Chhurbura roh em em; Nahaia'n neihsak phet a tum!

Christianity

Kristian vanram kawng zawh thu Bung-3

Chutichuan ka mumangah chuan chung thu an sawi lai chuan phaizawl chirhdup nasa tak chu an lo hnaih ta em em a. Chutia engmah ngaihtuah lova an awm lai chuan chirhdup hmunah chuan an lo lut dun ta a. Chumi hmun hming chu Lungngaihna Chirhdup hmun a ni. Chutah chuan an han kal a, chirhdiak chu nasa takin an kai ta a; Kristiana chu a hnunga phurrit tak awm avang chuan a lo pil dawn ta a.

Chutichuan Thlemsama chuan,”E hei ! Thian Kristian, khawiahnge i awm tak?” a ti a. Kristiana chuan,”Ka hre hauh lo mai,” a ti a. Chutichuan Thlemsama chu a lungnilo tan ta hle mai a, thinur takin a thian hnenah chuan,”Heng hi maw lawmna tia min hrilh kha?Atir apanga hetiang a nih chuan kan kalna tur tak kan thlen hmain eng ang hrehawm tak te la tawk cheu ang i maw ? Kei zawng ka chhuah leh theih phawt chuan ka kir leh mai ang, duh leh chumi ram chu chang bik mai ang nang che,” a ti a. Chutichuan chhuah tumin a han bei chiam a, chumi chirhdup  hmunah in lam pangah chuan a chhuak leh ta a. Chutichuan a kal bo va, Kristiana chuan a hmu leh ta lo va.

Kristiana chu amah chauhvin Lungngaihna Chirhdupah hmunah chuan a awm a; nimahsela chirhdup ral leh lampang kawngkhar awmna lamah chuan chhuah a tum tal a; nimahsela a hnungzanga phurrit tak awm avang chuan a chhuak thei lo va.

Tin, ka mumangah chuan, chu mi hmuna a la awm lai chuan mi pakhat a hming Puitua a hnenah chuan a lo kal a, chutah chuan engnge a tih a va zawt a. Kristiana chuan,”Ka pu, mi pakhat Pathianthuhriltuan saw laia kawngkhar saw min kawhhmuh a, chutah chuan thinurna lo thleng tur tlansan turin ka kal dawn a ni, chutichuan hetah hian ka lut ta mai a ni,” a ti a. Tin, Puitua chuan,”Engatinge kawng chu tha taka i en loh le ?” a ti a. Kristiana chuan,”Hlauhawm nasa takin min zui a ka hmanhmawhin kawng chu ka en tha hman lo lo va, hetah hian ka lo lut ta mai a ni,” a ti a. Tin, Puitua chuan,”A nih leh i kut min han pe rawh le,” a ti a. Tin, ani chuan a han pe a, a hnuk chhuak a a kalna tur lamah chuan a kaltir leh ta a.

Tin, a hnuk chhuaktu hnenah chuan ka va kal a, a hnenah,” Ka pu,he mi hmun hi Boralna khua atangin sawta kawngkhar kalna saw a ni si a, mi veivakte thlamuang taka an kal theih nan engngatinge siam that a nih loh?” ka va ti a. Tin, ani chuan,”He hmun hi siam that theih rual a ni lo, bawlhhlawh tinreng luankhawmna a ni a; chuvangin a hming pawh Lungngaihna Chirhdup hmun tih a ni. Chu lo rengah pawh, mi sualin an bonate an lo hriat chuan, hlauhna te,  rinhlelhna te, lungngaihna te an lo nei a, chung chu hetah a luang khawm  vek a; chuvang chuan a lei a tha lo a ni. Chumi chu Lalpain  a duhzawng a nih avanga awmtir a ni lo; hnathawktute pawhin siamthat tumin  kum tam tak an bei tawh a, tawlailir tam takte pawh a pil tawh a, a siam that nan Lalpa ram ata thilte an rawn la a, a siam that theih mahna tiin vawi tam tak an bei tawh a; nimahsela tunah pawh a tha chuang lo va, a ngaiin a la awm reng a ni. Dan petute pawhin chumi chirhdupah chuan  rahka an siamtir thin a, nimahsela chu mi chirhdupah chuan bawlhhlawh a lo chhuak a, a hmuh a lo harsa leh mai thin a ni. An hmuh theih pawhin an lu haiin rahka chu an rap thelh a, an bawlhhlawh leh vek thin a ni. Kawngka an luh hnu saw zawngin a lei a lo tha tawh a ni,” a ti a.

Tin, ka mumangah chuan, Thlemsama chu a in a lo thleng leh tawhin ka hmu a. A thianteho chu a inah an leng khawm a. A then chuan a lo kir leh avang chuan fing an ti em em mai a. Thenkhat erawh chuan,”Kal i tum tirh atang reng khan hrehawm tlemte pawh i tuar peih kan ring lo reng a ni ,” an ti a, an nuihsan a. Chutichuan Thlemsam chu a tau reng mai a; nimahsela a tawpah zawng a lo tawng ngam ta deuh va, an thu an lamlet a, Kristiana chu an nuihzatbur ta zawk a. Thlemsama lamah an tang leh ta zawk a.

Advertisements

Kristian Van Ram Kawng Zawh Thu: Bung – 1

He mi khawvela ka vah ka vah laiin khawii hmun emaw puk awmna ka va thleng a, chutah chuan ka han muhil a;tin, chuta ka muthilh lai chuan mumang ka lo nei ta a. Ka mumangah chuan mi pakhat puan chhe tak sina a in lam chu hawisan renga ding ka hmu a. Chu mi chuan lehkhabu pakhat hi a keng a, a hnungzangah chuan phur rit tak hi a phur bawk a. Tin, ka en reng a, a lehkhabu chu a keu va, a han chhiar a; tin, a han chhiar chuan a tap a, a khur a, chutichuan a ngawi hle hle thei ta lo va.”Engtinnge ka tih tak ang ?” tiin lungngai takin a tap ta chiam a.

Chutichuan lungngai takin a in lamah a haw leh ta a. A lungngaihna chu a nupui leh  a fate hriat theih loh nan a inthup hram hram a. Nimahsela a lungngaihna chu a lo nasat deuh deuh avangin a inthup rei thei ta lo va, chutichuan a nupui leh a fate hnenah chuan,”Aw, ka nupui leh ka fa duh tak te u, kei, in mi duh tak hian phur rit tak ka phur a, chumi avang chuan ka boral dawn ani. Chu lo rengah pawh he mi kan khua hi van atangin meiin a rawn kang chhe vek ang tih miin min hrilh a, chu mi hlauhawm tak chuan nangni ka fa duh tak te, ka nupui nen keimah chawp hian min tiboral vek ang, a pumpelhna kan hmuh a kan him theih mial nghal loh chuan,” a ti a.

Chutichuan, a laichinte chu an mangang a; chu a thusawite chu a dik ang tih an rin vanga mangang zawng an ni lo va, thil tha lo engngemaw a zawl ani ang tih an rin avanga mangang an ni zawk a. Khuate pawh a lo thim dawn tawh a, chutichuan muhil sela a reh deuh ang e, tih an rin avangin an muttir ta thuai a.

Nimahsela, zanah pawh chuan chhun ang bawkin a lungngai a, muthilh ahnekin lungngai rum leh khurin a tap zankhua zawk a. Khua alo var chuan eng angin nge a awm tih an zawt a, ani chuan a zual deuh deuh zawk tih a hrilh a. Tin, an hnenah chuan a lungngaihna thute chu a sawi leh a, nimahsela an rilru an tikhauh ta tlat a. Tin, anni chuan tihnawmnah leh vinin a reh theih an ring a, chutichuan a changin an nuihsan a, a changin an zilh a, a changin an thlahthlam der thin a. Chutichuan an tan tawngtaisak tur leh a lungngaihna tihreh tura dil turin ama pindanahte an kal thin a. Amah chauh tein phulah a leng thin a; a changin a lehkhabute a chhiar a, a changin a tawngtai a; chutiang chuan ni engngemaw zat lai chu a awm a.

Chutia phula a kal a, a lehkhabu a chhiar lai chuan a rilru a lo mangang ta em em mai a, hmana a tih ang bawk khan “Chhandama ka awm theih nan engtinnge ka tih ang?” tiin a au leh ta chiam a. Tin, tlan tum ni awm takin a hawi vel ruai mai a; nimahsela khawi lama tlan tur nge tih a hriat loh avangin a ding reng a. Chutichuan ka en reng a, mi pakhat a hming Pathianthuhriltua a hnenah chuan a lo kal a,”Engvangin nge i tah ?” ati a. Tin, ani chuan,”Ka pu, ka lehkhabu kenah hian thi tura ruat ka nih leh chumi hnua rorelnaa kal tur ka ni ka inhria a, tin, thihte chu ka ngam si lo va, rorel saka awm pawh chu ka zuam bawk hek lo,” a ti a. Tin, Pathianthuhriltua chuan,”Engangnge thih  duh loh ? He khawvelah hian sual a tam vei nen ?” a ti a.

Tin, ani chuan, “Ka phurrit phurh hian thlan aia thuk zawkah min pilpuiin leilawtah ka tla ang tih ka hlauh vang ani; tin, thih chu ka ngam si loh chuan rorelnaa kal pawh chu ka ngam chuang si lo, chuta ka kal chuan hrem ka ni ngei dawn si a, chung ang chu ka ngaihtuahin ka tah a chhuak a, ka tap thin a ni,” a ti a.

Tin, Pathianthuhriltua chuan,”Chutiang chu i awmdan a nih si chuan engatinge hetia i din reng mai ?” a ti a. Ani chuan,”Kalna tur chuang hre hek lo i” ati a.Tin, Pathianthuhriltua chuan lehkhabu a pe a, chutah chuan,” Thinur lo thleng tur chu tlansan rawh u,” tih ziak hi alo chuang a. Chu chu a han chhiar chuan Pathianthuhriltua chu ngun takin a en a,”Khawiahnge ka tlansan ang.”tiin a zawt a. Tin, ani chuan phul zau tak lam a kawhhmuh a,”Saw ta kawngkhar saw i hmu em ?”a ti a. Ani chuan,”Hmu lo” a ti a. “Anih leh sawta eng saw i hmu em ?”a ti leh a. Ani chuan,” Ka hmu awm e,” a ti a. Chutichuan Pathianthuhriltua chuan, “Sawta eng saw ngun taka enin pan ta la, kawngkhar i va hmu ang a, chu chu han kik la, i tih tur chu an lo hrilh ang che” a ti a.

Chutichuan ka mumangah chuan chumi chu tlan ta chiam hian ka hmu a.  A in atanga hla mang lo a thlen chuan a nupui leh a faten an lo hria a, kir leh turin an au chiam a thin a; mahsela ani chuan a beng a hup a,”Nunna, nunna chatuan nunna,” ti chungin a tlan ta zel a, chutichuan hnung lam hawi duh hauh lovin a kal tumna lam chu panin a tlan ta zel  zawk a.

                                           **********************************************************************

Kristian Van Ram Kawng Zawh Thu [ The Pilgrim’s Progress ] hi ka lehkhabu chhiar tawh zingah ka duh ber pawl ala ni fan. Nasa taka ka nun min chawmtu leh min khawih danglamtu ani. Tuna a copy ka kawl hi a hlui tawh deuhva, a lettu leh chhuahtu inziahna phek a tla tawh anih ka ring. Ka hriat dan  chuan, Mizoram Baptist pastor hmasa ber Pastor Chuautera lehlin niin ka hria. Pathian Ni pual a chhiarah ka rawn chhawpchhuak ani e. A saptawnga chhiar duh tan tah hian a chhiar theih bawk e. [ Click ] 


Iranian pastor khaihlum tur lehkhathawn

Kum 33 a upa, Iranian pastor chu khaihlum tura a chung thu rel ani. Pastor Yusef Nadarkhani hian, kum 2009 khan, Iran a sikul zawng zawng a; Kristian naupangte pawh Koran chhiar tir thin chu a duh lo thu asawi chhuah atangin, Muslim 99 % awmna Iran sorkar chuan a lawm lo hle tawh a. A hnua, a kohhran (house church ) member 400 vel awmna  chu register a tumna lamah; sorkar thuneitu lam chuan, Muslim dang te Kristian a siamah puhin an man ta a.  Kristian sakhua a phatsan chuan chhuah zalen anih tur thute pawh an hrilh. Nimahsela, he pastor hian a rinna chu phatsan a tum lo thu a hrilh atangin man ania, chuta tang chuan lunginah khung ani ta. A Supreme court ah hial ngaihtuah anih hnuah, thiamlohchantirin khaihlum tura a chungthu rel ani a, final verdict nghah mek ani.Khawvel ram hrang hrang a Kristiante atan an tawngtai mek, i tawngtaipui ve theih phei chuan a lawm awm ngawt a. Nupui neiin, fa pahnih anei bawk.

Tanin atanga a a kohhranhote lehkhathawn hian min khawih riau mai a, kan chhawpchhuak ani e. ( Source : CLIK )

This message has been translated from Farsi to English.

Dear brothers and sisters, Salam

In the Name of our Lord Jesus Christ, I am continuously seeking grace and mercy to you, that you remember me and those who are bearing efforts for his name in your prayers. Your loyalty to God is the cause of my strength and encouragement.
For I know well that you will be rewarded; as it’s stated: blessed is the one who has faith, for what has been said to him by God, will be carried out. As we believe, heaven and earth will fade but his word will still remain.

Dear beloved ones, I would like to take this opportunity to remind you of a few verses, although you might know them, So that in everything, you give more effort than the past, both to prove your election, and for the sake of Gospel that is to be preached to the entire world as well.

I know that not all of us are granted to keep this word, but to those who are granted this power and this revelation, I announce the same as Jude, earnestly contend for the faith that was once delivered to the saints.

We are passing by special and sensitive days.They are days that for an alert and awake believer can be days of spiritual growth and progress. Because for him, more than any other time there is the possibility to compare his faith with the word of God, have God’s promises in mind, and survey his faith.

Therefore he (the true believer) does not need to wonder for the fiery trial that has been set on for him as though it were something unusual, but it pleases him to participate in Christ’s suffering. Because the believer knows he will rejoice in his glory.

Dears, the “ judgment must begin at the house of God: and if it first begin at us, what shall the end be of them that obey not the gospel of God? And if the righteous scarcely be saved, where shall the ungodly and the sinner appear?”

Therefore those who are enduring burdens by the will of God, commit their souls to the faithful Creator. Promises that he has given us, are unique and precious. As we’ve heard he has said: “Blessed are they which are persecuted for righteousness’ sake: for theirs is the kingdom of heaven. Rejoice, and be exceeding glad: for great is your reward in heaven: for so persecuted they the prophets which were before you”

How can it be possible for a believer to understand these words?
Not only when he is focusing on Jesus Christ with adapting his life according to the life Jesus lived when he was on earth? As it is said ” O fools, and slow of heart to believe all that the prophets have spoken: Ought not Christ to have suffered these things, and to enter into his glory? And it is easier for heaven and earth to pass, than one tittle of the law to fail.”

Have we not read and heard: Because strait is the gate, and narrow is the way, which leadeth unto life, and few there be that find it. Many attempt to flee from their spiritual tests, and they have to face those same tests in a more difficult manner, because no one will be victorious by escaping from them, but with patience and humility he will be able to overcome all the tests, and gain victory.

Therefore in the place of Christ’s followers, we must not feel desperate, but we have to pray to God in supplication with more passion to help us with any assistance we may need.

According to what Paul has said: In every temptation, God himself will make a way for us to tolerate it.

O beloved ones, difficulties do not weaken mankind, but they reveal the true human nature.

It will be good for us to occasionally face persecutions and abnormalities, since these abnormalities will persuade us to search our hearts, and to survey ourselves. So as a result, we conclude that troubles are difficult, but usually good and useful to build us.

Dear brothers and sisters, we must be more careful than any other time. Because in these days, the hearts and thoughts of many are revealed, so that the faith is tested. May your treasure be where there is no moth and rust.

I would like to remind you of some verses that we nearly discuss everyday, (Our Father in heaven, hallowed be your name, your kingdom come, your will be done on earth as it is in heaven.) but as long as our human will has priority over God’s will, his will will not be done.

As we have learned from him in Gethsemane, he surrendered his will to the father, “My Father, if it is possible, may this cup be taken from me. Yet not as I will, but as you will.”

What we are bearing today, is a difficult but not unbearable situation, because neither he has tested us more than our faith and our endurance, nor does he do as such. And as we have known from before, we must beware not to fail, but to advance in the grace and knowledge of our Lord and Savior Jesus Christ, And consider these bumps and prisons as opportunities to testify to his name. He said: If anyone is ashamed of me and my words, the Son of Man will be ashamed of him when he comes in his glory and in the glory of the Father and of the holy angels.

As a small servant, necessarily in prison to carry out what I must do, I say with faith in the word of God that he will come soon.”However, when the Son of Man comes, will he find faith on the earth?”

Discipline yourself with faith in the word of God. Retain your souls with patience. For there is no man that doeth anything in secret, and he himself seeketh to be known openly.
May you are granted grace and blessings increasingly in the name of Lord Jesus Christ.

Yusef Nadarkhani
Lakan Prison in Rasht
2/June/2010


Bible i ngai hlu em ?

Bible engzat nge i kawl ? Sande sikul kaikim lawmman a i lak ringawt pawh  chhiar sen loh i nei ngei ang. I book shelf kil khatah i hung mai mai ang. I tan lehkhabu hlu an ni em le ? Saptawng chhiar thiam inih chuan version hrang hrang engzatin nge i book shelf  luahlum a, commentary engzat nge i kawl ? I chhiar ngai loh leh keu pawh i keu ngai loh atam zawk an ni em ?

Kristian i ni a, I bible nei lai kha i tan eng ang chiahin nge i ngahihlut a, i nun kaihruaitu a nih le ?

Bible pum keimahni tawng ngei kan neih bakah, Bible commentary tha tak tak chhiar tur kan neih mek lai hian,  anmahni pianpui tawnga Bible bu pakhat takngial pawh chhiar tur nei lo hnam tam tak an la awm.

I Bible kha lehkhabu pakhat ve maiah i ngai  hial tawh em ? Ahnuai video hi han en la, Bible ( Pathian Thu ) ngaihlutna leh A THU a riltamna thar apek ngei che ka beisei !

 

Kimyal tribe te chu, Indonesia ram West Papua ; Eastern Highland a hnam mawl ve tak te an ni. Kum 1963 hma lam zawng kha chuan; tu hriat an hlawh lo. Kum 1963 ah WTM – Chanchin Tha hril tu pawlin an tlawh pawh atanga mi hriat hlawh ve ta chauh an ni. Kum 1968 khan an zinga Chanchin Tha hril tum, misawonari pakhat phei chuan a matar phah nghe nghe. Pathian Thuah an tuihal hle a, kum 2010 khan, anmahni tawng ngeiin; Thuthlung Thar Bu pum chu an nei ta ani ! Tah hian chiang zawngin chhiar tur a awm : Kimyal Tribe


Frank Jenner of George Street

Kum 1953 khan Bournemouth, England-ah zan khat chu Baptist biakin pakhata pastor; Rev. Francis Dixon chuan an kohhran member Peter Culver-a chu a testimony asawi tir a.

Peter Culver-a chuan, ” Royal Army ka tan laiin, Australia khawpui Sydney a George Street a ka kal laiin, mi pakhat hian ” Ka pu, vawiinah hian thi la, khawiah  nge i kal ang ? Vanramah nge hremhmunah ? Khawngaihtakin he zawhna hi ngun takin i lo ngaihtuah dawn nia. Lalpan malsawm che rawh se” a ti a. A kal leh ta maia . Khatiang zawhna kha tuman min la zawt lova, ka rilruah hian a riak reng a, England ka kir leh hnu hian mi mipakhat thahnemngaihna avangin Kristianah ka inpe ta ani.

Hun engngemaw chen ral hnu chuan, chu kohhranah vek  chuan Thalai Inkhawm an nei a.  An thalai inkhawm rawn thlawhtu zing ami, Noel-a chuan a testimony tihian a sawi a. ” Royal Navy ka tan laiin, Australia, Sydney kan tlawh tumin; George street a ka kal laiin mi pakhat hi a lo lang hlawl a. “Tlangval, zawhna zawh duh che ka nei. I thih hunah khawiah nge i kal dawn ? Vanram ah nge hremhmunah i kal ang ? A khawi emaw zawk zawkah i kal dawn.” Chupa zawhna chu ka rilruah athi thei re re lo mai a, Kristian thian ka zawng a; tichuan ka nun Isua tan ka hlan ta a”

Bournemouth Baptist khaw pastor chuan mak a ti hle a! Tumkhat chu, Australia chhim lama khaw pakhat, Adelaide a athusawina-ah chuan, Peter-a leh Noel te’n, George street a an thil tawn chu a sawi a. Chutia a sawi lai chuan, pa pakhat hi hlim deuh hian a rawn zuang tho a,” Keipawh, kei pawh. Chutiang chiah chiah tho chuan George Street a ka thil tawn avangin Kristian-ah ka inpe ” a rawn ti a.

Frank Jenner

Frank Jenner

He pa hi Corporal Murray Wilkes-a ni. George Street a hmahmawh em em a tram a chuan atum laiin a hnung lam atang chuan, ” Ka pu lo ding lawk teh ” Murray chu a dinga . Mi pakhat hian,” Sipai, zaninah hian thi tala vanramah nge hremhmunah i kal ang?” Murray chuan, ” E vanram ah ka kal ka beisei” Chu pa chuan, ” Beisei ri ngawt atawk lo, i hriat chian ngei angai!”

Kar hnih ral hnua chuan, Murray chu sipai barrak-ah thingthiin a nun Isua tan ahlan ta a!

Pastor Francis Dixon chu hmun hrang hrangah a zin kual zel a. Perth khua a a thusawinaah  chuan a thil hriat mak tak chu asawi leh ta a. Athusawi zawh chuan, tlangval pakhat Navy a tang thin, George street a tlawh tum a chu pa pakhat zawhna avang bawk chuan Kristiana a inpek ve thu a rawn sawi leh ta a.

Pastor Dixon-a Sydney athlen chuan, chu papakhat chanchin chu chiang zawka hriat atum ta a.  ” George street a pa pakhat; mite an thih hnua an kalna tur zawt thin hi i hria em? ” tiin rawngbawltu pakhat, Alec Gilchrist a zawt a. Ani chuan, ” Ka hre lutuk alawm, a hming chu Frank Jenner ani e. ” ati a.

Pastor Dixon chuan, Frank Jenner chu a chenna in tlawm takah chuan ava hmu ta a. Pastor Dixon-a chuan, a zawhna mawlte hmanga Navy pali lai Kristian anih tak dante chu a hrilh a. Frank Jenner rilru a khawi kher mai.” Khang Pathian thu tawite ka hrilh te kha an piangtharin Kristian an nih tak leh tak lo hi engmah ka hre ngai lo asin. Mitlemte  Inrinni zana ka thusawina atanga inhlan a, chawlhni zinga breakfast ei turten ka inah an lokal thin a, chung bak chu engmah ka hre lo” tiin Frank Jenner chuan a chhang a.

Pu Frank-a hian he rawngbawlna hi kum 16 chung a lo nei tawh a, tun tum hi hetianga athusawi avanga rintlak kristiana inpe ta a hriat vawi khatna ani hial ! Kum 16 chhung he rawngbawlna—zawhna mawlte mai zawta a hun ahmang hi a inpekna hi  aropuiin, Isua hmangaihna tak takna leh thlarau bo te hmangaihna nena thawk ani tih a chiang hle!

Pastor Dixon-a chu khawvel hmun hrang hrangah Pathian thusawiin a zinkual zela, chungah pawh chuan Pu Frank Jenner chanchin chu a sawi tel fo thin.

Tum khat chu, UK-a Evangelical Convention a pastor pakhat chuan, George towna pa pakhat chutiang a zawhna  zawt chu atawn tawh thu a lo sawi ve bawk a.

India a missionary convention-ah pawh, Indian pa pakhat chu Sydney atlawh tumin Frank Jenner bawk chu a tawng a. A hnuah kristianah inpein rawngbawlna lamah pawh a inhmang chhunzawm bawk.

Jamaica a Missionary Conference-ah nupa tuak khat chuan George Street-a pa pakhat zawhna avanga Kristiana an inpek thu an lo sawi ve bawk a.

USA-a Naval chaplain’s Conference-ah pawh, George Street, Frank Jenner-in Pathianthu mite  a hrilh dan chu a sawi leh a. An chaplain chuan keipawh George street a, Frank Jenner zawhna avang Kristian lo ni ta ka ni.

Frank Jenner-in zawhna mawlte hmanga mi tam tak piangthara, Kristian ni ta engzat chiah nge hriat theih nilo mah se, Frank Jenner a ropuina leh hlawhtlinna chu engzat nge ringtuah mi a siam tih aiin, amah avanga Kristiana inpe; rinawm taka Lal Isua lazui tlat tam takte vang hi ani ngei ang!

Frank Jenner chuan,” Isua ka neih hma chuan sailor ni thinin, ka nun ka hmang bawraw hle. Pawisa khelh ka atchilh a. Kum 1937-ah ka piangthara, chuta tang chuan ka nun chu thlakdanglam alo ni ta a, pawisa khelh ka atchilhna pawh a reh nghal a. Ka nun thar neih chu, nun thar min petu Isua tan ka theih ang a thain hman ka tum ta a. Nitin mi 10 hnenah Isua chanchin hrilh hi ka tum ani a. Indo, ralmuan loh laiber leh ralmuan ber lai pawn—-Parkinson natna in min tlakbuak hma, kum 28 chhung chu rinawm takin hetiang hian rawng ka bawl ani”

A hriselna athat loh avangiin zawi zawin a hniam tial tiala, ” Lalpa khawngaihtakin chawlhni zanah i hnenah min hruai ang che” tiin a tawngtaina chu chhan a awmin; chawlhni zan lai thlen hma hretin a boral ta ani.

Sydney a Kristian tlemte bakin Frank Jenner chanchin an hrelo ani maithei e, mahse vanramah chuan a van lar dawn em! Vanramah chuan ropui taka lawm luh ani ngei ang!

Isuan,” Mi tupawh, mite hmaa mi tan ( confess) apiang chu ka Pa vana mi hmaah ka tan ( confess)ve ang ” alo tih kha. Frank Jenner hi Isua hian a tanin, vanah chuan a hming hi alar ngawt ang le !

Frank Jenner chanchin hi Kristian Megazine lian tak takah a chanchin ziak ani lo ani mai thei a. Kristian history-ah pawh a hming lamrik ani lutuk lo ang. Nimahsela, van amite chuan an va hre rua em ! Anihna takah chuan chu hmun chu hriat hlawh nana hmuntha ber ani si a.

Huaisen tak leh rinawm taka Isua chanchin kan puan zel theih nan Frank Jenner chanchin hian min cho thar mawlh teh se! Frank Jenner a Chanchin Tha hril dan hi avan mawlin, athusawi te hi avan tawi em!  Nitin mi 10 hnenah Pathianthu asawi thin, keini hian engzat nge mite Pathian thu kan hrilh ve tawh le! Lalpa tana sengkhawmpuitu nih i tum zel ang u.

A hnuaia video clip-atanga hian a enthei bawk e.


Rest In Peace Pastor David Wilkerson

 David WilkersonLehkhabu lar tak, The  Cross and the Switchblade tih ziaktu, Pastor- Evangelist David Wilkerson chu; nimin April 27 khan Texas ah motor accident-ah a thi. Kum 79 mi ani.

Kum 1950-60 cho laia, New York khawpui a; thalai rual awmtha duhlo leh ruihlo hmanga nuam chen ( addict-te ) a, insual leh intibuai nun hmang hote chu Lalpa ke bulah hruaitumin rawngbawlna atan a.

Chu arawngbawlna atang chuan, chutih hunlaia gang pawl lian ber leh hlauhawm ber pawl a sawi; Mau Mau hruaitu Nicky Cruz chu David Wilkerson rawngbawlna atangin  apiangthar ta nghe nghe a.

Pastor David Wilkerson hi, Nicky Cruz chanchin ziahna lehkhabu; Mizo-tawnga Rev. Lalramliana lehlin ka chhiar tang khan ka hmelhriat tan a. Misual, tualthah pawisa lo, insual huai — atira Pathianthu lam ngaihsak miah lo, thah hiala vautu beidawng lo leh huaisen taka Isua hmangaihna leh ngaihdamna thu a hrilh tlat avanga alo piangthar tak dan kha ani. Khata tang khan ka ngaisang ta em em a.

Tunhnu hian a thusawite youtube lamah leh website-hrang hrangah ngaihthlak tur alo awm ta zel bawk a. A sermon-ah te pawh Pathianthu anihna angin asawi a, tunlai TV Evangelist tam takte angin min lawm hlawh duh avang ngawtin PAthian thu ngaihthlak nuam ringawt asawi ngai lo. Sual chu sual anihna angin a puang mai thin.

A thusawi lar tak zinga Pakhat chu ; ” A call to Anguish”  tih hi ani.

A blog a, a thu post hnu hnung ber chu; athih ni zing lam ni ngei tur ani khan ani a.   A thupuiah : When All Mean Fail tiin :

Even questioning God’s existence will be injected into your mind. These have been the devices of Satan for centuries. Some of the godliest men and women who ever lived were under such demonic attacks.

To those going through the valley and shadow of death, hear this word: Weeping will last through some dark, awful nights—and in that darkness you will soon hear the Father whisper, “I am with you. I cannot tell you why right now, but one day it will all make sense. You will see it was all part of my plan. It was no accident. It was no failure on your part. Hold fast. Let me embrace you in your hour of pain.”

Beloved, God has never failed to act but in goodness and love. When all means fail—his love prevails. Hold fast to your faith. Stand fast in his Word. There is no other hope in this world.

Source : David Wilkerson blog

A sermon pakhat youtube ami hi lo en ve ru khai :

The Cross and The Switchblade film-clip tah hian entur a awm e :


Engtinnge Baibul I Chhiar ?

Engtinnge Baibul i chhiar thin le ? I lehkhabu, lehkhathawn, chang, Bung ngainat zawng i chhiar tlut tlut thin ? Nge, Genesis atangin i tan tawp  mai thin. Nge ni a, Thuthlung Hlui chu thinhrik deuh tawhin, Thuthlung Thar chiah i chhiar thin ?

Baibul chhiar dan hrang hrang—ministry hrang hrangin an siam pawh hmuh tur a awm nual mai. Ka pianthar tirh lam khan, Chanchin Tha Bute leh Tirkohte Thiltih hi ka chhiar nasa hle a. A hranpa a; Baibul chhiar dan guide em em pawh ka hre ngai lo. Ka chhiar tawp ani ber !

 

Mahni tui-tuia-tuiin; Daniala hapta leh Thupuan te hi ka khelh ve nasa thin. Zep nakemaw, Thupuan chungchangah hi chuan Dr. Biakmawiia article ziah khan min tibengvar khawp mai. Presbeterian leh Baptist, SA, lam ten kan sawi ngam loh kha a chhui ngam tlat pek a! Keini lah chuan kalsual, zirtirna dik lovah kan puh tlat lawi a.

Baibul hi khawi lai chang pawh hi chhiar ila hlawkpuina na tur a awm tih ka pawm a, chuti ani rual chuan awmze nei deuhva chhiar hian hlawkna thar zawk chharchhuah tur pawh alo awm zel mai tih pawh ka pawm.

Chronological Bible Reading hmanga Baibul chhiar hi alo hlawk thlak phian mai. Chronological Bible Reading-ah chuan; Baibul a lehkhabu awmte hi a hun thlen dan indawtin an rem khawm a, chu chu kumtluana chhiar turin an duang a, atha khawp mai.

Entirnan : Genesis atangin i chhiar tan ta a; Bung 11- i chhiar zawh chuan Joba i chhiar ang. Excodus chhiar hmasa lovin.

Jan 1  :      Gen 1‐3
Jan 2 :    Gen 4‐7
Jan 3  :    Gen 8‐11
Jan 4 :     Job 1‐5
Jan 5  :     Job 6‐9
Jan 6  :     Job 10‐13
Jan 7   :   Job 14‐16

Tah hian PDF file in; Chronological Bible Reading Plan a awm a, download, a print mai theih ani.  Tin, online a chhiar theih turin an siam bawk a. ESV online Chronological Bible Reading hi ka hmang a. Interent neih erawh angai thung.

Chronological Bible Reading -zulzui hian Baibul han chhiar ve chhin teh. A hlawkthlak khawp asin 🙂