Chhurbura roh em em; Nahaia'n neihsak phet a tum!

[ Meizial Mawlh hi ! ]


Mizote hian meizial hi  kan zu nasa tih hi phat rual ani lo. A zuk a zuk lam chi hi kan uar ve hrim hrim em ni chu aw a tih theih. Kan tet lai chuan, thakthing hi kan zu thina, athlum tui thei hle.Tin, iskut kuang hi kam thip thumin ka zu thin bawk !
Mizote pawh kan changkangve zel a, zuk leh hmuam lamah pawh hian kan ziaawm tan viauin a hriat a. Town bus / City bus chhunga mei zu pawh hmuh tur kan awm tawh mang lo. Chutihrual chuan, a zuve lohte ngaichang lek lova zinkawng leh puipun nikhua a la pak khu tual tual hmuh tur pawh an la tam.
Meizial zuk hi taksa tan athat lohzia hi chu a zu ate bawk hian an hrechiang ang. Han zuk regu viauva, karhnih khat vel han zuk loh pawh hian, min tihthawven zia leh  kan thawkna kawng atih ven zia chu azu te bawk hian an hrechiang ang. 
Meizial zu turin tumah kan induhsakin a rinawm loh ! Zuk thatlohzia te school ahte kan sawi a, ziakmiten chanchinbu leh megazine ah te an ziak chamchi a, engtiang chiahin nge nghawng aneih chu ka hre ve phak chiah lo. A sawt viau tho turah chuan ngai phawt ila!
 En vang vang la, khawi zawk hi nge ilei / i thlan  ang ? (A cigarette tui leh tui loh chu lo dahtha taila. )
Thlalak a kan hmuh ang hian, Thailand-ah chuan ( Singapore ah pawh hetiang hian an ti a, ramdang hian an ti ve hlawm em aw ? ) an cigarrette kawmah hian mezial zuk nasat luat avanga ha chhia thlalakte leh kawchhung cancer  an zai lai thlalakte an dah kuau mai a, han en reng reng pawn atui hnai lo nghal em em a. Lei hi a chakawm loh hliah hliah bik. Cigarette bawm a  ” Cigarettee Smoking is Injurious to Health ”  tih, te reuhtea ziah aichuan, zial zu lo tura infuihna tha tak niin ka hria. 
A dik tak chuan, Gold Flake te, Wills te hi chu abawm ringawt pawh hian min hip nghal bik riau asin ! Nula rimnaa gold flake emaw Wills navy cut ngei mai han phawrh hi chuan tlangval chu kan ngaih atha viau thin ani lawm ni kha ! 🙂 
Khing Thailand cigarette, akawma pa pakhat then thu angte hi, wills leh gold flake -ah te hian han nem kaive se chuan tuna zu tam tak hian kan thinhrik phah deuh lo maw! Nula tawih deuh rimna a phawrhchhuah a chi dawn lem loh tlat !
Khitiang ang thlalak nemkai khi meizial zu lotura infuihna tha tak pakhat niin ka hria. Thu tam tak a sawi ! Kan ramah pawh tive taila meizial zuk te hi kan tui lo deuh phah angem ? A bikin la zuve lo te ven nan tal pawh ? Article thui tak tak a, meizial zuk that lohzia sermon chiam ai chuan a thawk hlawk viau mai thei a sin !
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s