Chhurbura roh em em; Nahaia'n neihsak phet a tum!

Hna awlai lo !


Tawnglettu pawimawh zia an sawi leh an ziahte pawh ka chhiar fo tawh thin. Nimahsela, thil reng reng hi mahni’n tawnve phawt loh chuan afiah tawk lo fo thin. Kum 2007 November thlaa, Chinese thalai rualin Mizoram an rawn tlawh tum khan an tawng ka lo leh sakve a.

Lengpui Airport-ah kan lo dawng sawng a; anmahni lawmna hun tawite kan hmanga. Chinese Team  hotupa thusawi chu , Chinese atangin Mizo tawngin ka letling a; chung ka lehlinna tawngkam chu angai ngaiin atukah—chanchinbu front page-ah a rawn chuang ta kulh mai a ! Khata tang khan tawnglettute pawimawhzia hi atakin ka hreve tan tain ka hria !

Hna awlai lo :

Zanin ( 1.5.11 ) hian kan thiannu Chinese; Chinese tawng min zirtirtu  chuan pasal anei a. Pasal atana aneih hi American ani a, Chinese tawng athiam loh avangin leh kan thiannu thian loh kal tam zawkte hian Saptawng an thiam loh avangin, inneih inkhawm chu bi-lingual atih angai a.

Keichu English to Chinese letling turin min ngen a. Ka hna chu tlin tumin ka inbuatsaih ve ta a!

Mo chu a unaupa in a rawn kai lut a, aisle chanve-ah an ding a; moneituin stage lamah a hruai dawn chiah tihah chuan mo unaupa chu, ” Music kha ti tawp rawh u ” tiin a au ta tuarh mai a ! Kan hawi phawk nasa hlawm kher mai. An background chipchiara hretu ka nihve avangin ka hlauthawng kher mai.

” Tawng lettu kha hetah lokal teh se ” ati a. Tichuan an bulah chuan ka ding ta ran a. Mo unaupa chuan, moneitu pa chu kut zungchala kawng chhungin, ” SAP ( foreigner ) inih avangin, ka unaunu hi i duh duh a i bum a, i ching phar theihah ngai suh ang che. I bum anih vaih chuan, ka that ang che…” ati ta mai.

Mo mittui chu a sur hian asur zung zung a. A hlimna ni tur ber chu alungchhiatni leh atahna niah achang ta ! Asawi ang anga leh chu thiltih chi bera ka ngaih loh avangin, ” Duat takin enkawl la, hmangaih la, thlahthlam ngai suh ang che “ tiin ka thiam angtawk chuan ka tlip ta a.

Moneitu chuan aw dam  takin,  ” I unaunu hi ka nunna aiin a pawimawh nep chuang lo. Ka hmangaih a, ka thlahthlam ngai lovang tih ka tiam a che ” ati a.  Stage lam chu an pan ta a !!

MO background :

Kan Chinese thiannu hi, hmeichhia anih avangin a nu leh paten an duh lova, Kum 2 mi anihin — an hmelhriat chhungkaw khawsa thei deuh zawk hnenah an pe a. Hemite chhungkhua hian an fa angin an la ta a.

Kan thiannu hi Collage akal laiin, Chinese Kristian baibul pek a chhiar atangin Kristianah a inpe a. Kristian ani tih a chhungte a hrilh ni chuan, apa chuan; ” I a ta ani e “ tiin,” Kristian sakhua i phatsan / bansa leh hma chuan College pawh i kal tawh lovang ati ta bur mai si a. ”

College zir zawh ve ngei a duh bawk si a. Kar hnih aral chuan, apa hnenah Kristian sakhua a bansan tur thu a hrilh ta a.  Nimahsela Pathian thlarau chuan a awmpui reng a. College-a akir leh hnu thlakhat chhung chu amumangah; Isua hian a hnena kir leh turin alo sawm thin a. Atawp atawpah chuan a nun chu Isua hnenah ahlan thar leh ta a.

Tichuan, anu leh pate hriatpui lohvin Kristian kum khat chhung chu ani ta a. Pathian pawn an fellowship ho zingah pawh a hmang hle a. A roommate pa 3 -te chu; kum chanve chhungin ringtuah a siam nghe nghe a.

Chutia anu leh pa-te hriat lohva Kristian nih reng chu tha ati lova. Engpawh huamin anu leh pate chu ahrilh leh ta a. Chuta tang chuan anu leh pate hian an tuithlar ta a ! Semester break pawn an inah a hawn an phal ta lo! A vakvai chu ani ta der mai ! Nu leh pa dik tak ten an duh loh pawh a vanduaithlak a, arapthlak tawh tehlul len!

A inkhawmna thin, kohhran hotute pawn palai vawi tam tak tirin remna thu sawi an tum tawh thin a; engmah awmzia anei thei chuang lo.

Nikum kumtir atang khan helaia  rawngbawla rawn awm ve, American pa nen an inngaizawng ta a. Nupa a insiam te hial an duh tak avangin, min enkawl seiliantute chu hrilhve ngei atha e, tihthu hlaah; kan thiannu nu leh pate hi an hrilh ve a. Pasal aneihtur an hriat atangin, lawmpui ahnehin anchhia chi tinreng an lawh a. A unaupa phei hi chuan thah-ah te hial avau nghe nghe !

Hetia pasalte aneih dawn takah chuan tiin, a mipa lam atang ang zawngin; an fanu dil tur leh remna siam tumin, kei leh kan thawhpuipa pawh kan thiannu nu leh pate hmu tur hian kan lo thawkchhuak tawh a. Kan hlawhchham chiang hle !!

Hmangaihna chu engmahin then thei hek suh. Inneih chu an ti tlu ta a.  An inneih hma niin, a unaupa chuan inneihna  rawn tel aduh thu a rawn hrilh lehhnuhhnawh tak avanga; vawiin inneih niah pawh rawn tel ve leh ta a—afarnu pawh rawn hruai lut ta kha ani a !

Vawiin ni a, athusawi a sawi anga ka lettling lo pawh kha ka inthiam lo em em ta lo. Ka hna chu ka hlen lo chu nimahse, ka inchhir hran lo.

 

Tawng lehlin hi thil namai alo ni lo !

Advertisements

26 responses

  1. bmw

    ”Pathian pawn an fellowship ho zingah pawh a hmang hle a. A roommate pa 3 -te chu; kum chanve chhungin ringtuah a siam nghe nghe a.”

    A van han ropui em! Mizo kristian, phaia hostel a awm tawh kan han tam nen..hetiang ang record nei hi an tlem ngawt ang. Ka ngaisang lutuk. I hmuh hunah i lo hrilh dawn nia 🙂

    May God bless her with all the love and happiness she can hold.

    January 5, 2011 at 11:17 pm

    • Ka pi black, i tilawmawm thin e. Ka lo hrilh ang. Kan thiannu chanchin hi ziah tham a awm asin. A tuar nasa ve khawp mai!

      January 6, 2011 at 7:24 pm

  2. H.Vangchhia

    kan Zhong guo ren pa chuan, “Wo hui qieduan ni de yinjing,” a ti tel lo maw 😀

    January 6, 2011 at 2:35 am

    • E khai a! Mei guo ren pa chu, a ngaihsan em em zhong guo ren tawng pawh avan thiam nuah nuah ve 🙂

      January 6, 2011 at 7:30 pm

  3. H.Vangchhia

    Cantonese phei chu hihiiii. Thenawmpa, i hnathawh hi ropui ka ti thlawt, kan pastor ka dawr mek a, remchan chuan keipawh ke ka pen chhuak ve ang.

    January 6, 2011 at 10:32 pm

    • Lalpan kawng ala hawng zel mai ang! Meiguo-ah pawh khan misawnari hna thawh tur atam khawp in ka hria!

      January 8, 2011 at 7:30 pm

  4. Tun tuma i thuziak zet chu, nidang ami nen a inang ta lo. Love story a tel deuh roh bawk a, a ngaihnawm dan a dang ta zar mai. Tawnglettu hna hi hna awlai anih ka ring lo khawp mai. Vawikhat pawh Chakma CEM thusawi, chakma pakhat, mizotawng thiam zet mai hian a let a, mahse tawng lehlin hi a lo har a ni angn sentence tin tawp khar nan “hemi hian a ti a ni” a ti deuh zel a, nuih a za ru duh tlat.

    I tawng lehna ang hmun phei khi chu a nuamlo duh khawpin ka ring. Nang zet zawng, mahni pianpui tawng ni miahlo kha, mahni pianpui tawng ni lo vekin duhtawkin i let thei a nia. i ngaihsanawm khawp mai.

    January 7, 2011 at 5:34 pm

    • Haha! Ni e, tawng leh hi alo awlai lo khawp mai.

      Ekhai, thiam vang pawh nilo, atulna in min ur thluk em vangin kan tive sawih sawih ani e.

      January 8, 2011 at 7:37 pm

  5. A tha ka ti hle mai. Min hneh khawp mai. Tawng lettu hlutna a san rualin i hlutna a sang tel zel dawn tihna a ni a, i dinhmun a sangin a pawimawh tak zet.

    Kan nula-i tawrhna khan min va hneh tehlul em! A rinawmna chu a la seng dawn si. A hmangaihna kawng chu a chhukchho ve em a ni.

    A dik diaka lehlin a that lohna chin pawh a awm ngei dawn a nih chu!

    January 8, 2011 at 12:40 am

    • Mr. TS-TuaiSialA, ni e, hetianga tawrh reng ngaih tawh lohna hmuna kal achak tawh thu te hi a sawi fo thin !

      Tawng leh hi thil nuam tak alo ni lo!

      January 8, 2011 at 7:33 pm

  6. khumchikthei

    Hotupa,
    Kum thar chibai le.

    …khrum

    January 8, 2011 at 4:08 am

    • Khrum, Hotupa, Ka lawm e. Nangpawh Kumthar chibai!

      January 8, 2011 at 7:38 pm

  7. Krista Roluahpuia

    Ava tha em! Missionary report ang tluk zet alawm le. Ka hre chiang chak hle mai che a. I let dan a awm zia hle mai.

    Chuan Mo chanchin khi a va ngaihnawm teh lul em! I lallukhum a chhah bik dawn chiang mai…

    January 8, 2011 at 3:20 pm

    • Ka blog tlawm takah i lo lenglut thin a, ka lawm tak zet! Mo chanchin hian a ringtupuite avel fo mai.

      January 8, 2011 at 7:42 pm

  8. Maisek

    Seki, i thil ziah chu a ngaihnawmin a ropui hle mai! I thiannu khi ka khawngaih rualin, ka lawmpui a, Pathianin a awmpui zel ang tih ka ring! Tawng i leh dan chu i thiam ka ti kher mai! Anih ang anga leh hi a trul ber lo fo! A meaning a convey kha chuan, a tawk viau ani! Remna siam i lo ni nghal zeih bawk nen! Thu ziah ngaihnawm dan i thiam ka ti hle mai! I rawngbawlna Pathianin awmpui zel che rawh se!

    January 9, 2011 at 6:55 pm

    • Hotunu, iti lawmawm thin e. I lo len luh hi chuan minti phuisui !

      January 9, 2011 at 9:39 pm

  9. sisen

    I let ropui hle mai, I chhuanawm.

    January 10, 2011 at 12:29 am

    • Khaia, pu Sisena vit vet chu! Ka chhuanawm lohzia i la hre lo ani maw ? 🙂

      January 10, 2011 at 10:56 pm

  10. A ngaihnawm hle mai. I thiannu chanchin chu ziak la, a bu te pawhin chhuah rawh. Mi tam tak cho chhuaktu a ni thei ngei ngei ang.

    Tawng lehlin hi – tawng pakhata an sawi lehlin ringawt chu a zia, mi inbiakna, a pahniha lehlin chu a hautak dan a dang khawp a sin.. i letling thiam hle mai.. 😛

    January 10, 2011 at 5:54 pm

    • Hotupa, i reh rei hle mai! I rawn len luh khat hi chuan a khawharthlak ! Nia, nikum lam atang khan, kan chinese thiante testemony hrang hrang hi ka lawrkhawm a; lehkhabu lian vak lolova la chhuahve theih achakawm khawp mai.

      January 10, 2011 at 10:59 pm

  11. lehlin hi thil awlai a ni lo, a tawng pahnih kha thiam fe ve ve a ngai.. thuthmuna leh melh melh chu a zia, mipui hma-ah phei chuan.. an tawng ran phei chuan.. i fakawm hle mai, mahni tawng lo, mahni tawng lo vekin i letling a ni awm si a..

    January 10, 2011 at 9:36 pm

    • Hotunu, iti lawmawm e. Thaim vang em em pawh nilo, lettu dang awm loh vangin ka ti ve mai mai ani e 🙂

      January 10, 2011 at 11:00 pm

  12. Hotunu hi a damlai a ni em daih maiin? In khua zin leh chakawm a..Airport ka awmlai a intawng harsat zia leh ka beidawn zia kha.. tawnglet tu awm hlauh se zawng ka thaw huai ngei ang. Nuamlo mahse a thenlaiah chuan a dawngtu tan malsawmna a nih chang a awm ve thin. A thuhrimin i romantic riau minlo zirtir ve ta che 🙂 Tawngleh chungchangah ka leh theih hi ka ngaihtuah ve a, engmah zuk awmlo a!

    January 11, 2011 at 10:10 am

    • Ekhai Pu Sawm, hotunu pawh adam alawm 🙂 Kan khua chu rawn zin leh tawh la! Tunah chuan province hranah ka awm tawh a. Ke a kal vak vak tawh lovin ka lo fan pui tawh ang che 🙂

      January 13, 2011 at 11:02 am

  13. Congrats to the newly married couple, and good job to you.. 🙂 Happy New Year!! May God bless you..

    January 12, 2011 at 8:13 pm

    • Nangpawh Kumthar chibai le!

      January 12, 2011 at 10:44 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s