Chhurbura roh em em; Nahaia'n neihsak phet a tum!

Khum Theology: Ka Inpuanna


Khum hi inchhung bungruaah chuan thilpawimawh berte zing ami ani awm e. Tuhma phei kha chuan, khum hian kan culture leh society-ah pawh hmun pawimawh tak aluah atih theih awm e.

Aneitu te phalhna leh hriatpuina lova; inngaih nana an hman chuan—khumpui kai tiin an sawi thin. Chutianga khumpui kai te chu; hriatchhuah an nih chuan lei chawi tir theih an ni a—khumpui kai man an chawitir thin ani. Kan tawngkauchheh-ah pawh, khumlai-zawl te kan ti deuh kher chang a awm bawk thin hi maw !

Baibulah pawh khum chungchang sawi lana kan hmu nghe nghe a. Deuteronomy 3:11-ah chuan ti hian a inziak a: “11 Only Og king of Bashan was left of the remnant of the Rephaites. His bed  was made of iron and was more than thirteen feet long and six feet wide. It is still in Rabbah of the Ammonites. Khum lian pawl tak ani ngei ang. An Lal pawh hi pa lian tak chu anih arinawm.

Heti taka khum alo pawimawh  vang te pawh  aniang ; kei tribal kephah-hlai pawh hian Khum leh a chhehvelah hian —achhia leh atha ka  tawk ve ta nual  mai! Chuti lam chuan  chhunzawm ila —KA INPUANNA tiin i vuah ang 😀

Khum hnuai chhas :-

Ka’n tleirawl chhuak chho khan ngaihzawng nghetve deuh mai hi ka nei alawm le. A la naupang deuhva, inleng neih chu ala ngam zan lo deuh. Keilah hi, tih tawh lamah hi chuan mawl deuhva rilru pe deuh bur chi hi ka ni rohva.

Training neiin Sillong-ah thla 6 dawn lai ka  awm bo sana, chawlh hmanga ka hawn zawk lai chuan atam thei ang ber inhmuh kan duh ve sia— kan theih ang angin inhmuh theihna chance kan zawng a.

Ka nu leh ka pate, naktuk ( inrinni) hian huanah an kal dawn a, I lo leng dawn nia ati a. Ka’n phur mai mai khawp ah ! Ka leng ta ngei a. Inhnuailama a room ah kan inkawm a 😀  Rei vak lohvah chuan a nute chu an rawn hawng ta thut mai anih kha. Inhnuai lamah kawngka a awm bawk silo, tukverh lah chu bar vuah vek ani bawk si. Hawng tur chuan inchung a kawngkapui atanga chhuah angai si !

Ka thiannu chuan; ” Ti khan ka room ah khan lo awm la, zanah ka nu leh pate mut hunah i hawng mai dawn nia “ ati  a. Duhthlang thei kha ka ni tawh lo. Tin, amah lam ka vengthawng ve bawk si —a room ah chuan anu leh apate mut hun chu ka nghak ta ngawt mai anih kha!

Anu leh pate an mu chiah tih chuan arawn chhuk  a. WaiWai chhum hi min rawn ken sak a; ka ei mek lai chuan room kawngkhar chu a u mipa chuan a rawn kik ta .

” Tunge i awmpui ” ati a.

” Tu mah. Keimahin ka awm “

” Mipa aw ka hria alawm le! Hawng vat teh…” a u chuan ati ta !

Ka thiannu chuan khum hnuaiah hian lut mai rawh ati a —ka hreh kher mai ! Tlanchhiatna dang awm tawh hek lo le —-hreh deuh chung chuan khum hnuaiah chuan ka vak lut ta anih kha ! 😦

A u chu arawn lut a, ka chapal kan thuhruk hmaih chu arawn hmu a, khum hnuai arawn bih— ka keah arawn pawt a, keilah chu ka lo la tangve deuh tang a. Lo chhuak rawh ati a; ka chhuak ta hna hna a. Ka nu leh pate hmuh hma chein haw nal nal rawh ati a. Ka haw ta nal nal! 😛

Hawn kawngah chuan ka zak lutuk chuan lung tum te ka’n pet leh ngawt thin—awmzia awm der silo. Khuk chem chem a khuk ral daih mai kha ka duh a —ka zak ani ka zak ! Khami nia ka zah ang khan khawiah mah hian ka la zak leh lo !

Pitar kum 70 ka mutpui:

Ka tleirawl chhuak chho kha thawh-at tum hi ka nei zauh zauh thin pek a. Khawharin ka riahve hmasak ber tum ani. Val upa te kha an fel a, keinni naupang deuh ho kha khawhar chhungte khum bul hnaiah min mut tir a. Ka mutna bul chiah ah chuan an pi ber kum 70 lai tawh hi amu a. Zing dar 5 vel a ka’n thangharh chu, pi ber khumah chuan ka lo mu ve kak chu niin! 😛

Ka zak lutuk chu ka tho vat a; zingtho tumah an la awm lo hlauh. Pitarte chuan, ”  Zanlai vel khan i rawn insuan a “ ati sam et a. ” Ka pi ka tihpalh lutuk, ka hrelo re re ” tih bak chu sawi tur ka hre lo.

Kha pitar kha dawih deuh nita sela, khatia akhuma mut ka tum laite khan; amah zen tumah te pawh min puh let thei daih si a. Vannei hi ka inti hnuhnawh leh khawp mai. Zak hle mah ila. 😛

Advertisements

34 responses

  1. theology ka chhiar ve tawh a chuan a la ngaihnawm ber pawl… 😀

    August 14, 2010 at 12:24 am

    • Haha! Theology tlaktlai lo 😛

      August 14, 2010 at 6:56 pm

  2. H.Vangchhia

    I va mu kak ringtaw a maw, i hriat miah lovin 😛

    August 14, 2010 at 12:47 am

    • Nia maw le 🙂 Hre miah lo…

      August 14, 2010 at 7:00 pm

  3. b-buata

    Hotupa chu le, Chhungte mut reh hnuah mahni in kan nui tut tut mai, a ri a mahni a han nuih lah chu nuam chiah bawk silo, ka pum a na vek a lawm le…
    Han inpuang zel teh khai, khum Theology dang . tleirawlhnu te pawh.. Theologian nih pawh kan chak mai dawn a lawm. a ngaihnawm tlat.
    Pitar chuan a khuma i lawn lai a hriat chuan a rilru chu engtak ni ang maw?????

    August 14, 2010 at 1:55 am

    • Haha. Lawmawm anih chu 🙂 Kan theology hriatin nangni mi puitling ati nui ve thei che u chu kan lawmna 🙂

      Kha pitar khan tumah a hrilh duh miah lo, felve khawp mai.

      August 14, 2010 at 7:03 pm

  4. bmw

    Van che chhe rapthlak ve! I chhas bro in a ke a rawn pawt a, i lo tran vel trung lai chuan rilru hah ve duh dawn hle mai 🙂

    Keipawh kan inhnuai te nula kha, a bialpa zan reihah a room-a luh a tum a, kei tar muhil theilo tih takah ka lo la meng kar sia….misual emaw ka tia…ka um vel a, um pahin, ‘misual misual’ ka ti vel chul bawk. Ka hriat chian chuan an mahni aiin ka zak!

    August 14, 2010 at 6:33 am

    • Nia mawle, ahmel pawh ka en ngam hleinem 🙂 Nangpawh chu i van che chukchu ve maw le 🙂

      August 14, 2010 at 7:04 pm

  5. heti tur hi ni!!! hahahaha.. van nuihzatthlak tak, Tleirawl leh Pitar chauh i rawn sawi duh a, a inkar, i chet fuhna lam kha rawn sawi zel rawh… Khum hnuai atanga pawh chhuah tawh i lo ni reng a!!!!

    August 14, 2010 at 2:27 pm

    • Captain, ka che chukchu iti em ? 🙂

      August 14, 2010 at 7:05 pm

      • chet chukchu poh leh a ngaihnawm.. 🙂

        August 19, 2010 at 3:34 pm

  6. Part One maw? Khum hnuai chhass chu – amaha a awmin, a nui ve rah rah thin dawn chu 😀

    Part Two rawn ti vat rawh.

    August 14, 2010 at 4:26 pm

    • Hotupa, khi khi eng part ber ngemaw ni dawn le ? 🙂 Ngaihtuah chhuah apiangin ala zak!

      August 14, 2010 at 7:06 pm

  7. Hehehe,,,, ka nui nasa hle mai, vawi 2 ngawt kan chhiar chhuah chu..

    I chhass U chu a fel hle mai :))

    August 14, 2010 at 7:36 pm

    • A fel khawp. Min beng pawh nise engtinmah ka ti let awm silo 🙂

      August 18, 2010 at 11:52 pm

  8. lolzzzzzz…thra lutuk…ka tran che….

    ka nui nasa bon tuar…han ziah chhunzawm zel teh

    August 16, 2010 at 8:46 pm

    • Haha.Min lo tran zel dawn nia 🙂

      August 18, 2010 at 11:52 pm

  9. Nupui neih meuh chuan ‘khum theology’ a rawn irh chhuak tan ta. A dang zel lo chang teh ang. Ka translate mek a, hotunu thawn turin…mi tin ta tur chanchin hi a hre turte hnenah a lo la puan kim loh takin :-)hahha

    August 17, 2010 at 1:23 pm

    • Haha.chanchin tha hril hi chu i tuive ngawt mai 😛

      August 18, 2010 at 11:53 pm

  10. Min va han ti nui nasa em! A in kar vel pawh hi han thai lang ve la mawle. Luck loh lai hlir sawi bik chu ka awih famkim lo nia.

    August 18, 2010 at 4:56 pm

    • Keini val luck lo thang hi chuan luck tikni kan nei mang loh anih hmel ! 😀

      August 18, 2010 at 11:53 pm

  11. luliana

    Wahahaha…i post chungchanga ka ngaihtuahna hi a nilo zawng hlirin a kal ania aw…wahaha 😛

    August 19, 2010 at 3:40 am

    • Haha. Ngaihtuah ril lutuk suh 😀

      August 20, 2010 at 4:58 pm

  12. vana

    A sei luttuk a, hun awl a chhiarah kadah tha a, ka chhiar har mah mah a ni. A pawt chhuak lai tur, i hmel hmuh a chakawm hle mai. Ka nui nasa kher mai. A ngaihnawm e. Hmanah keipawh Shillong a kn zir laiin ka thiannu te an lo zin a, kan hostel awmpui ho an lo leng hnem luttuk a, khmah khan mi paruk vel an thu a, thau deuh mai pakhat hi a pakai ve nalh mai chu aw.. ka khum a chim ta. Huiz, tih leh tur a vang ania o.

    August 19, 2010 at 8:30 pm

    • Pu Vana, theology tlaktlai lo tak min hlut saka ka lawm e! I zak ve chem chem dawn anih chu! ;-D

      August 20, 2010 at 4:59 pm

  13. zochepa

    Awi awi awi, ka nui nasa lutuk, va ngaihnawm mai mai,. Keipawh inpuan tur nuizat thlak deuh deuh chu ka nei ve a, tlangval kan la ni si a, ka la inpuang duh lo. :)) hahaha

    August 20, 2010 at 9:53 pm

    • Awi awi awi, i van ti lawmawm em em ve! Han inpuang l amaw le, a pawi pha vak dawn em ni 🙂

      August 21, 2010 at 11:04 pm

  14. ninja

    rizai tlang huh dup khawpa kan hmuam chu le 😉

    August 21, 2010 at 2:07 am

    • Ninja film hmuhnawm ka tih theih thinzia kha aw! 🙂

      August 21, 2010 at 11:07 pm

  15. Jona

    😀

    August 22, 2010 at 6:03 pm

    • :-)Jona, i hmelhlim lai hmuh anuam e 😛

      August 27, 2010 at 10:12 pm

  16. mary renthlei

    hahaha….pu sekji ka nui nasa lutuk..a dang pawh han ziak zel teh khai… 🙂

    August 24, 2010 at 11:20 pm

    • pi-mary-ji, i van vang ve! Min fuihpawrh dan a zir ani mai!

      August 27, 2010 at 10:12 pm

  17. Pingback: 2010 in review « ~ Sekibuhchhuak ~

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s