Chhurbura roh em em; Nahaia'n neihsak phet a tum!

I Nunin Lalpa chawimawi rawh


Mahatma Gandhi chuan,” Kristian- te hian Baibula Isua zirtirna  hi zawmin nunpui se chuan; India ram hi Kristian ram ani tawh ang” tiin alo sawi tawh a.  Ngaihtuah ati thui khawp mai !

I sawi te Nun pui rawh :

Kristian lo tam tak ten Kristian nih an duhlohna chhan fo chu; Kristian Nun an en a, danglamna leh an nuna entawntlak an hmuh loh thin vang a ni. Thu tha tak tak kan sawite kan nunpui  thin loh  avang hian Kristian nihte, kohhrana in hman te an chak lo fo thin.

Mizo zingah pawh kan sawi fo thin, ” Kan thenawm kohhran upa hi vanram a kai chuan kei chu chhawng sarihnaah ka awm ang ” inkhawm ngai miah lo pawn ati bawng bawng ngam tlat. Kan biakin nun leh kan tualzal nun a danglam tlat thin !preachinghelp.org

Mihlim-nu pakhat, inkhawm leh lam peih em em mai chu, an pa zurui reng mai chuan,” Kan nu hi biakinah hian pem mai se atha ang. Biakinah hian a hlimin, alam reng thei a. In-ah erawh a phunin a ang reng mai a; thinrimna tur ringawt azawng a ” tiin.

Kristian tha / Ringtu tha nih hi, kan inkhawm tamah leh kan thawhlawm thawh tamah te a innghat ber lova. Kohhran committee peng hrang hranga kan tel tam-ah leh, sande sikul ka kai hnemah te a in nghat ber lo.

Keini ringtute hi kan nunin belhchian adawl tur ani a, belhchian ngam kan ni bawk tur ani.  Inkawm peih em em si, kohhran thiltih a a kulataia in hmang si te nunah hian miin engengmaw kawngtala danglamna leh ei tur an hmuh loh chuan kan Ringtu Nun hi kan fiah ngam tur ani ang.

Kan testamony hi, kan chenpui, kan hnathawhpui ten sawi rawh se!

 

Thlarau Hruai Ringtu :

Thlarau hruai han tih avang hian, lam bing bi let a, inlarna te hmu chuaih chuaih lam ani ngawt lova. Tawnghriatlohva tawng a, pulpit tlang atanga thu tha tak tak sawi ani ngawt lova.

Lal Isua nei tawh tak tak chu nitinin thlarau hruai ani nghal phawt a. Chuvang chuan a hnathawhnaah — ringlomite zingah pawh rinawm takin Krista Nun mawi alan chhuahtir tawh mai a. A rinawm a, a nelawm a, a insumthei a, a dawhthei a — Thlarau rah Galatia Bung 5 a kan hmuh kha a nunah Lapa tanpuinain alo lang chhuak mai thin. Kristian tak tak leh tak tak lo chu , ‘arah-ah‘ kan hre mai ani.

 

Nunin Hril Zawk se :

Scotish thusawitu ropui, Alexander Mc Laren chuan, ”  Bibul an chhiar ngun aiin kan nun hi an chhiar ngun zawk ” alo ti. Kan chetzia leh kan nitin nun te, ringtu nive loten min thilr reng avangin; kan nun kan ulukin kan fimkhur tur ani.Tirhkoh Peter-a pawh khan a ngaipawimawh hle a:

I Peter Bung 2:11- ah chuan, ” Jentailte,  ringlomite zinga in chetzia chu mawi tak ni rawh se, chutichuan thil tisualtute anga an sawichhiat che u kawngah chuan in thil tihthat an hmuhte avangin fanin an awm hunah chuan Pathian an chawimawi thei ang. [ italic added ]

Kan nitin nunah Krista Nun mawi kan lan chhuahtir chuan, ringlomite pawn Chhandamna hial pawh an lo chhang thei dawn ani.

Misawnari pakhat chu thingtlangah; hnam pakhat zingah misawnari tura tirh ani a. Kum 10 hnuah pawh an tawngin Pathian thu asawi thei lova. Tumah Kristianah a siam lo. Sum leh paia chhawmtu leh thawnchhuaktu pawl te chuan, Misawnari hlawhchham tiin an kokir a.

A aia lehkhathiam zawk an tir leh ta a. Ani chuan an tawngte pawh kum 2 chhungin a thiam thuai a. Zankhat chu, Isua film an khaw tual zawlah a chhuah a.  Khua ami zawng zawng chuan ngun takin an en a.

 

“He film-a in hmuh Isua hi, in PATHIAN, Lal leh CHHANDAMTU atana in actions-speak-louder-than-wordspawm duh anih chuan in thuthmunah khan lo ding chhuak ru ” tiin sawmna a siam ta a. An zavai chuan an ding ta vek mai a! Misawnari chuan awih har a ti kher mai. Misawnari awm hmasa zawk khan kum 10 chhung pawn Kristianah pakhat mah asiam thei lo kha ani si a.

 

Mipui lo pungkhawm hnenah chuan, ” Zanina in thutlukna siam hi apawimawh ania, ngun takin ngaihtuah rawh u khai. ” ati nawn leh a. Mipui ho chuan, ” Zanina LAL ISUA, film a kan hmuh hi, kum 10 chhung kan zingah alo chheng tawh thin alawm ” tiin an chhang a .

Misawnari hlawhchham ni a miten an ngaih thawhrah kha a seng ve chauh zawk alo ni !  An tawngin Isua chanchin hrilh thei lo mahse, a NUNIN Lal Isua chanchin Tha chu ril takin alo puang ani si a.

 

Hawh u, Keini ringtute hian; kan hnathawhna hmunahte, kan lehkha zirna hmunah te, sumdawnna hmunah te — Thu a Lal Isua hming kan sawi thei lo  anih pawhin; kan NUN in i chawmawi zel ang u.

I nunin Lalpa a chawimawi em le ?


Advertisements

19 responses

  1. Missionary thawnthu i rawn sawi khi a “true story” em? … twist in the story khi tha khawp mai…

    Sunday zing sermon ngaihthlak hmaiin hei online midnight sermon tha tak ka lo “attend” to der mai alawm.. In 3in in dam tha vek maw? 🙂

    January 23, 2011 at 3:13 am

    • Mi sawi ka hriat chhawn. Thawnthu tak anih leh nih loh ka hre bik tlat lo mai !Isua pawn parables asawi fo kha 😀

      Kan pa3 in kan dam tlang e. Thanks! Nangni pawh in pa3-in in dam maw ? In la pa3 rei dawn em ? 🙂

      January 23, 2011 at 8:43 pm

  2. caribou

    Tlang chunga khaw awm chu thuhruk theih a ni lova. Krista zuitu diktak kan nih leh nih loh chu chiang takin a lang thin. Chhumpui nasa tak ang maia min hual vel tute vang hian kan nun fimkhur a uluk a ngai hle thin. Rin aiin mite hian min chikin min lo hre chiang a. Chawlhkar tluana kan tihsual tuam mawi nana Sunday tuka a nalh theihtawpa kan inchei te, Kohhran thalaia hruaitu ni chung renga a ruka zu kan in thin te, Kohhrana thawk lai ni sia inkhawm ka thatchhe tlat si thin te hi tu’n an lo hai lo. Kohhran hnuaia thawk, a ruka zu in ve thin te pawh hi, inthup eng ang mahse mite hian an lo hre ru thei khawp mai. Kan intuam mawina phena kan nihna diktak hi mite hian an hmuh hmaih lo fo thin a lo ni.

    Hnamdang kan en dan, kan biak dan, an chunga rilru kan put dan te, thil tihsual inang rau rauvah an chunga nataka rorel kan duh thin dan te en hian, hnamdang tan chuan Kristiana inleh hi a harsat ka ring thin. Kan Pathian Biakin kan zah loh zia te hi an hmu ve vek. Missionary kan tir chhuak a, helamah missionary hnathawh kan lo vaw thiat thin.

    Thuziak thatak a va ni tehreng em. A dang pawh lo ziak zel rawh.

    January 23, 2011 at 8:51 am

    • Adik khawp mai. Kawrah sakhuana hi kan hmang nasa em tawh ani. Comment hlu tak i rawn ziak thin a, ka lawm e, Pu Cari !

      January 23, 2011 at 8:49 pm

  3. Hotupa, I ziak dik in a va tha tehreng ve mawle.

    January 23, 2011 at 1:55 pm

    • Chutimaw Hotupa, i ti lawmawm thin e 🙂 Thu tha tak ziah maite, sawi maite hi a har lo. A ziaktu ber hian ka zawm lovang tih ahlauhawm khawp mai !

      January 23, 2011 at 8:51 pm

  4. TSA

    E khaia! Ngaihtuah a va tithui ve aw.. Mahatma Gandhi thusawi khian ngaihtuah a tithui hle mai.

    Mite min tehna chu kan chezia hi a ni fo. Kan nungchang leh chetzia hian Lal rawng kan lo bawl thei reng mai tih ka hrechhuak thar e! A tha lutuk tlat.

    January 25, 2011 at 3:13 am

    • Ti lawmawm thin e, Mr TSA 🙂

      January 26, 2011 at 9:27 pm

  5. bmw

    Nun a Pathian thu hril hi chu a hlawkin a nghet bik ngawt ang. Pune kan awm laiin Mawia tih a awm a, tlangvel fel deuh, ngawichawi deuh, Hindi pawh thiam lo a nia. A hostel room-mates ten Mizo ho zingah Mawia hi a fel ber, sakhuana pawh a ngai pawimawh ber, an tia. A ni tawng ngai mang hleilo, vaiho pawh kawm ve vak ngai silo kha a ni sia. A chhan an han sawi chuan, ‘a ni te chu class ban velah a rawn lut a, room kan lo tih hnawk te ngawi rengin a phiat vai veka, chuan Bible a chhiar zui nghal bawka, chuan a dawhthei em em bawk’, an ti. A ngaisang rap mai mawle! Ngawi renga missionary kan ti tawp.

    Kan comment tak duah chu!!

    -bmw

    January 25, 2011 at 7:28 am

    • Avan ngaihnawm ve, Mawia chanchin chu !

      January 26, 2011 at 9:32 pm

  6. varte

    thu rotling a ni e hei chu, a tha thlawt e.. Nunpui ber mai hi tu tan pawha harsa a ni bawk si a!

    January 26, 2011 at 6:01 pm

    • Khai a, Hotunu…i van ti lawmawm vee!

      January 26, 2011 at 9:33 pm

  7. H.Vangchhia

    A dik chiah a ni, ziak thiam hle mai Zhong qua ren chu.

    January 30, 2011 at 4:39 am

    • Meigou ren, i van tilawmawm em ! 😛

      February 1, 2011 at 9:58 pm

  8. I va han ziak tha em! Hetiang ang a ngaihtuah na chang hria hi an va han tam lo em! HAn ziak zel rawh Hotupa.

    January 31, 2011 at 8:06 pm

    • A zawm lamah hian tan lak ka ngai khawp mai keipawh !

      February 1, 2011 at 9:58 pm

  9. awitei

    ka comment bo chu a, type leh ngat ang

    Ih maw, mihring hi famkim theih loh a ni a. Kohhran hruaitu, upa, biakin a Pathian tan a ban phar thrin, ktp hruaitu te zingah hi chuan, buh lem hi tel ve mahse, a tak, an nun a Lal Isua hmuh tur hi an la awm. Heng ho hian a kotlang a trang a lo sawisel ai chuan Pathian an hnaih zawk hrim hrim in ka ring. Isiam thrat chu kan ngai ang, nitin thih hi a lo har thrin mahna. Mahse, a pawnlang pawh a A rawngbawl hi a awlsam vak lo

    February 2, 2011 at 7:16 am

    • Va rawn comment tha fua fua ve 🙂 I sawi hi adik khawp mai. Pathian hian famkim turin min ti bur lem lo. Mahse, famkimna kawng zawh tur erawh chuan min ti. Nitina amah ang deuh deuh turin. Chu chuan, mi zawng zawng tihlawm lam akawk lem lo. Chumi kawng kan zawh chuan; mite hmuhsit, ngaihnep, sawichhiatte kan hlawh zawk changte a awm dawn alo ni !

      I lo leng lut a ka lawm hle mai. Comment tha deuh i rawn thai bawk a. I blog kha i update ngai tawh lo em ni ?

      February 2, 2011 at 12:03 pm

      • ralte zothanmawia

        A va țha em. Mahse in va reh rei ta em. Sermon thar țha deuh te ka lo beisei leh e.

        September 24, 2015 at 3:18 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s