Chhurbura roh em em; Nahaia'n neihsak phet a tum!

[ Lu La Hnam Kan Ni Chiah Em ? ]


Mizote hi ‘ Lu La Hnam ‘ ( Head Hunter ) kan ni e kan ti fo thin. Kei ngei pawh hian hnamdang thiante bula kan Mizo history ka sawi chang hian, Mizote chu ‘Lu La Hnam ( Head Hunter ) kan ni thin, tiin ka lo sawi ve fo thin . Chumi hnua min zawh zui fo chu, ( abikin Sap ho ten ) ” Anih chuan in pi leh pute chuan mihring sa an ei thin em ? ” tih hi ani. Head Hunter ( hunting ) tih leh Canibalisim tih hi alo in kungkaih viau em ni dawn ni ?

Head Hunters te chu ? :
Mizote chauh hi Head Hunter, Lu La hnam tia hriat kan ni lova. Khawvel hmun hrang hrangah Head Hunter tia hriat hnam tam tak an awm. S E. Asia -ah te, Papu New Guinea leh Amazon Basin-ah te pawh an awm nual . Heng Head Hunter tia hriat hnamte hian an mi va thah a sa an ei zui tak sawi tur pawh a awm lo niin alang. Tin, an lu lak an sawngbawl zui dan pawh a in ang lo hlawm hle.

Pi leh Puten an Lu lak an sawngbawl dan :
Kan pi leh puten, ral lu an lakin awm ni kham hial in an lam thin. An la urhsun em em bawk. Chu chu ‘ Ral lu lam ‘ an ti a, Hranglam emaw Mual lam pawh an ti bawk a ni awm e. He lam hi lu lam zinga ropui bera an ngaih ani. Nula leh tlangval te pawn an thawmhnaw tha ber ber an ha chhuak thin. Hemi ni hi Mihrang or Pasaltha te ni a ni ber awm e.Pic : Mizo Lu Lak chem. Pu Henry Vangchhia in he thlalak phal taka min hman tir avang hian ka lawm hle .

Engvangin nge ral lu an lak ? :
Lu La Hnam kan tih hnamte hian an lu lak chhan a inang vek awm love. Kan Mizo pi puten mi lu an lak chhan ber ni a lang chu, an ral beihna ah ani. A pawng atakin mi awm mai mai lai lu an la ngawt lo. An sawi dan berah pawh ‘ ral lu la ‘ an ti kher thin.

Ral an beih nikhuain an ral beihte chu an that ngei ani tih hriat nan ( evidence ) , an ral thah lu chu an hawn ta mai zawk thin niin alang a. Tin, an ral beihna lam a hlat deuh phei chuan, an lu aiah, an ral thah sam, avun telin an hawn mai bawk thin. Kan pi leh pute khan Mi lu lak hrim hrim duhin , mihring lu kha hlu ta em em mai nise. Sai ram chhuah tih aiah te, Mi Lu lak ramchhuah tih tawngkamte pawh an neih ngei a rinawm. Mi lu la tur hrim hrim khan an rammut fo a rinawm bawk. Nimahsela, an rammut chhan ber chu ral bei, indo turin ani a, Mi lu la tur hrim hrim erawh chuan an rammu ngai lo niin a lang.

Abikin Saptawnga kan sawina, Head Hunter tih hian ngaihdang dang a siam awl deuh em ni chu a tih theih bawk.

Hnamdang zingah te , hnam huaisen nih duh vanga Head Hunter hnam ka ni in tih fo te hi a chi ber em ? Kan pi leh puten ral an beih nikhua a, an ral beihte lu, an that ngei ani tih hriat nan an hawn thin avang mai khan, Lu La Hnam kan ni tih hi a dik ber em ?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s