Chhurbura roh em em; Nahaia'n neihsak phet a tum!

Kristian vanram kawng zawh thu Bung-3


Chutichuan ka mumangah chuan chung thu an sawi lai chuan phaizawl chirhdup nasa tak chu an lo hnaih ta em em a. Chutia engmah ngaihtuah lova an awm lai chuan chirhdup hmunah chuan an lo lut dun ta a. Chumi hmun hming chu Lungngaihna Chirhdup hmun a ni. Chutah chuan an han kal a, chirhdiak chu nasa takin an kai ta a; Kristiana chu a hnunga phurrit tak awm avang chuan a lo pil dawn ta a.

Chutichuan Thlemsama chuan,”E hei ! Thian Kristian, khawiahnge i awm tak?” a ti a. Kristiana chuan,”Ka hre hauh lo mai,” a ti a. Chutichuan Thlemsama chu a lungnilo tan ta hle mai a, thinur takin a thian hnenah chuan,”Heng hi maw lawmna tia min hrilh kha?Atir apanga hetiang a nih chuan kan kalna tur tak kan thlen hmain eng ang hrehawm tak te la tawk cheu ang i maw ? Kei zawng ka chhuah leh theih phawt chuan ka kir leh mai ang, duh leh chumi ram chu chang bik mai ang nang che,” a ti a. Chutichuan chhuah tumin a han bei chiam a, chumi chirhdup  hmunah in lam pangah chuan a chhuak leh ta a. Chutichuan a kal bo va, Kristiana chuan a hmu leh ta lo va.

Kristiana chu amah chauhvin Lungngaihna Chirhdupah hmunah chuan a awm a; nimahsela chirhdup ral leh lampang kawngkhar awmna lamah chuan chhuah a tum tal a; nimahsela a hnungzanga phurrit tak awm avang chuan a chhuak thei lo va.

Tin, ka mumangah chuan, chu mi hmuna a la awm lai chuan mi pakhat a hming Puitua a hnenah chuan a lo kal a, chutah chuan engnge a tih a va zawt a. Kristiana chuan,”Ka pu, mi pakhat Pathianthuhriltuan saw laia kawngkhar saw min kawhhmuh a, chutah chuan thinurna lo thleng tur tlansan turin ka kal dawn a ni, chutichuan hetah hian ka lut ta mai a ni,” a ti a. Tin, Puitua chuan,”Engatinge kawng chu tha taka i en loh le ?” a ti a. Kristiana chuan,”Hlauhawm nasa takin min zui a ka hmanhmawhin kawng chu ka en tha hman lo lo va, hetah hian ka lo lut ta mai a ni,” a ti a. Tin, Puitua chuan,”A nih leh i kut min han pe rawh le,” a ti a. Tin, ani chuan a han pe a, a hnuk chhuak a a kalna tur lamah chuan a kaltir leh ta a.

Tin, a hnuk chhuaktu hnenah chuan ka va kal a, a hnenah,” Ka pu,he mi hmun hi Boralna khua atangin sawta kawngkhar kalna saw a ni si a, mi veivakte thlamuang taka an kal theih nan engngatinge siam that a nih loh?” ka va ti a. Tin, ani chuan,”He hmun hi siam that theih rual a ni lo, bawlhhlawh tinreng luankhawmna a ni a; chuvangin a hming pawh Lungngaihna Chirhdup hmun tih a ni. Chu lo rengah pawh, mi sualin an bonate an lo hriat chuan, hlauhna te,  rinhlelhna te, lungngaihna te an lo nei a, chung chu hetah a luang khawm  vek a; chuvang chuan a lei a tha lo a ni. Chumi chu Lalpain  a duhzawng a nih avanga awmtir a ni lo; hnathawktute pawhin siamthat tumin  kum tam tak an bei tawh a, tawlailir tam takte pawh a pil tawh a, a siam that nan Lalpa ram ata thilte an rawn la a, a siam that theih mahna tiin vawi tam tak an bei tawh a; nimahsela tunah pawh a tha chuang lo va, a ngaiin a la awm reng a ni. Dan petute pawhin chumi chirhdupah chuan  rahka an siamtir thin a, nimahsela chu mi chirhdupah chuan bawlhhlawh a lo chhuak a, a hmuh a lo harsa leh mai thin a ni. An hmuh theih pawhin an lu haiin rahka chu an rap thelh a, an bawlhhlawh leh vek thin a ni. Kawngka an luh hnu saw zawngin a lei a lo tha tawh a ni,” a ti a.

Tin, ka mumangah chuan, Thlemsama chu a in a lo thleng leh tawhin ka hmu a. A thianteho chu a inah an leng khawm a. A then chuan a lo kir leh avang chuan fing an ti em em mai a. Thenkhat erawh chuan,”Kal i tum tirh atang reng khan hrehawm tlemte pawh i tuar peih kan ring lo reng a ni ,” an ti a, an nuihsan a. Chutichuan Thlemsam chu a tau reng mai a; nimahsela a tawpah zawng a lo tawng ngam ta deuh va, an thu an lamlet a, Kristiana chu an nuihzatbur ta zawk a. Thlemsama lamah an tang leh ta zawk a.

Advertisements

7 responses

  1. I ti lunglen thlak mange aw.

    December 21, 2011 at 10:44 pm

  2. Ma-i Mizo

    Lawmawm thin mang e. Ka lo chhiar zel ania.. Ka chhiar leh chak em em mi i rawn pe a ka lawm mawlh mawlh e…

    December 23, 2011 at 1:07 am

  3. A bu chhiar tur ka nei tawh si lova, a tihzia khawp mai. Lo ziak belh zel teh khai.

    December 27, 2011 at 11:17 am

  4. Pawl 5, pawl 6 tih vel ah kan zir thin kha maw le..a zawhna te lah kha a thawnthu ziah chhuah tawp tur ang khan an han ti ta mai thin a…a thuchah lam kha chu kan sawi ngai meuh awm lo asin maw le..Pu james!

    December 29, 2011 at 10:00 pm

  5. Hotute u, in lo chhiar zel chuan, ka rawn post zel ang ! 🙂

    January 9, 2012 at 1:32 am

  6. Hruaii

    I ti tha hle mai. High school-ah scripture subject-ah kan zir thin a. Tunlai chu ka rilru ah a rawn lang tlata, a thu ka hre chiang tawh mang bawk si lova chhiar leh mai tur ka nei lo bawk nen. Tuemaw talin a upload em ang chu tiin ka han ‘google’ pawp a, i zarah ka chhiar leh thei ta a. ka lawm khawp mai. Bung dang pawh chhiar zel a chakawm hle mai. ka lo thlir reng ange.

    March 23, 2012 at 7:16 am

  7. tanpuia

    Lawmawm hle mai. he lehkhabu hi chu chhiat rengtur lehkhabu a ni. a thuziak hi Kristiante tan chuan a chul thei ngai lovang

    August 4, 2014 at 3:35 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s