Chhurbura roh em em; Nahaia'n neihsak phet a tum!

Pornography leh Kristiante 


Nikum 2009 khan Aizawl veng pakhata ; Tleirawl Inkhawm za sawmnga vel zingah — Pornography en pawina emaw athat lohna emaw i hria em? tih leh, I en thin / tawh em ? tia ka zawhna siam chu ; thalai 150 zingah 136 chuan athatlohna ka hre lo tiin min chhang ! An hrelo tak tak anih pawh arinawm. Tleirawl leh rawltharte, naupang zawkte chauh kan ni lo; puitlingte pawh  hian apawina lam aiin fimthu deuhva lain; kan lawm ru zek. Mizo website lar lawrkhawm leh Mi(sual) a, hetiang lam topic alo awmchang a kan comment duh dan atangte pawh hian a hriat viau awm e! 🙂

Hman deuh khan zaithiam pakhat a bialpa nena an in fawp lai thlalak chu thehdarh ani a. Officer leh mipuitling tak tak, kohhran upa te, KTP hruaitu thenkhatte khan  an  xerox / photocopy sup sup nia maw le ! Eng atan ngemaw an tih ni ? Mizote hian mipat  hmeichhiatna leh sex kaihnawih hi in zirtirna kan thlachham khawp mai. Handset a, hmeichhe ruak deuh keng kung thlalakte, mi sex video neihte chu intihtheih nan kan hmang ta zawk zawmah emaw ni!

Kan changkang zela — VCD/DVD, computer, mobile phone te duhthala hman theih kan neih chinah phei chuan hetiang flim thalo leh milem-thalo hi kan kutzalah duhtawka kan en theih turin alo awm ta. Kan handset te, kan laptop computer leh hard drive-te chu  flim thalo tak takin a khat ta tuk mai.

Engpawhnise, khawvel changkanna hi kan dan theih ani lova, kan hmehmih theih ani lova; kan tum tur pawh ani hek lo. Hetih karah hian kan fate, kan naute — kan zirlaite hi engtiangin nge kan fuih a, kan zirtir le? Kan thalai tam tak hian hetiang film tha lo enpawina hi an hre lo a nih nghat phei chuan, a pawizia leh a that lohzia hrilh hriat hi kan tih makmawh ani. Nge, anmahni entawntlak leh zirtir thei miah lo hian keini an ute ; nu leh pate pawh hian  apawina leh athatlohna hi kan lo la hre lo zawk  ?

Tute nge Film thalo en thin ?
Heng film thalo en thinte hi kan ngaihdan maiah chuan mi-inthlahdah leh awmthaduhlo, misual nia kan sawite tihturah kan ngai mai thei. Chungmite chauh chu an lo ni lo. Mifel, mithianghlim, kohhran mite– mi piangthar tha tak tak nia kan ngaihte zingah pawh a hluar hle alo ni. Kum 2002 khan,  The Purpose Driven Life lehkhabu ziaktu — Rick Warren website ; pastor.com -in an survey atarlan dan chuan: Pastor 1351 zinga 54% chuan kum kalta chhung khan ‘ internet pornography ‘ an thlir a.  30% -te chuan, ni 30 kalta chhung khan an thlir. Pastorte pawh an bang chuang lo anih chu! Aizawl kohhran lian ho hian, rawngbawltu kan tih zingah survey han neive tase, kan statistic hi a chhuanawm lohviau mai lawng maw !?

Baibul in engtin nge a  sawi ? :
Keini Kristian-te chuan kan tehna hmasa ber tur chu Baibul-in engtinnge  asawi tih hi ani awm e. 1Korin 6:8 – ( KJV ) chuan, ” Flee from FORNICATION “ . Heta ‘ fornication ‘ hian sex hman khawlohna lam chi reng reng – uirena, mawngkhawhurna, ran hmanga sex hman, bestiality, incest  a huam vek .  Fornication hi  Greek tawng ‘ Proneia ‘ tih ani a, chu chu tuna Pornography thumal lochhuahna hi ani.  Baibul chuan —  ‘  pornography chu Tlansan rawh u’  ; hetiang lam reng rengah hian inhnamhnawih suh u ati ani. Tin, 1 Korin 6:9-ah chuan , Pathian ram lut lo tur asawi zingah  fornicators hi a tel bawk.

Kan Pathian hian, sex man khawlohna  hi a haw hle a; angai zam mai mai lo. 1Korin 10:8-ah chuan, “ Neither Let us commit fornication, as some of them committed, and fell in one day, twenty three thousand (conf: Num. 25:9 ) ” . Mi 23,000 -te chu  an nunna chawplehchilh-in a la nghal hmiah.


Morally Wrong :

Kristiante thlirna atang chauh lo pawhin, mihring chiat leh tha hriatna atanga ngaihtuah pawhin thil thalo leh dik lo ani tih chu hairual ani lo. China ram communist sorkar, Pathian awm pawh ringlo ram chuan–Kum 2008 atang khan : An ramite rilru leh ngaihtuahna alo hrisel zawk theihna tur ngaihpawimawhna avangin — pornography website  tihchiat lamah beihpui athlak a, website sang tam tak ati chhia a. An search engine ah pawh- ‘ porn ‘ ( Chinese word ) tih chu an block tawp mai ani.

English Corner a Chinese University zirlai lokal thinte zingah survey chi hrang hrang kan buatsaih thin a. Kum 2006 khan; zirlai 300 zingah  pornography chungchang ah survey kan nei a. Zirlai 250 te chuan, ” Pornography en hi atha lo” , tiin an chhang. Heng zirlaite hi kristian an nilova, sakhaw vawn nei lo vek an ni . Heng atang ringawt pawh hian  pornography  hi thil thalo leh diklo ani tih chu a chiang viau awm e.

Kristian nilo zawk leh Pathian awm pawh ring loten sual;  thilthalo leh dik lova an ngaih hi keini Kristiante phei chuan kan do bur zawk tur ani. Hetiang ah hian kan inthiarfihlim tur ani a. Inthiarfihlim turin  midangte pawh kan zirtir zawk tur ani ang.

Chhungkua leh Nupa kara harsatna thlentu :
America leh khawvelah pawha hriat lar;  Focus On Family : Dr. James Dobson a pawlte chuan, chhungkaw 47% -te chuan, pornography hi an inchhunga harsatna thlentu lian tak ani an ti a [ Focus on the Family , Pool, October 2003 ] Kum 2005 March thlaa, Christianity Today-in ” Kristiana leh Sex ” tih zirchhianna; pastor 680 leh midang 1,972 -te hnenah anei a. Chuta tanga alan dan chuan: Tun hnaia chhungkaw buaina tam ber 60 % chu  pornography/ internet pornography vang ani an ti.

Tunlaia nupa innghirngho-na lian tak pakhat chu, ‘ internet pornography ‘ hi ani. ( Heihi kan ramah ani ve em ka hre chiah lo ) Tam tak ten, fiamthu titak deuhvin ; ” Zei lo deuh nupa chuan puitling film en atha  ” an ti thin. Hei pawh hi ngaihtuah chian chuan thurawn atthlak tak ani . Thil tha tak ni se,  professional counsellor tam ber te hian an thurawn ah an telh ngei arinawm. Zei phah nan a hman aiin, in iaina  thlentu mai ani.

Christian Counselling Today in, nupa 500 a survey ah chuan; nupa 60 % te chuan — an khawpui ten pornography an hman thin avangin anmahni an inenhniam phah a. 70% te chuan, an kawppuiten pornography an hman / en thin avangin anmahni an in iai phah niin an sawi . [ Marriage Related Research, Mark A. Yarhouse, Psy.D.  Christian Counseling Today, 2004 Vol. 12 No. 1.  ]

I nupui emaw i pasal emaw khan, midang nang aia hmeltha  zawk kha thlir doh doh fo mai se engtinnge i ngaih ang ? Chung thlalak / milem te enchung chuan; a mah leh amah in hrikthlak nante hial hmang fo se engtinnge i ngaih ang le ? Nagmah aia tilawmtu dang a awm i phal em ?

Sex hi nupa karah chauh hlim taka hman tur ani. Kan nupa karah lust -in hmun a chan len zawk fo chuan kan nupa kar nun chu angaihtuahawm hle tihna ani. Chutiang bawkin, kan khawpuite aia midang kan thlakhlelh chinah tawh chuan, kan nupa kar a kak thuk hle tawh tihna ni ang.

Tlipna :
Pornography lam chi reng reng, megazine , VCD/DVD , internet, thlalak lakah hian keini Kristiante chu kan inthiarfihlim tur ani. Kan taksa hi ‘ Pathian In ‘ anih tawh avangin, chumi tibawlhhlawh thil reng reng chu kan phal tur ani lo.  Kan Baibul-in min ngen angin; Pornography lam leh sexual perversion lam reng chu kan tlansan ngam tur ani. Kan ramah pawh hetiang pornography hian bu a khuar thuk tawh hle. Nang leh kei hi kan fihlim em le ? I fihlim lo anih chuan Pathian duh loh zawng ti i ni : ngaihdam dila, sim ngei ang che.

In Hun ti thianghlim la, Lalpa pawl fo rawh !

Advertisements

23 responses

  1. Helam hi chip chiar a han hriat zau na ka neih loh na lam tak mai ani. Mahse hei i zarah ka bengvar phah hle mai Mizoram bik ah peih chuan.

    Kristianna nun hi chu fimkhur hi a ngai nasa si. Kan Bible min zitir na pel hian kei ni Kristian ngei hi kan kal nasa bawk si a.

    July 9, 2010 at 7:48 am

    • Hotunu, Ni e, Amah ringtute hi chua; kan zinkawng kan zawh tawp ni thlengin fimkhurna tur, kan tihve atana tha lo hi a awm reng dawn ani sia tiraw. Pathian khawngaihna hi kan tan a thlawn nilo pheise, kan buai ngawt ang le!

      July 9, 2010 at 8:00 am

  2. Amahah awm ila, Kan nun hi Lalpa fakna nise. Ring lo mi ten keimahni ah Lal Isua hmel an hmuh theih turin kan nun vawng ila. Chu chu Lalpan min duh dan a ni.

    Mahse,

    Kan awm duhna hmun te, kan thlir duh zawng te, kan ngaihthlak duh zawng te, kan khawiha kan ei duh zawng te hi kan thlarau nun chawm lo chi a nih thin avangin Pathian mithmuha thianghlim hian kan nung thei thin lo.

    A tha lo a ni tih hre reng reng lova kan thlir leh en thin te hian, sual kawngah nasa takin min hruai thin.

    Ngaihtuahna i chawk tho va, i thil ziah chu, chhiar a van manhla em.

    July 9, 2010 at 8:46 am

    • I comment hi kan AMEN phawt teh ang ! Kan thuziah laimu i rawn tuihnih nalh hle mai. Baibulin a sawi tam tak, kan zirchian siloh hi atam khawp ang. Mizote hian– preacher chu kan ngah viauva, Bible Teacher kan tih ang tak hi kan ngah lo deuh ani.

      July 9, 2010 at 10:35 am

  3. rêverie

    Good writing on a topic that we all need to be serious about. Well done, bro. Laobanniang would have enjoyed reading your blog too, me thinks. Blessings!

    July 9, 2010 at 9:59 am

    • Hetiang lam zirtirna fumfe hi kan nei lo em hian ka hreve thin a. Laoban niang pawh ka leh sak e. Thai Guo engtik nge in kal dawn kha ?

      July 9, 2010 at 10:37 am

      • rêverie

        Next Friday hian kal dawn. Buai char2, meeting. Chawl tur chuan zhongguo lamah lo let leh ang.

        July 9, 2010 at 1:54 pm

  4. vana

    Seki, a thui luttuk a, ka chhiar rih lo mai. A that hmel khawp mai! wordpress i lo hmang daih a ni maw! Engpawh nise hi, hello, dam maw? ka lo ti a ni e.

    July 9, 2010 at 2:02 pm

    • Pu van, i van reh em em ve! I dam a, a lawmawm e 🙂

      July 10, 2010 at 5:16 pm

  5. b-buata

    Tun thla chunga ka thu chhiar tangkai ber zingah ka dah e.. a chhanchu he thil lakah hian ka fihlimlo bik lo tlat, athatlohna lam kan chhut vak loh thin avang hian kan lo hrelo hle mai. Tunlaia ka rilru a awm reng, Naupang tan chuan a thalo chiang a, Eng nge maw Puitling tawh tan hian a that lohna le?? ka ti thin. Mahse a tha lo tih chu chhutchian peih a thu a lo ni si.. Ziak zel teh, Kristian kan ni emaw nilo emaw, Mizo te hian kan mamawh tlatin ka hria.

    July 10, 2010 at 5:51 am

    • I ti lawmawm e. I lo len luh avangin ka lawm e.

      July 10, 2010 at 5:19 pm

  6. ziak tha khawp mai.. hmana deuh khan he “comic” hi ka siam.. true story 🙂 based on my personal life + misual.com -a user feedback.. he subject chungchang ah hian..

    http://blinddayze.blogspot.com/2010/03/xxx-rated-comic-adults-only.html

    July 12, 2010 at 11:33 am

    • I comic chu nalh khawp mai. Ka lo chhiar lo ani maw? I comic siam hamsa zawk pawh saw ka duh lutuk! Abi-i nu tawngkam niawm ani :-))

      July 13, 2010 at 8:28 am

  7. Chhiar ringawt pawh ka inthlahrung rum rum mai, Sual hlawmkhawm niin ka ingaih pek chu mawle 😀

    July 12, 2010 at 1:19 pm

    • Chutiang tur em ni hotupa 🙂

      July 13, 2010 at 2:51 am

  8. mizo thalaite mamawh tak a ni e

    July 12, 2010 at 3:15 pm

    • Hman deuhva KTP Meet-a ka sawi, siamrem tah hian kan chhopchhuak leh ani e. I thuziakte an ngaihnawm fe zawk!

      July 13, 2010 at 2:52 am

  9. bmw

    Pu Seki, i ziak thra ka ti lutuk. Mit a kan hmuh reng² hian, a chhia a thra in kan nun hi a control ve khawp. Thil ho mai mai, window shopping te pawh hi mithenkhat tan chuan tih chi a nih lo nachhan chu, kan va hmuh khan, awhna leh neih ngei² duhna a lo piang tlat mai a…. kan hmuh loh kha chuan, kan awt lo a ni mai. Chutiang deuh chuan, kan mit a kan hmuh hian, kan action leh decision siam hi a influence tlat.

    July 13, 2010 at 9:54 am

    • Tha iti tak zet maw, Ka Pi Black 🙂 I rawn sawi hi a dik chiah.

      July 14, 2010 at 2:33 am

  10. i sawi tha dup dup e, ka mit hmuh leh benga ka hriatte hian sualah min hruai lut tih hi a dik a nih chuan kan mit leh beng hi kan ven fimkhur a ngai khawp mai. Nakinah sermon tanpuitu atan la hmang ve ila that dawn hi 🙂

    July 14, 2010 at 6:48 am

    • Hotunu, chutia mi 🙂 Thu fahrah te te bak hi kan sawive thiam lo.I duh duh hunah lo hmang rawh khai! 🙂

      July 14, 2010 at 7:01 am

  11. Ka ngaihtuahna chhungril, ka suangtuahna khawvela ka chenna fo topic i ziak tlat mai. TV chungchang thleng hian ka ngaihtuah a, ka inchhunga TV hun pawh hi chhungkua nun zalen tak diptu leh nunkawng thalo a min hruaitu ani ang tih rindan ka nei thin a. Arang thei angbera kan TV pawh tihral kalo rilruk mek a. Keizawng thianpa ka Extrem mah mah em ka hrelo le..mahse he thu iziak hi ka ngaina tlat, ka duh aiin i tawp hma a, han ziahzawm leh teh. Zofate kan inrin hma-a min runtu Mobile handset, TV leh computer(a larzual) chungchangah hian zirtirna kan mamawh hle mai.I ziak tha thlawt tihhi ka sawiduh ani e.

    August 1, 2010 at 3:42 am

    • He khawvel-in tawpna ni lam ahnaih mekna-ah hian, lawlesness hi kan hmachhawn mek chu ani a. Chungte chuan sual palzamna-ah min hruai lut mek. Chu chu atakin nangpawn i hre chiang e.

      August 3, 2010 at 9:54 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s