Chhurbura roh em em; Nahaia'n neihsak phet a tum!

Ran hmanga inthawi


Ka khaw kalna thin pakhatah chuan ran hmanga inthawi hi an la ching hle a. An inthawina hmun hi; an khaw witch doctor thin thi ta thlan ani a. Heta hian kalin, sa leh thlaite, pawisa lem te kengin inthawina an hlan thin. An inthawina sa chu inah hawnin an ei thin. Damlo dam theih nante, tangka lama vanneihna an dawn theih nan te, an faten an lehkhazir tha taka an pass theih nante ani tlangpui.

He witch doctor thlan larna pakhat chu : Kum 14 vel kal ta khan ; pa pakhatin a fanu –taksa chanve zeng tawh tan inthawina arawn hlan a, thla 2 hnu velah a dam pui ta ani awm e.

Ngaihtuah peihte tan : Chhanchin Tha hril dan tha nia an sawi thin chu, mahni thil tawn ( testimony ) sawi ani thin. A dik viau nangin, experience emaw testimony chauhin awmzia aneih loh hun a awm fo thei. A fanu tan damna duh avanga, ran hmanga inthawia damna chhang hnenah khian —ISUAN a tihdam dan che han sawi eltiang mah la; “ Keipawh he thlana kan inthawina avang hian ka fanu a dam a lawm ! ISUA kher angai lo “ ati thei ngei ang. A ngaithlatu a zirin i thiltawn, testimony ropui tak emaw i tih kha, ran hmanga inthawina aiin a lo ropui lua lo thei tlat tihna anih chu !  THUTAK ( Truth ) tehna famkim atan hian experience leh testimony hi atawk lo .

Sacrifice

Sacrifice

Khaw thenawm atang leh province dang atangte pawhin he thlana inthawina hlan tur hian an rawn kal thin.

Inthawi

Advertisements

19 responses

  1. E khai, hotupa a bengvarthlak in a hmuhnawm ve le. An ar mawlh mai khi, a thau that hmel hlawm sia, zo buh nen han chhum hluai mai ila.

    …khrum

    September 8, 2011 at 12:44 am

    • Hehe! Tha dawn deuh asin, damlo ten an dam phah thei dawn bawk si nen 🙂

      September 8, 2011 at 8:15 pm

  2. Ngaihtuah peihte tan tih khi ka ngaihtuah neuh neuh a.. a dik fu mai!

    September 8, 2011 at 12:45 am

    • Nangnin dik fu in tih tawh chu a dik ang.

      September 8, 2011 at 8:16 pm

  3. Interesting hle mai. Ngaihtuah zui tham a nih tak hi maw le hotupa.

    September 8, 2011 at 1:07 am

    • Hotupa, Sawi belh tur i hre teuh ang tih ka ringhlel lo 🙂

      September 8, 2011 at 8:17 pm

  4. Pathian thu sawi thin te, nangni ang missionary te ang tan hi chuan in chhehvel mi te rilru sukthlek dan hriat chian angai duh khawpin ka ring. An rilru hneh hma thei tur ang ngaihtuah char2 pawh angai ngei ang a!

    Chakma puithiam hnena dawi ka zirlai khan ran hmangin kan inthawi ve thin tak asin.

    September 8, 2011 at 1:15 am

    • Wow! Dawi te i lo zir tawh a maw ? La ziak teh khai ! Ka ngaithla chak hle mai.

      September 8, 2011 at 8:17 pm

  5. Btea

    ‘Ngaihtuah peihte tan’ tih hi ka chhiara thil min tihrechuak a lawm le. Tripura-a awm Bru raltlante kha Mizoram an awm lai khan Kristian an ni hlawma mahse tuna an awmnaah chuan a rem chang zawk leh zalen zawkin an khawsa ta mai a. Nu pakhat, a dam loh tirh chuan Kristian an la ni a, anpa pawh Kohhran Upa ngat! A dam lohnaah Kohhran pawhin an tawngtai pui nasa mahse a dam theih tak lohvah chuan an thenawmte’n inthawi an lo sawi mawi puia, dam lo bei dawng na na na chuan an han ti ve a. Kel an talha an puithiam chuan a han chham vela… a zia deuha an hriat avangin an ti zela dam tak tak erawh a awm hlei thei lo. A tawpah phei chuan a thi daih!!!

    September 8, 2011 at 1:33 am

    • Avan zia love aw ! Ni e, damna leh taksa lam hamthatna vang ringawt a Isua zui thlang tute hi chuan an daih rei thei lo chu anih zel hi maw ! I lo leng luta ka lawm e.

      September 8, 2011 at 8:19 pm

  6. caribou

    Arsa khi a tui dawn khi le…. Kan naupan lai chuan Chakma ho luikama an inthawi lai kan thlir thin. Ramhuaite paw’n tihdam theihna an nei ve tho lawng maw?

    Pathian hi engkim tithei a ni a, damlote tidam theitu a ni. Mahse mi zawng zawngin damna kan chang vek si lo. Tihdam rawngbawlna nei, miin an pan luai luai pawh pan ve mahse, damna chang thei miah lo an awm. Damna duhin damna hmun an pan a, an dam si lo, damna diktak erawh thlarau chhandamna a ni. Mihring nih chhung chuan thlarau damna chauh erawh a tawk si lo.

    Hnamdangte hnenah chanchintha kan hrilh a, mission field kan hawng a, helaiah tlangval zurui thenkhatin inhnek zir nan an lo hmang si…. rawngbawlna a chak loh phah duh viau ang em aw.

    September 9, 2011 at 5:00 am

    • Damna dik tak thlarau damna tih hian i rawn sawifiah khawp mai!

      September 12, 2011 at 10:55 pm

  7. noddy

    A dampui ni a an ngaih tlat chuan Chanchintha Isua chanchin chu hrilh a buaithlak duh khawp ang..

    September 9, 2011 at 10:56 pm

    • Nia, Chanchin Tha hrilhna-ah hian kan tih theih ve tlem zia hi alang chiang thin.

      September 12, 2011 at 11:13 pm

  8. triplestar

    hmuhnawm bengvarthlak a ni deuh ber zel a nih hi mawle i blog hi chu, hotupa.

    Hetianga an tih luai luai dawn chuan a hmun hman man te lo la sela sum hnar a ni mai 🙂

    Pic 2 a lo hnai ber khi a va ses hmel ve, a tituai khawp mai a he he

    September 12, 2011 at 4:07 pm

    • Hotupa, nangnin hmuhnawm, bnegvarthlak in tih chuan, avan lawmawm ve!

      Pic 2-khi maw..ummm…hmmm….a chuti viau pawn ka lo hre lem lova 🙂 Anni ho hi chuan an ha chhing thei viau mai.

      September 12, 2011 at 11:18 pm

  9. Khai a! A va dangdai ve.. Arsa khi a uiawm mang e aw..!!

    September 22, 2011 at 5:40 pm

    • Helaw Thansang-Hugo-TS 🙂 Arsa khi an ei daih alawm!

      September 25, 2011 at 3:04 pm

  10. TSA

    Shaaaalaaaa!!!

    September 22, 2011 at 5:41 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s