Chhurbura roh em em; Nahaia'n neihsak phet a tum!

[ Soccer,Football,Ball pet.. ]


American hovin football tih hmingmawi tak chu an phalrai a,soccer an ti tlat a,keini Mizo pawn football kan ti ve mai a,kan naupan lai chuan{šŸ™‚} nute hnenah,“ka nu ball kan pet dawn”

kan ti mai thin.An hrethiam em em mai a.A awmzia hrilhfiah vak an ngai lo.

Sikul ban velah home work kan neih kan ti sawk sawk a,kawmthlang sikul kawt ah ball pet turin,chaw thing tlang hum chungin kan tlan liam nghal mai thin.Pheikhawk kan bun ngai lo,phal anilo hrim hrim.Chu chu kawmthlang sikul a inkhel thin ten ziak loh dan a kan neih ani.Kha tih hunlai khan tun ang a ballboot nalh tak tak la awm ve hek lo.Kawmthlang sikul kawt a inkhel thin zinga ballboot nei ka hriat hmasa ber chu,thianpa Mawia ani.Ani hian ake thing ang chi kha a nei a,pheikhawk bun phal loh a ni chung khan intithei tak in a rawn khai chhuak ve ziah thin.Kan ngaisangin kan awt thei.
Kawmthlang sikul kawt kha hmun rual rem tak ani lova,kan kezungpuitin kan chhuih pilh hlawk chang a van tam tak em.Ka ke zungpui tin hi vawi duai lo a thar ka nei tawh!Hun a lo kal hret a rual u zawk ten,pheikhawk bun an han phal ta a,mahse,ballboot chu bun an la phal chuang lo.Chhungten inkhel mintuipui loh avangin ballboot leina nute pawnfen ipte atranga sih chhuah chu har talh talh tak ani.

Ka inkhelh pheikhawk neihve hmasak ber chu kawng-fu-shu kha a ni.A chhuat a nal em avang in tawlh thluk erawh a awl hle a,nimahsela,freekick vel pet in ball chip kan a nuam em em a,mi chhuih palh pawn a na duh hle.Khatihlai a kawng-fu-shu nei kha chu kan inchhuang larh thin,ballboot nei phah lo rau rau ah khan.

Inrinni phei chuan match ropui lutuk kan khel thin a. Kawngpui leh Vengthlang kan intum thin a.Kan in awmna hi a laklawh angreng a,team a kan insiam dawn hian kan inhial ngei ngei.Kawngpui kam chiah a awm kan ni silo,Vengtlang han tih dawn in vengthlang huam chhung ni chiah bawk si lo ani a.A tawp a tawp ah chuan Kawngpui team ah ka khel ve leh nge nge thin.

Inkhel boruak a sang thei em em a,atirah refree kan han nei ve bawk a,minute15 vel kan inkhel hnuah hian a ham fair lo kan ti a,kan ban leh nge nge thin.Refree nih kha thil nuam tak zawng ani mawlh lo.Freestyle a khelh kha anuam kan ti zawk niang e.Inkhelh tawp lamah hi chuan,kan intibuai ngei ngei a.Kawngpui lam team captain kumhlun U Tetea[Pu.Lallawmsanga-ahuai ber avanga captain ni thin ani ] leh Lalnuntluanga leh Senpuia Vengthlang te an intibuai ngei ngei bawk.An intih buai loh chuan ball pet kan ni tawh tlat lo!

Pawisa inchawi a inkhel chu kan ni ve bawk tak na a.Chak zawk pawh pawisa inpek duh loh te kha ziak loh dan,zawm ngei ngei tur ani tawh ber ang chu.

Chutia kan intibuai a kan rik laih liah tawh hi chuan,kan inkhelhna sikula athawk.Pu Chawngchhuana hian an in atrang hian min rawn hau thin a.Kha tia zirtirtu meuh in,in in tihbuai leh dawn chuan kan sikul kawt ah hian in in khel tawh lovang an tih kha chuan,kan reh diak a,tha deuh khan kan inkhel ve leh mai thin.

Tumkhat chu,kan intibuai nasa ta deuh a,kan inpheksual ta a,Pu Chawngchhuana hi chempui nen a rawn tlan thla a,sikul kawt a rawn thlen chuan,a hmu hmasa sa chu mahni kawh mual mualah ,ramhuai speed in kan tlan chhia a,insual tui fal deuh,U Tetea leh Lalnuntluanga a chu a rawn nangching ta a.A chempui phek zawng chuan an mawngah a hem ta pep pep mai a.Hmunhim atrangin kan lo en a kan lo nuih kiah kiah lai te kha…Hman tih tur an lo ni ve ta reng mai ..!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s