Chhurbura roh em em; Nahaia'n neihsak phet a tum!

[ Ka Pa Hming Ka Theihnghilh ! ]


Hun ka neih loh em em vang ani hran lo. Engnge achhan ka hre bik chiah lo ! Tunlai chu blog a han ziah tur emaw post tur emaw hi ka van em em khawp a. Blogger/ blogspot lah hi, kan awmna ram sorkar hian an lo blocked ve leh zel bawk nen ! Proxy hmanga kan tih kual fe hnuah kan lut thei chuahva.

Thiante blog thenkhatah lah comment ka ziak thei bawk si lo. A, chuzawng chhuanlam atling chiahin ka hre bawk silo. Tihchawmawlhin ka awm ani ber a nge. PA te hming theihnghilh tloh tloh awm pawh ka ni e !! 🙂

Kum hnih hnuah mahni ram lam panin hlim takin ka hawng a. Kolkatta Airporta counter-ah chuan kan intlar thap a. Kan thawhna hnam BUYI ho siam handicrafts, bawmrang pathum vel laia ka ken bawk avang chuan custom ho chuan ka hun pawh a thlen hma chuan min rawn pan nalh a. Min la hranga, ka passport min dil a, ka pe chu, custom officer pa chuan, ” Indian i ni maw ? ” aw ngaihno bei lo deuh chuan an ti he haw a. Kei chuan, ” Aw ni e ” ka ti mai a. Ka passport chu a bih leh a, ” I pa emaw i nu emaw Chinese an ni em ? ” ati leh a. ” Ni lo ” ka tileh mai a.

A tarmit power tam tawk kar atang chuan rum deuh hian min rawn melh leh a. ” Heng bawmrang ah hian engnge awm ? ” ” Kut a siam thil ” ka ti leh mai a. Ka chhanna-ah chuan alungawi zan lo aniang chu, ka bawmrang ken pathum chu amal mala hawng turin min ti a. Keichuan thuawih takin ka hawng leh mai a. ” Hengte hi tu siam nge ? ” ati leh ta zel a.

Fanai Pawih thinin atuar ta vak lova. A siamtu pa chanchin chu, a chehpakaiin, a hming,a khaw hming, ahnam hming, anupui hming, afate hming , atute hming ka hriat zawng zawng nen lam chuan kan hrilh ta mial mial a. A b-aptistma chan ni te nen lam sawi ka tum mek lai chuan, ” Atawk, atawk…” ati ta chul a.

A hawi vawl vawl a, anih ” Tunge I pa hming ? ” ati ta thut mai a. Ka pa hming ka sawi mai thei ta lo….ka theihnghilh ta tlat mai a !! Chu vaipa ngaihdan chu an nih loh hmel mai mai khawp a. Chinese pa chanchin i hrechiang em ema, ngatinge i pa hming pawh i hriat loh ati ta kher kher mai a.

Han sawi leh chuan tur vak ka hre silo, ka passport-ah khan a in ziak ka ti ta ngawt a 🙂 Bengali tawng chuan a rak nawk nawk a, ka passport chu min pe let a, ” Tah sawn va kal la, form fill up tur a awm ” atia. Room pakhatah chuan min tir phei ta a. Ka bawmrang nen chuan ka phei ta hna hna a!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s