Chhurbura roh em em; Nahaia'n neihsak phet a tum!

Tuma ui hlawh lovin a thi


Tuma ui hlawh lova thi hriat i nei em  ?  Han ngaihtuah vang vang la; Hitler, Paul Pots- te i rilruah an lo lang nghal mai thei e . Nimahsela, keini’n misual deuhva kan ngaihte pawh hi an han thih meuh chuan uitu hi an lo ngah zek thin.

Thih hnua infak leh inchawimawite hi kan tihdan tlangpui ani. Kan fak leh chawimawi ate berin an hre thei thin tawh silo erawh a lungchhiatthlak deuh. An chhungte hnemtu pakhat chu ni bawk mahse, anmahni ngei khan han hreve se aw tih tur hi atam khawp mai. Abikin Mizote hian damlaia in fak leh inchawimawi hi kan harsat hle. I ngaihsan deuh leh fel itih deuh pawh kha han sawi la; ‘ MAHSE, i hre lo anih kha..blah blah.. ‘ tia lo chhunzawm  nghal zat thei an kat nawk ang.

Hnamdang, abikin sap-ho hian infak leh inchawimawi, in fuih hi an thiam khawp hian ka hre thin ( uar lutuk deuh chang chu nei bawk mahse ). Thawh honaah pawh, kan tihve beitham leh thiam lo nia kan in hriat ngawih ngawihnaah pawh hian, kan tih tha lam kha min sawipui tlat a— mi fuih leh fak hi an thiam riau thin. Chu chuan keimahniah pawh, inrintawknate, lehpek atana phurna te nasa takin min siam sak thin. Baibul-ah pawh, kan ka atanga thu chhuakin thil athihthei zia pawh kan hmuh teuh hi ! Zepnak emaw, min sawisel rengtu te bula awm ai chuan, min faka min fuih thintute bula awm chu alo nuam nge nge.

Engpawhnise, he thu ka post chhan ber pakhat chu; a tira ka zawhna tawite mai khi ani!

Jehorama, Jehosaphata fapa ani a. Kum 32- anihin lal ani. Kum 8 alal hnuin athi. Lal huaikawmbawl leh lal bawlhhlawh , Pathianthu awih lo ani. Zawlnei Elija hmangin Pathianin a rawn zilhhau ta nghe nghe a. A thih ni alo thlen meuh chuan, tumah uitu pakhat mah anei lo ! A dam laia lal huat hlawh, a thi nia uitu nei lo; a thi an lawm zawk!!

Kan Baibulah;

2 Chronicles 21:20-ah chuan ti hian kan hmu, ” A lal tirhin kum sawmthum leh kum hnih a ni a, Jerusalem-ah kum riat a lal a; tuma ui hlawh lovin a thi a, Davida khawpuiah an phum a, lalho tlanah erawh chuan a ni lo. ” tiin.

Kan damlaiin mi zawng zawng kan ti lawm thei lo. Chu chu Pathian min phut pawh ani lo. Mahse, kan nun hian nitinin Krista nun mawi chu, engngemaw kawng talin kan mihringpui te lakah alan chhuahtirtur ani.

Kan ruang chungah hian miin engthu nge an rawn sawi ang le !?

 

Advertisements

7 responses

  1. bmw

    Thih ni a uitu pakhatmah neilo han nih tawp mai chu…ta aia zahthlak a vang awm.

    Ka thih huna mite min hriatreng nan, ‘A phak tawk chin² ah chuan Pathian tih lawm kha a tum ve a sin’ tih aia duh ka nei lo. Randy Travis hla ‘three wooden crosses’ tih hla min ti hre chhuak.

    ”I guess it’s not what you take when you leave this world behind you,
    It’s what you leave behind you when you go.”

    July 10, 2011 at 1:35 am

    • Miten an hriat reng nan che a i duh hi, avan ngaihsanawm em !

      July 10, 2011 at 11:06 pm

  2. Hei zet chu, kei pawh ina ka lo ngaihtuah ve rauh rauh thin a nia, thiam taka i ziah han hmuh meuh chuan, a tak takin ka hre chiang ta zawk e. Ka lawm khawp mai. Lo thi ta ila, ka kuang chungah tunge tap anga, tu chiah in nge min ui ang tih hi a ruka, keimah leh keimah ka lo inzawh fo thin ania, Thil tha tih ka nei tawh em? mahni tan chauh em ni thiltha ka lo tih thin? tih hi kan inenfiahna darthalang ni thei se, he khawvel hi hmuh theihin siamtha lo mah ila, a siamtu zinga mi pawimawh ber pakhat chu kan ni ngei ang le. A tha lutuk e, lo ziak zel teh khai

    July 10, 2011 at 2:18 am

    • I van ti lawmawm em, LAL-hmeltha 🙂 Ni e, minute khat theuh hun kan hman dan pawh i a inanglo hlawm ngawt ang le! Nang chu i ngaihtuahawm ka ring lo; i thlalak en hian 🙂

      July 10, 2011 at 11:07 pm

  3. I ziak thain ngaihtuahna a tithui khawp mai. La thi tur theuh kan ni si a, ka ruang chungah eng thu tak lo sawi ang maw. Damlai ngeia infakmawi hi a lo va pawimawh tak em.

    July 10, 2011 at 11:26 am

    • I ti lawmawm thin e, pu cari.

      July 10, 2011 at 11:09 pm

  4. Veng piah pa chu i thlep lut nalh hel mai.

    “Hriat reng i duh dan angin nung ang che,” tih anih kha.

    July 11, 2011 at 11:52 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s