Chhurbura roh em em; Nahaia'n neihsak phet a tum!

[ Lalpa Chu Nghak rawh, A Tlai dawn Si lo ]


Na miah silo,thil tawrh hreawm deuh pakhat chu thil nghah hi a ni.Mi dawhthei lo mi nih phei chuan thil/mi nghah hi a har em em.Nu la leh tlangval inngaihzawnna ah pawh a har lai ber chu “nghah” hi ani.Ngaihzawng te nen hmun khat a awm lo tan phei chuan,kum tam tak an in nghah tawn a ngai thin.A awlsam lo.
Tunlai kan khawvel hrim hrim hian thil nghak tur hian min zirtir lo khawp mai.Engkim mai hi a rang chi, achak(fast) chi kan duh.Ei leh inah pawh Fast food kan ti a.News ah pawh,“Be the First to Know” tih ania.Internet connection ah pawh a speed chak ber chi kan duh a,bike ah pawh CC sang,tlan chak kan duh.Thil nghak veng veng turin kan khawvel hian min beisei tawh lo a ni ber e.

KA Duh Hunah a Ni Lo:

Kan rinna nun kawng ah pawh hian a harsa lai ber thin pakhat chu“Nghahlai Nun” hia ni.Pathian kan auva,kan duh leh mamawh te kan dil a,chu a chhanna ngah peih chu thil harsa tak ani fo thin.Keini chuan atak a lo thleng nghal thuai turin kan beisei thin a.Kan dil a kan dil tut tut a.Nimahsela,kan Pathian lah hi a ngawi veng veng te hian kan hre thin.

Kan Pathian in a ngaih pawimawh zawk chu a hun thu aiin,a thil tum tihhlawhtlin ani fo thin.Kan duh leh kan mamawh hun niia keini mihringten kan hriat kha Anin hun atih a la ni lova,keimahni lamah zirtur kan neih te min zirtirna hun atan a hmang fo thin.He nghah lai nun hi ringtuten thil tam tak kan zirna hun a ni chawk.

Kan Nghah Nen Kan Inbe Thin Ang:

Thil emaw, mi emaw kan nghah a pawimawh em em pakhat chu,kan nghah te nen a inbiak pawh reng hi a ni.Tun kum kumtir khan ka nu Zaii te awmna Tripura a Deikok khuaah kan zin a.Silchar atangin Bus in Noagong thleng kan tlan a,zan kan riak a.Noagong a kan awm lai chuan ka nu Zaii chuan min rawn bia a,kan kal leh zel dan tur,Teliamura khua a min lo nghah tur thute min hrilh a.

Tichuan,atuk zingah chuan Noagong atang chuan Agartala kal tur Busah chuangin Teliamura pan chuan kan chhuak ta.Kan tlan tluan loh avang leh pulis escort kan nghah rei avang chuan,Teliamura chu kan beisei hun ah kan thleng ta lova.Ram buai te a ni bawk si,kan vawikhat kalna ni bawk si,vai tawng thiam bawk si lo,chutia kan thlen hun tur a kan thlen tak lohvah chuan,min nghaktu,Nu Zaii chu a lo mangang em em mai a.Chhukna tur kan hai anga Agartala lamah an tlang ta a niang tiin,min lo ngaihven turin Agartala Miss.Compund hote a lo va phone a.

Keinni lah chuan kan tluan loh thute han hrilh turin phone kan nei bawk si lo,Kan thlen chinte,kan tluan loh thute kha,min nghaktu, Nu Zaii kha hrilh thei ta zel ila chuan,mangang leh khati em em a buai lo khan alo awm thei dawn a ni.

Kan Pathian,thil mintihsak tur leh kan mawmawhte min pe turte,kan dinhmun tawn meka min tanpui tura kan beisei na kawng ah pawh hian,A chhanna kan nghah chhung hian kan Nghah Lalpa nen hian kan inbe pawp thin tur a ni.Anih loh chuan,tlamuang takin kan nghak thei lova nga,buai leh mangang ,thlaphang deuh hian kan nghak thin ang.

Ka mamawh kan dinhmun kan hrilh mai hi a tawk lova,Ani pawh hian min biak ve a duh thin ani.Chutih hunah chuan a biak theih turin kan beng kan chi ngai em.Kan Pathian hi kan biak theih,kan kawm nel theih Pathian ani.Mizote hian Lalpa chu kan be nasa khawp mai,mahse,a biak ve theih tur hian kan hun,kan nun kan siam em le?Kan duh min tihhlawhtlin sak tur ringawt hian em ni kan Pathian hi kan beisei thin le?

Nghak La,Nghak Chhuak Thin rawh :
Lalpa kan beisei a kan nghah na ah pawh hian,nghak ve ting tang sia,nghah chhuah loh hi thil awm thei tak ani.A nghah lai nun chu hrehawm in nuam lem lo mahse,nghak hram hram la nghak chhuak thin ang che.

Lalpa chu khawiah nge,eng hunah nge kan nghahchhuah dawn kan hre lo.Nimahsela kan nghak a nga kan nghak chhuak thin ang.Manganna hmunah,lungngaihna hmunah,beidawnna hmunah pawh ani mai thei e.Chung huna,Lalpa kan nghah chhuah a,a hnathawh lo lang thin chu a ropuiin,chu aia hlimna nasa leh lawmawm hi a awm lo hial ang!

Zawlnei Isaia chuan,

He gives power to the faint,
and strengthens the powerless.
Even youths will faint and be weary,
and the young will fall exhausted;
but those who wait for the Lord shall renew their strength,
they shall mount up with wings like eagles,
they shall run and not be weary,
they shall walk and not faint.

Helaia Isaia’n,an chakna siam thar tur atihte,chau lova tlan tur atihte,hah lova kal tur a tihte hi,Lalpa nghaka,nghak chhuaktute an ni.

Danial ate thian za ho chuan meipui chhungah Lalpa an nghak chhuak.Mi hringte ngaih chuan Lalpa kha a tlai tawh ani.Nimahsela,Lalpa chuan ‘hun'(timing) aiia a ‘thiltum’ (purpose) kha a ngai pawimawh zawk si a.Meipui a paih lut lova chhanhim mai ai chuan,Meipui alh hluah hluah zingah pawh mei rim pawh nam miah lova,Pathian hnathawh lo lang kha a ropui zawk a.He thuah pawh hian Lalpa khan Daniala te a chhanchhuahna chhan kha Daniala te a khawngaih vang leh humhim a duh vang chu ni tho mahse,a tum ber zawk chu,kha chanchhuahna hmang khan a ropuina puanchhuah a duh ani.

Keini pawn tun hunah hian Lalpa beisei in a hnen atangin “chhanna” nghah mek kan nei em?Kan rawngbawlna ah,kan nitin hnathawhna ah,kan chhungkuaah,kan mimal nunah te?Chung kan beisei na zawnah chuan kan la nghak chhuak lo ani mai thei.Pathianin min min theinghilh ta ani lo.Kan duh huna chhanna kan hmuh loh avang in,min chhang lo/dawn lo tihna ni lo.A tlai dawn lova,A tlai ngai hek lo.Nimahsela,nghak hram hram la,nghak chhuak thin ang che.

Lalpa Chu Nghak rawh,A Tlai Dawn Si Lo !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s