Chhurbura roh em em; Nahaia'n neihsak phet a tum!

[ Tawnghriatloh Leh Kei ]


Kum tam a lo vei ve ta!Kan veng mawng lamah hian IKK (sen)-IKK hi atir chuan IKK ani tawp a,Ahnu deuh khan an phel a.A sen leh avar ah an inthen anih kha 🙂 ] ho hi Pi.Dengbawihi te in ah hian an zaikhawm thin a.Zan dar 8 vel atangin an zai tran a,zan dar 11 vel atrang hian tawnghriatloh hian an zai chhunzawm thin.Aurinna an hmang thin bawk si a zanrei ah phei chuan a aninawm deuh thin.Lehkhazir pah hian,mutchhuak tihreh nan ka lo ngaithla leh reng thin!Zinglam dar 3 thleng khan an tawnghriatloh mai te thin a,an rau thei vet vet a sin aw!Kha kha tawnghriatloh ka hmelhriat tanna ani awm sin!

Mizo Kristiante leh Tawnghriatloh:

A nawlpui a tlirin Mizote hian tawnghriatloh hi kan uar lo hle a.Kan ngaisang lutuk lem lo.Kan kohhran denomination vangte pawh a ni thei ang.Abiktakin Mizorama kohhran lian Presb. leh Bapt ah ngat phei chuan tawnghriatlohva tawng chu a fawren deuh ruih mai a.Anih loh pawn,tlem a changnu deuh leh changsang deuhte ta turah kan dah a.Keipawh ka ni thin,tawnghriatloh awmzia leh Thlarau lam thil pek ani tih ka hriatchian hma chuan,UPC leh IKK leh khurbing ho vel phuahchawp mai mai ah ka ngai deuh mai thin a.Ahlutna leh a takna ka pawh pha ngai lo.

Thenkhat phei chuan tawnghriatlohva tawng chu kalsual leh thlarau dik lo chang angte hial ten kan ngai bawk a.Tawnghriatloh chungchang inzirtirna emaw te hi hria tur avang khawp mai.Kan tih lutuk ni te pawn a hriat.UPC, IKK , Khurbing leh pawlchhuak thenkhat ta deuh bik emaw ti te pawh kan awm awm a sin!

Tawnghriatloh hi Tawng Hriat a Ni:

Pentikost ni lo thlena pindan chungsanga awmte kha hnam hrang hrang,pianpui tawng inanglo hmangte an ni.Thlarau Thianghlim an chunga a lo thlen khan tawng hrang hrangin an tawng ta a.Mahse,anmahni pianpui tawng ang teuhvin an hre tlat si!Hei hi tawnghriatloh dik tak chu a nih ka ring,Phuahchawp a,in zirtir vak vak chi nilem in ka hre lo.

Kan tranining lai khan karkhat chhung “Spriritual Gifts and Motivational Gifts” tih kan zira.He hun hi tawnghriatloh chungchang ka hmelhriat zualna pakhat chu ani.Min rawn zirtirtupa Dave Brodie chuan heti hian ati,Tawng lam zirmiten,ram hran hran Biakina tawnghriatlohva tawng hi an record a,an zir chiang ta a.Chung an tawnghriatloh record za a 60 chu he lei a kan tawng hman hi ani ati a.

A taka thil thleng ngei asawi leh pakhat chu,Philipino nupa Kum 1o chuang innei tawh fa nei thei silo te chu,Holiday hmangin S.India ah an lo kal a,kohhran pakhat English service ah chawlhni vawikhat chu an va inkhawm a.Praise & Worship leader chu tawnghriatlohvin atawng ta,chu pa tawnghriatloh chu, chung Philopino te chuan anmahni tawng ‘Tagalo’ in an lo hre ta tlat maia.Chumai ala nilo,fa pek an nih tur thu chu a rawn puan sak bawk a.Inkhawm ban ah chuan Praise & worship leader chu anva hmu a,ani chuan eng tawngin nge a tawng tih a hre chuang lo…Tichuan hemi te nupa hian ahnuah fa chu an nei ta !

Tawnghriatloh hi Thlarau Thianghlim [spritual gift] thilpek ani a.Sawi hnawm ngawt chi ani lo.Pathianin a hun leh a hmun a zirin,a hnathawh duh tihhlawhtlin nan a hmang thin.

Mahni experince han zep ve ta lawk ila.

Kum 2001April thla khan outreach in Arunachal a, Adi– ho hnam zingah rawng kan bawl a.Thlakhat chhung zet thingtlang khua tlawh in kan zin kual a.Kan thingtlang khaw tlawh pakhat chu ramhuai, zel tihte,ramhuai man tihte an la tam na ani.Zan khat chu an khaw tualzawlah chuan Musical Skit-Redeemer tih chu kan en tir a.Lo pungkhawm pawh antha hnem khawp mai.Skit kan tih zawh chuan,kan Leader chuan ringtua inpe duh emaw,tawngtaisak duh an awm leh awm loh a zawt a.Mi 15 vel chuan an ban an phar a,keini team ho chu kan in sem darh a,kan va tawngtai sak ta hlawm a.

Tawnglettu pakhat chauh kan neih avangin a indaih lova.Pa valai deuh mai hi ka va tawngtai ve ta a.Ka tawngtai awmzia a hrethiam silo,hrethiam se ka duhna chu alian hle a,Chutih lai chuan Dave Brodie a thusawi hi ka hrechhuak a,tawitein“Lalpa a hriathiam theih nan min tanpui rawh ka ti ta tawp mai a.Chuta kan tawngtai chhunzawm leh chu mak deuh mai hian tawnghriatloh chuan ka rak ta nawk nawk mai a.Kan Amen hnu chuan chupa chu amittui aparawl teuh maia .Kan tawnglettu chu ka kova,chupa chuan khatia tawnghriatlohva ka tawngtai kha anmahni tawng Adi tawngin a lo hre thiam chu ni in.Pathian hian a tum,a ropuina puanchhuah nan leh tih hlawhtlin nan chuan engpawh hi a hmang thei!

Mizo Tawng hi Tawnghriatloh chu A Lo Ni! :
Kum 2002 kum laihawl khan Tami Nadu ah outreach in kan zin leh a. Penticostal Kohhran nen kan thawk hova.Anni Penticostal ho hi tawnghriatloh uar em em mai anni a,Kristian piangthar chu tawnghriatlohva tawng thei vek tur a ngai pawl an ni.

Kan team kha kan vaiin 9 kan ni,North East 4 leh American pa 2,Swedish 1 ,Dutch 2 kan ni.Sunday tuk inkhawm chu kan tui hle mai a, chuan leh,worship leader chuan tawnghriatlohva tawngna hun minute 1o chung a hawng ta!! An pasitawr ka bula thu chuan, “In team hote khan tawnghriatlohva tawng turin hrilh rawh” min rawnti a.Kan team hote tumah tawnghriatloh nei an awm silo.Ka mangang rilru khawp mai a.Team ho chu ka hrilh ta a,an meng phawk nasa ngei mai.Kan thawhpui kohhran ho rilru tihhnual kan duh bawk si lo.

A hnu deuhvah chuan, kan zinga mizo nula awm,Pc-i chu,Pathianin finna a pe ka ti mai.Mizotawng chuan ring deuh mai hian a rawn tawngtai ta a.Ka nuih aza bawk si,nuih chi ni bawk si lo.Tichuan team ho chu anmahni pianpui theuhva tawngtai tur chuan kan ti ta.Pastawr chuan,Praise the Lord alo ti a.Kan lawm kher a sin.

Chutah kan American thiannu erawh abuai hle,an pastawr khan Saptawng ahrethiam si a!Ahnu ah chuan, lecture phase kan neih laia,a naga thiante atranga a Naga mis thiam chu a chham ve ta vak vak a.Biak inchhung mahnise,insuam a har kher mai!Pastawr tan kha chuan Mizotawng pawh tawng-hriat-loh kha ni miau hek le !

Khaikhawmna :
Tawnghriatloh chu tharau lam thilpek ani a.Paul’an alo sawi angin,ahmasaber -ah chuan a tawng tu tana a thlarau lama amah tichaktu a ni a.Amah leh Pathian inkar a ni.Tin,Tawnghriatloh hi Pathianin a tum tihhlawhtlin nan leh aropuina puanchhuah nan a hmang thin bawk.Chutih rual chuan hman sual thei ani bawk. S.India a,Penticostal leh charismetic kohhran tam tak ah chuan an tawnghriat loh a in ang vek maia.Kohhran hoten an pastawr tawnghriatloh an copy tlangpui bawk! Tin,tawnghriatloh a tawng avanga in dah rau bik tur pawh ni lo.

UPC leh IKK,Pawlchhuak,Khurbing te tan chauh ani lo.An tan chuahva dah atan chuan a uihawm lutuk he thilpek hlu tak hi! Presbeterian tan pawh ani a,Bapt tan pawn ani a,Salvation Army tan pawh ani a, Ringtu zawng zawng tan a ni.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s