Chhurbura roh em em; Nahaia'n neihsak phet a tum!


Chiangmai : Thailand

Chiangmai hi Thailand khawpui lian pakhat ani. Tourist an tam hle. An street food a tui hle. Pherh an tam hle. Buddhist temple a tam hle. Motor cycle a tam hle. Nimin leh vawiin a kawng kal paha ka hmeh ho hi vawm kai leh mai mai ang ! 🙂

Kawng pui kam maiah 7th Day biakin

Bhuddhist temple hlui tawh tak pawh kawngpui kam maiah a awm

Kebab- arsa hem hmin

a hnawk ve tho mai

temple tam khawp mai

Hei hi a khua a har hmel e mai...tlangval hovin lo hnem teh u 🙂



Kum 2011 a ka lehkhabu chhiarte

Lehkhabu chhiar hi keima tawkah ka taima ve viau thin. Tleirawl nih lai atang tawh a, nuten krismas kawr leina tur min pek pawh lehkhabu lei nana hmang thin kha ka ni ve. Internet lamah hriat duh zawng te zawn chhuah zung zung a awlsam tak vang te hi ani maithei, lehkhabu chhiar hi tunhma ang khan ka taima ta lo! Chhuan lam tur tingin; tuna kan awmna ramah lah hian English lehkhabu— abikin christian lam thu ziak te hi lei mai tur alo awm bawk lo nen.

Nikum 2011 atang khan tlemin lehkhabu chhiar ah tan kan la leh deuhva, ka lehkhabu chhiar chak tam tak ka la chhiar loh, kan thianpa SBTS hnuaia China a intern rawn ti  zarah ka chhiar theih nual phah bawk a, ka lawm hle !

Hengte hi nikum kum 2011 chhunga ka lehkhabu chhiar te an ni. A mal te tein ka hlawkpui dan te han sawi a chakawm viau rualin, a thuiin ziah chhung a rei dawn em a; a ziaktu leh a lehkhabu hming chiah hi dah mai ang.

1. God’s Undertaker: Has Science Buried God? 

Ziaktu : John Lennox is a professor of mathematics and the philosophy of science at the University of Oxford. A popular Christian apologist and scientist, Lennox travels widely speaking on the interface between science and religion.

2.The Grand Weaver: How God Shapes Us Through the Events of Our Lives

Ziaktu : Ravi Zacharias —For over thirty-five years, Ravi Zacharias has spoken all over the world in great halls and universities, notably Harvard, Princeton, and numerous universities internationally. He is listed as a Senior Research Fellow at Wycliffe Hall, Oxford university

3. Life Without Limits: Inspiration for a Ridiculously Good Life  by Nick Vujicic

Life Without Limits is an inspiring book by an extraordinary man. Born without arms or legs, Nick Vujicic overcame his disability to live not just independently but a rich, fulfilling life, becoming a model for anyone seeking true happiness.

4.Bonhoeffer: Pastor, Martyr, Prophet, Spy

”In Hitler’s Germany, a Lutheran pastor chooses resistance and pays with his life. . . Eric Metaxas tells Bonhoeffer’s story with passion and theological sophistication, often challenging revisionist accounts that make Bonhoeffer out to be a ‘humanist’ or ethicist for whom religious doctrine was easily disposable. . . Metaxas reminds us that there are forms of religion — respectable, domesticated, timid — that may end up doing the devil’s work for him. —Wall Street Journal

5. The Problem of Pain 

Ziaktu : CS Lewis : Clive Staples Lewis (1898-1963), known as Jack to his friends, was one of the intellectual giants of the twentieth century and arguably the most influential Christian writer of his day. He was a Fellow and Tutor in English literature at Oxford University until 1954, when he was unanimously elected to the Chair of Medieval and Renaissance English at Cambridge University, a position he held until his retirement.

6. Radical: Taking Back Your Faith from the American Dream

Ziaktu : David Platt is the pastor of The Church at Brook Hills, a four-thousand-member congregation in Birmingham, Alabama. Widely regarded as an exceptional expositor, David has traveled and taught around the world. He holds two undergraduate and three advanced degrees, including a doctorate from New Orleans Baptist Theological Seminary. David and his wife, Heather, live in Birmingham with their family.

7. There Is a God: How the World’s Most Notorious Atheist Changed His Mind

British philosopher Flew has long been something of an evangelist for atheism, debating theologians and pastors in front of enormous crowds. In 2004, breathless news reports announced that the nonagenarian had changed his mind. This book tells why.

8.I Don’t Have Enough Faith to Be an Atheist

Norman Geisler and Frank Turek argue, however, that Christianity is not only more reasonable than all other belief systems, but is indeed more rational than unbelief itself.

9. The Case for Christ

he Case for Christ records Lee Strobel’s attempt to “determine if there’s credible evidence that Jesus of Nazareth really is the Son of God.” The book consists primarily of interviews between Strobel (a former legal editor at the Chicago Tribune) and biblical scholars such as Bruce Metzger. Each interview is based on a simple question, concerning historical evidence (for example, “Can the Biographies of Jesus Be Trusted?”), scientific evidence, (“Does Archaeology Confirm or Contradict Jesus’ Biographies?”), and “psychiatric evidence” (“Was Jesus Crazy When He Claimed to Be the Son of God?”). Together, these interviews compose a case brief defending Jesus’ divinity, and urging readers to reach a verdict of their own

He lehkhabu hi ka tum hnih chhiarna ani ta !

10. The Story of Christianity: Volume 2: The Reformation to the Present Day

Justo L. GonzÁlez, retired professor of historical theology and author of the highly praised three-volume History of Christian Thought, attended United Seminary in Cuba and was the youngest person to be awarded a Ph. D in historical theology at Yale University.

11. The Original Jesus: The Life and Vision of a Revolutionary

N.T. Wright is Bishop of Durham and was formerly Canon Theologian of Westminster Abbey and dean of Lichfield Cathedral. He taught New Testament studies for twenty years at Cambridge, McGill and Oxford Universities.

12. Justification: God’s Plan & Paul’s Vision

Few issues are more central to the Christian faith than the nature, scope and means of salvation. Many have thought it to be largely a transaction that gets one to heaven. In this riveting book, N. T. Wright explains that God’s salvation is radically more than this.

Nikum 2011 chhung khan lehkhabu engzat nge i chhiar ve le ? Lehkhabu chhiar nuam i ti ve em ?  🙂


Kan thenawmpa saigul

Kan thenawmpa hian a saigul hi a mo-di thiam ve khawp asin !


Kristian vanram kawng zawh thu Bung-3

Chutichuan ka mumangah chuan chung thu an sawi lai chuan phaizawl chirhdup nasa tak chu an lo hnaih ta em em a. Chutia engmah ngaihtuah lova an awm lai chuan chirhdup hmunah chuan an lo lut dun ta a. Chumi hmun hming chu Lungngaihna Chirhdup hmun a ni. Chutah chuan an han kal a, chirhdiak chu nasa takin an kai ta a; Kristiana chu a hnunga phurrit tak awm avang chuan a lo pil dawn ta a.

Chutichuan Thlemsama chuan,”E hei ! Thian Kristian, khawiahnge i awm tak?” a ti a. Kristiana chuan,”Ka hre hauh lo mai,” a ti a. Chutichuan Thlemsama chu a lungnilo tan ta hle mai a, thinur takin a thian hnenah chuan,”Heng hi maw lawmna tia min hrilh kha?Atir apanga hetiang a nih chuan kan kalna tur tak kan thlen hmain eng ang hrehawm tak te la tawk cheu ang i maw ? Kei zawng ka chhuah leh theih phawt chuan ka kir leh mai ang, duh leh chumi ram chu chang bik mai ang nang che,” a ti a. Chutichuan chhuah tumin a han bei chiam a, chumi chirhdup  hmunah in lam pangah chuan a chhuak leh ta a. Chutichuan a kal bo va, Kristiana chuan a hmu leh ta lo va.

Kristiana chu amah chauhvin Lungngaihna Chirhdupah hmunah chuan a awm a; nimahsela chirhdup ral leh lampang kawngkhar awmna lamah chuan chhuah a tum tal a; nimahsela a hnungzanga phurrit tak awm avang chuan a chhuak thei lo va.

Tin, ka mumangah chuan, chu mi hmuna a la awm lai chuan mi pakhat a hming Puitua a hnenah chuan a lo kal a, chutah chuan engnge a tih a va zawt a. Kristiana chuan,”Ka pu, mi pakhat Pathianthuhriltuan saw laia kawngkhar saw min kawhhmuh a, chutah chuan thinurna lo thleng tur tlansan turin ka kal dawn a ni, chutichuan hetah hian ka lut ta mai a ni,” a ti a. Tin, Puitua chuan,”Engatinge kawng chu tha taka i en loh le ?” a ti a. Kristiana chuan,”Hlauhawm nasa takin min zui a ka hmanhmawhin kawng chu ka en tha hman lo lo va, hetah hian ka lo lut ta mai a ni,” a ti a. Tin, Puitua chuan,”A nih leh i kut min han pe rawh le,” a ti a. Tin, ani chuan a han pe a, a hnuk chhuak a a kalna tur lamah chuan a kaltir leh ta a.

Tin, a hnuk chhuaktu hnenah chuan ka va kal a, a hnenah,” Ka pu,he mi hmun hi Boralna khua atangin sawta kawngkhar kalna saw a ni si a, mi veivakte thlamuang taka an kal theih nan engngatinge siam that a nih loh?” ka va ti a. Tin, ani chuan,”He hmun hi siam that theih rual a ni lo, bawlhhlawh tinreng luankhawmna a ni a; chuvangin a hming pawh Lungngaihna Chirhdup hmun tih a ni. Chu lo rengah pawh, mi sualin an bonate an lo hriat chuan, hlauhna te,  rinhlelhna te, lungngaihna te an lo nei a, chung chu hetah a luang khawm  vek a; chuvang chuan a lei a tha lo a ni. Chumi chu Lalpain  a duhzawng a nih avanga awmtir a ni lo; hnathawktute pawhin siamthat tumin  kum tam tak an bei tawh a, tawlailir tam takte pawh a pil tawh a, a siam that nan Lalpa ram ata thilte an rawn la a, a siam that theih mahna tiin vawi tam tak an bei tawh a; nimahsela tunah pawh a tha chuang lo va, a ngaiin a la awm reng a ni. Dan petute pawhin chumi chirhdupah chuan  rahka an siamtir thin a, nimahsela chu mi chirhdupah chuan bawlhhlawh a lo chhuak a, a hmuh a lo harsa leh mai thin a ni. An hmuh theih pawhin an lu haiin rahka chu an rap thelh a, an bawlhhlawh leh vek thin a ni. Kawngka an luh hnu saw zawngin a lei a lo tha tawh a ni,” a ti a.

Tin, ka mumangah chuan, Thlemsama chu a in a lo thleng leh tawhin ka hmu a. A thianteho chu a inah an leng khawm a. A then chuan a lo kir leh avang chuan fing an ti em em mai a. Thenkhat erawh chuan,”Kal i tum tirh atang reng khan hrehawm tlemte pawh i tuar peih kan ring lo reng a ni ,” an ti a, an nuihsan a. Chutichuan Thlemsam chu a tau reng mai a; nimahsela a tawpah zawng a lo tawng ngam ta deuh va, an thu an lamlet a, Kristiana chu an nuihzatbur ta zawk a. Thlemsama lamah an tang leh ta zawk a.

If We Make It Through December

Krismas a lo hnai leh ta hle mai. Aizawl velah chuan bazarah mi an zi luih luih a nga, thawmhnaw zuar  te an thawmhnaw hralh hnem loh hlauhvin an hnamhlel ang. An tan chuan an buh luhchuh ve hun lai a ni miau a !

Chhungkaw tam tak tan erawh chuan he thla hi lungngaihthla ani ang. Fate thil awh lei sak thei lo, Masi thawhlawm takngial pawh thawh tur nei lo te tan chuan he hun hi hun hlimawm ani hran lo. He hun khawvela hun hlimawm ber ni hi ni tur hi nghahhlelh a hnekin ral thuai thuai se an ti ngawt ang le.

Tunlai chu hlanghlui Merle Haggard hla, If we Make it through Becember tih hi ka rilruah a riak reng tlat mai. He hla hi kum 1973 bawr a a phuah kha a ni a, lar pawh a lar hle. Mizoramah chauh pawh ni lo; khawvel ram changkang zawkah pawh hian he hun hi an hun pui anih avangin an lo lungngaihpui ve thin tho mai.


If we make it through December
Everythings gonna be all right I know
It’s the coldest time of winter
And I shivver when I see the fallin snow

If we make it through December
I got plans of bein in a warmer town come summer time
Maybe even California
If we make it through December we’ll be fine

I got laid off down at the factory
And there timings not the greatest in the world
Heaven knows I been workin’ hard
I wanted Christmas to be right for daddy’s girl
Now I don’t mean to hate December
It’s meant to be the happy time of year
And why my little girl don’t understand
Why daddy can’t afford no Christmas here

If we make it through December
Everythings gonna be alright I know
It’s the coldest time of winter
And I shivver when I see the fallin’ snow

If we make it through December
I got plans of bein’ in a warmer town come summer time
Maybe even California
If we make it through December we’ll be fin

A fanu in hlim taka Krismas a hman ve theih nan rim takin factory-ah, hahthikulin a thawk, mahse a sum hlawhchhuahte lah chu a bei tham nasa mai si  a. Krismas chu ral thuai thuai se a ti ngawi ngawih mai ani ! Hetiang nu leh pa hi kan ramah pawh hian an tam ve viau awm e !

Lemon cheesecake: Cream cheese tel lova siam dan

Cheesecake siam dawn a pawimawh ber pakhat chu cream cheese ani. Hmun thenkhatah cream cheese hmuh a har mai thei. Tun tumah hian cream cheese tel lova, lemon cheesecake siam dan kan tarlang ang.

Thil thlum hi ka ngaina em em lo, mahse, lemon cheesecake hi chu ka duh viau ! Black coffee in pah a hmeh atan duhthusam ani 🙂

A bawl hlo :

Yogurt, chini, biscuit, butter, condensed milk, lemon

A siam dan :

1.  Dhoi / Lasi / Yogurt chu puan sin hmangin i thilfim ang.  Puan sin takin thleng kum emaw kaih la, a chungah yogurt chu dah ang che. Darkar 2-3 velah, yogurt a tui awm zawng kha thlengah chuan alo tla thla ang. Puan a bang zawk chu cream cheese aiah i hmang ang.

2.Yogurt-cream cheese a i hman tur  leh condensed milk leh lemon tui chu chawhpawlh ang che

3.  Tichuan, biscuit hmehsawm ( Good day biscuit ang kha a tha khawp mai ) leh butter ( chhuan tui hma sak atha ) leh chini ( mahni thlum duh dan tawk a zirin tel mai tur ) chu chawhpawlh leh bawk tur ani.

I chawhpawlh hnuah, thlengah i dah anga, i nemmuk ang. Inchi chanve vela chhahin.

Thlenga i nemmuk chungah chuan, cream cheese / yogurt leh condensed milk i chawpawlh kha i chhung ang.

I thil chhun chu chawk rual la……oven ah minute 10-15 dah ang che. Oven chu 180 C a sa in dah bawk la.


Oven a minutes 10-15 i dah hnuah la chhuak la, a daih hnuah refrigerator ah minute 20-30 minute–a tih sakhat nan dah ang che.

Minute 20-30 refrigerator a i dah hnu chuan ei thei ani ta e ! 🙂

Hei hi cheesecake siam dan awlsam ber pawl ani hial ang.

Kristian Van Ram Kawng Zawh Thu: Bung -2

A kal chu en turin a thenawmte pawh chu an lo chhuak bawk a; chutia a kal lai an hmuh chuan thenkhatin an tihthaih a, thenkhat erawh chuan lo kir leh turin an au chiam a. Tin, chutianga titute zingah chuan mi pahnih chuan amah hruai kir luih an tum a; pakhata hming chu Tihmawha a ni a, pakhat chu Thlemsama a ni. Chutih lai chuan ani chuan thui tak a lo thleng tawh a; nimahsela anni chuan um an tum tlat a. Chutichuan rei lo teah an va umpha ta a. Tin, ani chuan, ” Thiante u, eng tiziaa lo kal ve nge in nih” a lo ti a. Tin, anni chuan,” Kan hnena kir leh tura thlem chein,” an ti a. Ani chuan, ” Chutia tih mai tur chu a ni lo ve, Boralna khuaah in awm a: chu chu ka pianna khua a ni a, chu khua chu a boral dawn tih ka hria a; tun lawkah pawh a ni thei. Engpawh ni se in la thi ngei dawn a, chuta in thih chuan, thlan aia thuk mei leh kata alh awmnaah chuan in la awm ang; chutichuan thiante u, ka hnenah lo kal ve zawk rawh u khai,” a ti a.

Tin, Tihmawha chuan, ” Enga a ni ! Kan thiante, kan lawmnate kan kalsan ang maw ?” a ti a. Tin, Kristiana chuan ( chu chu a hming a ni a ) “Ni e, chung thil zawng zawng in kalsan tur chuan ka lawmna zawn pangkhing te pawh a thluk lo, ka hnenah in kal ve zel chuan keimah ang bawkin in awm ang a, chu mi ka kal tumna hmun chu luah sen rual a ni lo va, lo kal ula ka thu fiah rawh u,” a ti a. Tin, Tihmawha chuan, ” He khawvela thil zawng zawng  kalsana hmuh i tum chu thil engnge maw ni le ?” a ti a. Tin, Kristiana chuan ” Ro chhe thei lo, tihbawlhhlawh theih loh, kumkhuaa thianghlim taka awm tawhna ka zawng a ni. Chu chu vanah a awm a, chutichuan tupawh taima taka zawngtute chuan chu lawmna chu a la hmu ang. In duh chuan ka lehkhabu hi han chhiar rawh u,” a ti a.

Tin, Tihmawha chuan, ” Mai mai a, i lehkhabu chu dah la, kan rualin i kir leh ve ang nge kir lo vang tih sawi mai rawh,” a ti a. Kristiana chuan, ” Leilehnaa ka kut ka nghah tawh avangin ka kir lo vang,” a ti a. Chutichuan Tihmawha chuan,” A nih leh hawh thian Thlemsam i kirsan leh mai ang. Hetiang mi a deuh leh mahni induh mite hi eng pawh an rin tawh chu dikin an ring thin a, mi zawng zawng aia fing berah an inruat thin reng a ni ” a ti a. Thlemsama chuan,” Hau mai teh suh u khai, he mi tha tak, Kristiana thusawi hi a dik chuan, a thil zawn chu keini zawn ai chuan atha zawk e, kei chu ka thian hnena kal ve hi ka chak rilru ta hle mai a,” a ti a. Tihmawha chuan,” Eng a ni ! I a zawk mah dawn e lo maw, ka thu chu awi la, kir leh reng reng rawh, he mi a hian khawiahnge a hruai thlen tehlul ang che ? Fing la, lo kir leh reng reng la a nih chu,” a ti a. Kristiana chuan, ” Mawi a, a ni lo ve, thian Thlemsam, kir leh suh; lawmna ka sawi zawng zawngte kha neih tur a awm a ni. I awih loh chuan hei, ka lehkhabu hi chhiar rawh, hei hi ama thisenin a nemnghet a ni,” a ti a. Tin, Thlemsama chuan, “Thian Tihmawh, ngawi teh, ka hre fiah dawn ta e, he mi, mi tha tak hnenah hian kal ka tum ta ani,” a ti a.

Tin, Kristiana hnenah pawh chuan,”A nih leh ka thian, chu kan kal tumna chu a kawng i hria em ?” a ti a. Kristiana chuan, ” Mi pakhat a hming Pathianthuhriltua chuan a kawng min kawhhmuh a, chu mi kan thlen chuan a kawng min lo kawhhmuh a, kawngkhar pakhat kan hma lamah sawn min  kawhhmuh dawn a ni,” a ti a. “Chuti chu kal rawh, i kal ang le, ka thian,” Thlemsama chuan a ti a. Chutichuan an kal dun ta a. Tin, Tihmawh chuan, ” Kei chu ka inah ka hawng leh ang, hetiang mi bum hmang leh mi a thian nih hi ka duh hrep lo ve,” a ti a.

Tin, ka mumangah chuan Tihmawha chu a lo haw leh ta a. Kristiana leh Thlemsama chu thukhawchang sawiin an kal dun a, hetiang thute hi an sawi a. Kristiana chuan, ” Thian Thlemsam, engtinnge i awm ? Nuam i ti alawm maw ? Ka hnena kal ve i tum avangin ka lawm e. Tihmawha pawh khan thil hmuh theih loh thiltihtheihna leh ka hlauhawm hriat angte hi hre ve sela chu min kirsan mai lo tur na a le,” a ti a. Tin, Thlemsama chuan, ” Khai le, thian Kristian, tunah chuan keimahni pahnih chauh kan ni ta si a, chu mi kan kalna tura thil thleng chu eng ang meuh nge maw a nih a, eng ang meuhva lawmna tur nge a nih min han hrilhfiah teh tawh khai,” a ti a. Chutichuan Kristiana chuan,” Thua ka sawi theih aiin ka rilrua ka ngaihtuahin a tha tih ka hre thei zawk; nimahsela hriat i duh em chuan ka lehkhabua mi hi ka han chhiar a nge,” a ti a. Tin, Thlemsama chuan,” Chung i lehkhabu thute chu a dik ngeiin i ring em ni ?” a ti a. Tin, Kristiana chuan,” Ring e, matheilovin a dik a ni, a siamtu chu dawt sawi thei lo a nih avangin,” a ti a. Thlemsama chuan,” Aw le, anih leh eng thilte nge ni le ,” a ti a. Tin, Kristiana chuan, “Ram boral thei lo luah tur a awm a, chu ram chu kan luah theih nan chatuan nunna min pe ang,” a ti a.

Tin, Thlemsama chuan, ” Thil dang engte nge la awm,” a ti leh a. Kristiana chuan,” Ropuina Lallukhum leh puan ni anga min ti eng thei kan nei bawk ang,” a ti a. Chutichuan Thlemsama chuan, ” E khai, a va nuam dawn em ! Eng thil dangte nge la awm ?” a ti leh a. Tin, Kristiana chuan,” Tahna te, lungngaihna te, a awm tawh lo vang a, chu mi hmun neitu chuan kan mittuite min hrukfai sak vek ang,” a ti a. Tin, Thlemsama chuan,” Chutah chuan thian eng angte nge kan neih ang le ?” a ti a. Kristiana chuan,” Pathian vantirhkoh ropui tak takte an ni ang a, tin, kan hmaa kal tawh mi tam takte kan hmu bawk ang a, tumah tihbaiin an awm lo vang a, zaidam tak leh  thianghlim tak vek an ni ang. Tin, mi tin Pathian mithmuhah chuan an awm ang a, a hmaah chuan kumkhuain an awm ang a. Tin, nula thianghlimte an rangkachak tingtangte nen kan hmu bawk ang; tin, Lalpa an hmangaih avanga he mi khawvela an thah te, an halhlum te, sakhawlh sehtir te, tuia an paih te, puan ropui sina thi theih tawh lova awmin kan hmu bawk ang,” a ti a.

Chutichuan Thlemsama chuan, ” Hengte hi a ngaiha ngaihthlak mai pawhin rilru a tilawm a ni; nimahsela chung thilahte chuan engtinnge kan lawm ang a, engtinnge kan chan ve ang ? ” a ti a. Tin, Kristiana chuan,” Chu mi ram roreltu Lalpa chuan he mi lehkhabuah hian a ziak a, chu mi chu kan duh tak tak chuan athlawnin min pe ang,” a ti a. Tin, Thlemsama chuan, ” Aw le, ka thian, heng thil hi ka hriatin ka lawm em em a ni, hawh i kal chak deuh vang,” a ti a. Nimahsela Kristiana chuan, ” Ka phurrit phurh hian ka duh tawkin min kal chaktir thei lo a ni,” a ti a.

Image credit