Chhurbura roh em em; Nahaia'n neihsak phet a tum!

Cooking Chinese Food: hóng shāo pái gǔ


Tunkar chu  kan buai vak lo bawk a, chinese eisiam dan ka zir e ka tia; ahlimawm phian mai—thiannu IRENE HNAMTE -te ang em in eisiam thiam mahsuh ila ! 🙂

Tun tumah hian ; Chinese-in 红烧排骨 ( hóng shāo pái gǔ = Braised Spare Ribs ) an tih chu ka siamve chhina; aharsa lemlo khawp mai. Kan chinese thiannuin a siamdan min hrilh ani, atelh tur atih thenkhatte a taste ka duh lemloh avangin keima thua ka  telh loh pawh a awm bawk.

hóng shāo pái gǔ

红烧排骨 (hóng shāo pái gǔ) :Chini tuiah duh aiin kan lo chhuang rei a, a sen thep lo deuh!

A Siam dan :

1. Vawksa nakruh 1 inch vela chan chu a hmin thawhkhat vel thleng chhum tur ani a. Minute 10 vel i chhum hnuah cooking wine tlem telh bawk tur.

2. Tel ( cooking oil- 2 table spoon vel ) chhuang sa la, tel sa-ah chuan chini ( sugar ) thlak la. Chinni a sen / eng ( yellowish ) thep hnuah i vawksa nak-ruh chhum kha thlak la, minute 2-3 vel chini tui nen chuan chawk la —chawhpawlh ang che. Chini hi a rawng siamtu tur ani.

3. Chini tui leh vawksa chu a in chawhpawlh that hnua i hriat hunah, sawhthing chansawm tlem, purun sen chansawm tlem, purun var tlemte telh ang che.

Tin, Chinese hovin an telh ngei ngei thin, star anises, dried pimientos, prickly ash seeds, bay leaves, cardamoms, cinnamons te hi tlem te te—a flavour siamtu atan telh a tha bawk. Restaurant velah hian Vawksa taste labo khawpa telh chang an nei fo thin avangin keichuan khing khi a hming chauhvin ka telh. Thak i ngam dan azirin hmarcha chu telh mai tur ani.

Khing i telh hnuah khian tui; vawksa chim tawk vel chiah leih la, chhin la—minute 15 vel ur cherh cherh ang che. A tui kang hunah suan la, ei theih ani tawh ang.

Tikhan  红烧排骨 (hóng shāo pái gǔ ) siam dan i thiam der mai alawm 😀

Ps: Chini khi tam angai lo. Atam lutuk chuan vawksa rawng khi a dum—a ut rawng akai mah mah.

Advertisements

14 responses

  1. bmw

    awi awi awi…ka van ei ve chak! i sa kan khi a sat vat vat laiin ei ila, mizo buh ah dal chawm ngei in, antam tlak awm bawk se, vaihmarcha rawt tel ngei bawk se…kut ngeiin han ei ila tui awm vei!

    btw, mi siam sa click tawp hi chu a har lo e, tiraw? 😛

    September 17, 2010 at 5:33 am

    • Hehe! Keima siam ngei ani khi aw! 🙂

      September 20, 2010 at 11:33 am

  2. b-buata

    Khai aw,, kan khawchhak lam hotupa chu le, Eisiam pawh i lo thiam reng zu nia…!!

    A va tui hmel ve aw… Keini rawmgbawl lama sawngnawi ve tak tan hi chuan a bawlhlo lam atanga en ringawt atang hi chuan a tui dawn em tih hriat mai a harsa, ka tehna ve chu “A tuihmel em” tih hi a ni tawps.

    ” A tui hmel khawp mai” ka ei chak tak tak a ni.

    Kan Eisiam hotunu Irene Hnamte khan engtin nge a ngaih ve aw?? Hriat a chak awm hle mai.

    September 17, 2010 at 12:20 pm

    • Thiam em em lam pawh ni chiah lovin; kan test-chhin ve mai mai ani 🙂

      September 20, 2010 at 11:33 am

  3. Chini telh chuan a thlum suk dawn tihna mi, a tui hmel teh reng nen, ka ei chak lo zo vek, thil thlum ka ngaina viau na-a Chawhmeh atan chuan ka duh lo.. Vai ho chaw thlum dûmte hi ka ei thei thin lo.. thil dang thlum lo chi lo ti leh rawh. 😀

    September 17, 2010 at 5:47 pm

    • Thlum suk love, chini khi chu arawn siamtu mai khi ani e 🙂 Keipawh thlum dum chu, ice cream te anih loh chuan ka duh lo 🙂 Siamve chhin la i hre mai ang! 🙂

      September 20, 2010 at 11:34 am

  4. rêverie

    hmmm, lung a va ti leng ve, pái gǔ chu! keini zawng kan hran san ta e.

    September 18, 2010 at 9:41 pm

    • Mizoram hawn hun thleng pawhin in hran san dawn em ni! 🙂 Inti tha e.RESPECT!

      September 20, 2010 at 11:36 am

  5. Kylie Kwong-i ang mai in chini, chi, Chinese cooking oil & wine, Ginger, Soya Sauce etc etc i telh ve nuaih lo maw. Mizo tawng takin, “Khuangsai pa sa siamdan” ani rigawt alawm 😀

    September 19, 2010 at 11:40 am

    • Haha! Telh hi angai dum zel a!A rim ka duh vak loh chu keima thuin kan telh lo mai thin. Anih loh pawn ka telh tlem deuh thin.

      September 20, 2010 at 11:37 am

  6. Min han teh khin ngawt leh pek a! Nangmah hian i thiam zawk daih alawm. I lo haw hun chu chaw kan eikhawm ngei a ngai ang aw. Kan recipe hriat kan thawh khawm dun ang a….heeeheeeeee….

    September 20, 2010 at 4:39 pm

    • Eisiam lamah hi chuan BOSS i ni tlat!Chawkawm khawp mai. Intih-huk hunah fatu a tan te pawh ka chak 🙂

      September 21, 2010 at 1:42 pm

  7. hei chu try ve ngeiiii a ngai dawn anih hi…huizzz

    September 23, 2010 at 6:59 pm

    • Try ve teh khai, a tui itih leh tih loh min rawn hrilh dawn nia.

      September 24, 2010 at 9:13 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s