Chhurbura roh em em; Nahaia'n neihsak phet a tum!

A Thi Hlen lo!


Kristian chhungkaw pangngai apiang leh seilian tan chuan, Good Friday leh  Easter Sunday te hi thil thar ani lo. Khawthlang ram lamah chuan holiday pakhat pawimawh tak ani ta deuh ber mai a. Easter egg te, easter cake  tihte chuan  Easter kan hman chhan tak; Isua kan tan a thiha athawhlehna ni ani tih reng hre lo apui an tam ta a. Super market  te lahin, easter denchhenin inhralh nawm nan an thil zawrhte an ti tlawm rawk rawk a. Easter kan hman chhan ber Isua  aiin easter cake te a lar zawk ta.

Hetiang dinhmun hi kan ramah hian la thleng em lovin lang mahse; kan hlat lutuk tawh lovin alang. Krsitianna hi kan hnam culture pakhat a nih tawh tlat avangin, Isua thihna leh thawhlehna te pawn kan nun-ah thu a sawi ring tak tak thei ta lova;  serh leh sang pakhat ve mai ani tan ta deuh der mai!

Easter egg leh Lal Isuan kan tan a tawrhna leh min chhandamna hian in zawmna reng a nei lo.Khawvelin kan kristian hun hlu min tihhmelhem sakna hmanrua mai ani.

 

Kristian tan Isua thawhlehna hi pawimawh berte zinga ami ani. Tirhkoh Paula’n alo sawi ang in, ‘ Krista kha thlan atangin tho leh ta lo se, a thu kan hril leh kan rin hian engmah awmzia anei lovang’ (cf: 1 Korin 15 ) tiin. Pathian thi ring kan ni mai dawn tihna anih chu!

Isua kha a tho leh  lo ani, tia zirtirna theh darhtute an awm thin. Messiah anih pawm duh tlat lo tute, Jews ho ngei pawn an phah lo. Nimahsela, A zirtirte ruk bohvah an puh ta hram  zawk a nih kha. Isua thlan kha Rom sipai ten an veng tlat a, Isua zirtir mi dawih zep em em maite khan an ruk bo hi a rinawm lem lo.

A in lar :

 

1)      Jerusalem leh achhehvel-ah :

  @  Mary Makdalene hnenah :  Johana20:11-18

 @  Peter ahnenah :  Luka 24:34

Zirtir sawm-te hnenah :  Luka 24:36-43; Johana 20:19-25

Zirtir sawm leh pakhat leh Thom ate hnenah:  Johana 20: 26-29

Vana a lawn lai hmutute:  Luka 24:50-53; Thirhkohte Thiltih1:4-12

2)      Emau daia mi pahnih hnenah :  Luka 24: 13-35

3)      Galili –ah :  Matthaia28: 16-20; Johana 21:1-24

4)      Mipui 500 hnenah :  1 Korin 15:6

5)      Jakoba leh thuhriltute hmaah :  1 Korin 15:7

6)      Paula hnenah, Damascus-ah :   ThirhkohteThiltih9:1-6; 18,9,10,22:1-8,23:11,26:12-18,1Korin 15:8

 

Kan sualte ngaihdam anih theih nan Isua chu thlan atangin thihna hnehin a tho leh a, chu athawhlehna chu mi zawng zawng tan ani. Kan ringtu nun-ah hian tute pawn Lalpa thilmak ( miracle ) min tihsak kan beisei thin. Kan ngen a, kan dil tlut tlut thin a; kan beisei ang leh kan tum dana a lo thlen lohvin Pathian hnenah kan vui hial thin. Nimahsela, khawvel-ah hian Isuan min CHHANDAMNA  aia thilmak  ( miracle ) hi a awm lo.

Lal Isuan min chhandamna – a thihna leh thawhlehna piah lama thilmak-danglam bik leh thlarau danglam beiseina hian awmzia anei lo. Chu Chhandamna chu a ring apiangte tan ani a, thlei bik leh thliar bik anei lova.

Thawhlehna Nun tawmpui tawhte chu, Lal Isuaah mi thar, mithianghlim Krista-ah an lo ni tawh zawk  thin. An nunte chu an tana thi a tho leh atan an hlan tawh zawk a, Beisei-na nei tawh lo ten beiseina thar an lo neih phah ta thin.

Hlimna thar an char a, chung an hlimna leh lawmna te chu he khawvel a thil-ah te ni tawh lovin, Chatuana  Isua zara an nun thuhruk zawk ah chuan an lo nghat tawh zawk ani.

Nun thar an nei tawh avangin harsatna leh manganna ten a kiansan ta tihna ani lova. Harsatna leh manganna karah pawh, an nun chelhding tu Lal Isua an en tlat thin avangin, harsatna leh lungngaihna te chuan an nunah rorel tir lovin, chungte chu hmasawnna leh nun tam zawk neih nan an lo hmang ta thin zawk alo ni.

EASTER awmzia dik tak hian I nunah engnge awmzia  a neih le?

Lal Isua  I tana nuna hlanna hun angin nge I hriat a, kristian sakhaw tihdan phung a, serh leh sang pakhat ve mai?

Kan sualte avangin khenbeh ani a, thihna thlan khur thim tak chu dai tlangin, thihna hnehin a tho leh ta!

AMEN !

A nulat laia ka bialnu thin 🙂 Carrie Underwood in; Girls’ Night Out, zirtawpni kalta ( Ni 22 ) a, Country hla sa hmeichhe tana an concert an buatsaih a; Zaithiam tam tak hmaa asak a: “How Great Thou Earth ” a sak hi i ngaithla ho teh ang u. A aw thiang mawi em em mai hi ngaihthlak nin avan har thin tak em! A kar laka, Vince Gill in tingtang mawi tak mai a an zut dalh dalh mai te nen hian avan in rem leh zel em! 🙂


Advertisements

10 responses

  1. caribou

    Carrie Underwood khi a va han zai thiam vawng vawng ve le. Hmeltha si, zai thiam tho bawk si, a aw mawi bawk si.

    April 24, 2011 at 2:11 am

    • …..a nun hi a mawi bawk si ! 🙂

      April 26, 2011 at 9:06 pm

  2. H.Vangchhia

    How Great Thou Art tho, Elvis Presley sak ka ngaihthlak lai takin ka hawng. Chhiar a ti nuam zual hle mai. Elvis in concert naa aw lian tak maia a thunawn a rawn lak chiah khan ka hmulthi a ding er er thei nia mawle.

    I ziak ngaihnawmin Bible chang i dah khi a tha hle mai. Easter chibai ule.

    April 24, 2011 at 8:47 am

    • Elvis a khan asa thiam hluam hluam bawk khawp mai.

      Easter Chibai le!

      April 26, 2011 at 9:05 pm

  3. Rp Pachuau

    I ziak tha hle mai, Biblecal & Systematic taka i rawn ziah chhuah avangin a hlu zual. Kriatiante hian kan hunpui kan sawngbawl dan hi a phawvuak lam kan buaipui tam ta zawk a ni e.

    I chhass hlui chu a thiam hle mai.

    April 24, 2011 at 12:42 pm

    • Pu Rp, i van ti lawmawm ve!

      April 26, 2011 at 9:04 pm

  4. Hotupa, tun tum chu a ngaihnawmna piahah a ril ngun mai a, thuziak hlu tak a ni. Kan Isua hian thihna a hneh mai a ni lova, thlan thim a luhchhuah a, a tho leh a ni tih hi a dik ka ti.

    A thi a, a tho leh a, vanah a lawn a – tih mai piah, a phenah hian kan tana a inpekna hi kan hmuh hmaih leh thin. Kan tana a inpekna tak tak hrechiang lo chuan A tan inpek tak tak theih a ni bawk si lo. Inpekna leh inhlanna tel lovin Kristianna dik a awm thei lovang.

    I ziak tha tih aia fiah thu dang awm se, i thuziak comment nan hian ka hmang ngei ang.

    April 24, 2011 at 4:28 pm

    • Ekhai hotupa; i van ti lawmawm ve. Min bawl chu ani em lo maw !

      April 26, 2011 at 9:01 pm

  5. TSA

    A tha khawp mai. Carrie Underwood hi chu a va han zaithiam tehlul em! A aw ngaihthlak a nuam ropui si.

    April 24, 2011 at 7:05 pm

    • Ka chhass hi a zaithiam ania! 🙂

      April 26, 2011 at 8:58 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s