Chhurbura roh em em; Nahaia'n neihsak phet a tum!

Jenis L Bawitlung thlah nan


Vawiin June 2. 2011- hian kan rawngbawlpui thin leh thiannu Jenis L Bawitlung chuan Kohhran dan thianghlimin pasal anei dawn a. Inneihna lamah kan kalve thei silova, blog-ah hian amah thlah nan engengemaw rilru a awmte i’n lo sawi ve mai mai teh ang !

Tunge Jenis-i ? :

Mizoram kohhran lian MBK pawhhin, komunist kulhpui luh chhuaktura an thlan nalh kha ani a, a theuneu lovang tih lo ring sa la !

Nula fel leh zamtha, kawm nuam; tih takzeta thilti thin mi anihna te, a saptawng hman dik thute leh a lam nalh thute abula awm tamte chuan an hria. Ram hla tak a awm chung pawn, chhungte ngaipawimawh thiam mi, chhungte tana hahchawlhna, thlamuanna tlak ani.

Thiamna lamah pawh mi eitling tak, M.A ( Lingusitic ) anihna te pawh hi sawilovi la, a chanchin a kim lovang.

Kan rawngbawllna min rawn hmuhpui

Rawngbawlna lamah pawh mitui tak, thahnemngaia—-hun harsa leh hlauhawmna hmunah pawh Lalpa rawngbawl thulh tum ngai lo, Lalpa tana mi rinawm  ani. Ama Newsletter ( Sep.2009 ) ngei hi i lo chhiar nawn leh teh ang u :

Ringtu ani ve ta:
Ka class pakhat a Easter lesson a ngaihthlak atangin ka student Shelly chuan Isua chanchin a hriat chian duh thu min hrilh a. Buddhist ho lekhabu a chhiar mek a, a rilru a hneh thu a sawi a. Mahse khatia Easter lesson atang khan Isua chanchin hriat chian a duh kha alo ni a. Eng sakhua mah bia a ni lova, mahse a tuihal thu leh Pathian a zawn mek thu min hrilh a. Zawhna pawh a ngah hle. Tawngtai dan te in zirtirin, thla hnih dawn inkawmna kan hman hnuah a thiante atangin ‘In-kohhran’ a inkhawmna alo zawt chhuak a, tichuan a inkhawm ve thin thu min hrilh a. Chutah chuan ka in hruai tir ve nghe nghe ani. Tichuan, summer holiday thla hnih vel hmangin mahni in lamah students ho an haw sang sang a. August thla a University a alo let leh hnuin, ka bula chen ve min dil angin ka remti a. (Cheryl leh Shelly i ka awmpui ta anih chu). Tichuan, Isua ringtu anih tawh leh tawh loh ka zawh chuan, holiday laia a chunga thil thleng vangin Isua a Lal leh chhandamtu a pawm ve tak thu min hrilh ta ani. A hlimawm duh ngei mai.

A sawi dan chuan, a hawn chhung khan a nu leh pa inthen anlo tum a, a rilru a hah em em a. Tichuan, Pathian hnenah a tawngtai ta a. “Lalpa, i awm tak tak anih chuan, ka nu leh ka pa hi inthen tir suh ang che. Ka nu leh ka pa ka titi pui ve ve anga, keimah hmangin an thinlung thlak ang che” tiin. Isuan ka tawngtai a ngaithla a, ka nu leh ka pa an inthen loh phah a, a hnathawh liau liau ani a, Isua hnung zui turin ka nun ka hlan ta ani a ti. Pathian hnathawh dan hi a ropui thin ngawt mai.

‘In-kohhran’ te min cho na:

Newsletter hmasa lama ka sawi tak la hre velo tan ka sawi lan duh pakhat chu, ka thawhpui thin American pa Baha’i sakhaw be miin an sakhuana a ina a zirtir thin chu University hotuten hriain an khap hmiah mai a. Chuta tang chuan, ka ina Baibul thu ka zirtir ve thin pawh fimkhur avangin tihtawp a ngai ta a.

Engtinnge rawngbawlna lamah hma ka lak zel ang ka tih lai mek in, Shelly in kan Uni. bul lawk a ‘in-inkhawmna’ a hmuh thu ka hre chhawm chhova. Pathianin rawngbawl zel nan kawng thatak min hawn sakah ka ruat. Tuna ka rawngbawlna pawimawh tak ni a ka dah chu, he ‘in-inkhawmna’ ah hian a tam thei ang ber zirlai te hruai a, anmahni Chainis ringtu ho bawkin an bawhzui theih nan a ni.

‘In-kohhran’ ah chuan ka inkhawm ve thin a, zirlai engemaw zat ka hruai ve ta a. Zirtawp zan ah sarmon inkhawm niin, chawlhni zingah sunday sikul an nei thin a. Inkhawm ho hi ka thawhna zirlai vek niin kum 19-23 inkar anni hlawm. A tlangpuiin mi 15 atanga 25 an inkhawm thin. Chainis irawm chhuak hla nalh tak2 an sa a, sunday sikul pawh, ‘ka naupang em mai’ ti a chhuanlam awm miah lovin, group a inthenin an in zirtir ve nawk nawk hlawm a. Zirtawp zan inkhawm ah hian thla khatah vawi 3 Z- Province a kohhran hruaitute thusawi turin an rawn zin vang vang thin bawk.

Heng ringtu inhmukhawm ho min hnehna em em chu, ‘thlarau bo man’ hna thupui bera an neih hi a ni. Isua la hre ve lo tute hnena chanchin tha hrilh a, inkhawmna a hruai hi an thupui ber a. Inkhawmna ah hmel thar an hmuhin an lawm thiam em em bawk.

Tunah pawh semester kan tan a, inkhawm ho hmasak ber tum chuan meeting an nei a. Zirlai thar ho a tam thei ang ber he in khawmna a hruai turin an in fuih a ni. Shelly i pawh chuan hma a la ve nghal char char a. Mi panga (5) vel inkhawm duh tur a hmuh thu min hrilh a. Ringtu a nihna ala reilo, mahse midang a vei ve nghal em em hi a lawmawm lehzual na ani. A tlangpuiin Chaina a hetiang kohhran ruk member ho hian ringthar siam thu ah hma an la nasa in an vei tlang em em nghal zel hi chona tha tak a tling.

Mi Thil phal :

Thlatina chawmtu mumal pawh nei mang lova ka awm lai; ka retheiha ka harsat em em lai pawha min tanpui fo tu te zing ami chu Jenis i hi ani. Pathian thu a awihna rah hi ka van tel ngun tehlul em !

Friendship :

Province khatah rawngbawl ho lo mahila, kan intawngtai sak tawn thin a. Tum khat pawh thingtlanga kan rawngbawlna min rawn hmuhpui vang vang a. Khami tumte khan asin, bus a dar kar 5, van darkar 3 kan kal hnua kea darkar 5 kal leh kha kan ni a. Kan in ak rit in, khua a chhe bawk si, kawng a  diakin  a chhengchhe bawk sia; kan Malaysian tlangval ho chau lutuk kal tha thei tawh lo te chu a chhawm a, achangin an bag te a ah sak bawk a. Mizo hmeichhe chawimawitu ani.

Malaysian tlangval ho pawh a chhawm tha e! 🙂

Lijiang leh Shangri- La te pawh,Lzi Fanai te nen kan pathumin kan va tlawh ve tawh tak kha maw le !

Sawi sen ani lo. Engpawhnise, pasal tha tak a nei tur hi ka lawmpui a, nupa inhmangaih leh kawng engkima Lal Isua dah lal bertu an lo nih theih nan duhsakna sang ber ka hlan e!

Advertisements

16 responses

  1. Sama Khiangte

    A ngaihnawm hle mai, Jenis chuan a pasal neih ah pawh hian Pathian malsawmna a dawn nasat ka beisei, Pathian hian amah chawimawitute hi chu a chawimawi let thrin.

    June 2, 2011 at 11:59 am

  2. Ngaihnawm lutuk. Jenis hi chu ngaihsan awm hrim hrim ka ti keipawh. Vawiin an inneihnaah kal kan tum e. Pathianin an inneih malsawmin kristian chhungkua duhawm an din ka duhsak e.

    June 2, 2011 at 12:17 pm

  3. Maisek

    Van ngaihnawm ve aw. Jenis i chu chhuanawm hle mai. Duhsakna sang ber ka hlan e. An inneihna ah kal kan tum hlawm e!

    June 2, 2011 at 12:49 pm

  4. Jewel

    Wish them a happy married life 🙂

    June 2, 2011 at 4:23 pm

  5. H.Vangchhia

    Ka thiani hi chu a heti tlat. A hmachhawp thilah duhsakna ka hlan e

    June 2, 2011 at 6:02 pm

  6. Lersia

    A van lo ropui e…. Hmanah kan “Burma awmpui nen in in ang aniang i hmel hi ka hre deuh roh” ka tia, kan in be zui ta lem hlei lova… 🙂 Hetiang mi Hobawm leh Hmanbawm ah te kan lo pawt pui ve maimai thei hi kei ni tan a hahip a sawi leh tur a tling awm e…. Khuanu zarah an dam ni te hruai ang sei se, Fanau maltluan chawi in hlawhtlinna tinreng in um zui zel rawh se… 🙂

    June 2, 2011 at 6:27 pm

  7. Missionary rawngbawl hna hrehawm tur zia leh tawrhchhel a tul tur zia hi, khi i thlalak atang ngawt pawh khian a chiang reng mai. Tlangsangah te, luikawr ruam leh lungpui karah te, luite luanna khawkrawk karah te, hmelma karah te, thosi, vaihmite, vangvat leh anmahni tina theitu karah te pawh, zam lo huai taka Lalpa chanchintha vahvaihpuitu te hi an va ngaihsanawm tak em.

    Jenis-i pawh, a rawng a bawl sak thin Lalpa chuan a hre reng a, pasal tha tak a pe ta; ka lawmpui khawp mai. Lalpa’n damna te hriselna te pe se la, malsawmna tam taka vurin fa duhawm tak tak nen chhungkaw tha tak a din ngei ka duhsak e.

    June 3, 2011 at 12:55 am

  8. TSA

    Jenis-i chu ka hriatchian lehzual phah e. Nikum kumtawpah kan inhmu ve tan a, kumin kumtirah kan inkawm tan a. Ani anga nula felin pasal a’n nei mai tur chu ka lawmpui rual rualin ka ui khawp mai 🙂 Miss Jenis hi ka ngaisang takzet a, nupa hlim tak an niha chhungkaw ropui tak an din ngei pawh ka ring tlat a ni.

    June 3, 2011 at 2:49 am

  9. James Lalsiamliana

    wish you build a happy family…

    June 3, 2011 at 10:22 am

  10. ZerO

    Thiani chu a lo turu hle mai a

    June 3, 2011 at 11:01 am

  11. Mahlimi bawitlung

    A va ngaihnawm em..ngaihsan om bok si..a chhuan awm hle mai..Be blessed Jenis L Bawitlung

    June 5, 2011 at 5:36 am

  12. Kha mi(sual).com lamah te an inneih thlalakte ka lo hmu ve thei a, a lawmawm e. Anpa hi ka hre hran lova, Kristian chhungkua tha tak an din ngei theih nan duhsakna i hlan nawn leh teh ang.

    June 6, 2011 at 12:26 pm

  13. varte

    i fel hle mai, thiante pualin i rawn ziak hmak mai a..

    June 6, 2011 at 7:09 pm

    • Chutia mi Captain, nang deuh alawm fel, i rawn comment hmak mai a. 🙂

      June 8, 2011 at 10:19 pm

  14. Pu Seki hi i thiante pawh i chawimawi thiam riau mai a. I rin , i in nghahna leh nangmah hmangaih em em tu Pathian ohei chu iva chawimawi thiam dawn tak em….

    Jenis(U) hi nikum khan Baptist HSS, Serkawn ka puih tumin kan in hmelhriat tana, titi pui a nuamin a hawizauh khawp mai. Mi fel tak a nih ka ring em em. Kan BCM missionary te zing ami a ni tih min hrilh leh a, a awm ka ti viau mai. Misual.com velah a lo chettlat ve thin thute ka hre zel a, miin a chanchin an sawi dan pawh a mawi zel e.

    Kristian chhungkua Pathianin dinsak rawh se!

    June 12, 2011 at 6:06 am

    • Krista, chawimawi tlak hi chu chawimawi mai hi atha e ka ti. Mizote hi thih hnua in chawimawi, fak chiam te hi kan ching thin. Kan fak ate ber in an hre tawh thin silo.

      Aw, ilo in hmelhriat ani maw! Misual.com member hmasa pawl ani ang.

      June 12, 2011 at 10:44 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s