Chhurbura roh em em; Nahaia'n neihsak phet a tum!

Frank Jenner of George Street


Kum 1953 khan Bournemouth, England-ah zan khat chu Baptist biakin pakhata pastor; Rev. Francis Dixon chuan an kohhran member Peter Culver-a chu a testimony asawi tir a.

Peter Culver-a chuan, ” Royal Army ka tan laiin, Australia khawpui Sydney a George Street a ka kal laiin, mi pakhat hian ” Ka pu, vawiinah hian thi la, khawiah  nge i kal ang ? Vanramah nge hremhmunah ? Khawngaihtakin he zawhna hi ngun takin i lo ngaihtuah dawn nia. Lalpan malsawm che rawh se” a ti a. A kal leh ta maia . Khatiang zawhna kha tuman min la zawt lova, ka rilruah hian a riak reng a, England ka kir leh hnu hian mi mipakhat thahnemngaihna avangin Kristianah ka inpe ta ani.

Hun engngemaw chen ral hnu chuan, chu kohhranah vek  chuan Thalai Inkhawm an nei a.  An thalai inkhawm rawn thlawhtu zing ami, Noel-a chuan a testimony tihian a sawi a. ” Royal Navy ka tan laiin, Australia, Sydney kan tlawh tumin; George street a ka kal laiin mi pakhat hi a lo lang hlawl a. “Tlangval, zawhna zawh duh che ka nei. I thih hunah khawiah nge i kal dawn ? Vanram ah nge hremhmunah i kal ang ? A khawi emaw zawk zawkah i kal dawn.” Chupa zawhna chu ka rilruah athi thei re re lo mai a, Kristian thian ka zawng a; tichuan ka nun Isua tan ka hlan ta a”

Bournemouth Baptist khaw pastor chuan mak a ti hle a! Tumkhat chu, Australia chhim lama khaw pakhat, Adelaide a athusawina-ah chuan, Peter-a leh Noel te’n, George street a an thil tawn chu a sawi a. Chutia a sawi lai chuan, pa pakhat hi hlim deuh hian a rawn zuang tho a,” Keipawh, kei pawh. Chutiang chiah chiah tho chuan George Street a ka thil tawn avangin Kristian-ah ka inpe ” a rawn ti a.

Frank Jenner

Frank Jenner

He pa hi Corporal Murray Wilkes-a ni. George Street a hmahmawh em em a tram a chuan atum laiin a hnung lam atang chuan, ” Ka pu lo ding lawk teh ” Murray chu a dinga . Mi pakhat hian,” Sipai, zaninah hian thi tala vanramah nge hremhmunah i kal ang?” Murray chuan, ” E vanram ah ka kal ka beisei” Chu pa chuan, ” Beisei ri ngawt atawk lo, i hriat chian ngei angai!”

Kar hnih ral hnua chuan, Murray chu sipai barrak-ah thingthiin a nun Isua tan ahlan ta a!

Pastor Francis Dixon chu hmun hrang hrangah a zin kual zel a. Perth khua a a thusawinaah  chuan a thil hriat mak tak chu asawi leh ta a. Athusawi zawh chuan, tlangval pakhat Navy a tang thin, George street a tlawh tum a chu pa pakhat zawhna avang bawk chuan Kristiana a inpek ve thu a rawn sawi leh ta a.

Pastor Dixon-a Sydney athlen chuan, chu papakhat chanchin chu chiang zawka hriat atum ta a.  ” George street a pa pakhat; mite an thih hnua an kalna tur zawt thin hi i hria em? ” tiin rawngbawltu pakhat, Alec Gilchrist a zawt a. Ani chuan, ” Ka hre lutuk alawm, a hming chu Frank Jenner ani e. ” ati a.

Pastor Dixon chuan, Frank Jenner chu a chenna in tlawm takah chuan ava hmu ta a. Pastor Dixon-a chuan, a zawhna mawlte hmanga Navy pali lai Kristian anih tak dante chu a hrilh a. Frank Jenner rilru a khawi kher mai.” Khang Pathian thu tawite ka hrilh te kha an piangtharin Kristian an nih tak leh tak lo hi engmah ka hre ngai lo asin. Mitlemte  Inrinni zana ka thusawina atanga inhlan a, chawlhni zinga breakfast ei turten ka inah an lokal thin a, chung bak chu engmah ka hre lo” tiin Frank Jenner chuan a chhang a.

Pu Frank-a hian he rawngbawlna hi kum 16 chung a lo nei tawh a, tun tum hi hetianga athusawi avanga rintlak kristiana inpe ta a hriat vawi khatna ani hial ! Kum 16 chhung he rawngbawlna—zawhna mawlte mai zawta a hun ahmang hi a inpekna hi  aropuiin, Isua hmangaihna tak takna leh thlarau bo te hmangaihna nena thawk ani tih a chiang hle!

Pastor Dixon-a chu khawvel hmun hrang hrangah Pathian thusawiin a zinkual zela, chungah pawh chuan Pu Frank Jenner chanchin chu a sawi tel fo thin.

Tum khat chu, UK-a Evangelical Convention a pastor pakhat chuan, George towna pa pakhat chutiang a zawhna  zawt chu atawn tawh thu a lo sawi ve bawk a.

India a missionary convention-ah pawh, Indian pa pakhat chu Sydney atlawh tumin Frank Jenner bawk chu a tawng a. A hnuah kristianah inpein rawngbawlna lamah pawh a inhmang chhunzawm bawk.

Jamaica a Missionary Conference-ah nupa tuak khat chuan George Street-a pa pakhat zawhna avanga Kristiana an inpek thu an lo sawi ve bawk a.

USA-a Naval chaplain’s Conference-ah pawh, George Street, Frank Jenner-in Pathianthu mite  a hrilh dan chu a sawi leh a. An chaplain chuan keipawh George street a, Frank Jenner zawhna avang Kristian lo ni ta ka ni.

Frank Jenner-in zawhna mawlte hmanga mi tam tak piangthara, Kristian ni ta engzat chiah nge hriat theih nilo mah se, Frank Jenner a ropuina leh hlawhtlinna chu engzat nge ringtuah mi a siam tih aiin, amah avanga Kristiana inpe; rinawm taka Lal Isua lazui tlat tam takte vang hi ani ngei ang!

Frank Jenner chuan,” Isua ka neih hma chuan sailor ni thinin, ka nun ka hmang bawraw hle. Pawisa khelh ka atchilh a. Kum 1937-ah ka piangthara, chuta tang chuan ka nun chu thlakdanglam alo ni ta a, pawisa khelh ka atchilhna pawh a reh nghal a. Ka nun thar neih chu, nun thar min petu Isua tan ka theih ang a thain hman ka tum ta a. Nitin mi 10 hnenah Isua chanchin hrilh hi ka tum ani a. Indo, ralmuan loh laiber leh ralmuan ber lai pawn—-Parkinson natna in min tlakbuak hma, kum 28 chhung chu rinawm takin hetiang hian rawng ka bawl ani”

A hriselna athat loh avangiin zawi zawin a hniam tial tiala, ” Lalpa khawngaihtakin chawlhni zanah i hnenah min hruai ang che” tiin a tawngtaina chu chhan a awmin; chawlhni zan lai thlen hma hretin a boral ta ani.

Sydney a Kristian tlemte bakin Frank Jenner chanchin an hrelo ani maithei e, mahse vanramah chuan a van lar dawn em! Vanramah chuan ropui taka lawm luh ani ngei ang!

Isuan,” Mi tupawh, mite hmaa mi tan ( confess) apiang chu ka Pa vana mi hmaah ka tan ( confess)ve ang ” alo tih kha. Frank Jenner hi Isua hian a tanin, vanah chuan a hming hi alar ngawt ang le !

Frank Jenner chanchin hi Kristian Megazine lian tak takah a chanchin ziak ani lo ani mai thei a. Kristian history-ah pawh a hming lamrik ani lutuk lo ang. Nimahsela, van amite chuan an va hre rua em ! Anihna takah chuan chu hmun chu hriat hlawh nana hmuntha ber ani si a.

Huaisen tak leh rinawm taka Isua chanchin kan puan zel theih nan Frank Jenner chanchin hian min cho thar mawlh teh se! Frank Jenner a Chanchin Tha hril dan hi avan mawlin, athusawi te hi avan tawi em!  Nitin mi 10 hnenah Pathianthu asawi thin, keini hian engzat nge mite Pathian thu kan hrilh ve tawh le! Lalpa tana sengkhawmpuitu nih i tum zel ang u.

A hnuaia video clip-atanga hian a enthei bawk e.

Advertisements

15 responses

  1. Ngaihnawm ve hian mai a. Mite rinna hi chu alo chakin an inpekna hi alo ropui thin bik mange.

    July 25, 2011 at 5:03 am

    • Ropui thin ngawt asin. Pu Meigou Ren, nangpawh i hnathawhna hmunah emaw i lenchhuahnaah emaw, mi pakhat tal Isua chanchin hi hrilh ziah ta la, kum 16 hnuah chuan mi tam tak i hrilh hman ngei ang le 🙂

      July 27, 2011 at 2:39 pm

  2. Rp Pachuau

    va ngaihnawmin a va ropui ve aw!! ka save hmak-ka la sawi chhuak ve ang e. i post hlu thlawt e.

    July 26, 2011 at 1:36 am

    • Hotupa, hepa chanchin hi keipawh ka ngaina khawp mai. Kum 2001-khan thusawitu pakhatin a sawi ka hre tawh a. A hming sawi lovin, putar pakhat ati mai a. Tehkhinthu emaw ka ti thin a. Hei internet lamah a chanchin ka haichhuak nawlh mai a. A tak ngei alo nia, a hlu zual ka ti.

      July 27, 2011 at 2:41 pm

  3. TSA

    A va ngaihnawm em aw.. A tha bawk si. Jenner-a nunah zir tur a tam hle mai. Kan thil tihna kawng engkimah Pathian kan chawimawiin kan chawimawi lo a lo ni reng mai.

    July 30, 2011 at 5:09 am

    • Hugo, i van rawn thlawh tha ve!

      August 2, 2011 at 11:57 pm

  4. A ngaihthlak nawm khawp mai, heart touching story hi chu chhiar nuam ka ti. Kei nin hote emaw kan lo tih hi, midang te tan chuan, damna ani a, chutiang bawkin, kan mihring pianpui bul ngei a, kan tawng chaltlai hian, midang nunah mahni in tihthlumna hial duh a awm theih bawk. Pathian rawng kan bawlna hi a te emaw a lian emaw, amah ring tlat leh amaha in nghah ngam chuan he leiah malsawmna dawng lo mah ila, Vanramah kan dawng em em ang, a tha lutuk, lo ti zel rawh, post tha tak a ni e

    July 31, 2011 at 5:12 am

    • Lalhmeltha, rinawm taka Pathian kohna zawna a din tlatna khian min hneh ani!

      August 2, 2011 at 11:46 pm

  5. bmw

    A va han ngaihnawm em! very inspiring indeed. Kan mizia leh kan talent mila rawngbawl hi Pathian hnen atanga dawn a ngai in ka hria. kan duh dan leh thra kan lo tih ve ringawt dan pawh a ni hran lo. Pu Jenner-a pawh hian a calling hmuh dan diktakin a ti ngei a niang, Pathian in mal a sawm em mai. A dawn tirh chuan a hre ve fu maithei a ni…zaktheilo taka mi hmanhmawh lai va approach tur chuan guts neih har ve fu ang….mahse Pathian tih a hnial loh vangin a rawngbawlna a hlawhtling hle a ni.

    I rawn ziak a, i ti tha hle mai. God bless you!

    July 31, 2011 at 7:50 pm

    • A dik khawp mai ka pi. Rinawm taka ringtu pawh hmu lemlova kum 28 chung hi rawngblawna ki khat chauhvin rawng ka bawl peih angem? Ka ring lo. Pa entawntlak niin ka ngai.

      August 2, 2011 at 11:45 pm

  6. dula

    Thinlung tak a dik thlap leh mahni inthiam lohna a ruk a kan neih na ang chi ni lem lo hi chu Pathian min pawlna pawh ani thei chiah dawn emaw ni le …Pu James!

    August 2, 2011 at 10:30 am

    • Pu myself 🙂 I thi sawi hi a ril lutuk a, ka man thiam chiah lo. Saifiah thei deuh em ?

      August 2, 2011 at 11:42 pm

  7. Chhuaklinga

    A ngaihnawm in rilru a hneh ngei mai. Post hlu tak a ni e.

    August 2, 2011 at 11:06 pm

    • Ti lawmawm thin e!

      August 2, 2011 at 11:40 pm

  8. Ka LIKE e!

    August 3, 2011 at 10:19 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s