Chhurbura roh em em; Nahaia'n neihsak phet a tum!

[ Zan Duhawm – Vohbikte Runah ]


Krismas vuakvet lai ani a, boruak ri hulh hulh hriattur a awm reng a. Hemi zan ngat phei hi chuan thawm atam hle. SA thalai hovin an buatsaih, Coffee Night a kalte thawm pawh chu, step zim tak leh chhuk em em mai a kan kal lai pawh chuan kan hre phak a. Kan piah lawka mithianghlim -thlankhawm niawm tak amawi, Kristian Thalai inpawlkhawm hla sak mek ; “ Kan Hneh ngei dawn ani, Lal Isua hmachhuanin ” ‘ Boral mekte chhanchhuak thuai rawh u ‘ tia mawi taka an sak rual dual dual-te chu kal pah chuan ka zawm ve rat rat a! Hnehna chu biakin-ah puang mai lovin, Lal Isua hmachhuanin kan kawng zawh lam, step zim-te, mi kawmkar chu rawn zawhve ta zawk se aw — te ka ti rilru mai mai a !

Evangelical Cell– a kan inhmang tak tak laia ; kan veng leh Aizawl kawmkar ami, mi hla zawkte kan hrut chhuah hunlai te kha mithlah-ah hian alang uar uar bawk a. Ka rilru tak chuan ka lung aleng ru hle nghe nghe a.

Ka thianpa chuan, Khuti laia bati eng teng teng-na khu ani ang ati a. A thlang deuhva sethlam, lian vak lo chu kan pan ta a. Chu ina awm te pawh chuan thawm an lo nei laih laih a. An thawm erawh, Chhandamtu pianna lam leh a kaihnawih lam hawi reng reng ani lo. Ka share ve tur chu khawi- ah nge “ Ka pawisa thawh kha ka la let dawn ” “ Zan -in bak chu ka kawp peih tawh lo che. I sum lo ve rapthlak si “ Zawnga , zawngi tite chuan an au lawng lawng bawk a.

Zuk fina, kan thil hriat duhte han zawh chu kan thian dun chuan kan hreh kher mai. Ka thianpa chuan, nang hmuipuipu deuvah lut hmasa rawh a tita tlat mai si a. An thawm atang chuan engang mi nge an nih a hriat renga. YMA duty emaw, VDP Duty emaw min lo tia nga, pahnih chauh kan ni bawk sia, min lo sawisa mai anga tihte chu rilru -ah a awm a.

Ka insang phek a, kawng ka chu kan kika ; an reh ta thiap mai a. An bati chit pawh chu an chhem hlum nghal ni ngei tur ani. A thim ta thiap a. Kan ding vang vanga, keichuan, ” Man tum che u a lokal kan nilo. VDP duty, YMA duty kan nilo. Thil engngemaw zawh duh che u kan nei mai ani “ kan tih hnu atanga rei vak lovah chuan. Hmeichhe aw hian, “ Anih tute nge in nih ? In insawiloh chuan kan hawn dawn lo che u ” a rawn ti lar lar a. Ka thianpa chuan, rang deuh hian, “ Missionary kan nia “ ( Ani zawk tak phei chu sorkar hnathawk ani ) an lo ti mai pek a. Khatianga in hmelhriattir kha tul ka ti lo khawp mai. Mahse asawi tawh si !

Nulian vak lo, sa nei deuh, hmelchhe lemlo tak hian kawngka chu a rawn hawng ta a. Kan kal chhante kan hrilh a, kan mizawn thlalakte chu kan han hmuh a. An hmuh ngai loh thu min hrilh a.

An inchhung luh hram chu ka chak a. Tuiin kan dil a, ani chuan hawihhawm deuh hian “ Missionary luhna tlak ani lo ” ati a. “ Missionary-te luhna tlak loh in ka lo hmu lo re re ” fiamthu deuh hian ka ti a . Chutihlai chuan, inchhung lama tlangval pakhat chu a lo chhuak a. “ Khu kan thiannu khu a OD dawn a rawn tawngtai teh ; Missionary I nih chuan a rawn ti khar khar a “ A rui hle tawh tih chu hai rual ani lo.

Kan lut ta a, bati chu an chhi enga, kan rin aia tam daih mai an lo ni. Duhthuhmun, mipa leh hmeichhia sawmhnih rual hi an lo inkhungkhawm chu niin. An damdawi tihna hmanruate, zu funa sarang te chu alet rem rum bawk a. A then chu, in haw lo tih hriat tak hian an lo inkuah chial hlawm bawk a.

A sir deuhvah chuan, an thiannu chu thawmhnaw phelh deuh kung hian a lo mu a, a huh hluam bawk a. Tlangval chuan, “ Kha kha anih kha, rawn tawngtai teh ka tih chu ” ati a. ” Ka tawngtai in duh tak tak maw ? “ ka ti a. “ I ngam phawt a thu le ” an ti a. “ Anih ka tawngtai hmain, thu tlemte ka sawi thei a ngem ka ti a ” An phal avang chuan, minute 5 vel awm hi – Pathian Hmangaihna thu tlem ka sawi a. Tawngtai tur chuan nula lam chu kan thian dun chuan kan pan phei a.

Nula chu kan han bia a, mumal awm lutuk lo hian a rak a. Kan thian dun chuan a chalah kan dawm a, abulah chuan kan thingthi a, kan tawngtai ta a. Kan tawngtai rei lo. A rawn luak ta bawrh bawrh mai a; kan kekawrah chuan a luak chu a kai nuiah mai a . Atui awm duh lo kher mai!

A hnu rei lote-ah chuan a rawn harchhuak a, kan inkawm zui nual a. A phone numberte min pe a. A rui phur thenkhat chuan, min lo tawngtaive rawh an ti a. A zavai atana tawngtaisakna kan thiandun chuan kan nei ta a. Ka phone numberte min dila, hlim takin kan tin san ta a.

Kan hawn kawngah chuan kan thian dun chuan, Emmau Dai- a thian dun ang mai khan, ‘ var deuh huai ‘ hian kan inhria. Kan rama thalai tam tak hetiang kawng zawh mekte tana hun pum a thawh mai kan chak thute. Kohhran / Thalai pawl-te pawh hian, heng hunpui laite hian anmahni thleng phak a, rawngbawlna kalpui trul nia kan hriatte chu kan sawi dun bawrh bawrh a. Biakin leh Hall vela, afel tawhsa te te , inchhek-arbawma, ‘ Hnehna Puang chhuak rawh u ‘ ‘ Boral mekte chhanchhuak thuai rawh u ‘ tih rikngawt maite chu kan duh khawp lo thar ta em em mai a! Hemi zan hian keini thiandun pawh hi, anmahni tlawh tur hrim hrima chhuak lo ni ta ila aw, kan ti zui vawng vawng a ! Kumhlui thlah zan chuan eiturte kengin kan tlawh leh ta a !

Ni e, mihla / misual zawk nia kan ngaih te hi, keini rawngbawltu-te pawh hian kan pan zawk tur ani a, anmahniin min pan zawk tura kan beisei tlat hi a tawk lo ani. Aizawl khawpui dai leh veng kawmkar deuh han hrut chuan, hetianga damdawiti-te, nunkhawlohna kawng zawh mekte tawmkhawmna hi avan lo tam sawt ta em !!

Mizoram kohhran / Kristiante hian kan rawngbawlna huang kan zauh avan hun ta em !

Advertisements

21 responses

  1. m

    pu sekji in van ti thra ve in thiandun chuan..in fakawm hle mai..

    January 3, 2010 at 4:51 pm

  2. I thuziak chu rilru a khawih kher mai. Pathiam ram zauh hi chu ka theih tawk te te chuan ka vei ve ngang mai…mahse, 'mahse' hi a la awm tlat mai hi a ngaihna ka hre lo a ni. Ka khawvel (comfort zone) atranga han chhuah nalh hi ka huphurh ve thlawt a ni. Ka tleirawh lai atang tawh in, ka tt na ah, 'engtikah emaw chuan i tan ka la pen chhuak ang' hi ka ti ve ziah..ka la ti ngam hrih lo zel chu a nia. Nu confi ve tak ka nih teh reng nen, Pathian thu ah hian ka confi over lo tlat. Min lo tt pui thrin roh.- i pi

    January 3, 2010 at 7:12 pm

  3. Seki…i thil tawn chu a…i va han patling ve aw..Pathianin a kohna ah che i kal zel a a hmang zel bawk che nih hi…May God guide you in carrying out his mission work wherever you may be. I will pray for you.

    January 4, 2010 at 5:31 am

  4. Hotupa, i va che tha em, Christmas urlawk zan i hman dan a ropui ngei mai.. Zaite, thusawite a tha a, a taka thawh chhuah phei chu a tha leh zual a ni. Lalpan i rawnbawlna malsawm zel rawh se

    January 4, 2010 at 1:54 pm

  5. pi M-ji :Chutia mawn le! 🙂 ka pi black :Aram zauh duhna thinlung neih rikngawt pawh chu thil harsa anih thehlul nen, chutiang ang i nei chu i vannei hle mai! A taka thawhchhuah hi harsa mahse, nu tan chuan, inchhung enkawl, fa enkawl te hi rawngbawlna ropui tak chu ani tho mai hian ka hria. Irene :E khai i tilamwawm e! Nangpawh I hnathawhna hmun-ah, Atan a Thuhretu rinawm i nih zel theih nan duhsakna ka hlan a che.Varte :Hotunu, upa-in ,'hnunglama sa barh' an tih ang deuhvin – tum loh deuhvin heng thil hi kan tawnga, a chhawr tangkai leh hlawk zawk chu kan ni ta der chu anih hi ! 🙂

    January 5, 2010 at 3:42 pm

  6. a va thra kher em… thawk ropui lutuk nangmah atrang hian inzirtur tam tak ka nei e

    January 8, 2010 at 6:41 am

  7. I va ropui bik em? Kei misual hian ropui ka ti tlats. Chhura sekibuhchhuak i ni emaw ka lo tia, Pathian sekibuhchhuak dik tak i lo ni e…

    January 8, 2010 at 2:22 pm

  8. Reached leh Unreached tih thumal pahnihte hi Kohhran huang chhunga hman a ni zauh zauh nain … practical hian kan hmang lo khawp mai tih chu a lang reng.Misualte pan ngam Kohhran leh misualte pan ngam Rawngbawltute hi kan mamawh ngawt mai!Zeng pawh mi paliin Isua hnenah an zawn thleng ta mai ang khan … Chhura leh Naa-ten in hmanrua in hmang thiam hle mai!

    January 8, 2010 at 4:28 pm

  9. Hotupa, in rawngbawlna ropui tak ngaihthlak hi a manhlain min tichaktu a tan ka lo hmang ve thin a nia.

    January 10, 2010 at 10:06 am

  10. Hotupa, in rawngbawlna ropui tak ngaihthlak hi a manhlain min tichaktu a tan ka lo hmang ve thin a nia.

    January 10, 2010 at 10:29 am

  11. He post chuan rilru a khawih ngei mai. Patianin in thian dun chuan A tana ram la turin hmang zel che u rawh se.

    January 11, 2010 at 5:59 am

  12. Ropui lutuk hotupa! Rawngbawl hi ni e, a peih lo tan chuan tih ve mai mai theih a ni a, a inpe tan erawh damchhung pawha thawh sen loh a awm si!Thu dang alai chuan ri ret ret ka lo hriat ve kha a ri ta rut rut lo nge, a thawm riva hre phakah ka awm lo zawk?

    January 11, 2010 at 7:56 am

  13. a ropui ka ti…may God be with you and with your new found friends…P.S: Delhi chu i lo kal ta lo nge…enge awmzia?

    January 11, 2010 at 9:56 am

  14. a ropui ka ti…may God be with you and with your new found friends…P.S: Delhi chu i lo kal ta lo nge…enge awmzia?

    January 11, 2010 at 9:56 am

  15. E Hotupa, Delhi a ka hriat thin dan ngawt kha i lo ni tawh hleinem mawle. I piangthar tha tawh bik em mai, min la 'Counselling' ve dawn nia 🙂

    January 20, 2010 at 5:37 am

  16. dolien:Chutia mawni bik le! i ti lawmawm e:-)Vaiva:Hehe! kei misual hian lawmawm ka ti e:-)chawnghilh:A dik khawp mai. Unreached te thlen phak zel hi a pawimawh khawp mai.haha.chhura te pawh hi an lo chhur viau anih dawn hi :-))puibawiha:Ti lawmawm e hotupamesjay:Hotunu ti lawmawm e.faka:E khai , hotupa Zoramah kan cham dun lai a ni in ka hria. Engtia in biak pawh chi nge ni dawn aw ?virgochhass:awmzia vak ka la neih loh a vangin ka la rawn delhi thei lova

    January 20, 2010 at 9:04 am

  17. sei deuh duah hi ka chiar peih hlol lo… 2nd para atrang ka chhiar a.. tum loh deuh in ka chhiar chhuak der mai.. Rawngbawltu tam tak hi chuan zu dawr chhung chu sawi loh, a bul hnai a awm te hi an zak tlat nia.Hmaan kum ah Red Rose vanglai (drug vel lar hma) khan, durtlang lam mi pastor pakhat hi kan zu in na thrin ah a rawn leng lut ve leh zauh thrin..

    January 20, 2010 at 8:28 pm

  18. changte_ll:hehe! nia, kan la ti dawn nia 🙂 Nisi hoten in inmelh reng tawh ang chu maw ? :-)alexxfender:ti lawmawm e. Hetiang lamah hi chuan El Bethel, speaker Pu K Lalhmingliana te kha an angihawm thin.

    January 21, 2010 at 9:12 am

  19. Boss..nangpoh blog update lamah I sang bik lo hle mai maw :PHei I thaichhawni nu pic khawi ah emaw ka chhar a ka blog ah ka hmang duh sia ka ru ania, ka rawn in ripot e 🙂

    January 28, 2010 at 7:09 am

  20. Jerusha: Mi blog a mi misual-ah ka rawn post chhanwg ve mai mai anih kha 🙂

    February 2, 2010 at 11:54 am

  21. Hotupa 'mafaka_c at yahoo dot co dot in' ah hian min rawn contact ta che. I nau nen chuan hmanniah kan inhmu tak asin!

    February 4, 2010 at 7:47 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s