Chhurbura roh em em; Nahaia'n neihsak phet a tum!

[ A Liam Ta- Krismas ]


Lo hre hmasa la :

Kan awmna ramin a zirloh avang hian Internet khawvel a, kan rawngbawlna lam kaihhnawih te pho chhuah hi kan pawl ( org ) hian a remti teh chiam lova. Rilru a awm ber na na na chu, kei hian at huai chhuah hian ka rawn pho chhuak leh mai thin pawh a ! Tunah pawh hian kan Masi hman dan thenkhat , ka newsletter a ka ziah siam rem ka rawn chhawpchhuak leh a, kan Masi hman dawn zawng zawng ziah vek a chakawm rualin atlangpui tak meuh meuh a ni e!

Thlalakte pawh hi rawngbawlna lam kaihhnawih lo thei ang ber a ka ngaih ka’n dah ani e!

Krismas Chu Engnge ? :
Zoramah chuan Masi hi kan hunpui ber ani a, a lawm tur pawn kan inbuatsaih nasa thin hle. Lawm pawh kan lawm nasa thin hle reng a. Krismas awmzia hriain kan lawm a, a awmzia kan hriat ang erawh chuan kan lawm thin em tih chu zawhna lian tak ani ta !

Chinaah pawh hian Krismas ( dec 25 ) hi anhre lar ve tawh viau a, abikin khawpuiah chuan dawr kawtah te, kawn lunlai te pawh an cheimawi ve nasa thei hle. Krismas putar a lar hle a, a piancham kan lawm zawk tak Isua a hliah hneh hle ! Kan Chinese thian tam zawkte pawh hi Krismas putar leh Krismas la hre hrang mang lote, Krismas Putar hi Isua pa emaw lo ti tawk te an ni nawk mai ! An dem awm loh ve ! Keipawn ‘ Zhong Gou ‘ hi ‘ China ‘ anti tih ka hriatna kum tam a la vei bik lo ! šŸ™‚

Pu. Lee-a Sikul-ah :
Pu Lee-a hi, Kungfu thiam a ni a, intihsiakna hrang hrang ah te atel thin a, rampum huap ang pawn lawmman, trophy leh pawisa faite a dawng thin. Kristian ani lova, mahse, mifel tak mai ani a, henga a pawisa dawnkhawmte hmang hian, sikul a din a, abiktakin he sikul hi, sikul tha a kalve thei lo, mi retheih lehzual zawkte tana a din ani. Zirlai 300 vel tunah hian a nei mek . Tin, amah hian nu leh pa nei lo, naupang 20 lai afa angin a enkawl mek bawk .
Pu Lee-a chanchin hi kan thawhpui thenkhatten an hriatin, tanpui theih ang anga puih nise an ti a. Amah a lo inhawng bawk a, kan tan remchang tak aniin kan hria a. Tun kum kum laihawl vel atang khan kan theih ang angin, saptawng zirtir lamah te leh sikul naupang thenkhat fee pe theilote tan fund raise sak ang chi ten hma kan la a.

Tun Krismas ni ( dec 25 ) pawh khan nileng in Pu Lee a sikulah hian hun kan hmanga. Taiwan leh America atanga team lokal te awm laia ni bawk a. Taiwan team ah hian ha lam daktawr an awm avangin ha enkawl dan leh ha nawh dante an zirtir a. American team hian Saptawngte an zirtir bawk a. Chawhnu lamah chuan, Krismas thawnthu te, leh Isua chanchinte kan sawi a, drama leh Musical skit hmang ten an entir bawk a.

Chinese naupang tete ten, Isua nu leh pa anga fel nu leh pa ka van duh ve an ti te. Ka len hunah chuan Isua ang kha ni ve ka tum ang. An han ti rual dial dialte ri te kha avan mawi tak em ! Kan Lalpa bengah pawh hian rimawi ber anih ka van ring em ! Lalpa malsawm mawlh ang che !

Thawktu hoin : Kan pawl hnuaia thawktu awm ten ni 24 zan khan gift exchange leh chawhlui kil hona te nei in hun kan hmang hova. Kan hlim tlang hle !

Krismas Inanglo :

Ruaipui kan threh lo, Masi thing kan phur lo , Masi bawng leh vawk kan talh lo, Masi thawhlawm kan khawn lo, Masi kawr thar kan nei lo, Masi tukah zaipawlin hla kan rem lo, Chhungte nen kan hmang ho lo, chhangban kan deng lo, peih lo chungin kan zaikhawm lo, Krismas kan nawn lo, kan rui lo , Masi tukah upa bengvar deuhten Krismas Chibai an rawn sem hran lo…….NIMAHSELA, Krismas hlim tak leh hlawk takin kan hmang niin ka hria ! HamaraDesh Party : KM a awm ang ang, Hamara Desh hovin ni 25 zan khan chawhlui kil hona te neiin tawngtai hona leh zaihona te neiin hun kan hmang bawk a, kan hlim tlang hle bawk !

KUM THAR HMAN NUAM VEK U Le … !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s