Chhurbura roh em em; Nahaia'n neihsak phet a tum!

Lemon cheesecake: Cream cheese tel lova siam dan


Cheesecake siam dawn a pawimawh ber pakhat chu cream cheese ani. Hmun thenkhatah cream cheese hmuh a har mai thei. Tun tumah hian cream cheese tel lova, lemon cheesecake siam dan kan tarlang ang.

Thil thlum hi ka ngaina em em lo, mahse, lemon cheesecake hi chu ka duh viau ! Black coffee in pah a hmeh atan duhthusam ani 🙂

A bawl hlo :

Yogurt, chini, biscuit, butter, condensed milk, lemon

A siam dan :

1.  Dhoi / Lasi / Yogurt chu puan sin hmangin i thilfim ang.  Puan sin takin thleng kum emaw kaih la, a chungah yogurt chu dah ang che. Darkar 2-3 velah, yogurt a tui awm zawng kha thlengah chuan alo tla thla ang. Puan a bang zawk chu cream cheese aiah i hmang ang.

2.Yogurt-cream cheese a i hman tur  leh condensed milk leh lemon tui chu chawhpawlh ang che

3.  Tichuan, biscuit hmehsawm ( Good day biscuit ang kha a tha khawp mai ) leh butter ( chhuan tui hma sak atha ) leh chini ( mahni thlum duh dan tawk a zirin tel mai tur ) chu chawhpawlh leh bawk tur ani.

I chawhpawlh hnuah, thlengah i dah anga, i nemmuk ang. Inchi chanve vela chhahin.

Thlenga i nemmuk chungah chuan, cream cheese / yogurt leh condensed milk i chawpawlh kha i chhung ang.

I thil chhun chu chawk rual la……oven ah minute 10-15 dah ang che. Oven chu 180 C a sa in dah bawk la.

 

Oven a minutes 10-15 i dah hnuah la chhuak la, a daih hnuah refrigerator ah minute 20-30 minute–a tih sakhat nan dah ang che.

Minute 20-30 refrigerator a i dah hnu chuan ei thei ani ta e ! 🙂

Hei hi cheesecake siam dan awlsam ber pawl ani hial ang.

Advertisements

13 responses

  1. A tha hle mai. Engtin pawh sawi la, kei ve mai mai hian ka siam ve thiam chuang lovang. I siamsa kha han ei ve phak ila aw…… Duhtawkin han inei siak mai ila…..

    December 13, 2011 at 9:57 am

    • A awlsam em khiiiii :-))

      December 16, 2011 at 12:18 pm

  2. TSa

    Iau! A va tui hmel ve aw.. Pasala neih manhla tak i nih dawn kha a!!

    December 14, 2011 at 4:04 pm

    • Pasalah min lo nei mai la…..:-))

      December 16, 2011 at 12:19 pm

  3. Home minister hnathawh banah hmuh tir tur a nih hi. Thangkhiu Zhungquo

    December 14, 2011 at 11:28 pm

    • Khalamah chuan cream cheese innei a, yogurt a tihbuai vel a ngai lo vang chu.

      December 16, 2011 at 12:19 pm

  4. diary

    Ka siam ve dawn chiang, tui hmel tawp, i page ka bookmark hmiah e. Thx for the recipe

    December 15, 2011 at 9:08 pm

    • Lo siam ve rawh.

      December 16, 2011 at 12:20 pm

  5. Ma-i Mizo

    Try ve tur anih hi!! I va ti lawmawm em!! A tui hmel em em bawk si..

    December 16, 2011 at 4:44 am

    • In ram lamah chuan cream cheese in nei a a awlsam zual ang chu Bawihte 🙂

      December 16, 2011 at 12:20 pm

  6. Vawiin hian kan siam chhin dawn e. A tui loh vaih 😛

    December 16, 2011 at 9:05 pm

  7. Hotupa a va tui dawn ve le, A bawlhlo lak khawm a awlsam bawk a krismas laiin ka lo siam chhin ange.
    Krismas chibai le.

    …khrum

    December 20, 2011 at 9:26 am

    • I lo siam chhin ta em hotupa

      January 9, 2012 at 1:33 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s