Chhurbura roh em em; Nahaia'n neihsak phet a tum!

[ Isua, Israel Tlangval I Hre Ngai Em ? ]


Tlangval inkhaitli thlerh thlawrh, kalna apianga bag lian tak ak reng mai ani ! Chu bag lian tak chu, English Dictionary Bu chhah tha em em mai chuan a luahlum reng bawk ! A thianten English -Dictionary -Kalthei-a antih fiamthu thin ani. A hming tak chu Zhang-a a ni .

Lehkha thema Saptawng thumal hrang hrang a ziah chu, akalna apiangah a keng a; bus a chhuanna-ah ani emaw, University Cafeteria a chaw a ei lai pawn, chu lehkha thema saptawng thu mal chu a hmui phun talin a chhiar thin. Ani anga Saptawng zir nasa hi ka la hmu lo!

Kum 2007 khan he tlangval hi, University Campus – a thian kawm tur ka zawnna lamah ka tawng nawlh maia. Inkhelhte a tui ve avangin, kan inkhel ho zeuh zeuh va. A zirlaiah a buai em avangin, kan inhmu / inkawm tam thei meuh lova.

Thla hmasa khan, ” Yuehan, Kunmingah I la awm em ? Isua, Israel tlangval I hre ngai em ? “ tih hi Chinese in min rawn SMS a. ” Hre ngai e. I hriat belh duh chuan ka hrilh thei ang che ” tiin ka chhang a. ” Isua, Israel Tlangval I Hre Ngai Em ? – tih lehkhabu te takte ( booklet ) ka chhiar mek a. Ngaihnawm ka ti lutuk a, an ziak chhipchhiar lutuk lova. Engtin nge a chanchin kimchang ziahna lehkhabu ka hmuh theih ang ” ati leh. Ka phur ta khawp mai a.

” Khawvela, Isua Israel Tlangval chanchin ziahna tha ber lehkhabu ka nei alawm. I duh hun hunah ka pe thei che “ ka ti leh a. ” Anih chuan, tlaiah ka rawn lam ang “ ati a.

Tlaiah chuan alam turin alo kal vang vang a. Kan inah chawte a ei nghal a. Ka lehkhabu ( Baibul ) pek tur chanchin chu ka hrilh nual . Hei aia Pathianthu hrilhna hun remchang leh hlu a awm love tiin, inthlahrung miah loin; Isua, Israel Tlangval chanchin chu ka hrilh ta mial mial a. Ngaihnawm a ti hle !

Saptawng thiam a duh tih ka hriat avangin, Chainis Baibul, English nena awm kawp chu ka pe a. ” Isua Israel tlangval chanchin, Chinese tawnga ziah a awm reng reng ka lo ring ngai lova. Tunah chuan A Chanchin kimchang takin ka hre thei tawh dawn ani ” ati a , a hlim em em mai.

Chainis thalai tam zawk hian, sakhuana lam hawi lehkhabu a nih chuan an chhiar tha peih lo tlangpui a. Hetia tak mai a Isua chanchin leh sakhuanna lam hawi lehkhabu chhiar a chak em em mai hi; Lalpa’n riltamna hmangin a thinlungah hna alo thawk daih tawh ani tih hai rual ani lo !

Zhang-a hi a nun a tuihal hle a, Nun Awmzia – hi a hriat a duh ngawih ngawih a. Tunah hian Chanchin Tha Johana ziak a chhiar meka, Lalpa a hnena a inpuan ngei theih nan in lo tawngtaipui a ngai khawp mai.

Isua, Israel Tlangval Chanchin ziahna Lehkhabu i chhiar ngai em ? :
Israel Tlangval – chanchin ziahna lehkhabu kimchang chu, Zhang-atan chuan a hlu em em mai a, achanchin a chhiarin hriat belh zel achak a. A theih ang angin azawng a, azawn hmuh hnua a hmela lawm hmel leh hlim hmel kha ka mitthla-ah hian a cham reng mai !

Nang leh kei chuan, he Isua, Israel Tlangval chanchin Ziahna Lehkhabu hi kan chhiar sen loh kan nei tiraw ? Ngaihnawm ti tak a kan chhiar lohna arei tawh viau long maw ? Chu LEHKHABU chu engtin nge i tih le ?

[ Hei hi September Thla Newslettera ka ziah tel ani a, tlem siamremin tah hian ka’n rawn chhawpchhuak ani e ! ]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s