Chhurbura roh em em; Nahaia'n neihsak phet a tum!

Martarte Thlan — Pang Hai


Kan hma-ah mi huaisen tam tak te Isua Krista Chanchin Tha an tlangaupui avangin an martar a, chung zinga thenkhatte chuan hriatreng leh chawimawi an hlawh a; an thlante pawh mi en luai luai hlawh an ni. Chutihrual chuan martar tam takte erawh chuan heleiah tukhaw -kha hriat hlawh lovin, mi kawmkara zalh mai mai ani bawk.

PANG HAI Khua ::

Guizhou Province hi China rama, province hmasawn chak lo leh rethei ber pawl a sawi ani. Chumi province-ah chuan khaw lian vak lo, Pang Hai khua a awm a. A khaw kiangah chuan lui dam nuam em em mai, Chong An an tih chu a luang a. T unah hian, in 200 vel awmna ani.Chu Pang Hai khaw te takte chu alar lova, mi hriat a hlawh lo. Tourist- te tlawh chakna chhan turin China ram khaw thenkhatte angin hmingthanna a nei hran lo. Nimahsela, keini tan chuan a hlu hle thung si !

He khaw te takte lar lo tak-ah hian, Krista tana pasaltha huaisen te an zal tlat alawm le! An thlante chu cheimawi leh hlut ani hran lo. Thingtlangpa kawmchar a awm mai mai ani a, a bul vel pawh thlai chin nana hman ani.

PHANG HAI Khaw tawntirh ::

Kum 1898 hma lam atang tawh khan, China rama missionary hmingthang, James Hudson Taylor a pawlte, China Inland Mission tia hriate chuan rawngbawlna he khaw te takte –ah hian an lo tan daih tawh mai a.

Krista tana martar William S Fleming & Pan Gong :

Chu khuaa misonary awm thin chu William Fleming ani. Amah hi sawi dan tam ber-ah chuan Scottish ani. Kum 1898 chho kha — Boxer Rebellion vanglai ani a – Chinese hoten foreigner an huat zual vanglai ani a, missionary-tamtakte pawh an thah tan hunlai kha ani.

PAN GONG-a THLAN LUNG ::

Chinese a inziak :
新故潘公
生于咸丰七年五月十六日为传福音真道不料于光二十四年九月二十一日路重安江遇害寿四十二
孝男德女桂珠
二十六年三月吉日立
真道害身体蒙主恩得救灵魂

Translation:

Pan Gong. Qing Dynasty Emperor, Xian Feng ( 1857 ) -a ; Qing Dynasty Lal ( emperor ) lal kum 7-na leh thla 5-na leh ni 16-naah a lo piang a.
Kawng Dik ( Tue Way ) , Chanchin Tha a hril thin avangin, beisei loh takin; Qing Dynasty Emperor : Guang Xu ( 1898 ) lal kum, kum 24, thla 9 , ni 21-naah khan – Chong An lui-ah rawng taka thah ani. Kum 42 mi ani.

He thlan hi lung hi, Guang Xu ( 1900 ) lal kum 26-na leh thla 3-naa kher leh siam ani.

Kawng Dik thu atlangaupui avangin a taksa chu thah ani.

A thlarau erawh chu Pathian khawngaihna avangin Chhandam ani.

 

 

Nikhat chu William Fleming leh a Chinese ringthar ; Pan Gong , Miao hnam ( Ani khi Miao hnam zinga Kristian hmasa ber nia ngaih ani , Miao Kristian zinga martar hmasa ber a ni thei bawk ang chu ) chu khawdang-a Pathian thu hril tura Chong An luia lawnglenga an chuan lai chuan, lawng dang chuan a rawn hnaih a.

An lawng-ah chuan Chinese- ralthuam leh hriamhei keng chu an rawn zuang lut ta sup sup a. Pan Gong chu engkhaw sawi set set lo chuan an sawisa nghal bawrh bawrh mai a. William Fleming pawh chu athil kente an dap a, an dim lo hle bawk.

Nakinah chuan William Fleming chuan Pan Gong an sawisa nasa lutuk chu ngaihdamte dil sakin, Engmah thilsual tih tum an nih loh thu te chu a hrilh lawm lawm a. Chutihlai tak chuan, an zinga thenkhat chuan Pan Gong chu chemte / ngunhnam in a hnung-ah an vit ta a. Chhan tumin William Fleming chuan abei letve ta a, ani pawh chu rawng takin an thatve ta nghal a !

CHONG AN Lui — Ral leh lama khaw lo lang saw Pang Hai khua kha ani.

Lawnga an chuanpuite chuan an ruang hi tih ngaihna an hre lova, an khua –ah ( Pang Hai ) an la let a. William Fleming ruang phei chu foreigner ani sia , tih ngaihna an hre lo hle a. Thawn hawn pawh tum se, tunge an biak pawh ber ang! Tichuan an pahnih chuan Pang Hai khaw kiang- ah chuan an phum ta ani

( Hei hi Pang Hai khua a, ringtu la awmve pitar tawh tak pakhat min hrilh dan tlangpui a ni )

WILLIAM FLEMING-a thlan lung chu ::

永生 : A thlan lung lu lamah chuan hetiang hian Chinese-in ain ziak a. A awmzia chu; ” Pathianin Chatuan Nunna A Pe Che ‘’ tihna ani.

Shall Rise Again. In loving memory of William S. Fleming of the China Inland Mission.
Aged 31. Died Novem 4.1898 at Tsong An.
First Protestant Martyr in Kueicheo.

Whosoever shall lose his life for my sake and the Gospel’s shall save it. Mk viii 35

Erected by the bereaved family.

必定光先生来黔福音于光二十四年九月二十一日路重安江遇害寿终时年三十一

Translation:
A THO leh khawp ang!
Pu Fleming-a hi ; Chanchin Tha hril turin Guizhou province –ah a rawn kal a.Guang Xu ( 1898 ) lal kum 24 leh thla 9 leh ni 21-naah, Chong An luiah,kum 31 mi niin thah ani.

 

Tsong An – Chong An.
Kueicheo – Guizhou,

William Fleming thih thu Hudson Taylor a’n alo hriat chuan tihian a ziak a “ How sad the tidings! Blessed for the martyrs but sad for us, for China, for their friends… Doubtless it means fuller blessing, but through deeper suffering ” ( Welch, Missionaries, Murder and Diplomacy in Late 19th Century China: A Case Study, 16 ). Tichuan, William S Fleming hi CIM missionary-te zinga martar hmasa ber nia sawi ani.

Charles Chenery :

Ani chanchin hi Pang Hai khaw mite ka zawhin sawi tur an hre tlem hle a. A thihdan hi an sawi hrang deuh nuaih a. A thenin natna nei a thi niin an sawi a, athenin tur a hrai hlum an ti a. Englekhawle, athlan lunga a thih kum an ziah atanga chhutin, William Fleming leh Miao Chinese Pan Gong an thah hnu- kum 4-naah a ni pawh hi a thi ve a.

A hma kum liamta lawk a missionary rawng taka an thahna hmuna, rawngbawl tura a rawn lut hi aropui hrim hrim mai.

A thlan lung chunga-ah chuan hetiang hian Chinese in a inziak a : 使死无 — Thihna-in thiltihtheihna anei tawh lo, Lal Isuan ahneh tawh avangin .

In loving memory of Charles Chenery whose body lies here waiting for the appearing of his Lord and Saviour Jesus Christ. I shall be satisfied when I awake with thy likeness.

秦公英人也于光二十八年遵 主命来黔福音引人悔改弃假真不幸于光三十一年三月十四日离世 主享年三十有二

 

三十一年十月二十一日立

Translation:
GUANG XU ( 1902 ) lal kum 28-naah, Charles Chenery , Sap ( English ) pa chu Pathian thu awihin, Guizhou province-ah Pathian thu hril turin a lo kal a. Mi tamtakin Simin, Thu dik lo chu kalsan in ThuTak-ah chu an lo pawm a.

Vanduaithlaktakin, Guang Xu ( 1905 ) –a lal kum 31-na leh thla 3 leh ni 4-naah, Chenery chuan, he khawvel hi chhuahsanin, kum 32 mi niin LALPA hnenah min chawlhsan ta. He thlan lung hi, Guan Xu ( 1905 ) lal kum 31-na leh thla 10 leh ni 21-na a, kher ani.

 

He khua hi vawiin ni thlengin khaw changkang leh hmasawn tak ani lo. A la thingtlang em em. Kum za chuang liam ta-ah phei chuan engang taka thingtlang leh rethei ni ang maw! Chutiang hmun ah rawngbawl tura an nun an han hlan hi a ropui ngawt mai. Min cho thar hle!

Tin, he khuaah hian kristian chu kum upa tawh tak tak tlemte chiah an awm. Hei hian ngaihtuah erawh a ti kal thui duh khawp mai.

Advertisements

13 responses

  1. Rilru a khawih hle mai. A awmna lah a riang em em mai si a.

    February 17, 2010 at 9:00 am

  2. A ngaihnawmin a lunglenthlak a, rilru a khawih hle mai. Hetiang chhiar tur a awm thin hian i blog hi a tihlu a, nakin zelah pawh la hman tangkai theih tur thil hi i hnutchhiah tam bik ngawt mai.

    February 17, 2010 at 11:19 am

  3. Fela:Tunah hian a awmna hi an samfai duh tawh zawk anih hi.Pu Zaia:Hotupa i tilawmawm thin e. I profilr pic chu van nalh ra ra ve:-) MAN khawp mai! 🙂

    February 19, 2010 at 8:08 am

  4. Seki, i thil rawn post hi a ropui khawp mai. Ti ta daih ila, hotel vel ka lo hisap a, khaw te reuh te te ah hian hotel vel awmlohna ah engtin nge in tih thrin? Mizoram angin mi inah thlen han dil tawp a chi awm si loh! btw, in chhungte skk veng mi inneih photo ka lo hmu ve hlawl mai a…monu hmelthra rapssss..a kawr kha nalh si! ka duhsakna ka hlan e :-)- in pi em em, pi bmw

    February 20, 2010 at 10:16 pm

  5. Kristian engzah nge la maw le?

    February 21, 2010 at 12:39 pm

  6. chunga mite sawi ang khian rilru a khawih hle mai… ngaihtuahna pawh a kal thui duh khawp mai..Thalak te khian lung an ti leng reuh hle mai .. han ti ve khanglang ila..

    February 22, 2010 at 11:14 am

  7. Ka pi BMW :Thingtlang khua deuh-ah pawh hian, Guest House chhete hi chu alo awm ve mial thin. A awm lohna, hmelhriat kan neih lohna hmunah chuan, tent te kan kaih mai zel. Kan hmelhriatte awmna-ah chuan, achangin sikul-ah te, an inah te kan riak thin bawk.Avan lawmawm ve! Tu kan chhungte tak ni ang maw! Tunlai chu SKK-ah inneih an awm deuh reng mai, 26 Feb pawh hian, ka thianpa'n anei dawn!chhangte_ll:Hotupa, mizo tawng i van pai ta ve! Nyshi ho nen in inchiahpiah ta deuh em ni! 🙂 Kristian awm zat hi an hre chiah lo nangin, 10 t0 20 vel chu awm angah an ngai!Blind Dayze:ATC lam angaih tir che em ni! Abigail i ka hmu leh chak tawh hle mai!

    February 23, 2010 at 8:21 am

  8. Pic chu mawi in rilru khawi hle mai…

    February 26, 2010 at 7:36 am

  9. A hmuhnawm, ngaihnawm, bengvarthlakin rilru a khawih hle mai. He post hi uluk taka dahthat chi ani.

    March 4, 2010 at 7:09 am

  10. A bengvar thlak e. Hudson Taylor hi missionary zinga ka ngaihsan ber pawl a ni nghe nghe. Hotupa i tilawmawm e.

    April 11, 2010 at 3:41 am

  11. A bengvar thlak e, Hudson Taylor hi missionary zinga ka mi ngaihsan ber te zinga mi a ni. Hotupa i tilawmawm e.

    April 11, 2010 at 3:46 am

  12. Hotupa, A bengvar thlakin thlir a nuam hle mai. Hudson Taylor hi missionary zinga ka mi ngaihsan berpawl a ni.

    April 19, 2010 at 5:49 pm

  13. Thlalaknen zel a ni bawksia a hmun a kal ang mai a lawm kan nih. Hotupa in rama kanlo kal khan thingtlang min tlawhpui ve kha chu ala khawpui leh mah mah a…i post hi chu the real thingtlang a nih deuh zawk hi..kal ve a en ve a chakawm khawp mai.. In let tawh ka beisei.

    April 26, 2010 at 1:53 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s