Chhurbura roh em em; Nahaia'n neihsak phet a tum!

[ Khuanu Samsuih Kan Ni Lo A Niang – I ]


Sawma chu Aizawl veng pakhat tlangval rawlthar Kum 19 mi a ni a.Tlangval lian lem lo tak,hmel fel vang mai leh harhvang tak a ni a.Kohhran leh KTP thil tih a a phak ang tawk a in hmang a,Thlarau Bo te veina neilian tak a ni bawk.A thiltih tawh ah chuan hlawhtlin ngei duh a bei thin,tumruh tak leh nu leh pa thuawih thei tak ani a.Kawihah pawh awm se,Mizo Tlawmngaihna vawng nun tlat duh thin,Mizo nihna zahpui ngai lo mi a ni.


Kum 2000 Jannuary thla khan,India rama State pakhat Maharashtra a,khawpui pakhat Pune-ah,DTS [ Pathianthu lama in tuai tharna training, thla 5 course] ah chuan a training ve a.He training-na hi,International a nih avangin,khawvel ram hrang hrang atrangin he training bei tur hian an lo kal khawm thin a.Tin, thawktute pawh hnam hrang hrang an ni.


Sawma chuan an training chu nuam a tiin,teaching an ngaihthlak te pawh a hlawk pui hle a.Pathian nen hian he hun chhung hian an leng dun bik riau tena hre thin.Pathianthu chauh lohvah pawh thil tam tak a zir a.Abikin ani phei chu tunhma a hnamdang,Sap/vai te nena la khawsa ho ngailo a ni bawk nen.Harsa tih chang pawh a nei thin.

Training-ho zinga naupang ber a nih avang leh athil tihah ati tak tak nia an hriat avangte chuan,Staff ho te lawm leh ngainat pawh a hlawh hle a.


T
ichuan thla 5 hnuah chuan,a trainingte chu hlawk tak leh tha takin a zo ve ta a.A training zawh hnua chuan,an trainingna Director chuan Sawma chu Staff a thawk chhunzawm turin a sawm nghe nghe a.Sawma pawh chuan,rawngbawl zel tur a intuai hriamna atan apawimawh dawn hle a a hriat avang chuan,Kum khat chu thawk tur chuan a rilru a siam fel ta a.


Ani thei dawn em ni !?

Tichuan,Sawma chu staff ah chuan trangin,thahnem ngai takin a thawk a.Hotute leh a staff puite ngainat pawh ahlawh chhunzawm zel a.Naupang ber e tilovin,a staff pui a aia u deih zawk leh rawngbawlna kawngah pawh experience ngah awm zawk te pawh chuan,an harsatna leh an thuruk hrilhna ber atan an hmang a.

Tuk khat chu,Sawma choka-ah hmun tifel vela a awm lai chuan,an staff pui pakhat,American nula Emily chuan lehkha hi a rawn pe a.Emily chuan,” Hei I lehkkhatur a nia,I room-ah nakinah I chhiar dawn nia” a ti a.A chhuasan leh mai a.Sawma chhiar chak tawh lutuk chuan,a thiltih lai pawh chu ti zo lovin,bathroom ah a tlan lut a,lehkha chu an chhiar ta a..!


A rin phak loh leh a lo beisei ngai reng reng loh,mumangah pawh ala mang chin ngai lo thil a thleng ta..Sawma chuan mak a ti a,awih harsa a ti a,chhungrilah chuan,lawmna aiin mak tihna chu a lian zawk.Chu lehkha ah chuan,tawi fel tak hian, heti hian alo in ziak a.:

Sawma,Hetia ka lehkha I dawng mai hi mak I ti mai thei.Kan in hmelhriatna kum khat dawn a nita,Pathian i thinlung zawng zawng leh chakna zawng zawng-in I Hmangaih in ka hria.Tin, I nelawm in kawmi nuam a,engtik lai/engtik hunah pawh,mitute pawh tanpui I in huam reng a.Chu chuan min hip a,I thinlung ah hian Hmunruak a awm a nih chuan, chu chu luah ngei ka duh ani.He thu hi kan Director pawh ka hrilh tawh (dan anih avangin).I remchan velah I rilru min hrilh ve dawn nia.

Love- Emily… tiin.


S
awma chuan awih harsa a la ti,an chhiar nawn leh thin,a takngei chu ani si.Chutia,Sap-nula,chhe lo leh fel pawh a lo ti rilruk ve em em,mahse,chutia ngaihzawng ang tura beisei leh ngaihtuah pawh a ngaihtuah ngai loh in,a duh thu chutia an hrilh ta mai chu,a tan chuan awih a harsa ani.Anihna tak ah chuan,phu lo a in ti em a ni!


Emily chu Tunge?
– tiin Part -II kan chhunzawm ang.

[ A tak a thleng ngei behchhan a ziah ani a,hming/hmun hming te erawh thlak danglam an ni..! ]


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s