Chhurbura roh em em; Nahaia'n neihsak phet a tum!

[ Yu’ An Mountain : Biking ]


Yu ‘ An Mountain hi Kunming khaw pawn a awm ani a. Kan in atang hian 15 Km vel ani. He tlang hi a la ngaw tha em em mai a. A bul lawkah hian, Qiong Zhu Temple a awm bawk a.

Nimin ni 29 Zirtawpni khan, khawpui hulum leh bengchheng vel tlansan in, biking in ka va kal a. Ngaw chhung, reh raih mai a, mahnia hmanhmawh miah lova hun han hman chu, a hahdamthlak hle.

A kalkawng erawh ka zuam aiin a ngan deuh !

Ka sakawr patuai πŸ™‚

Kawng pui pangngai , blacktop hi Km 5 vel ani a. A chhoin a kawng alian lo hle a. Motor veivak erawh an tam nek a, fimkhur pawh angai hle. Hetiang hlira kawng chho, KM 5 vel han rah tauh tauh hnu chuan, ” Thlan chhuak tur pawh ka nei tawh lo anga, a chhuak hnem e mai “ tih mai awl tak ani .
Km 3 vel chu hetiang hian kawng hi black-top loh ani a. A khu tha hle a, KM 3 vel tlan hnuah chuan hnapkhir pawh a ei tlak tawh lo ! πŸ™‚

Ngaw chhung thlen chinah erawh chuan boruak a lo vawih raih a, hram chi rannung chi hrang hrang hram rite chuan hah an ti dam sawng sawng a. Wild Mushrooms ram pa / pachhia te leh pat-ek mai mai te pawh chuan min tihlim em em tawh mai ani.

Ngaw chhungah hian feh kawng ang deuh hian, kawng te tak te te a awm nual . A kawngte athat loh avang leh atet avangin tlan chhung arei hle a. Hmun thenkhat laiah phei chuan kan thirsakawr kan put lawp lawp angaih chang pawh atam mai.

He lei hi a inthen duh viau mai a, tlan chak ngam a har nek !

Ko pang atanga tui lo put te pawh chu in tlak a thianghlim ani a, avawt in a tui hle a. Kan naupan lai a, ka pute vau va sihtui kan in thin laite minti hrechhuak rum rum mai. Chinese ho ZOtui thiang te pawh kan ti ve mai aniang chu πŸ™‚

Ala ngaw tha phian nangin sava erawh hmuh tur an vang hle. Sakei te, savawm te , Sakeibaknei te lo zi nuaih nuaih se kan tih nen πŸ™‚

Tui han put pawh a tam hle a. Nakinah chuan he Kan Pi hi, kawng kama zun ram a lo thiar hi ka hmu a. Tuikhur a awm hnai leh hnai loh ka zawt a, ” Awm e “ a ti a. Tui awmna lamah chuan min hruai a, minutes 25 dawn kan in zui hnu chuan kan thleng a, an pa nen chuan chu tuikhur ( tui put ani zawk mah ang chu ) tui chu an lo chawi chu niin. ” Tui in va chawi hla ve ? ” ka ti a. Ani chuan, ” Helai ngaw tui hi athianghlimin a tui bik a, a chawi turin kan pa nen hian kar tawp apiang hian kan kal thin “ a ti .

Kham lo taka ngaw chhunga hun ka hman hnu chuan, KM City lam panin ka in khalh chhuak leh ta a. Haw lam erawh a chanve aia tam mah chhuk anih tawk avangin tlan chhung a rei lo hle. Ka kham lo hle mai !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s