Chhurbura roh em em; Nahaia'n neihsak phet a tum!

[ My Favorite Blogs ]


Blog emaw website han siam maite hi a awlsam khawp mai a, amaherawhchu a enkawl zui erawh chu thil awlai tak a ni hran lo. Mizo zingah pawh website/ blog han siam ve mai enkawl zui leh peih lo/ thei lo tam tak kan awm. Kan Kristianna nunah pawh hian ani tho mai, kan hlim vanglai leh lawm laia Lalpa tana engkim huam a inpek chu thil awl tak a ni. Bul chu kan tan tha thei fu a, kan tawp dan erawh a tha vak thin lo. Teirei peih angai a, tih hram hramna, tuarchhelna neih angai fo thin.

Tun tumah hian ka blog tlawh thin leh ka duh zual kan tarlang teh ang. Ka blog tlawh thin dangte ka duh lo tihna nilovin.

1. Zorun :

Anni nen hian ‘live’ in kanla inhmu lo. Mahse, athu ziak atangin mi puitling tak leh Mizo tawng thiam tak ani tih a thuziak atangin a hriat theih. A thuziakte angaihnawm in abengvar thlak thin hle. A thuziakte atangin Mizo tawng ziak /ziah dante ka lo in zir ve fo thin. Mizo history ahre hle bawk a, Mizoram siam thatna lam a vei hle bawkin ka hria. Tlangval zaidam tak leh kawm nuam tak anih kan ring 🙂

2. Kima / Illusionaire / Sandman :

Kum 2006 nitain ka hria, ka thiannu pakhat hian, intithei deuh hian🙂 Kan pa blog hi lo tlawh ve rawh.. a rawn tia. Blog kan hawng chu, a sir dinglamah hian Mizo mipa tih hriat tak mai pakhat hi , a blog a, visitors tih chungah chuan a ban pahnih lo phar chhuak hian a lo ang sen deuh hiam a 🙂 [Tunah erawh chuan a in dawm bawih hle tawh thung 😀 ] Khata tang khan vawiin ni thlengin, ka hman chang apiangin ka tlawh ta ziah a.

Athu ziakte Sap tawng vek ani, saptawng pawh athiam khawp mai. Mizo anih vang erawh chuan Mizo tawng pawn a la ziah ve ngei kan beisei 🙂

Ani hian englam hawi pawh hi a ziak thei vek maia, a saving foam atanga racism, hnamdang nupui pasal neih atanga Puitling sunday school zirlai thlengin a lipse thiam tlat ! Athu ziakte a ngaihnawmin, ngaihtuahna chawktho thei tak leh thlir dan zau takin a ziak thiam thin hi, a KIMAna lai tak ani awm e. Ani nen pawh hian “live” in kan la in hmu lo a, in hmuh a chakawm khawp mai. Kan inchhung hnai viau dawn emaw ka tia, ka inchun leh tak hmel bawk si loh 🙂

3. Jerusha :

A mak ma nge, ka favorite blogger ho chu nung chunga ka la hmuh loh vek te an ni tlat mai! 🙂 Ani pawh hi kan Mizo nula blog zinga blog chhiar tlak leh tlawh manhla tak a ni. Tawi fel tak, kimchang tak si hian, khawi kil atang pawh mai hian thu ngaihnawm leh hlimawm tak tak hi a rawn chhawpchhuak thiam thin. Ani pawh hian saptawng chu ka ke zungpui ti khawp in athiam tih a hriat.

4. Kima Varte / Luliana :

Durtlang tlangval ka lo nih vek zawk tawhna ah, Ani hi nungchungin ka hmu tawh a, ka hmu tawh tih a hre kher lo mai thei. An in bul lawk a, Nurse Hostel a nula kan rim thinte pawh a hre miah lo vang :-). Ani blog hi ka tlawhna a la rei lutuk lova, athuziak te a hlimawmin chhiar aman hla thei hle. Eng eng method emaw pawh a hre teuh mai a, khawlum tawrh dan atranga Vawksa siam dan thlengin. A next post ah chuan, KhangHu kung atanga tlak loh dan te pawh ala rawn chhawpchhuak maithei ani 🙂

5. Azaia / Chabetkaia :

Vanduaithlak tak maiin ani hian tun kum July thla khan mual min liam san a. Ani pawh hi tlangval lunglen thei tak mai leh thu leh hla lama mi tui tak ani. Mizo hla tha tak tak, ka hriat ve ngai mang loh te hi, a hla thu kim thlap thlap hian a rawn post thin a. Tin, Kum lamah la upa lo tak si, Mizo tawng un kan tih ang chite a thiam em em mai hi ka ngaihsan na pakhat ani. Ani blog pawh hi Mizo tawng thiam belh nan ka hmang.

Tawk mai se. In thian Sekibuhchhuak..
Ka lawm e 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s