Chhurbura roh em em; Nahaia'n neihsak phet a tum!

[ Miao Khua-ah ]


China sorkar hian, hnamte nau zawk ( minority groups/tribals ) hi 55- officially a pawm anei a.Chung zinga hnam lian deuh pakhat chu ‘Miao’ hnamte hi an ni. Miao hnam chhungah hian hnam peng hrang hrang tam tak a la awm leh bawk a, heng hnam peng tam zawk te hi chuan an tawng pawh an inhre pawh lem lo. China, Laos, Vietnam, Thailand leh Myanmar-ah te an awm a. Thailand-ah chuan ‘Hmong’ tia hriat anni. Atam ber hi China-ah an awm a, kan awmna province Yunnan-ah hian 890,000 vel awma chhut an ni.

@pic: Miao nuho

Miao hnamte hi hnam nelawm tak leh thenrual kawm thiam tak, mikhual laka thatchhuah tum tlat thin an ni. Zai leh lam te pawh an ngaina a, tin an hmeichhiate an kut a themthiam a, embroidery hmangin, tarmawi tur leh thuamhnaw thlengin an siam a. China ram chhung mai pawh nilo, ram dangah pawh an embroidery thiam hi an hmingthan pui em em a. Ebay-ah pawh an naupuakpuan siam chu, US dollar 106 laiin lei theih in a awm nghe nghe! @pic : an sikul class room.

Kum 2005 atang khan kan awmna province chhunga, thingtlang khaw pakhata Miao hnam peng pakhat, ‘Bai miao’ ( Miao var/white ) ho zingah rawngbawlna kan tanve a. Kan rawngbawlna hnam ‘tinzawn’ tak ( Buyi) nilo mahse, Pathianin he khuaah hian kawng min hawn sak tlat mai a. In 50 vel awmna khua ani a, ami chengte an la rethei em em a, motor kawng pawhin ala chhun lo khua ani.

@pic: an primary sikul.

Tlang chipa awm annih avangin kal pawh an harsa hle a, thalah phei chuan tui a harsa em em a. An khua atanga an tui chawina hnai ber chu, an khaw thenawm, Km 3 vela hlaah ani.

Kan awmna KM atang hian, rela darkar 4 tlan hnuin, motor te chiin darkar hnih ( China ram kawngtha- ah chuan darkar hnih tlan chu hla ve taka ni ) kan kal leha. Chumi bak chu motor a kal theihtawh loh avangin kein darkar 4 to 5 an khua luh nan kal ala ngai leh bawk.

Kan sawi tawh angin a khaw awmna hi tlang chhip anih avang hian tlawhchhuah an hautak hle maia. Kum 2005 kumtir lam khan ka thawhpuipa nen, he khua hi enthlithlai hmasa turin kan va kala, kan vawikhat kalna a nih avangin, darkar khat vel lai chu kawng kan bo nghe nghe a. Reife kan bo hnu chuan pa pakhat feh haw ni awm tak hi kan hmua, kan kal tumna khuaa mi chu alo ni hlauh mai a, kan lawm teh a sin!

Kum 2005 June thla khan, Singaporean Medical team te kan hruaia, an ni hian naupang te leh puitlingte an hriselna, abikin an pum leh ha te an en saka. Pum lam thalo an tam em em a, tin a tam zawk chu ha pawh nawt ngai miah lote an ni hlawm a. Ha enkawl dan mawl te te kan zirtir bawk a.

Zan lamah an ina lenna hun ( home visiting ) kan nei thin a, chunga kan titi-na vel atang chuan kan rin zawngte leh kan culture, kan lo kalna ram chanchinte kan sawi a. Chanchin Tha hrilna kawnga, a kailawn pawimawh tak pakhat ani.

Pathianin kan rinphak bakin he khuaah hian kawng a hawng nasa hle a. Nikum khan an khaw hotupa ber ( village head/chief ) chu, he khua a Kristian hmasa ber niturin a damchhung atan, Kristian-ah a inpe a, kan van lawm tak em ! Rawngbawlna tawngkam a kan sawi thin, a ‘man of peace’ kan tih ang kha ani tak zet a, kan lawm dan a famkim bik khawp mai !

He khuaah hian Lalpan a hnathawh ropui takin, fing takin min tan sak a, hun lo kal leh zel turah pawh nasa zawk a, a hnathawh hmuh hi ringhlel lovin kan ring tlat ani.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s