Chhurbura roh em em; Nahaia'n neihsak phet a tum!

[ Xi ‘an – Terracotta Warrior ]


Kum 2006 May thla chawhnu lam khan, ka Mizo thiante , Xi’an – Shaanxi Province a awm tlawhin ka han zin a. U Rema leh Beii ten hneh takin min lo mikhual a. An hna an chawlh lai ani lova, Zirtirna lamah an buai chung chungin ka cham chhung ka hman nawm loh hlauhin, Xi’ an khawchhung min fanpuiin, eitur tuihnai tha tha, kan Khuaa kan neih ve loh ang chite min eipui reng bawk a. Ka tlai hle ani.
Xi’an a kan Mizo awmte an thawhna University theuhte ka hmuhpui thei bawk a. Zirlai ho zinga remchang ang ang leh Pathian hruai ang zel a, a ram tana an thawh dan te han hmuhin min fuih thar tak zet ani.

Ka cham chhungin, Mizote, thlatina an tawngtai ho hun ka han nang hlauh bawk a. Hetah hian, Mizorama BCM hnuaia, kan Zosap Mizoram chhuahsan hnuhnung ber, Pi Joana-i alo tel thei bawk a. Ani ka hmu thei hi vannei ka inti hle bawk. Mizo tawng tam zawk ala hrethiam a, ala chhiar thei bawk a. Kan tawngtairual zawha, Lalpa Tawngtaina kan sawi rual pawn Mizo tawng kan hmanga, a la sawi dik thlap thei mai ! Mizoram-ah kum tam tak, Lalpa tan a thawh hnuah , hetilamah te rawngbawl ala thlang zel te kha avan ngaihsanawm em ! A kum lah atam ve viau tawh si !

Lalpa ram tulna hmufuh laklawh tawh hi chuan, an damchhung hi an pe tak zet zet ani. Pension tihvelin ati buai ve lo teh pawh aniang a ! Nge, Pathian KOHNA ah hian pension / ritired tihvel hi a awm ve lohah an ngai zawk ! Tunlaia rawngbawltu inti ( mi saw nari ) ten zirtur, hemi chungchang-ah pawh hian kan ngah hle awm asin ! Hunawl / Hmun awl hnawhkhah nan mai Pathian rawngbawl hi an lo thlang lova , Sorkar hna hmuh loh vanga Pathian rawngbawl phei chu anni lo chiang khawp ang le !

Tin , ka chamchhungin Terracotta Warrior, hmun hmingthang tak pakhat ka va thlawh ve bawk a.

Terracotta Warrior / Terracotta Army ( Bingma Yong ) hi Xi’an khawpui larna ber pakhat ani awm e. He hmun hi , 1974 khan loneitu ten, tuichhunchhuah lai an tumna lamah an lai chhuak ta a. Thlan te reuh te te te, kuang / Thingrem chhunga ruhro awmte leh hmanraw chi hrang hrangte an lai chhuak bawk a. Chuan Archeologists ten, chhiangkuang zawkin an bei zui ta a.

He hmun hi, China Emperor hmasa ber nia an sawi, Qin Shi Huang Di thlan ( tomb ) ani mai a. A chhungah hian, Sipai ( Terracotta warriors = BingMa Yong ) tam tak lim chu an phum tel ta ani. 8th Wonder of the Ancient World -ah telh ani bawk.

Nitinin Tourist tam takin an tlawh reng a . A hmun pawh anti nuamin an chei tha hle a. A hlutna em em hrethiam pha tan lo chuan, Sipai milim , sangriat vel dahkhawm, ding tlar thut atih mai thei a.

Keipawn han sawi belh em em tur ka hre hran lova. Nimahsela, Khawvelah pawh hmun hmingthang ni phah ve, kei tlangval tribal ke phah hlaiin ka’n hmuve ta kha, U Rema min kalpui tu, Jenis-i Xi’an ka zin theih nan a kawng min sialsaktu te chungah erawh ka alawm hle ani !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s