Chhurbura roh em em; Nahaia'n neihsak phet a tum!

[ Welcome To The Land of Smile ! ]


Nizan zanlai dar 12 vel khan Bangkok airport ka thianpa nen kan thlenga, Chiangmai a khawmpui pakhat hmang tur kan ni. A tuk zing kara Bus a Chiangmai pan leh mai tur kan nih avangin, Airport atang chuan chhuak lovin, kan awm tlaivar ta a !

Bangkok Airport kan han thleng a ka hmuh hmasak ber chu, ‘ Welcome to The Land of Smile “ tih inziak, a bul chiah a Thai nula nui mawi deuh mai lem chuang hi ani ! Hah hi a dam nghal sawng sawng mai ani ! 🙂

An airport lah hi an lianin a afai em em mai a, thawktute an felin an hawihhawm em em mai bawk si a. A hahdamthlak bik khawp mai ! Anula te lah an chhelo, an zen zaih vek mai a, Aizawl Super model tur awm lek lek hi an in pel suau suau ani ber e !Internet leh phone tih pawh a awlsam khawp mai, credit card leh Thai coins hmang ten a hmang theih !
Zingah bus in Chiangmai kan pan a, zan dar 8:30 vel khan kan thlenga, kan thawhpuiten min lo hmuak a. Kan thlenna tur pawh min lo tihfel sak vek a, kan van lawmtak em ! Kan thlenna hi ‘ rawngbawltu’ bikte tan deuhva an siam ani a.

@ pic : living area
Hotel ang pawh nilovin, in an luah ( rent ) a, hetiang hi rawngbawltu te tana rawngbawl leh chhawnna chikhatah an ngai a, an din ani awm e ! ” The Dwelling ” tiin a hming an vuah ( hrechiang duhtan tan hian click rawh)

Thlalak dang en duhtan hei hi click rawh: more pictures
Hetiang hmun nuam a, man chawi ngai lova min thlen tir hi kan lawm hle a, Lalpa thatzia amite kal tlangin kan dawng leh ta !

Chiangmaiah hian, 15 Jan thleng ka cham dawn a, zan dar 9 hnu lamah chuan kan free dawn a, helai a kan khawmpui thu leh hla vel rawn pho chhuah theih/ phal loh dawn avangin, kan kal chhan tak ni lem lo zawk, ‘ Chiangmai leh a behbawm ‘, tih ang chiten emaw, anih loh pawn nula chhelo deuh deuh thlate kan tlangvalho tan rawn chhawpchhuah thin ka tum ang ! 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s