Chhurbura roh em em; Nahaia'n neihsak phet a tum!

Sport

Kan inkhel-Indoor football

Ka inkhel khat ta bawk a, nimin kan inkhel chu ka chau chhe hle ! Indoor football hi , a khelmual azim hle nangin a hahthlak khawp mai. Ball a rang a, khelmual ate si a; chet rang angai hle. PA nih hnu chuan tha pawh alo thum ve ta deuh 😛

indoor football

indoor soccer

kan go-li hi dive mawi dah dah ania 🙂

indoor football

Kan team hi, Brazilian leh Chilean an ni a. Kum 2005- 2007 khan team khat khel hovin; Kunming Cup-ah te pawh kan lo khel ho tawh thin. Anni ho pawh, PA an ni ta fur a, tunhma an pha ta bik lo. T-shirt hma- apuar ve ta ta hlawm ! 🙂

 

Advertisements

Lengkir bulah kan riak

Mizo zingah camping han tih chuan, Gospel Camping rilruah alo lang nghal a. Mahni in lum chhuahsan a, zan hnih khat (  kar hnih khat/ athla athla hial te pawh ani thei ang chu ) ramhnuai a riak bo hi camping chu ani mai ang chu. Ram riak tihte nen chuan a inang leh chiah bawk silo.

leigong mountain

Adventure Sports leh Outdoors activities lam reng reng hi chu ka tihve tawh chin chu nuam han tih loh em em hi ka la nei lo.

leigong shan

Lui hnar

lei shan

Kan riah hmun atanga lui mawng lam kan thlir chuan...

Kan veng khawlum lutuk tlansanin, chawlhkar hmasa; kartawp —weekend kha,  kan khua atanga km 40 vela hla—Leigong Mountain; Nature Reserve Area -ah kan va riakchhuak  a. Hman deuh pawh khan helai hmun kanva tlawhchhuah thu ka rawn post tawh kha.

chicken curry

Zanriah atan chicken curry

chapati

Atta ro nen

Lengkir bulah kan puan in kan kaih a; zanmut paha tuikhawhthla ri seng seng hriat te chu avan nuam tak em.

leishan

miao village

Kalkawngah Miao ho khua hmuh tur a awm nual

lu ruh

Mihring a ang ve em a


Bike testing,Bike Testing

Mizovin thirsakawr emaw sai-gul tiin kan sawi thin a— American hovin, Bike anti thung. Kan naupanlaia Saptawng kan zirve lai chuan bi-cycle tiin kan zir thin.

mountainbike

cassette / multiple freewheel

China ka thlen hlim khan ka’n  American thianpa khan bike te chu 500 RMB in tha deuh deuh lei tur a awm alawm ati a. Ka phur khawp mai a, atukah bike lei tura kan chhuak chu, sai-gul dawrah min tawp pui a. Khami nia ka hrilhhai zia leh lungawi lozia kha aw.

Sai-gul hlauh emaw ruksak nih emaw hi China-ah chuan thilthar ani hran lo. Ka sai-gul, parking lot a ka dah chu min ruk sak daih mai a. Ka thinrim viau nangin tihvak ngaihna a awm silo. Kar hmasa khan athar—FORMAT MOUNTAIN Bike chu ka lei leh ta ringawt. TREK bike vel kan lei pha ve si lo.

front hub

Vawiin khan ka sai-gul / thirsakawr thar chu ka’n test- chhin vela. Kan khaw chhehvel ka fang a.

Metal-road / highway lova tlan hi anuam zawk mah!

thirsakawr

Biking

gaosu gonglu

Highway

Ka sai-gul thar chuan min zo nelh nelh khawp maia , kei aiin a hah har leh nghal a; kei aiin a in fit zawk bawk .  🙂


Walking in Lantivet Bay

Lantivet Bay hi , South East Cornwall, UK — Celtic Sea kam a awm ani.  Abul hnaia khaw  awm hnai deuhte chu;  Polpero, Fowey,  Polruan, Lansallos leh Looe an ni.  Lantivet Bay-in a huam chhung hi Mel 6 vel ani a;  The National Trust -in an humhalh ani bawk.

Lantivet Bay

A khat tawkin thing-gate a awm zauh zauh. A bul vela  hringdup hi bawng leh beram tlatna anih vang ani mai thei. Kham ko lamah pawh hian thirlenin an hung deuh vek.

April thla-ah pawh khua ala vawt hle a;  duh angin khua athiang tawk lo.

Lantivet bay

Tuipui kam hrul zawha mel 5 vel han kal hnu chuan, khaw lum lutuk lo chu a nuam zawk mah.lantivet bay


lantivet bay
Tupui kam hi a khawkrawk hlawm hle a, beach avang khawp mai.


Kung Fu Shoe

Kan naupanlaia Kungfu ( Gongfu ) film lar thin em em pakhat chu; The 36th Chamber of Shaolin tih kha ani. A changtupa kha, Liu chai-fong-a [ Gordon Liu ] te kan tive mai mai thin. Kill Bill- film a arawn lan leh khan, kan naupan laia ka hmelhriat-pa; Liu-chai-fawng-a kha ani tih re re ka hre lo  🙂

Kan film enzo-te kha kong-fu thiamve ta tak takah khan kan ingai fo thin a– thian zinga upa zawkte khan, an kung-fu practice nan khan min hmanga; kick-bag ah kan tang fo mai!

Engpawhnise, khang kong fu film kan en thin vang kha nge; kongfu shoe kan tih  mai kha a rawn lar ta em em mai a. A nei hmasa te phei kha chu an va inchhuang thei tak!

kongfu shoe
Gongfu shoe:Buxie

Inkhelnah khan bun phal loh chang kan nei fo thin. A chhuat achan em avang khan a chhuih palh ana a; ngalchara min chhuihpalh kha chuan a vunchhia te kha a pilh hlawk thin. Inkhelhnaa bun kan duhna chhan pakhat chu; free-kick pet khan chip kante kha a nuamin, ba-na-na kual luh raih te kha anuam em bik atin ni ! 🙂

China -ah hian upa lam hian an la bun uar viau. Thangthar zawkte chuan bun enah an en lemlo. Khawpuiah aiin, thingtlang lamah bun hmuh tur an tam zawk. Chinese ho chuan, kong-fu shoe an tive lemlo. Buxie an ti. Bun anuam khawp mai a, hmeichhe bun chi pawh an siam.

Kan khua-ah chuan, bun khat hi 10 rmb ( Rs.60/-)  -in alei theih. Kua-lity hrang hrang pawh a awm ve. Tlema akuality kual tha deuh chu ato ve thei khawp mai. RMB 60 to 100 te hial ani.


A Visit to Emirates Stadium: Arsenal FC

Ka thianpa Frank-a hi Liverpool fans ruh lutuk mai ani a. England i lokal hunah Liverpool inkhel ka enpui ngei ngei ang che a ti a.  Mahse; kan hun neih danin a zir lova, kan en ta lo. Ka lunghnur hman viau nghe nghe.

London-ah karkhat vel kan cham leh tak hlauh avangin–chu chu remchangah lain, Arsenal FC  footbal stadium thar ; Emirates Stadium chu kava tlawhve ta hram a.

Stadium fang tur group-te hi chi hrang hrangah an then a. Chungzingah chuan Legend Tour hi, Arsenal inkhelthiam hmingthang thin ten an hruaina hnuaiah ani. Engtikahmah kal tikni kan nei leh tawh awm silova tiin, Legend Tour-ah chuan ka inziak lutve a.

Kenny Sansom
Kenny Sansom:1987 League Cup winning captain

Kenny Sansom: Arsenal leh England  player loni tawh thin leh captain hial pawh lo ni tawh chu kan tour guide tur ani. Arsenal bag; achhunga  Arsenal Club megazine— Manager Arsene Wenger-a’n, Stadium tlawhtute a lawmna lehkha leh, Kenny Sansom thlalak awm chu min pe a. Kenny Sansom chuan a thlalak chu a autograph min sign sak vek a.

Emirates dressing room

Dressing room

Dressing room hi manager Arsene Wenger duhdana siam an ni. Kenny Sinsom sawi dan chuan; player pakhat chauh pawn jersey ban tluan hak duh ta tlat se—an vaiin aban tluan an ha vek thin. A ban bul leh tluan an hak pawlh ngai lo, ati.

Emirates stadium hydro bath

Hydro bath

Dressing room bul lawkah hian bath room a awm a. Tin, Hydro-bath an ti mai chu  a awm bawk. Club dang neive an awm lo ani awm e.  Kenny Sansom chuan Sole Campbell kha an siam chhan deuh niawmin a sawi. A ni kha, inkhelh zawh hnu pawn ala khawng thei viau ani awm e.

emirates stadium

Emirates Stadium: Inkhel tura an lo chhuahna--Drectors Box atanga thlir thlakin.

Emirates stadium
Dressing Room

An dressing room pawh a nuamin, a hahdam thlak hle. A lu lamah hian white board ( Arsene Wenger-a game plan velnan ) leh TV an dah bawk. Dressing room bul lawkah hian, physio therapy room nuam tak a awm bawk.

emirates stadium
Arsenal football stadium

Kenny Sansom-a thu sawi thenkhatte :-

Inkhelh laia Arsenal players ho thutna — ke dahna-ah hian lum ape chhuak thei. Thlaksik lai phei chuan Substitute-te pheikhawk bun lova thuin hmu fo ang. Mahse, hei hi ‘away team’ ho thutna-ah chuan a awm ve lo thung.

Asene Wenger manager anih hma : Kum 87 chhung khan Arsenal-in jersey No-ah 13 an nei ngai lo. Mahse, Arsene Wenger chuan puithuna-atthlakah ngaiin, No 13 pawh an nei ta ani, ati.

Players-te leh fans te inkar hla lutuk chu avei hle a; Football mawina chu sumdawnna ( commercial ) lamin aluah hneh tawh hle niin angai.

Arsenal Press room -ah ( Arsenal press room hi chu, journalist / press miten an hmang ve ngai lo ) Kenny Sinsom kawmna  tlem  kan neih hnuin, ani chuan min tin san ta a. Tichuan, Arsenal store lamah kan hun hnuhnung chu kan hmang ta a. Thil ato emai a, lei ngam alawi pawh ka nei ve lo.

An stadium sak dan hian a zira. A tlar sang ber/ hnung ber atang pawh hian a lang chiang em em zel tho mai. Stadium ruak ringawt fan pawh a huhang a awm ve hle a; an inkhel te phei chu kan en ila aw !!

Thlak en belh duh tan : CLICK


Beijing : Great Wall of China 

Primary school-ah, ” Khawvela Bang sei ber chu CHINA-ah a awm “ tiin kan zir thin. Kan pi leh pute pawn, Great Wall of China sakna-ah hian telve a, chuta tanga thlang rawn tla ta  ni te pawhin an lo insawi thin.  Dik tak maw!

Kum 2008, October thla khan; Nu Madini leh Nu Rami ten Beijing kalpuiah min rawn sawm a. Ni 4 chung Beijing-ah kan cham a. Khawvela bang sei ber chu kan va tlawh ve a.

Section hrang hranga atangin Great Wall-ah hian a lawn theih a. A then lai phei chu chho ulh tak tak ani a. Vawn ban tel lo pehic huan chetsual hlauhawm tak ani. A lawn man hi, 80 RMB ani. Ka senso zawng zawngte Nu Madini leh Nu Rami-te’n min tumsak vek a;  ka vannei hle.

Engtiklai pawhin asang telin an tlawh reng a. A lun thei mep mep khawp mai.

Hetiang khampang leh hmun chhengchhe taka– tunlai khawl changkang pawh tel miah lova kulh ropui an lo din thei hi chu an lo turu ve re re e.