Chhurbura roh em em; Nahaia'n neihsak phet a tum!

[ Chhawrthlapui Zun ]


Tunlai chu class kal bakah,kan ‘ringthar’ te training kan pekna lamah ka buai deuh ava.Heng kan ringthar te hian engtin nge anmahni mileh sa /an khauah hian ChanchinTha hi an hril let theih ang? Engtiangin nge an mahni khua-ah CPM Movement an tan theih ang ? Thingtlang khua kan kal duhna,sorkarin rem ati vak lona ah te hian engtin nge,chhan tha tak nei siin kan kal theih ang ? ti a, bengsik a,chhip sam thril thawt thawt khawp a [:D] ngaituahna kan seng laiin.


Z
antir lam khan thianpa Muante an SMS min rawn thawn a,min ti ho zo lek vek dawn anih hi…’..A BAWIH-i hla zir ban a nghah mek thu leh aban huna an pahnihte chauhva thla eng an thlir dun tur thu min rawn hrilh a,thaleng kan thlir dun laiin kan rawn phone ang che a la ti ta deuh deuh.., a va han tul lo thin tak em..! Mi neih lo ang nei hi a ang bik thin ania ka thianpa hi chu :D. [Utarranchal atrangin A BAWIH-i ngai in ahawng nal nal ani awm e..!! :))

[By the way,Muantea nen hian tette atranga inkawm,thianin ngam in sawisa/infiam reng mai kan ni..Kan in kawm tirh chuan Chhimbal pawh hi a la “black & White”..:P]

Chu SMS chuan ka sihhnip laiah min dek a,rin ang ngei ngei in min keuh thlu a,kan tlu leh ta hawn hawn mai hei, sawi loh tur tha tha kan sawi phah leh teuh dawn.Thianpa Lalmuanpuia vang vek 🙂

Chhawrthlapui zun :
Tute zunah emaw kan uaia,kan uaina ten an zunah kan uai ani tih an hriat miah loh tluka thil lungchhiatthlak leh tawrhhar hi a awm awm lo ve.Tute emaw zuna kan uaina chu eng ‘rau’ pawh chu lo nise. ‘Khawihtluthei ‘ pana dam ngawt chi ani lo va,pan loh avanga dam a,reh ngawt chi lah ani hek lo.Mahni leh mahni in tihdam tum chu a damdawi tha ber a ni awm e.

Chhawrthlapui a eng no nghul tawh mai hi chuan keini ang rinna chak lo ho hi chu kan buai tlat thin a,kan buai chhan erawh kan hre lem hlei law! Siamtharlehna Camp vela luh te pawh kan ngai ani ta ve ang..!

Val ‘luck’ deuhte tihdan dungthul a,chu chhawrthlapui eng no hnuaia hmangaih biahthu ‘D han hlan tur neihte hi han chhak ve viau thin mahila,thalvaekchhar laia tui van zia an sawi ang mai hian, chutiang a keini tehlul in a biahthu ‘D kan hlan ve tur chu an awm miau thin si loh avang hian,atawp atawp ah chuan,kan mangang hi rizai hnuaiah thlan tla phungin kan in ‘thulkhung‘ leh nge nge thin.Zuna uai azawnga hlawk lo ber a ni.
A syndrome Lunglen :
Chu chhawrthlapui zuna uai ina an vei tel ngei ngei syndrome pakhat chu ‘Lunglen’ hia ni. Mifate Chhawrthlapui zuna uaia,Lungleng ve te chuan, hla ropui tak tak te,khawvel awm chhung pawh mitena an sak nin theih tawh loh turte an sual chhuak a.

An lungleng chuan an ram fan tawhte an hre chhuak a,Eiffel Tower atranga Paris khawpui an thlir laite,Patkaia beach vela an duhtak -i te nen a tual an chai lai te,Hollywood flimstar te tual chaina ‘lawilodawrpui’ an fang laite,Hawaii beach vel atrang zing nichhuak tur kawl engmawi tak mai an thlir lai te an hre chhuak uarh uarh thin laiin.

Keini ve zawngin,Hmingziak tlangte, Durtlang saphal ram leh Tuipawl lui te kan mithla a.Chekbawk ram leh Thingzam rama,lawmnu te nen a hlopui kan thloh ho lai te,thlawh laia laksan kan in kal siak thin te,feh hawn kawng a,lawmnu te kan chhawm hawn thin lai te rilru ah a lo lang daih a.

Chumai a la ni lo, kekawr mawng pawp vawi tam tak bel tawh,khawng urhmai ha a,Kawmthlang Sikul a,kan ‘number eleven’ lo lawr thui lutuk rang tak tak a kan sut luh thin laite.Kan sut luh peih lo chin ,kan kawr ban,veilam zawnga kan han hrut kual a,thlasik laia chung kan hrutna ban leh biang achhat khir iarh thin laite.
“Chal a chil hnawp hmasa sa” tiha rual u zawk tena min fuihpawrh a,kan pawrh turh turh thinlai te,kan inbihruksiak tur,” Ing ki ing ki pawng ki…father hetsa dawng ki,dawng ki trais,father trais ” tia ring deuh deuh va kan au thin laite. Motor lem khal a,hmawlhte keng chunga, hmui pawrh sung a kan tlan vu thlurh thlur laite.

Chithak leh tuithak tui kan tih thei zia te,Boss U Lalpheseka kid nih ka chhak thei thinzia te. “…Thimthainumawngtawlh mawng tawlh,ar a khuang dawn e lo tho ru, lo tho ru..Titi ik ikkkk..” tia, Kawmthlang Sikul offis hnuai leivung kan hai thin lai te,Thimthainumawngtawlh in seh tir a hmeichhe hoin, hnute a um hma duh an tih thin lai te kha..!!

Hengtiang vel mai mai te hi keini,rawlthar nih laia chhip sam tla kawlh hovina, Chhawrthlapui kan han thilr ve changa, kan Lung ti leng ve em em mai thin chu an ni tlat pek a…Ropui lo thei thin a sin awww…! Thianpa, Si-pi-kar,Faktea khawih thluk ka ngai a ni chiang ang..!!🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s