Chhurbura roh em em; Nahaia'n neihsak phet a tum!

[ Chhang Thlawk Thei ]


Chinese ho hian an tawnga an neih lo pawh hi an mahni tawng hian an let a, an tawng-ah an seng lut zel mai a. He hian an tawng zir pawh hi a ti khirh phian. Mihring hming atanga, khawl thil thlengin an mahni tawngin an let zel a. Thil hming an leh pawh hian, kan ‘ thil ‘ hman dan leh a hnathawh dan a zir khan a hming an vuah mai a. @ Pic : Chinese script a inziak khi, Indu Fei Bing + Indian Roti = Indian Chhang thlawkthei 🙂

Entirnan : Thlawhtheihna chu, ‘ fei ( fly / thlawk ) ji ( khawl lam thil ) ‘ an ti mai a. Handphone te pawh, shuo ( kut ) ji te an ti leh mai a.

Tin, mihring hmingte pawh hi an mahni tawng zulzuiin an let leh mai a. Entirnan footballer lar KaKa te pawh, Ke Ke an ti a. Ronaldo pawh, Lou -er-Dou an ti leh mai bawk a. Ram hmingte te hi, Brazil pawh, Ba Xi an ti a. India pawh hi, In Du. China pawh hi an mahni tawng chuan, Zhong Gou ani daih a. Chinese tam zawk hian China tia sawiin hrethiam miah lo hi atam zawk an ni.

Kar hmasa khan, Chong Qing-ah thil pawimawh tiin ka han zin a. An khaw hlui ( old town ) kan tlawh pah a. Tah chuan Tamil Nadu pa ( Tamilian ) hian, Indian Roti alo zuar a. Chinese tawng athiam em em mai a, alo dak zat zat a. A chang leh anmahni local dilect ( Chong Qing Hua ) in a tawng zat zat bawk a. Ka va kal hnaia, Indian ka nih a ring lo aniang chu, Chinese tawng chuan min lo be luam a.

Chinese tawngin ‘ Roti ‘ ( Indu Fei Bing ) hi ka lo la hre ngai lova. Engvangin nge, Indu Fei ( thlawk / fei ) Bing ( Indian Chhang thlawk thei ) an tih daih chu aw ka ti a. A chhan awm ka ngaihtuah ta a. A roti siam an vawrh vir vel avang kha ni ta berin ka hre ta a. Dik tak maw !! 🙂

Flavour hrang hrang a siam a. Chu ‘ chhang thlawkthei ‘ chu pakhat rmb 10 ( Rs 60/-vel ) ani a. China rama a vawikhatna atan chu ‘ chhang thlawkthei ‘ chu ka eive ta a ! 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s