Chhurbura roh em em; Nahaia'n neihsak phet a tum!

Ramadan Begins


Mosolman/ Muslim tih hming i hriatin engnge i rilru-ah lo lut nghal thin? Firfiak a chetna, suicide bomb, 9/11 leh Zero Ground a tawngtaina in sak an tum thute em ni ? A chhe lam nge  athalam i rilruah lolang nghal thin?

Mosolman te  ‘thla serh’  kan tih mai thin; ni 30 chhung chawngheia an tawngtai thla– RAMADAN ( Ramazan ) chu alo thleng leh ta der mai. Tun kum 2010 hian, August 11 atanga September 9 thleng ani a. Ramadan chhung hian chawngheia tawngtaiin an thiltihsual-te lak kian alo nih theih nante an tawngtai a — thiltha atam thei angber tih an tum bawk thin.

Hetia Mosolman unauten mahni insengsova ni 30 chhung an pathian an koh lai vek hian; khawvel hmun hrang hrang-ah Kristiante’n — Messiah dik tak  Isua Krista chu an hnena a inpuan theih nan an tawngtai bawk thin. Mosolman zinga rawngbawl ho phei chuan an tihdan zulzuiin –ni 30 chhung chawngheiin an lo tawngtai ve bawk thin.

Hetianga khawvel hmun hrang hranga ringtute tawngtaina hi Pathian-in mal asawm fo tawh thin a. RAMADAN chhunga mosolman, inlarnaa Isua hmu a– kristiana inlet sawi tur tam tak an awm. Chuvang chuan hemi chhunga Kristiante tawngtaina hian nasatakin thilropui alo ti tawh thin. Tun kum pawh hian kan mosolman unaute zingah Lalpan thilropui min tihsak theih nan   — kan Pathian thiltithei hi i au ang u.

Kan thianpa Arsaf Ali ( Assam, India ), Shillong a discipleship training atih laia a testimony a sawi hi ka hrereng thin. I lo ngaithla nawn lehteh ang .

Hnatha ve tak ka thawk a, sum lamah kan harsa lo. Ka nupui pawh hnadang thawk lovin ka siam thei a. Nimasela, kum 1998 – tir lam atang khan pawisa khelh leh zu tlemin ka ching tan ta a. Zawi zawin a bawiha ka lut tial tial a, kum 2000 alo inherchhuah meuh chuan ka inhmun leh car pakhat kan niehve pawh chu ka pawisa khelhna lamah ka chan ta a. Chumai nilovin, pawisa tam tak ka thiante lakah ka ba bawk a; ka hlawh chu chan kan nei ngai ta lo. Kan nupui pawh nitin inhlawhfa turin ka tilui ta a.

Ka nun hi ka ning ngawih ngawih a,  ka beidawng a– pa tlaktlai lo ber ni hian ka in hria a. Kum 2001 RAMADAN lai ani a, inrinni chhunah hian  ka khuma ka muzal chu ka lo muhil a — mumang angreng hi ka nei ta a.

Ka mumangah chuan; mipakhat hi kan bang kilah hian var suit a inthuam, eng phut hian alo dinga. Ahmel tak phei chu ka hmuchiang hleithei lova. A hmaah ka ding reng lai chuan, a kuta leh akea khenbehna serte chu min hmuhtir a. Kristiante Isua ka ni. Heng zawng zawng hi, ka thisena isual-te ka ngaihdamna entirna ani, tiin min hrilh a. I phurrit zawng zawng leh i sualna zawng zawng nen ka hnenah lokal la, nun thar ka lo pe ang che, ati leh ta a.

Chumi a sawi zawh hnu lawk chuan ka harh ta a. Ka mumang chu mak ka ti hle a. Nileng chuan ka rilruah Isua thusawi chu a cham renga. Zanriah eikham chuan; kan inbul huana coconut kung hnuaiah chuan ka thu a. Ka sualna zawng zawngte min ngaihdam theiha, ka ritphhurh te min lak kian sak theih dawn chuan; tiin mawl deuhvin Isua hnenah chuan ka tawngtai ta a. Chumi hnu reilote ah chuan, ka ritphurh  leh ka rilru hahna zawng zawngte chu lakbo ang mai ani ta a. Ka hlim a, ka rilru a zangkhai ta em em ani. Chuta tang chuan Krstian-ah ka inpe ta ani, ati.

Ka thianpa Ali-a anga testimony ropui tak tak nei mosolman, Kristian a rawn inpe hnen atang hian hriat tur tam tak a awm. Mosolman atanga kristian sakhua inpek hlauhawmzai leh harsat zia chu ka hre theuh awm e. Heng anih vang pawh hi ani ang; mosolman tam tak kristiana inpe te hian– Isua an hnena a inlarthu sawi tur hi an nei deuh nuk ni.

Mosolman te tan i tawngtai tawh ngai  em  ? ” Mi Fel tawngtaina chuan thil nasa tak ati thin,”  tiin kan Baibul chuan min hrilh kha. Misonari-in mosolman ramah i kal thei lo ani mai thei e. Nimahsela, i tawngtaina chuan mosolman te; Messiah Lal Isua kebulah a hruai thleng thei ani. I hnathawhna hmunah mosolman thian i nei em ? Isua Lal leh Chhandamtu atan alo pawm theih nan vawikhat tal; i Pathian, Pathian thiltithei hi i ko ngai tawh em ? Tun hi hun tha ani.

I tawngtai ang u,

Engkimtithei kan Pathian; misualte min Chhandamtu, zahngaihna leh khawngaihna akhat Pathian kan neih che avang hian kan va lawm em. Hun leh nite an ral thin, I ralve ngai lo. Mihringte kan inthlakdanglam fo thin, nang erawh hmanah leh tunah leh chatuan pawhin i danglam dawn silo.

Kan mosolman unaute zinga, Kristianna  hming hmanga kan hmingchher dan tha lo tak— thi thei lo a awm hi pawi kan tifo thin! Khang thil thleng-ah khan i hnenah ngaihdam kan la dil lo anih chuan, vawiin -ah hian ngaihdam ka rawn dil e. Kristian tam zawkte’n, kan Mosolman unaute kan en dan leh ngaihdan dik lo; huatna leh khaknaa alo chang  thin rilru kan neih thin avang pawhin ngaihdam kan dil e.

Anmahni kan huatna laite i hmangaihnain min thlak sak la; an chunga rilru chhia kan putna zawng zawng pawh i khawngaihnain min thlak sak ang che. Chutiang bawkin, kan mosolman unaute hnenah pawh !

I hriat angin, kan Mosolman unaute chuan, 11 Aug atang hian, an pathian auvin; an thilthalotihte lakbo alo niha, thiltha zawk tih tuma inserhna hun — RAMADAN chu an hmang leh dawn ta a. Hun kal tawhah, i ropuinate,  Mesaiah i nihzia leh sualte ngaidamtheitu Pathian inihzia ; Ali ahnenah leh midang tam tak hnenah i lo puang tawh angin, tun ramadan chhung pawh hian kan mosolman unaute hnenah inpuang leh la kan va duh em !

Harsatna leh tihduhdahna, nunna hial chan theihna hnuaia, kan mosolman unau Kristiana inpe zawng zawngte — Nangin he thla serh chhung hian atharin tichak la. An hnena inpuangtawh-achu; midang hnena huaisen taka an puanchhuah ngam zel theihnan kawng hawn sak la, tichakin, tihuaisen ang che.

I ropuina turin Messiah–Isua Krista hmingin kan dil e.

AMEN !

Mosolman Poplulations : ( Source : The 30-Days Prayer Network )

  • Africa                 – 400 million
  • Middle East      – 250 million
  • Asia                     – 800 million
  • Europe               – 25+ million
  • Americas           – 5+ million
  • TOTAL =          1.48 billion

Mosolman sakhua zuitu ram tam zawkte hi  10/4o window kan tih chhunga awm deuh vek an ni.

Muslim sakhuana leh RAMADAN chungchang chhiar belh duh tan : Clik

Mosolman Kristiana inpe te testimony chhiar duh tan : Clik

Advertisements

10 responses

  1. Ramadan lai tih chuan ka ngaihtuah awm chhun chu haleem 😛

    Ali story – engatinge Pathian hian mi thenkhat hi hetia a hranpa taka a va zawn bik thin le?

    August 11, 2010 at 3:13 pm

    • Halem;fake teeth tia kan chhiar chu 😛

      Ani ngawt mai. Chhandamna-ah hi chuan a THU ber anih hmel 🙂

      August 11, 2010 at 9:51 pm

  2. “— thiltha atam thei angber tih an tum bawk thin.”

    .. idea min pe tlat 😀 ka chhiar chhuah hma in kan commen lawks.. ka in neitupa hi va dawr hun lai tak a ni.. tui dehna vel hi thlak tir ka duh tlat :D..

    August 12, 2010 at 12:01 am

    • Haha!! Va dawr la, in lo let hunah chanchin i rawn sawi dawn nia 😛

      August 12, 2010 at 6:06 pm

  3. b-buata

    Khai aw.. tunlai chu khawthlanglamah Koran hal te an sawi lar bawk nen, Mosolman ho hi chu an lo suam em a ni, tih mai ka lo tum deuh a,,, Thutlukna siam a har ta tlat mai le. I thianpa Ali a hi a Vannei hle mai.. A chang chuan Pathian hian ruat lawk deuh bik a nei emawni le tih a awl thin.

    August 12, 2010 at 12:35 am

    • Theologian ropui tak takte pawn an khelh fo tawh thin leh an khel tawp theih loh—Ruatlawk Theology i rawn dek tlat mai. Pathian Pathianna, thuneihna han zir tak tak chuan; ruatlawk hi chu alo nei a ang khawp mai. Tin, Mosolman piangtharah hian Ali-a chanchin ang hi sawi tur atam mai. I dared to call Him Father tih lehkhabu pawh kha ngaihnawm tak ani.

      August 12, 2010 at 6:10 pm

  4. Muslim population han tam tawh zia khi. Ka lo hre ngai lova. Asia chu Muslim continent ni awm tak nih hi mawle. Ka tawngtai sak ang.

    August 12, 2010 at 12:27 pm

    • Asia ah hian an tam khawp mai. Ni e, i tawngtai mum mum mai teh ang u .

      August 12, 2010 at 6:11 pm

      • dewdrop

        I thil post hi a tha khop mai, ni e, tunlai hi buh nei tupa hnena nasa taka dil hun a ni. Ka zirtirtunu H hi nimin khan vawi 1 na atan kan tawngtaisak thei a, we feel its sort of a breakthrough, khitiang ang tawngtaina rah a ni ngei ang. PTL!

        August 16, 2010 at 12:22 am

      • Ni e tunlai chu kan ti tlut tlut mai aniang chu! Avan lawmawmve aw! Lalpan ahmang zel ang che u.Boruak chhelam hemi chhung hian intawn loh nante pawh kan tawngtai ania.

        August 18, 2010 at 11:57 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s