Chhurbura roh em em; Nahaia'n neihsak phet a tum!

Ka Pa leh Kei


Ka pa hi ka thian tha ber  pakhat ani. Tleirawl chhuah chhoh vel laiin engkim hrilh ngam nachang hrelo mahila, ka puitlin hnu chuan ka harsatna leh ka manganna ril ber te, nulat tlangval na kawnga ka thil tawnve te pawh ka hrilh vek ngam ani. Fate nen a inkawmngeih hi athil chak ber pakhat anih avangin, kan nel theih nan kan titi duhzawng leh kan tui zawngte min titi pui fo thin.

Ka pa min enkawl dana tha kan tih zual thenkhatte  :

1. Kan naupan lai atanga kan tleirawl chhuah thlengin, min inkhawmsan khat khawp mai.  Kan inkhawm pawn nu leh pate bulah lo chuan kan thu ngai lo. Chhungkuaiin kan inkawm dial mai thin.

2. Ka sual ve deuh laipawn, ka tan — karkhat  chaw nghei ten atawngtai thin. Rawngbawla ka chhuah hnu pawn, thingtlang lama kan zinchhuah dawn chuan chawnghei ten min lo tawngtai sak thin.

3.  Thla khatah vawikhat tal kan chhungkua a, luchunga kut innghat tawnin kan intawngtai thin.

4. Kan lehkha zir min mutsan ngai lo.

5. Kan tlangval ve hnuah pawh kan zan leng ho min lo nghak hram hram thin. A bik takin, kan sualve deuh lai khan; min nghak chhuak ngei ngei. A inthlahrunthlak thei hle.

6. Min thununna kawngah ka nu nen an tangrual thiam em em. Tlan tauhna, zualkona tur kan nei thei lo.

7. Kohhran, khawtlang aiin chhungkua ( keimahni ) a dah pawimawh. Kohhranah pawh, sunday sikul zirtirtu leh thusawitu anih bak thil dangah a inhman ka hre lo. Committee hran hranah, chhungkaw chhuahsan fo ai chuan tiin a tel duh ngai lo. Kan puitlin hnu chuan tlemin a inhmang ve ta deuh.

8. Mi ngaihthlak ataima. Hei vang hi aniang, chhungkua, nupa kar a harsatna neite hian an rawn kawm a, an ina leng turte pawh a an sawmve fo thin ni. Hengte pawh hi counselling lamte kan zirve deuh hnu hian alo pawimawh zia ka hrechhuakve ta zel. A thiante zu rui lo leng lut pawh hi, an harhfim thleng a titi pui peih.

9. Thlarau Nun lamah pawh, KA PA ( spiritual father ) ani zel bawk. Ka pianthar tirh a, ka’n tui over em em lai pawha dawhthei taka Pathian Thu hmanga min kaihruaitu leh min zilh tu ber ani. Ka pa aia Pathian thu sawipui nuam tih hi ka nei tlem khawp mai !

10. China misawonari a ka awm  kum khat leh achanve hnuah min chawmtuten min tawp san ta thut mai a, haw leh a, chawmtu han zawn that lehte pawh kan rilruk hman a. “Karkhat tawngtaiin Pathian aw i ngaichang phawt ang u” ati a. Kar khat hnua ka pa nena chuan kan inbe leh ta a. Ka pa chuan, ” Tunkar chhung zawngin kan chhungkuain itan kan tawngtai a, tukin zing kan chhungkaw inkhawma ka thu dawn chu hei hi ani : Daniala athiante kha Pathian chuan meipui a paih lut lo khan   achhanchhuak thei, mahse, a chhanchhuak lo—-meipui zingah ani a chhanchhuah ni. Nangpawh hi, meipuihel zawng nilovin, meipui kal tlang nunin Lalpan hruai zel che aduh niin kan hria “ I lo hawnna tur pawisa kan rawn thawn dawn e, tih hriat ka lo tum tehreng nen khan !

Ka pa hi pa famkim ani lo va, lehkhathiam pawh ani lo. Pawl 8 thleng chiah lehkha zir ani a, hnasang thawk pawh ani lo. Unau 5 an ni a, kum 8 anihin anu leh pa an inthen a; achhang chiah chu a awm seilen ani deuh ber . An rethei a, lehkha pawh aduh ang chin a zir thei lo. Tunah fate kan han neive ta a, ka pa min enkawl dan ah hian vuina tur hi ka hre lova, ka fate pawh hi ka pa  min enkawl dan ang bawka enkawlve theih ngei hi ka duh ani.

Pate Ni pualin ka blog rawn tlawh thintu; PA ni mekte —chhungkua leh fa enkawlna kawngah Pathian Thu in dah pawimawh hmasak ber zel theih nan duhsakna ka hlan ache u.

* He post hi ka zin dawn avangin hmahmawh deuh taka ka ziah ani a. Shedule post-ah ka dah nghe nghe.

Advertisements

11 responses

  1. caribou

    Pa i nei tha hle mai. Pa tha in uluk taka fa a enkawl chu “fa sual” ah i chhuak thei lo hrim hrim. Chhungkua aia Kohhran leh Khawtlang ngai pawimawh zawk, chhunah inah awm hman lova, zanah mut dawn chauhva ina awm hman thin pa ka ni ang tih ka va hlau tak em. I Pa enkawl dan che atang hian inzirna tur ka va lo ngah tak em. Thuziak tha tak, mahni leh mahni min inenfiah tirtu anih hi.

    June 20, 2011 at 9:51 am

  2. A ngaihnawm in a tha hle mai.

    June 21, 2011 at 12:59 am

  3. bmw

    I pa chu a takin hre lo mah ila ka lo ngaisang ve tawp! Sial rang in sial rang a hring an tih hi a dik ngei a nih dawn hi…a fapa i fel em mai 🙂

    June 21, 2011 at 5:01 am

  4. Pa tha tak chu anih dawn ni, a ngaihsan awm, mahse ka pa hi ka ngaihsan ve ber ani tlat,

    June 24, 2011 at 4:07 am

  5. A ngaihnawm hle mai. Pa duhawm tak i nei niin a lang. I pa i chhunin ka ring.

    June 25, 2011 at 11:12 am

  6. Avan thlamuan thlak thin dawn vele. Patling diktak avan ni chiang vele.

    June 25, 2011 at 1:05 pm

  7. triplestar

    I pa ang hi an tam lo khawp ang. Pa tha tak Pathian tih mi i neia i vannei hle mai. Fate enkawl chungchangah pawh i pa i chhun ngei ka beisei.

    I pa chanchin atang hian zir tur tam tak a awm a nih hi.

    June 25, 2011 at 4:01 pm

  8. I pa chu a chhuanawm hle mai, ka va ngaisang em. Hei vang hi anih hi, nang pawh i fel em em! i pa i chhun ngei anih dawn hi….

    June 26, 2011 at 2:04 am

  9. Inti lawmawm e. Pa te ni anih denchhenin tlema, mahni pate fakna kan thailang a; min hlut saka in rawn comment tliar tliar a ka lawm e.

    June 26, 2011 at 9:55 pm

  10. I pa kha a fel hmel khawp mai, kan inkawm chiang hman lo na a. Tin, i nu pawh. Pate i chawimawi thiam a, fapa fel tak i ni tih kan puang e.

    June 29, 2011 at 8:33 pm

    • Laoshi te berin fela min puan chuan, fel awmin kan awm ve tawp mai aniang chu! 😀

      July 1, 2011 at 9:05 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s