Chhurbura roh em em; Nahaia'n neihsak phet a tum!

Ui Insual


Ui insual hi ka la hmu tam lo khawp mai. Abikin ahranpa ngata; UI INSUAL tir hmanga intihsiak phei hi chu ka la hmu miah lo. Kan awmna province-ah hian, ui insualtir hi an uar phian mai a. Vawiin kan zin kawng kan paltlang khaw pakhatah; Ui insual competition leh Lawi Insik Competition an lo nei a. Tun tumah hian Ui Insual thlalak thenkhat kan chhawpchhuak phawt ang a,Β  Lawi insi / in sual chu next post atan.

Ram thenkhatah, sahmul hmanga siam silhfen pawh inbel an phal mang tawh loh laiin; ram thenkhatah chuan hetianga, ran insual tir te an la uar em em thung si a le! Ui Insual hiΒ  thenkhat tan chuan hmuhnawm ani mai thei e; nimahsela, an ha hriam tak hmanga, an inseh ri chak chak lai tuiti taka en chu harsa ka ti phian mai !

dogs fighting

dogs fighting

dogs fighting

Advertisements

21 responses

  1. amanda

    Ka thin a rim ka khawngaih khing khi i bial chhung ah chuan lo khap hmak teh πŸ™‚

    February 13, 2011 at 1:22 am

    • amanda-te, khap hun chu kan la neih angai ang !:-)

      February 13, 2011 at 11:46 pm

  2. TSA

    E khai! A va dangdai ve aw.. Ran hmanga ennawm siam hi ka tawm lem lo khawp mai. Hmuhnawm lah ka ti ngai bawk law! Eng pawh ni se, hriat ngai loh ka hriat phah a, a tha khawp mai! πŸ™‚

    February 13, 2011 at 1:59 am

    • An dangdai thei ania kan khaw lam hi chu !

      February 13, 2011 at 11:50 pm

  3. Khitia hmuhnawm ti taka an enliam mai mai lai khian an ran vulh te khian na an tuar nasa hle ani tih an hre lo emaw ni le. An hria, mahse an pawisa thlawt lo a ni e. Rom vanglai kha min hriat chhuah tir hial mai. Thil mak zawng zawng deuh thaw hi China ramah hian a lo awm anih dawn hi maw.

    Hotupa, i zarah mit a tlai leh ta. I blog luh a nawm em em na chu hmuh ngai loh thil mak tak tak leh thlalak mawi tak tak hmuh tur a awm thinhi a ni. I blog a luh hi chuan mit a tlaiin a bengvarthlak thin khawp mai.

    February 13, 2011 at 8:11 am

    • Ka blog tlawm tak min hlutsak avang hian, post tur han zawnte pawh hi a nuam thin. Min ti phur. Ka lawm thin hle mai.

      Kan veng lam hi chu China ramah pawh ala thingtlang deuh bawk nen, hmuhnawm chi hrang hrang mak deuh deuh hi ala tam khawp mai.

      February 13, 2011 at 11:53 pm

  4. A nih hi! Caribou comment atang hian ka hre chhuak. YMA chanchinbu ka enkawl ve laiin, khawvel tukverh kan dah tel ve thin a. Chanchin maksak leh dangdai, ngaihnawm bawk si kan khawn khawm a. Kar tin mai hi ‘China ramah chuan…’ kan ti reng mai. Mihring tamna nge nge, thil mak leh dangdai pawh a tam a nih hi.

    Hotupa, nakinah Chinese hi tlema zawng min zirtir ve ang che aw.. πŸ™‚

    February 13, 2011 at 11:04 am

    • Hotupa, alo ni maw ?Mihring hi an tam si, aram azau si, hnam hrang hrang; culture in ang lo tak tak an lo awm ve lehzel bawk nen.

      Haha! Ka la zirtir em em ang che. Thuziak i thiam bawk si a, i thiam chak ngawt ang.

      February 13, 2011 at 11:55 pm

  5. triplestar

    Ram changkangte mawl ve na chikhat a ni e. Kan ramah ngei pawh hian ar insualtir a pawisa inchawi ching an tam khawp mai. Aizawl chhim lam ah sawn an insualtir thin a ni awm e, hetiang hi chu a khap theitu an awm a nih chuan khap bur se ka ti khawp mai. Ui hi chu a sa ei atan bak ka ti lo. Pic erawh a fiahin en a nuam e.

    February 13, 2011 at 5:23 pm

    • Ram changkang kan tihah pawh hian, changkang lo tak tak hi an lo awmve zel a. Hmanah khan keipawh arpawm leh insualtir hi ka hratve thin.

      February 13, 2011 at 11:57 pm

  6. Kei, ka naupan lai chuan Ar insualtir ka hrat lutuk; ka arpa hluisen-tai-ar ngei mai kha ka pawm lawp lawp thin. A hmunah awm ta ila hmuhnawm chu ka tih tho ka ring a, khawngaihthlak deuh mahse….

    Bawng insi pawh chaw nghei thakin ka en tawh… ka nunrawng nge aw ka ti thin, mahse mihring insual hi hmuh nuam ka ti miah lo thung.

    Culture dang min rawn hlui leh a, lawmawm e

    February 14, 2011 at 5:34 pm

    • Pu Rp, ar insual tir chu i lo hrat ve thin bawk maw ? Nunrawng vang ngawt chu ani thei dawn em ni aw !

      I lo lenglut thin a ka lawm e.

      February 14, 2011 at 6:49 pm

  7. Hmanni I facebook atang khan hei ka hmu tawh a ka en lo ang ka ti deuh reng a mahse kan en ta nge nge a ni e. Ka rin ai chuan a pic ho chu zia phian.

    Ui hi over tak a duh ka nih avang in hetiang thil hi chu a huat in ka haw bur. Mizoram ah pawh uisa dawr ami tur vairam lam atang a bus te a an rawn phurh chhoh thin dan an sawi ka hre tawh a ka rilru hi a na tawp. Ran chung a nunrawng lutuk hi chu Pathian pawh hian a huat ngawt hi ka ring thin, pulpit atang ten zu etc kan sawi angin sawi ve lo mah ila. Mihring ai hian ran hi ka khawngaih mah zawk mai thin πŸ˜› a zia lo khawp mai lol

    February 14, 2011 at 11:23 pm

    • Nia hotunu, thlalak hi a hmuh hrehawm lutuk lo tur ka rawn thlang deuh bawk a. Post ka siam lai hian ka rawn hre reng che a, pi BMW nen.

      February 15, 2011 at 9:21 pm

  8. dula

    beng a in seh sak an tum deuh ber mai tihna ani maw!!

    February 15, 2011 at 2:24 pm

    • An nghawng ah in seh an tum berin ka hria. An hmai/hmui-ah pawh an inseh chak chak mai. An ui te lah hi an kawlh hlawm khawp a.

      February 15, 2011 at 9:22 pm

  9. bmw

    in ram hi ka rawn bomb darh dawn!! An ei loh leh an insual tir a..khawvel a ka ran duh ber an ti rethei lutuk. Nangni nupa khan lo hrilh harh teh u!!! Ram changkang a kan ngai America ah pawh hian dog fight hi a illegal chungΒ² in an tiru reng tho mai.

    February 16, 2011 at 10:13 pm

    • Haha! E khai America-ah pawh an lo ching alaw ? K alo hre ngai re re hleinem. Pu HV a khap turin hrilh rawh πŸ™‚

      February 18, 2011 at 10:15 am

  10. a hranpa ngata ui insualtir chu ka la hmu bik hauhlo mai. A dangdai hlein ka ring. Hmuh a chakawm rualin ransa insualtir zawng khera intihsiakna an buatsaih chu a tha lemlo hle mai…mahse anti dangdai ve tlat.khapsak an tha viau a,mahse an lungawilo ve khawp ang le…

    February 20, 2011 at 4:24 pm

    • Kan khaw ho hi an BON phian asin thianpa πŸ™‚ YMA chu awm se an khap tawh mai thei πŸ™‚

      February 20, 2011 at 10:14 pm

  11. Zuamdir Bawm, Bangladesh.

    Keipawh insualtir rengreng hi chu ka hmuh ngailo va, mahse ui te chu anmahni hian an in sual deuh reng mai. Thingtlangah phei chuan ruaihreh hunah te chun ui sual chu hmuhtur a awm reng mai. Mahse a chaklo te chu an khawngaihthlak khawp mai.

    December 27, 2014 at 12:36 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s