Chhurbura roh em em; Nahaia'n neihsak phet a tum!

Senior Citizen’s Day


UN General Assembly-in; December 14, 1990 a— International Day of Older Persons, Oct 1 a hman thin tur  alo puan hma Kum 1989 khan China sorkar chuan, Senior Citizen’s Day chu alo hmang tawh a. Hetia official a puan anih hma pawh hian kum tam tak chu, kum upa zawkte tan he hun hi hman alo ni tawh bawk thin. Rampumah, kum upa te pualin intihhlimna leh duhsakna hunte hman thin ani.

China-in he, ‘Kum Upa- te’  puala hun ahman chhan erawh tlemin adang deuh. Vawiin ni 16 October.2010- hi Lunar calendar-ah chuan; September ni 9 ani. He ni hi Chinese ho chuan  Han Dynasty ( AD 20 ) atang tawh khan an lo lawm thin a. Chongyang jie ( Chongyang Festival ) emaw , Double Ninth Festival tiin an sawi thin a. Hemi festival hi Senior Citizen’s Day-atan Kum 1989 khan China sorakr chuan apuang ta ani.

He festival hunlai hi chrysanthemum par vul vanglai ani a. Chrysanthemum wine te, chrysanthemum thingpui te an in bawk thin a.

WHO -in a tarlan dan chuan: Tunah hian khawvel -ah tar kum 60 chin chung lam mi 600 million awm niin a sawi a. Hei hi kum 2025 -ah chuan a letin apung dawn ani ati bawk. Kum 2050 ah chuan 2 billion a kai ngei an ring bawk. Kum upa ( Tar ) tam zawkte  hi developing country a chengte an ni.

United Nations (2009). World Population Prospects, 2008 Revision -in atarlan dan chuan: Kum 2010 hian kum 60 chin chunglam chu mi 760 million niin a sawi a, chung zinga a chanve vel 414 million-te chu Asia ram a awm an ni. 166 million China-ah an awm a, 92 million-te chu India rama chengte an ni.

Atlangpuiin mipa aiin hmeichhia an dam rei zawk tawh bawk a. Putar nupui nei lo aiin, pitar pasal nei lo an tam zawk bawk.

China-ah hian pitar leh putarte hian an hun  hi an hmang hlimawm phian hian alang. Park-ah te a huhovin an lam a, an zai a, mahjong te khelin an phak ang tawkin an hun hnuhnung  lam hi an chenve thin.

Tunhma khan Mizote hian tar leh naupang hi kan ngaihsak lutuk lemlo niin alang. Kan tawngkam hman thin, ” tar pho” tihte, ‘naupangchhia’, ‘ naupangchumchiap’ tihte atang ringawt pawh hian ahriat theih awm.

Tarte leh naupangte hi kan ngaihsakin kan ngaipawimawh thiam zel tur ani. Kan dam zel anih chuan,Tar kan la nivek dawn a, kan chunga kan tu leh faten an tiha kan duh tur ang zelin  pitar leh putarte hi kan enkawl thin apawimawh khawp mai.

 

Advertisements

4 responses

  1. bmw

    He thil hi ka ngaihpawimawh lutuk. Heta ka awmna kohhran leh kan veng school hian kan veng a tar home/shelter hi a ngaipawhmawh khawp mai. Ka pastor hian tar home ah thursday tin hian inkhawmna a hmanpui thin a. Nu hovin kartin vawi 1 tlai walk an neihpui bawk a, tih school napang hovin Games eng eng emaw khelhpui turin an tlawh deuh reng bawk. A chang leh school band & drama cluh hian show an va neih sak bawk.

    Mizoram ah pawh hian KTP leh YMA ho hian upa pawl ho hi programme siampui deuh reng seng ka ti. Tar ho hian hun hmanpui hi an lawm teh a sin

    October 18, 2010 at 7:35 pm

    • In kohhran chu in van ti thave aw! Mizoramah pawh hian tlemin ngaihhlutna chang kan hreve tan zel chuan a hriat a. Hmasawnna tur erawh kan la ngah hle.

      Ram changkangah chuan, heng tarte enkawltu te hi pawisa te emaw na pe thin a. England-ah hian, tarte kar tina an sam leh nail rawn khawihsaktu ringawt te hi sorkar hian asiam a; atha ngawtin ka hria. In ramah pawh ani mai thei.

      October 19, 2010 at 4:35 pm

  2. triplestar

    Hei i thu ziak chu ka chhiar a, a bengvarthlak hle mai. Keini ram ai chuan hma an la nasa hle a nih hi, i awmna lamah chuan.

    I blog chu tlawhman a awm hle mai, thlalak lah i nei nalh hlawm, rawn len luh fo tur a nih hi.

    January 7, 2011 at 7:38 pm

    • I lo lenglut a ka lawm e.

      January 8, 2011 at 7:44 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s