var leh purun sen zai phel phawk phawk chu ka dah tel a. Tichuan,minute 20 dang ka ur leh ta a. A hmin chu ani der ! 🙂

baked pork ribs

A hem chi leh ur chi lam hian ei ka siam khat khawp mai. Buai deuh chuan  ur hmin ( oven) a eisiam hi alo sam khai phian mai.

 


Chawhmeh atan khau leh chekral

Khawi khawiah emaw han zinve fo tak ah chuan, kan en ngai lemloh leh duh vak lemlo pawh ei angaihchang a awm fo. Khau leh chekral ( uifawm/ trekral ) leh rannung dang kan pawlh hmandeuhva kan zinnaah chuan min lo kan sak a.

A ro rep a, a tui ve khawp mai ! A hmui deuh hiang lehnghal ! 🙂

grasshopper fry

praying mantis

praying mantis

Hetianga insects hrang hrang kan pawlh hi, restaurant thenkhatah phei chuan  ato thin khawp.


Qingjiao Rousi

Eisiam hi ka thiam hran lo. Amaerawhchu naupanlai atang tawhin Mizo chawhmeh siam tlanglawn ang chi hi chu ka siam thiam ve sawih sawih. Kum 8 ka nihlaiin avawikhatna atan tlai chaw ka lo chhum ve a,  ka lo suan har deuh aniang chu; a kang nasa hle a—eitlak in ka chhuah lo.

Ram dangah mahnia ka awm tak hnu hian, kan thian hnamdangte hi an eisiam dan ka zawt a, ka duh zawng deuh chu ka siam ve mai thin.

China eisiam dan pawh hi alo har lutuk lova, mahni duh ang zawng deuhva siamrema siam ve mai theih atam hle.  A bawlhlo an telh zawng zawng hi ka duh zawng anih lemlo chuan ka telh lo mai thin.

Tuntumah hian, QING JIAO ROU SI siam dan tlem kan tarlang ang e  🙂

A siam dan :  Tel thirfiante lian 5 vel ( mawm i duh dan azirin ) chhuang so la, vawksa pan deuh taka zailep chu thlak la, a sen deuh thep thlengin kang ang che. Chi i duh ang tawk a al telh bawk la.  A khat tawkin chawklet reng bawk ang che. Vawksa a hmin hunah, purunsen, purun var, sawhthing zai sin chu thlak bawk ang che. qingjiao rousi

Minute hnih vel chhung chu chawk let reng la, chumi hnuah chuan hmarchapui-lian chu i thlak tawh mai dawn ani. Hmarchapui i thlak atanga minute 3 hnuah suan la, a ei theih ani tawh mai. Hmarchapui-lian hi a hmin lutuk tur a ni loa, ahrinna ahlauh tur ani lo.


Green Papaya Salad

Thai-ho chaw leh chawhmeh hi ka duh hlawm viau.   Chung ka chawhmeh duh thenkhat te chu kum 2009 pawh khan ” Chiangmai leh A behbawm ”  ah ka rawn post tawh kha. Abikin, khawlaiah an chaw leh chawhmeh zawrh haw hi atui zual ! Mizo ten kan duh zawng tak tak an zuar teuh thin.

Thailand kal changa ka hmaih ngai miah loh chu,green papaya salad ‘ hi ani. Bawl hlo tam tak hmanga siam ani lem lo nangin a tui khawp mai.

Tuna kan thlenna piah lawkah hian Thai Restaurant a awm a; hmanni chu green papaya salad eichak vek hian kan va chawl a. A manhla kher mai.

green papaya salad

A bawlhlo :

Thingfanghma hring zai sin.

Badam kan

Lime juice

Tomato

Hmarcha

Chini tlem

Fish sauce

Dried shrimp leh behlawi rah tlem an telh bawk , chu chu sumah an deng sawk sawk a; ei theih ani mai.

Thingfanghma / Nuhnun chungchang chhiar chiang duh tan, thianpa CARIBOU a blog-ah chhiar theih ani e.

Thai chawhmeh, khaw laia an zawrh tui ka tih em em pakhat thlalak hi kan vawmbei ve leh a nge. [ sathithun, vawksa thau, bahkhawr, hmarcha leh bawlhlo chi hranghrang chawhpawl ]

Thai food


To fu / Dòufu

Hmanni deuh khan misual.com -ah— Mizopa a rilru nei pawl tak leh remhre tak; thianpa Jervis-a ( Jay Jays Food ) siam, TO FU ( dòufu ) siam an rawn post a. Tofu Mizoramah siam atum tir lama kan inbiak tumin, ‘ Tofu tui loh nen nen ‘ ka lo ti tawh a. Chaw hrisel kei aiin alo hre dai zawk alo ni !!

 

doufu tofu

Tofu rep bazara an zawrh

China lam chaw / chawhmeh anih avang hian kan awmna lamah hian an uar khawp mai a. An thilsiam tui hnai lem lo tak tak pawh hi ka ei thei viauva, tofu — chaw hrisel em em nisi hi  ngaiah ka la nei thei lova, atuina ka la pawh lo ani ber mai.

 

tofu

Tofu pangngai

Tofu hi siam dan hrang hranga alo awm ve zel a, a rep te pawh a lo awm a. A rep hi hmanniah; sa leh thlai dang nen a an kan pawlh ka eive a, atui phian mai.

 

Tofu doufu

Tofu rep leh sa leh tlai kan pawlh

 


Snake Wine

Rul  ka ngaina  lo.  Asa pawh ka la ei lo. Atui emaw tui lo emaw, ei chiah pawh ka ngai lem lova, khawi chiah pawh ka ngai lemlo 🙂 Thenkhatin rul an lo be maite phei hi chu, ‘ an a ta ani ber e ‘  !

Wine chi hrang hrang ka tem ve tawh. Grape atanga siam, Buh atanga siam, thlai leh thei atanga siam pawh. Nimahsela, rul hmanga siam wine — SNAKE WINE erawh ka la tem ngai lo.

Snake Wine

Hmanni chu kan inbul lawka dawr te reuhte ah hian SNAKE WINE an zuar hi ka hmu a. An siam dan te ka zawh nual hnuin; sawive re re atan tiin, ka tem ve ta hlak a ! 🙂 60 % alcohol ani. A tak tha rem rem hle ! ZAWLAIDI ka la tem lo nangin, ZAWLAIDI aiin atak zawk ka ring ringawt a ! 🙂

Snake Wine

Snake Wine thatna a sawi te  :

1. Thisen zungzam kal  ati tha.

2. Sex hmanna kawngah nasa taka  tanpuitu.

3. Zan mu tha thei lo tan

4. Mit tha lo tan

5. Sam tla tan te pawh atha hle ani awm e.

A siam dan tlangpui :

Rul sa tlem an chan leh rul taksa dang zawng chu, zu -ah an chiah ta a. Um phuiah an dah a, ni 5 hnu atangin a in theih. Rulsa awm rei tawhna Zu apiang a thawk chak bawk. A tur pawh an paih ngai lem lo. A tur hian a ti thawk chak bawk a— taksa tan pawn Zu a ainchiah ral tawh chuan atha zawk niin a sawi bawk.