Chhurbura roh em em; Nahaia'n neihsak phet a tum!

Engtinnge Baibul I Chhiar ?


Engtinnge Baibul i chhiar thin le ? I lehkhabu, lehkhathawn, chang, Bung ngainat zawng i chhiar tlut tlut thin ? Nge, Genesis atangin i tan tawp  mai thin. Nge ni a, Thuthlung Hlui chu thinhrik deuh tawhin, Thuthlung Thar chiah i chhiar thin ?

Baibul chhiar dan hrang hrang—ministry hrang hrangin an siam pawh hmuh tur a awm nual mai. Ka pianthar tirh lam khan, Chanchin Tha Bute leh Tirkohte Thiltih hi ka chhiar nasa hle a. A hranpa a; Baibul chhiar dan guide em em pawh ka hre ngai lo. Ka chhiar tawp ani ber !

 

Mahni tui-tuia-tuiin; Daniala hapta leh Thupuan te hi ka khelh ve nasa thin. Zep nakemaw, Thupuan chungchangah hi chuan Dr. Biakmawiia article ziah khan min tibengvar khawp mai. Presbeterian leh Baptist, SA, lam ten kan sawi ngam loh kha a chhui ngam tlat pek a! Keini lah chuan kalsual, zirtirna dik lovah kan puh tlat lawi a.

Baibul hi khawi lai chang pawh hi chhiar ila hlawkpuina na tur a awm tih ka pawm a, chuti ani rual chuan awmze nei deuhva chhiar hian hlawkna thar zawk chharchhuah tur pawh alo awm zel mai tih pawh ka pawm.

Chronological Bible Reading hmanga Baibul chhiar hi alo hlawk thlak phian mai. Chronological Bible Reading-ah chuan; Baibul a lehkhabu awmte hi a hun thlen dan indawtin an rem khawm a, chu chu kumtluana chhiar turin an duang a, atha khawp mai.

Entirnan : Genesis atangin i chhiar tan ta a; Bung 11- i chhiar zawh chuan Joba i chhiar ang. Excodus chhiar hmasa lovin.

Jan 1  :      Gen 1‐3
Jan 2 :    Gen 4‐7
Jan 3  :    Gen 8‐11
Jan 4 :     Job 1‐5
Jan 5  :     Job 6‐9
Jan 6  :     Job 10‐13
Jan 7   :   Job 14‐16

Tah hian PDF file in; Chronological Bible Reading Plan a awm a, download, a print mai theih ani.  Tin, online a chhiar theih turin an siam bawk a. ESV online Chronological Bible Reading hi ka hmang a. Interent neih erawh angai thung.

Chronological Bible Reading -zulzui hian Baibul han chhiar ve chhin teh. A hlawkthlak khawp asin 🙂

Advertisements

11 responses

  1. caribou

    A tha hle mai. Thil tha na na na hi chu ka hai bik lo, mahse thatchhiatna hian lung angin min eichhia anih hi. Rinna lama ka nunna chaw ber Bible chhiar hi ka thachhe khawp mai. Ka download nghal e. Hotupa, Pathian thu lam i han ziak hi chuan ka tlin tawk lohna te ka inhrechhuak a, ka te chem chem thin.

    March 26, 2011 at 12:42 am

    • Hotupa,tikhan lo chhiar ve malh malh tawh mai teh khai 🙂

      March 31, 2011 at 1:17 pm

  2. TSA

    A bengvarthlak hle mai. Kei chu chhiar tur ber hi ka hre ngai lo va, ka chhiar hmasak sak hi ka chhiar tawp zel! Ka’n download ve nghal ang e.

    March 26, 2011 at 3:34 am

    • Hlathlankhawm hi i chhiar ngun deuh ber em ? 🙂

      March 31, 2011 at 1:18 pm

      • TSA

        Haha.. Hla Thlankhawmah hian sexy deuh deuh a tam ka ti.. 🙂

        March 31, 2011 at 5:04 pm

  3. H.Vangchhia

    Protestant Bible ah hian Bible pangai a bu 7 a kim loh avang hian hetiang te hi lo chhuak ta a ni thei ang em, ka ti thin asin. Matin Luther leh Calvin te khan an zirtirna nen a inmillo tur kha chu Bible a awm tlaklo anga puhin an paih hmak2 mai anih kha. Luther khan Epistle of James, Esther, Hebrews, Jude and Revelation apaih a ni.

    Protestant leh Anglican ten Thuthlung thar an dah vek thin lhnu khan, Martin Luther zuitu te chuan a zirtirna nena inmillo tur Hebrews, James, Jude, and Apocalypse an paih leh a. Ahnu chuan II Peter, II and III John an paih leh ta a ni. Martin Luther phei chuan James te kha a sawi hnawng nasa thin anih kha, a thu puandarh ber pakhat, “Rinnaa chhandam,” tih kalh deuha a hriat avangin.

    Catholic ah hian kum leh ni her dan ang zelin bible hi chhiar ani thin a, a ngaihthlak anuam thin bik khawp mai.

    March 26, 2011 at 11:02 am

    • Theologian pakhat maiin an hnawl te chuan kawngro suh vak turah ka ngai lemlo. Baibula an seng luh chhin hi ka ring tawn ren ren viau mai. An seng luh chhan hrang hrang han en hian. Alo awm viau e ka ti ta.

      March 31, 2011 at 1:20 pm

  4. ka Brazillian thiante nupa hian an nei a, an fak khawp a, mahse Portuguese a nih avangin ka la chhiar lo, i PDF file rawn dah hi d/l ve keuh ila that hi, thanks

    March 28, 2011 at 4:56 pm

    • Lo ‘fak’ ve tawh rawh khai 🙂

      March 31, 2011 at 1:20 pm

  5. A indawt hian ka lo chhiar phei hmiah hmiah mai asin. Ka la chhiar chhuak hleitheilo zui, Bible chhiar ngat hi chu taihmak a lo har a ni.

    March 29, 2011 at 11:44 am

    • Chhiat taimak hi ahar khawp mai. Kan tihtur a ngaiha chhiar te pawh hian hlawkna alo nei zel mai hian ka hre ta deuh.

      March 31, 2011 at 1:21 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s