Chhurbura roh em em; Nahaia'n neihsak phet a tum!

vacation

Chiangmai: Thailand -Part-2

Vawiin kan kal kual ve naa, nau pawm chhunga ka hmeh kual vel hi vawm bei leh ta phawt mai ila! 🙂

massage hi lar hle

performance an lo nei a

entu mipui

hetianga chuan/khalh hi har reuh viau in ka ring...mahse, a nawm hmel reuh bawk si

kawn lun lai

tuk tuk an ti a, auto rickshaw ang deuh ani. mahse, tuk tuk hi a chak zawk a, chuan pawh a nuam zawk :-)

Tuk- Tuk an ti a, auto rickshaw ang deuh ani. mahse, 'tuk tuk' hi a chak zawk a, chuan pawh a nuam zawk 🙂

2nd-hand lehkhabu zawrhna ka tlawh zuai, lei duh ka van ngah tak emmmm 🙂

kan thlenna guest house hi dah ve re re ang

 

Advertisements

Uisa Zanriah atan :-)

Vawiin chu ka hman viau. Naga thianpa inah ka lenga, uisa a lo neia; zanriah atan a siam a ka ei ve ta mai dawn anih hi maw !  🙂

uisa A rawh ta sar sar mai ! 🙂

uisaKan ei ta sar sar a! [ Updated ]


Kunming:Day 5 & 6

Internet chiangkuan loh avangin ; Day 5 leh day 6 ani takah ka rawn update thei lova, min lo hrethiam dawn nia. Kan khuaah kan let leh tawh e.

 


Kunming downtown- vawiin (nilaithawhtanni ) chu ruah a sur duh hle

 

 

China rama restaurant ah hian DAI ZU ( DAI TRIBE ) restaurant hi atui ber 🙂

 

 

Dai hnam restaurant : bawngsa leh rawtuai um kan. Avan tui em!

 

 

daizu food

Vawksa nak ur hmin. Di/luang in an tawn bawk a. a tui khawp mai

 

 

Thianpa Sani of Tongan te nupa in zanriah min buatsaih sak. Kan tlai hle

 

 

naupang duhawm te

 

 

Nilaithawhtan zanriah thianpa Sani-a te inah

 


Kunming:Day 4 —Wedding pictures

Vawiin chu kan thiante inneihnaah kan nileng. Chinese inneih dante sawi belh tur a awm nual nangin; chung ziak tur chuan hunin min daih hrih silova, thlalak dah leh teuh phawt mai ang.

Inneihna hmun < Dianchi Spring Resort entrance

mo thiante

moneitu thiante. Tongan, Colombian and American

Tunah moneituin mo alo kiss ang ! 😛

mo lawmna ruai


Lengkir bulah kan riak

Mizo zingah camping han tih chuan, Gospel Camping rilruah alo lang nghal a. Mahni in lum chhuahsan a, zan hnih khat (  kar hnih khat/ athla athla hial te pawh ani thei ang chu ) ramhnuai a riak bo hi camping chu ani mai ang chu. Ram riak tihte nen chuan a inang leh chiah bawk silo.

leigong mountain

Adventure Sports leh Outdoors activities lam reng reng hi chu ka tihve tawh chin chu nuam han tih loh em em hi ka la nei lo.

leigong shan

Lui hnar

lei shan

Kan riah hmun atanga lui mawng lam kan thlir chuan...

Kan veng khawlum lutuk tlansanin, chawlhkar hmasa; kartawp —weekend kha,  kan khua atanga km 40 vela hla—Leigong Mountain; Nature Reserve Area -ah kan va riakchhuak  a. Hman deuh pawh khan helai hmun kanva tlawhchhuah thu ka rawn post tawh kha.

chicken curry

Zanriah atan chicken curry

chapati

Atta ro nen

Lengkir bulah kan puan in kan kaih a; zanmut paha tuikhawhthla ri seng seng hriat te chu avan nuam tak em.

leishan

miao village

Kalkawngah Miao ho khua hmuh tur a awm nual

lu ruh

Mihring a ang ve em a


Shakespeare-a Pianna: Stratford-upon-Avon

Ka pu te inah HAMLET drama audio  kha kan ngaithla a. ” Hamlet, i pa thlarau ka nih hi “ aw thum em em maiin arawn  tihlai hian ka nau hi  atap ve ziah!  A’n aw hman kha Pu C Lalrosanga hi emni ta kha!?

Khatih lai khan HAMLET thawnthu kha tu ziah nge tih reng kan hre lo! William Shakespeare-a ziah chu lo niin! 😀

Tun kum tir lam, April thla khan vanneihthlak takin ; thu leh hla lama mihrang —pianna khua— Stratford-upon-Avon, Warwickshere  chu ka tlawhve hlauh mai a. Khaw lian lo tak ani a, mihring  30000 vel bawr an cheng sawi ani. Shakespeare-a pianna nilose han lar na vak chhan tur anei lemlo.

henley street stratford
Henley Street tawntirah chuan : O Noble fool, A worthy fool!

In hlui tak tak, 16 th Century daih tawh ami; half-timbered house antih ang chi hmuh tur ala tam hle .

as you like it cafe stratford

Shakespeare-a pianna street hi, Henley Street tih ani. As You Like It- chu alar khawp mai. Coffee in kan tum a, ato em avangin kan in ta lo.

Shakespeare's Birthplace

Heihi apianna in tia an humhalh chu ani. 16 century a half-timbered house anga sak kha ani. Mi-te in sak  hi chu an dingrei thin teh e!

backyard of shakespeare's birthplaceIn hnung lamah hian tualzawl lian vak lo a awm a. Tah hian Shakespeare-a anga lo inthuam a, drama ( play ) lo chang tawk an awm reng bawk.

Henley street stratford

Henley street. A bul velah hian cafe leh souvenir leh gifts dawr a awm nual bawk.


Hiking : Lei Gong Shan

Leigong shan ( mountain ) hi kan khua atangin, bus-in darkar 3 vel tlan ani.  Miao hnamin, ‘ god of Thunder ‘ an tih tlang ani a, 2170 meters a sang ani. Nature reserve area ani bawk.leigong shanThingtlang lam kan kal hian kan paltlang ziah a; a ngaw ala chhah tha em em a. Helai bawr kan tlan lai hian, ral khat ngaw kara tuikhawthla mawi em em mai hi ka hmu thin a. Kan tlan pelh apiang hian, ” Sawtilai tuikhawhthla saw chu engtikah emaw ka la tlawh chhuak dawn khawp ” ka ti ve ziah.  Kan bus chuanna conductor te a kal pawh dan ka zawt fo va, min hrilh thei lo. Chungte avang hlei hlei chuan tlawh chhuah minti chak a.

leigongshan waterfall

Tuikhawhthla hmuh tur tam tak a awm.

Kar hmasa khan ka Chinese thianpa nen; zan khat vel tal ramhnuaia mut pawh inhuamin kan thawkchhuak ta a. A khaw hnaih ber hi LeiShan an ti a, chuta tang chuan  LeiGong Shan tlang  paltlang khaw bus -ah kan chhuang ta a.

river leigongshan

Lui lu lam

Lui hnar awmna lai vel nia an sawi ah chuan kan chhuk a; darkar chanve vel kawngtum a kan kal hnu chuan lui hnarlam  kan pawh ta a! Tichuan luidung lam chu kan chhuk zawh ta  a. Lui te reuh te te a lo tam khawp mai a, kan thleng thui tawlh tawlha lui pawh alian tial tial a. Chhengchhe em em lai leh khawkrawk tak tak lai pawh a tam hle a. Lengkir hel ngai tam tak a awm bawk.

river leigongshan

Lui khawkrawk

Leilung mawina, la khawihchhiat loh hmuh tur hi China -ah hian avang tial tial a. Tin, tourism lamah an thang nasa mai si a —a awm chhunte pawh tourist hmunah an chhuah zel a. A nature hlauh khawp te hian an cheibawl ta thin a. Helai hmun pawh hi kum reilote-ah chuan tourist hmun lun takah an la chhuah leh mai chuan arinawm.

Luidung khawkrawk tak tak zawha darkar 5 vel bawr kan kal hnu chuan; kan tumram ber tuikhawhthla awmna —bus atanga ka hmuh fo ngei mai chu kan thleng ta a.  Ramtiam thlengta ang hiala kan inngaih chu ! 🙂

leigongshang waterfall

Hei ngei hi ani; bus atanga ka hmuh fo ka la tlawhchhuak ang ka ti fo chu!LeiGongShan a lui luangah chuan tuikhawhthla sang ber ani.

Thlalak hi, Pute; Chawnghilh, David Ralte, Amuana, Reverie, Zothana te angin thiam lo mahila, ka nuam tilutuk —zauthau, awmngngaihna hrelo chuan, camera baterry sen vat vat thleng ka’n hmeh chu! 🙂 Anni han awm seng chuan, post card leh calendar a siam tlak khawpin an hmet awm si a. ” The wrong person at the right place at the right time ” tia hla phuah hial te ania ka duh — phuah thiam ila chuan !