Chhurbura roh em em; Nahaia'n neihsak phet a tum!

Hiking : Lei Gong Shan


Leigong shan ( mountain ) hi kan khua atangin, bus-in darkar 3 vel tlan ani.  Miao hnamin, ‘ god of Thunder ‘ an tih tlang ani a, 2170 meters a sang ani. Nature reserve area ani bawk.leigong shanThingtlang lam kan kal hian kan paltlang ziah a; a ngaw ala chhah tha em em a. Helai bawr kan tlan lai hian, ral khat ngaw kara tuikhawthla mawi em em mai hi ka hmu thin a. Kan tlan pelh apiang hian, ” Sawtilai tuikhawhthla saw chu engtikah emaw ka la tlawh chhuak dawn khawp ” ka ti ve ziah.  Kan bus chuanna conductor te a kal pawh dan ka zawt fo va, min hrilh thei lo. Chungte avang hlei hlei chuan tlawh chhuah minti chak a.

leigongshan waterfall

Tuikhawhthla hmuh tur tam tak a awm.

Kar hmasa khan ka Chinese thianpa nen; zan khat vel tal ramhnuaia mut pawh inhuamin kan thawkchhuak ta a. A khaw hnaih ber hi LeiShan an ti a, chuta tang chuan  LeiGong Shan tlang  paltlang khaw bus -ah kan chhuang ta a.

river leigongshan

Lui lu lam

Lui hnar awmna lai vel nia an sawi ah chuan kan chhuk a; darkar chanve vel kawngtum a kan kal hnu chuan lui hnarlam  kan pawh ta a! Tichuan luidung lam chu kan chhuk zawh ta  a. Lui te reuh te te a lo tam khawp mai a, kan thleng thui tawlh tawlha lui pawh alian tial tial a. Chhengchhe em em lai leh khawkrawk tak tak lai pawh a tam hle a. Lengkir hel ngai tam tak a awm bawk.

river leigongshan

Lui khawkrawk

Leilung mawina, la khawihchhiat loh hmuh tur hi China -ah hian avang tial tial a. Tin, tourism lamah an thang nasa mai si a —a awm chhunte pawh tourist hmunah an chhuah zel a. A nature hlauh khawp te hian an cheibawl ta thin a. Helai hmun pawh hi kum reilote-ah chuan tourist hmun lun takah an la chhuah leh mai chuan arinawm.

Luidung khawkrawk tak tak zawha darkar 5 vel bawr kan kal hnu chuan; kan tumram ber tuikhawhthla awmna —bus atanga ka hmuh fo ngei mai chu kan thleng ta a.  Ramtiam thlengta ang hiala kan inngaih chu ! 🙂

leigongshang waterfall

Hei ngei hi ani; bus atanga ka hmuh fo ka la tlawhchhuak ang ka ti fo chu!LeiGongShan a lui luangah chuan tuikhawhthla sang ber ani.

Thlalak hi, Pute; Chawnghilh, David Ralte, Amuana, Reverie, Zothana te angin thiam lo mahila, ka nuam tilutuk —zauthau, awmngngaihna hrelo chuan, camera baterry sen vat vat thleng ka’n hmeh chu! 🙂 Anni han awm seng chuan, post card leh calendar a siam tlak khawpin an hmet awm si a. ” The wrong person at the right place at the right time ” tia hla phuah hial te ania ka duh — phuah thiam ila chuan !

Advertisements

23 responses

  1. b-buata

    A khai aw,, he khawvela awm theuh theuh a va’n inan loh theih ve aw… Greatwall, Emirates Stadium, China luidung. Kal ve a chak awm thei hle mai. Kan zotlangram nuam hi a lo nuamber bik lo a niang a. A mihring chengte kan inpawhtlan em vanga nuam mai a lo niang..

    Kungfu shoe thlalak in min deh dan nen chuan a dangleh ta daih mai..! A nalh ber thlan kan tum a, ka hlawhchham tlat.

    You are the right person at the right place at the right time

    July 24, 2010 at 3:54 pm

    • Hotupa, mahni pian leh seilenna zia ang zel hi a lo nuam aniang e.Chinese,Indian, japanese mirama awmte pawh hian; China Town te, Indian Street te ania an din tho ni 🙂 Mizoram aia ram nuam hi chu a awm teh meuh mai.Mahse, kan tan hi chuan a nuam ber chu Mizoram hi alo ni zel tho mai 🙂

      July 25, 2010 at 11:34 am

  2. padula

    Chakai etc te a awm em ?? lui ah chuan..a nuam awm raih raih hle mai!

    July 25, 2010 at 4:48 am

    • Te reuh te te chu a awmve. Sangha ke zungpui tiat vel a tam mai.

      July 25, 2010 at 11:45 am

  3. thlalak i thiamlo tih ka hre lova…thlalak thiam deuh thlalak en in ka lo en ziah a, nalh ka lo ti thrin khawp asin…

    he post a pics ho ka en hian ka dai sawng sawng in ka hria 🙂

    July 26, 2010 at 5:57 am

    • Hehe.ti lawmawm e pi virgo 🙂

      July 31, 2010 at 1:35 pm

  4. A va han mawi em2 ve aw. Hetiang tuikhawh thla vel leh ram lam thla hian ka lung a len em2 thin zu nia. I la mawi vek.

    July 27, 2010 at 6:46 am

    • Cham chilh ka chak asin keipawh

      July 31, 2010 at 1:35 pm

  5. Seki, la nalh hlawm khawp mai; hmuhnawm e. Khawnge i zin a? In nu FB lungleng authawm ka lo hria a?

    July 28, 2010 at 2:47 pm

    • Zhen de ma Laoshi ? Xie xie nin:-) Nia,hlate-kuah ka zin a. In lo let leh tawh ang chu maw?

      July 31, 2010 at 1:37 pm

  6. A nalh full thrak a a nawmhmel fuill thrak bawk a mahse pangang leh vangvat a tam hmel full thrak bawk 🙂 A Mizoram ramhnuai tawp ka lung a tileng

    July 30, 2010 at 7:56 am

    • Pangang chu pakhat chiah ak hmu a,vangvat chu ka hmu miah lo.Vanneihthlak khawp mai.Nalh itia, ka lawm e 🙂

      July 31, 2010 at 1:38 pm

  7. A mawi lutuk vek, thlalak i thiam thlawt e. Save keuh keuh a va chakawm ve, i phal chuan.

    July 31, 2010 at 8:01 am

    • Pu Zai i tilawmawm e. In rawngbawlna in tluangz el ang chu maw!? E.. save rawh khaiii 🙂

      July 31, 2010 at 1:39 pm

  8. Thlalak hi a mawi khawp, a hmuna kal tepawh a ti chakawm khawp mai…

    August 1, 2010 at 9:36 am

    • Xie xie! In chakawi khawrhna ai chuan anuam chuang lovang 🙂

      August 3, 2010 at 9:52 am

  9. a va nawm hmel e…. mizo nghate a tam dawn khi.. han man ila.. a hmun ah khian mau bur ah han chhum zui sak ila….. zu tlem nen…. nuam khuluih ngawt ang!

    August 1, 2010 at 6:24 pm

    • Chu chu alawm chakawm!!

      August 3, 2010 at 9:51 am

  10. huis, a va han mawi hlawm ve awww… Khitiang ah chuan “Tuman chakai leh Chengkawl man loh tur, sangha chauh man tur” tia in vau lawk a ngaih hmel khi a. Ka van kal ve chak!!

    August 2, 2010 at 3:52 am

    • Pu David, nang zawk han kal la khi aia mawi thlalak phochhuah tur i nei awm si a ! Sangha chu ke zungpui tiatvel an la tam mai.

      August 3, 2010 at 9:50 am

  11. Thlalak hi nang pawn thiam i inti deuh roh tawh haha.. a hring tur a hring dup a, a var tur a var sur mai anih ber khi.. nalh hlawm, en ringawt pawn a vawt sung sung thei nia!!!!

    August 2, 2010 at 11:52 am

    • Captain, van hre thei ve. I changsang hle aniang 🙂

      August 3, 2010 at 9:49 am

  12. Pingback: Lengkir bulah kan riak « ~ Sekibuhchhuak ~

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s