Chhurbura roh em em; Nahaia'n neihsak phet a tum!

[ Inneih Inkhawma Lengkhawm Hla Sak Hi ]


Kristian kan nih hma a, Mizo Inneihna kan lawm dan hi ka hre thui vak lo. Kristian kan nih hnua biakina kan lawm dan pawh hi a inang lo hle hlawm a. Kohhran azirten a danglam a; tin, innei tur ate duh dan a zirin lawmdan leh, inkhaihhruai dan te pawh hi a danglam thei viau awm e.

Tun hnai khan, Synod Revival speaker thianpa chuan nupui a nei a, mo leh moneitu, leh an thiante chuan Mizo takin, Mizo kawr leh puanchei, vakiria thlengin an khim anih kha. A mawi dangdai hle. Kan inneihna te pawh hi, Mizo taka kan chhawm nun thiam chu atha khawp mai.
A laia putar hi a Halelui ring thei khawp mai!

Pic credit : Mamuana Sailo

Tin, inneih inkhawm ah hian atlangpui solfa hla kan tih mai hi kan sa deuh ber a. Mizo lengkhawm hla / khuang hnih hla sak erawh hi chu kan ching lo khawp mai.

Hmannia Aizawl veng pakhata inneihna-ah chuan, inneih inkhawm tan-na hla atan, lengkhawm hla; ” A Hmangaihna a ka chawlhin ” tih, moneituin a thlan chu chu tui tak maiin kan sa a, lamtualah an lam suau suau mai a; aropui dangdai hle in ka hria. Kan sa tui bawk a, an la nawn nghe nghe. Inneih inkhawm a, lengkhawm hla an sak ka vawikhat hriatna ani nghe nghe !

Advertisements

10 responses

  1. Inneihna-a lengkhawm hla sak theih loh tih chu a awm lo na-a a inhmeh loh hmel e… thil hi i hmu mak thei ka ti.

    May 31, 2010 at 9:59 am

  2. haha ka hriat vawikhatna! Monu leh mopa pawh an wedding dress nen an lam vek a mi? :)I now pronounce you man and wife, tih lai ten an lo halleluia vak vak em lo maw? 🙂

    May 31, 2010 at 4:12 pm

  3. Varte :NIa kan hriat ngai loh leh kan tihthan loh anih vang chuan ain hmeh loin a hriat khawp mai. Mahse, inneihna hmanga Pathian chawimawina kawng khat tha taka ni mai lo maw ? 🙂illusionaire:Lam an chak hmel khawp mai. Hla kha la nawn leh seng chuan an lam tawh hial ang! 🙂

    June 1, 2010 at 2:02 pm

  4. A mak ve nih hi a…kei pawh ka vawikhat hriatna nia. Mahse an hlim tlan chuan tha mai zel a…

    June 2, 2010 at 12:35 pm

  5. lam i la ni mai lawm Zo takin!! 🙂

    June 2, 2010 at 5:52 pm

  6. An mo lawm dan chu a dang dai hmel hle mai. Duh dan a in ang lova, a titute duh dan anih chuan a tha alawm.

    June 3, 2010 at 4:51 pm

  7. Irene:Nia hei an bei dangdai khawp mai 🙂Blind Dayze AMEN ! 🙂mesjay :Ni e. Dik khawp mai.

    June 4, 2010 at 3:52 am

  8. Pu Seki chu…enge in sak ve le in tih lai khan? I thu hman hi a dik a, kalo ngaihmawhve mai mai chu- Mo, Moneitu te hi Monu leh Mopa kan ti ta daih a, Monu chu Mo-a nupui tur nu emaw tihna a nia Mopa pawh pasal tur zawk a pa tihna daih a ni.Kan tawngkam hman hi theih chinah chuan uluk hram hram a tha. Nang hi chuan i ti dikin ka hria :-0

    June 5, 2010 at 9:12 am

  9. Ka vawi khat hriatna a ni. Zai chu a tui duh phian chuan a rinawm. Inneih inkhawm hi a rei lo thei ang bera hun hman hi kan intihhmuh zel si a. Lengkhawm hla chu kan la nawn tluk tluk mai anga, monu leh mopa tan a hrilh hai thlak duh vaiu mai thei a ni.Mizo taka tihthiam hi chu a tha ka tikhawp mai.

    June 5, 2010 at 10:34 am

  10. Sawmpuia :I rawn sawi hi a dik thlap e Hotupa. Keini chuan tawnghriatloh hla hlir kan sa ma le! :-pPuibawiha:Hotupa rawngbawlna lamah i buai viau ang chu maw?I rawn sawi hi a dik khawp mai. Kohhran hlim deuh lai anih phei chuan refresment lam ngaihtuah lek lo hian kan zai mai ang tih chu ahlauhawm khawp mai 🙂

    June 6, 2010 at 5:45 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s