Chhurbura roh em em; Nahaia'n neihsak phet a tum!

Latest

Video

Chhuahtlang Hmun Hlui- CFL Hmingthanga

Tukverh ka dak chhuak a, thla-bial ral lam tawh a lo eng no nghulh mai a. He hla hi kan ngaithla a, lenrual hlui te leh; ‘ngaih-tak-te’ a kan lo ngaihve thinte pawh min hriatchhuahtir rum rum mai !

1.Ka hlimni leh lawmlai ni pawh a,
Ka theihnghilh ngai loh mampui;
Sakhmel tawn loh ni a rei mange,
Hlimten khua hmuna kan len hun chuan;
Tawn loh kar lunglen i hril dun ang aw.

Hmangaihna ka sawi thiam lo ve aw;
I tello chuan hlimzai reng hi maw;
Ka rel thei mawlh lo ve.
Ka thuva nunnem min kal san suh,
Khawngaihin e ka kiangah awm reng rawh*

2.Nang vang hian e,zaleng dang te pawh
I ta ka nih thu hi hrilhin;
Sirah hnawlin nang ka thlang thin che.
Kei aia hmangaih zawk dang i neih chuan,
Khawvelah damchhan tur dang ka nei lo.

3.Tlin lohna zawng zawngte inngaidam tawna,
Felnaah inruattawn zawkin;
Hmangaihna chauh hi kan karah ding reng se,
Lei damchhung ni chhiar dun zel turin,
Hmangaihna chauh hi i vawng zel ang aw.

2012 in review- Kum Thar Chibai !

The WordPress.com stats helper monkeys prepared a 2012 annual report for this blog.

Here’s an excerpt:

600 people reached the top of Mt. Everest in 2012. This blog got about 7,800 views in 2012. If every person who reached the top of Mt. Everest viewed this blog, it would have taken 13 years to get that many views.

Click here to see the complete report.

Restless Heart: The Confession of Agustine

St. Agustine hi ka mi ngaihsan ani. A film chu, favang vel hian tichhuah tum ani. Ka enchak tawh ngei mai. Django  a chang, Franco Nero atel dawn bawk.

 

Chhinlung Sichuan Province-ah a awm an ti maw ?

Mizote hian ziak a history upa tak chhui tur kan neih loh avangin kan lo chhuahna tak leh kan thlangtlak tan na tak hi kan chiang fak hleithei lo chu ani a. Kan hriat hlat theih ber ‘CHHINLUNG’ atanga lo chhuak kan ni tih hi ani mai awm e.

Hman atang tawhin he Chhinlung hi zawn a, ngaihven a; khawi ram lamah nge a awm tih a chhui ani deuh fo tawh a. Tu’n an la hmuchhuak lem lo ani ngei ang. Nge, tih tak takin kan chhui lo zawk ? Nge , Chhinlung hi a awm lo hrim hrim zawk ?

Tunhnaiah, Rev. Lalremliana chuan, ‘ Chhinlung khua chu China ram a, Sichuan Province-ah a awm a, mi 4000 vel an cheng. Tibet hnam an ni a, sakhuana lamah chuan Bhuddist an ni ‘ a ti a. Tin, kan hnam tihdan leh culture, tawnga thil inang kan neih te a sawi lang nual bawk a. Rev. Lalremliana hian a hmun ngeiah he khua hi a tlawh anih a rinawm a. Rev. ani bawk a, a thuhriatte a rintlak turah ngai ang.

Chhinlung khua chu Sichuan Province-a a awm thu, Rev. Lalremliana’n a sawi hi; The Aizawl Post, May 5. 2012 a chhuak kha, ka thiannun a copy  chu thla la in ka chhiar ve turin min rawn thawn a. Ka rilru a luah ta reng a.

Zawhna awm thei tam tak a awmin ka hria. Rev. Lalremliana hian engtinnge, Mizo history a; Chhinlung an tih kha, Sichuan Province ami hi ani ngei tih a finfiah theih. The Aizawl Post chanchinbu, May 5 . 2012- a chhuaka a sawi  danah hi chuan, kan tawng in an thute, tap a lungthu pathum an hman thute, khawkrawk tih tawngkam an hman ve thute leh di leh dap an hmanve thuute atarlang a. Heng hi  Mizo thlangthla bang an ni e, tih nana  thutlukna siam nan chuan a ho lam deuhvin a hriat. Achhan chu, Yunnan Province- ah ngei pawh hian hetianga kan inanna sawi tur leh chhui dawn tur hnam hi an tam em em. Chung zingah chuan, Hani hnam te, Jingpo hnamte hi kan ang lehzual a. Jingpo hnam nen phei hi chuan kan tawng pawh inang; lam rik dan inang leh sawi thuhmun a awm nual mai !  Han chhui dawn takah chuan, Yunnan Province, China vela tribal ( minorities ) awm te, Vietnam leh Thailand ramri bawr vela awm hi chu kan in anna lai sawi tur a tam khawp mai.

Rev. Lalremliana’n , ” Thlangtla an sawi thin. An thawnthuah pawh kan thlangtlak dante hi an la nei vek a, thurochhiahte pawh an nei. Keini ( Mizo ) te hi a upa zawkah min dah, “ tia a sawi hi chu, ngaihven zui tlak leh chhui chian chakawm tak ani . Mizo historian ho tana, chiang zawk leh chipchhiar zawk a chhui duhtu tan kawng a sat zau hle mai.

” Chhinlung khua kan pi leh pu te’n doral hlauva Yalong lui mawng lama an tlawh thlakna kawngte chu a la thlur thla ruih mai a…” tiin a sawi bawk a. A sawi lunglen thlak thiam khawp mai. Heng kawngte pawh hi kan pi leh pute kawng zawh ngei ani chek ang chu maw !

Chhinlung = Sinlung ? ! A hming hi kan buaina leh kan rilru min hnehtu ber chu ani  awm e. ‘Chhin’ tih lai tak hi rang vutin an lam a, thenkhat chuan Chinlung an ti bawk a. Map lamah erawh chuan Sinlung tia ziak te pawh ani tiin a sawi bawk. Rev. Lalremliana hian, Chhinlung tih thumal hi, Chinese tawng ( Mandarin ) nge anih a, Tibetan tawng anih a sawi lem lova. Mandarin anih chuan, Chhinlung tih a, ‘CHHIN’ tih lai tak hi, Mandarin thumal anih arinawm lem loh ! Tin lo ni ta pawh nise,  Chhinlung tih khaw hming  Sichuan province-ah hian map-ah hmuh tur re re a awm lo.

 Map lamah Sinlung anti a ti a. Map ka hmuh theih chin chin kan en hian , SINLUNG tia khaw hming pu a awm bawk si lova. Sinlung tih hian Mandarin a a awmzia ahnai theih deuh thova. Tihian lo siamrem ta ila : SINLUNG tih chu XIN LONG ani thei mai em?  A awmzia chu, Xin= Thar (new ), Long = Rulpui ( Dragon ) tihna lo i ta se, Tibetan culture leh Chinese ( Han ) culture a, Dragon an ngaih ropui zia nen a khaikhinin a awmang thei deuh. Hei pawh hi a thluk dan azirin a awmzia adang leh daih thova, tin hetia Chinese tawng; Roman Script- ‘ piyin’ a ziah hi a Chinese Script ( Han Zi ) a ziah dan hmuh tel loh chuan awmze hrang daih anei leh thei bawk. Tin, Chinese tawnga thumal awmzia dik tak hre tur chuan Han Zi ( Chinese script ) kan en ngei ngei tur ani ang.

Xin Long tih pawh chu lo ni tase; Tibetan hnam ho awmna anih avangin Xin Long tia an koh chu a rinawm lem loh bawk. Anmahni Tibetan tawngin ( Tibetan hnamah pawh eng hnam ber, Kham, Amdo etc. ) he khaw ‘original’ hming hi an nei em emin a rinawm. China a tribal hnam tamtakte, chenna khaw hming hi Chinese sorkarin a thlak sak, Mandarin a dah sak khaw chhiar sen loh a awm. Hetia, khaw hming pakhat kan tawng nen a rik dan a inzul avang mai a, ani ngei e tih tawp mai hi chu pawm a harsa deuh ani. A naka ka zen kher hma chuan !

A hming chungchang pawh hi, Rev. Lalremliana hian han sawifiah thui thei deuh ta se. Tin, CHHINLUNG / SINLUNG chu Sichuan Province a, eng county, eng prefecture chhungah nge a awm tihte han sawi lang thei se chuan, chutia kan pi leh pute ; China rama la chambang awmte chu hman lo chung chung pawn kan va tlawh chhuak ve hram tur ! Tibetan sakhuain a la phuarbeh tlat an nih phei chuan, keini an tu leh fate hian Lal Isua Chhandamna hrilh chu kan bat avan ni dawn rua em !

A hnuaia mi hi The Aizawl Post a mi chu ani a, chhiar ve duh in awm tak in.

Chhinlung chuak Mizote

Yahweh

Naktuk ka thusawi tur, PATHIAN tih ani a. He hla hi rilruah alang tlat mai ! Tunlaiin, Sap Christian contemporary hlaah hian Pathian, Isua hming pawh lam mang lohna; lengzem anih leh nih loh pawh hriat hran mang hleihtheih loh hi atam ta em em mai. Hla tha, Christ-centered, Christ-exalting lamah chuan Southern Gospel lam hian an thawh hlawk khawp mai.

Engpawhnise, The Hoppers ( Hoopers Family ) in thiam em em maia he hla tha lutuk an sak hi in ngaihthla teh ang.

Much of You

He hla hi Pathian ni pualin…. 🙂

How could I stand here
And watch the sun rise
Follow the mountains
Where they touch the sky
Ponder the vastness
And the depths of the sea
And think for a moment
The point of it all was to make much of me?

Cause I’m just a whisper
And You are the thunder and

I want to make much of You, Jesus
I want to make much of Your love
I want to live today to give You the praise
That You alone are so worthy of
I want to make much of Your mercy
I want to make much of Your cross
I give You my life
Take it and let it be used
To make much of You

And how can I kneel here
And think of the cross
The thorns and the whip and the nails and the spear
The infinite cost
To purchase my pardon
And bear all my shame
To think I have anything worth boasting in except for Your name

Cause I am a sinner
And You are the Savior

This is Your love, oh God
Not to make much of me
But to send Your own son
So that we could make much of You

For all eternity

Chiangmai: Thailand -Part-2

Vawiin kan kal kual ve naa, nau pawm chhunga ka hmeh kual vel hi vawm bei leh ta phawt mai ila!🙂

massage hi lar hle

performance an lo nei a

entu mipui

hetianga chuan/khalh hi har reuh viau in ka ring...mahse, a nawm hmel reuh bawk si

kawn lun lai

tuk tuk an ti a, auto rickshaw ang deuh ani. mahse, tuk tuk hi a chak zawk a, chuan pawh a nuam zawk :-)

Tuk- Tuk an ti a, auto rickshaw ang deuh ani. mahse, 'tuk tuk' hi a chak zawk a, chuan pawh a nuam zawk🙂

2nd-hand lehkhabu zawrhna ka tlawh zuai, lei duh ka van ngah tak emmmm🙂

kan thlenna guest house hi dah ve re re ang