Chhurbura roh em em; Nahaia'n neihsak phet a tum!

[ Engin Nge I Thla Ti Muang ? ]


Kan hriat theuh angin Dt.13.Thawhlehni tlai lam dar 2:30 vel khan China ram pum deuh thaw- ah lira nghing a,a nasatna ber Sichuan Province ah phei chuan mi sang tam tak an thi tawh a.Hemi chungchang hi U Puii of Xi’an nen nimin tlai vek khan kan sawi dun a.An University a a nghin dan leh a hmachhawn dan te min hrilh bawk a.

[ Johana Bung 14:27 ] 话 .


Mi In ang lo pahnih:

He lir nghin lai hian U Puii chu building chhawng 20 ah a awm a,lir a rawn nghin khan building a awm te chuan mangang leh chiai takin hmun him lam an pan a,athen chu kekawrte nen chauh ten an rawn tlan chhuak a. U Puii erawh chu insaseng tho siin,thlamuang tak in a awm tlat a.Thlabar a,mangan na awm ah pawh a Thla a muang tlat si a !

Nizan vek khan,Chengdu(Sichuan) a ka thiannu,Kristian la ni lo hian zanlai vel khan min rawn phone a,a mangan zia leh a thlabar thu te,thinthi a mut theih loh thute min rawn hrilh a.Ka theih ang tawkin ka lo hnem a,atana ka tih theih sang ber chu Tawngtaisak niin ka hria a.Tawngtai a duh leh duh loh ka zawt a,Kristian la ni lo mahse Thlamuanna dil sak a tawngtai chu a duh em em tho.Phone atang chuan ka tawngtai sak ta a.

He ka thiannu hi Amangang a,a Thla a muang lo a ni!(*He ka thiannu manganna leh thlabarna hi ka demna a ni law.)

Thlamuanna chu:
Mitute pawh hian Thlamuanna duh lo kan awm lo vang.Thlamuanna hi ahlu a ni.Mitinin duh mahila chutia apawng atak a neih ngawt theih ani lo.Bazar a lei theih ani lo va,siam chhuah ngawt theih ani hek lo.Hausa apiang neih a ni bik lo.Mi tlabar hma leh mangang hma deuh te kan awm bawk.Pawn lam thil a ni lova,chhung lam thil a ni.

Thlamuan loh theihna hmuna kan awm chiahin Thlamuanna hlut zia kan hria.Tam tak in he khawvel ah hian thlamuanna an zawng a,zawng sual fe fe lah an awm.Chungmi te chuan he khawvel thil nawmsakna leh neih nun na hian chu Thlamuanna chu pe thei in an ngai a.Mi pat hmeichhianna lam ah te an tlan a,sum tak tak neih tum in an bei a.Chu chuan Thlamuanna a pe thei ah an ngai.Hun engemaw chhung chu an Thlamuan pui thei,Nimahsela a chatuan lova,a famkim lo a ni.

Chungmi,thil (material) neih ngah/neih that avanga Thlamuang thin chuan,chung thil te a neih loh hunah chuan a thla a muang lo mai dawn tihna ani.He khawvela kan hmuhtheih thil te hi chu,second khat lek a boral mai thei a ni.Chutiangin kan Nunna ngei pawh hi!

Thlamuanna Dik chu Khawiah nge? :
Hmun ralti leh hlauhawm a kan awm a,kan Thlamuan loh fo nachhan pakhat chu THIH kan hlauh vang or thih la duh loh vang ani.

A chhunga ka sawi tak U Puii hi Lal Isua neitu ani.Thi mahsela a kalna tur a chiang a,chuvang chuan mangan,thih hlauhawmna hmunah pawh a Thla a muang tlat ani.Lo vanduaiin chu lirnghing ah chuan lo thi palh pawh nise,athih hnuah Beisei a neih avangin leh a kalna tur a chian em avangin a thlabar lova, a thla a muang ani!He thlamuanna hi avan hlu em.He Thlamuanna hi ani ,Thlamuanna dik chu ani.

Chu Thlamuanna dik leh famkim chu Lal Isua ah chauh a awm.Amah ngeiin alo sawi a..“Thlamuanna ka hnutchhiah a che u; keima thlamuanna ka pe a che u; khawvelin a pek angin ka pek loh che u hi. In thinlung mangang suh se, hlauh pawh hlau suh u.[Johana 14:27]

Lei leh vana thu neihna zawng zawng neituin,“keima Thlamuana ka pe a che u..” ati.Avan Thlamuan thlak em!Chu chu khawvel pek ang a ni lova,a chatuan a,atlo va,a famkim bawk ani.Chu Thlamuanna nei tawhtu chu a thlabar leh tawh ngai miah lovang tihna lam ani lo va.Mangan, harsat,thlabarna hun a hmachhawn hunah chu,Thlamuanna rilru reng reng a hriat sen loh khan a rawn thlamuan thin zawk ani!Daniala te thianzaho ang khan,meipui alh hluah hluah hma ah pawh an zam lova,an thla a bar lova,Ani meipui chhung ah pawh.Chu harsatna chu Thlamuanna dik petu avang chuan an hmachhawn cho zek zek zawk a ni!

Thlamuanna Dik chu I nei Tawh em?:
He thlamuanna dik Lal Isua pek neih hi a van pawimawh em.A kawng awmchhun chu Amah Lal Isua Lal leh Chandamtu atan a pawm a,neih hi ani.He khawvel thilte hian Thlamuanna famkim leh Hlimna famkim,tluantling min pe thei si lo.He khawvel thilte chu ral leh mai tur an ni,building sang tak tak mawi tak tak te chu,second khat lekah atlu sawp a.Chutiangin kan nunna ngei pawh chu mitkhap kar lohvah lak mai theih ani.

Sichuan/Wenchuan County a building in a chim hnan tak middle sikul zirlai 900 rual khan Tuesday zing khan an Nunna chu darkar reiloteah atawp dawn tih an hre silo.Kan nunna thu ah hian kan van thu lo em!

Engin nge i thla ti muang le? I Bank account a sum ten em ni?Hna tha tak i thawh/neih vang em ni?I thiamna ten em ni i thlatimuang le?Nge in chhung kaw neih nun vang?In leh lo tha tak in neih vang?Heng hi mihring nunah a pawimawh em em,nimahsela,innghahna tak tak tlak a ni lova,reilote a ral leh mai thei vek an ni.

He khawvel thilah chauh i thlamuana a in nghat a ni emaw,Thlamuanna Dik hi i la nei lo a nih chuan,Thlamuanna famkim neitu Lal Isua hnenah in tulut la,a hnenah in pum pek rawh.Chutin,A nin A lo Thlamuan ang che!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s